Renin-angiotenzin tizimiga ta’sir etuvchi vositalar. Gidroxlorotiazid bilan majmuasi.

S09X A52.

So‘rilishi. Ichga qabul qilinganidan so‘ng qon plazmasida aliskiren maksimal kontsentratsiyasiga 1-3 soatdan keyin erishiladi. Aliskirenning mutloq biokiraolishligi 2-3% ni tashkil etadi. Tarkibida yog‘ miqdori ko‘p bo‘lgan ovqat Cmax ni 85% ga, AUC ni 70% ga pasaytiradi. Qon plazmasida muvozanatli kontsentratsiyasiga sutkada 1 marta qabul qilinganidan so‘ng 5-7 kun davomida erishiladi, muvozanatli holatdagi darajasi esa, boshlang‘ich dozasi qabul qilingandan keyingi darajasiga nisbatan 2 marta yuqoridir. Taqsimlanishi. Aliskiren ekstravaskulyar (qon tomiridan tashqaridagi) bo‘shliqda yaxshi taqsimlanadi. Aliskirenni plazma oqsillari bilan bog‘lanishi o‘rtacha darajada (47-51%) va kontsentratsiyasiga bog‘liq emas. Metabolizmi va chiqarilishi. Yarim chiqarilish davri taxminan 40 soat (34-41 soatlar diapazonida) ni tashkil etadi. Aliskiren axlat bilan asosan o‘zgarmagan holda chiqariladi. Umumiy dozasining taxminan 1,4% CYP3A4 fermenti ishtirokida metabolizmga uchraydi. Dozaning taxminan 0,6% siydik bilan chiqariladi. Vena ichiga yuborilganidan so‘ng plazmadagi o‘rtacha klirensi soatiga taxminan 9 l ni tashkil etadi. Proportsionalligi. Aliskirenni ekspozitsiyasi dozani proportsional ravishda oshishiga nisbatan biroz ko‘proq oshadi. 75 mg dan 600 mg gacha bo‘lgan dozada bir marta qo‘llanganidan so‘ng yoki dozani 2 marta oshishi AUC va Cmax qiymatini muvofiq taxminan 2,3 va 2,6 marta oshishi kuzatiladi. Dozaning proportsionalligidan bunday siljitish uchun javob beradigan mexanizmlar ma’lum emas. Taxminiy mexanizm bo‘lib, so‘rilish joyidagi tashuvchilarni saturatsiyasi yoki gepatobiliar chiqarilish yo‘li hisoblanadi.

Kattalarda aliskiren yoki gidroxlorotiazid bilan monoterapiya o‘tkazilganida arterial bosimni (AB) yetarli darajada nazorat qilib bo‘lmaydigan yoki majmuaviy preparatning tarkibiga kiruvchi dozalarda bir vaqtda buyurilgan aliskiren va gidroxlorotiazid bilan AB ni adekvat nazorat qilish mumkin bo‘lgan essentsial gipertenziyani davolash uchun qo‘llanadi.

Rasilez NST ning tavsiya etilgan dozasi – kuniga 1 tabletkani tashkil etadi. Rasilez NST preparatini yengil ovqat bilan birga, bir marta, kunning aynan bir vaqtida qabul qilgan afzal. Preparatni qabul qilishda greypfrut sharbatini ichish mumkin emas. Antigipertenziv samarasi 1-hafta davomida ahamiyatli darajada namoyon bo‘ladi, maksimal samarasi esa odatda 4 hafta davomida kuzatiladi. Qandli diabetning II tipi bilan xastalangan patsiyentlarga preparatni angiotenzinga aylantiruvchi fermentning ingibitorlari (AAF ingibitorlari) yoki angiotenzin II retseptorlarining blokatorlari (ARB) bilan birga qo‘llash mumkin emas. Aliskiren yoki gidroxlorotiazid bilan monoterapiya o‘tkazilganida yetarli darajada nazorat qilib bo‘lmaydigan AB bo‘lgan patsiyentlarda preparatning dozasi. Majmuaviy preparatni qo‘llashdan oldin har bir adohida komponentining dozasini titrlash tavsiya etiladi. Agar klinik jihatdan zarur bo‘lsa, u holda monoterapiyani fiksatsiyalangan majmuani qo‘llashga bevosita o‘zgartirish xaqidagi masala ko‘rib chiqiladi. Rasilez NST 150 mg/12,5 mg, monopreparatlar: aliskiren 150 mg dozada yoki gidroxlorotiazid 12,5 mg, dozada qo‘llanganida AB ni yetarli darajada nazorat qilib bo‘lmaydigan patsiyentlarga buyuriladi. Rasilez NST 150 mg/25 mg, monopreparatlar: aliskiren 150 mg dozada yoki gidroxlorotiazid 25 mg dozada qo‘llanganida yoki Rasilez NST 150 mg/12,5 mg majmuaviy preparat qo‘llanganida AB ni yetarli darajada nazorat qilib bo‘lmaydigan patsiyentlarga buyuriladi. Rasilez NST 300 mg/12,5 mg, monopreparatlar: aliskiren 300 mg dozada yoki gidroxlorotiazid 12,5 mg dozada qo‘llanganida yoki Rasilez NST 150 mg/12,5 mg majmuaviy preparat qo‘llanganida AB ni yetarli darajada nazorat qilib bo‘lmaydigan patsiyentlarga buyuriladi. Rasilez NST 300 mg/25 mg monopreparatlar: aliskiren 300 mg dozada yoki gidroxlorotiazid 25 mg dozada qo‘llanganida yoki Rasilez NST 300 mg/12,5 mg yoki 150 mg/12,5 mg majmuaviy preparat qo‘llanganida AB yetarli darajada nazorat qilib bo‘lmaydigan patsiyentlarga buyuriladi. Agar AB 2-4 hafta davomida davolangandan so‘ng AB nazorat qilina olmasa, Rasilez NST 300 mg/25 mg preparatining dozasi maksimal dozagacha titrlanadi, sutkada bir marta qabul qilinadi. Doza individual ravishda bo‘lishi va klinik samaradorligiga muvofiq tanlanishi kerak. Buyrak faoliyatini buzilishi. Preparat buyrak faoliyatini yengildan o‘rtacha og‘irlik darajasigacha buzilishi bo‘lgan patsiyentlarga buyurilganida boshlang‘ich dozasiga tuzatish kiritishning zarurati yo‘q. Preparatning tarkibiga gidroxlorotiazid kirganligi sababli, Rasilez NST buyrak faoliyatini buzilishining og‘ir shakli (kalavalar filtratsiyasi tezligi (KFT) < 30 ml/min/1,73 m2) bo‘lgan patsiyentlarda qo‘llash mumkin emas. Jigar faoliyatini buzilishi. Jigar faoliyatini buzilishi bo‘lgan patsiyentlarga tiazid diuretiklarni ehtiyotkorlik bilan buyurish kerak. Preparat jigar faoliyatini yengildan o‘rtacha og‘irlik darajasigacha buzilishi bo‘lgan patsiyentlarga buyurilganida boshlang‘ich dozasiga tuzatish kiritishga zarurat yo‘q. Preparatning tarkibida gidroxlorotiazid borligi sababli, Rasilez NST preparatini og‘ir darajadagi jigar yetishmovchiligi bo‘lgan patsiyentlarga juda ehtiyotkorlik bilan buyurish kerak. Keksa yoshdagi (65 yoshdan oshgan) patsiyentlar. Preparat 65 yosh va undan oshgan patsiyentlarga buyurilganida preparatning boshlang‘ich dozasiga tuzatish kiritishga zarurat yo‘q. Bolalar (18 yoshgacha). Rasilez NSTni 2 yoshgacha bo‘lgan bolalarga qo‘llash mumkin emas. Aliskirenni haddan ziyod ekspozitsiyasi bo‘lishi mumkinligi tufayli, Rasilez NST preparatini 2 yoshdan 6 yoshgacha bo‘lgan bolalarga qo‘llash mumkin emas. 6 yoshdan 18 yoshgacha bo‘lgan bolalar uchun Rasilez NST preparatining xavfsizligi va samaradorligi aniqlanmagan. Ushbu patsiyentlar populyatsiyasida Rasilez NST preparatini qo‘llash tavsiya etilmagan.

Nojo‘ya reaktsiyalarni rivojlanish tez-tezligi patsiyentning jinsi, yoshi, tana vazni indeksi, irqiy va etnik belgilariga bog‘liq emas. Nojo‘ya reaktsiyalar odatda yengil darajada va vaqtinchalik bo‘ladi va kam hollarda preparatni bekor qilishni talab etadi. Eng ko‘p tarqalgan nojo‘ya reaktsiya diareya bo‘lgan. Me’da-ichak yo‘llari tomonidan buzilishlar: Diareya: aliskiren qo‘llanganida rivojlanadigan dozaga bog‘liq nojo‘ya reaktsiya diareya hisoblanadi. Qon zardobidagi kaliy: aliskiren (150 mg yoki 300 mg) va gidroxlorotiazid (12,5 mg va 25 mg) ning qon zardobidagi kaliyning darajasiga qarama-qarshi ta’siri muvozanatlangan. Ba’zi patsiyentlarda bir yoki boshqa ta’siri ustun bo‘lgan. Elektrolitlar muvozanatini buzilishi mumkinligini aniqlash uchun, xavf guruhidagi patsiyentlarda qon zardobidagi kaliyning darajasini monitoringini o‘tkazish kerak. Alohida komponentlariga nisbatan qo‘shimcha ma’lumot Preparatning alohida komponentlari qo‘llanganida xabar berilgan nojo‘ya reaktsiyalar Rasilez NST preparati qo‘llanganida ham rivojlanishi mumkin.

Preparatning ta’sir etuvchi moddasiga, har qanday boshqa komponentiga yoki sulfonamidlarning boshqa hosilalariga o‘ta yuqori sezuvchanlik. Homiladorlik, homiladorlikni rejalashtirish. Anuriya. Qandli diabetning II tipi bo‘lgan patsiyentlarda aliskirenni angiotenzin retseptorlarining blokatorlari (ARB) va angiotenzinga aylantiruvchi fermentning (AAF) ingibitorlari bilan bir vaqtda qo‘llash mumkin emas. 2 yoshgacha bo‘lgan bolalarda qo‘llash mumkin emas.

Buyrak faoliyatini buzilishi/qon zardobida elektrolitlar muvozanatini o‘zgarish xavfi Renin-angiotenzin tizimiga (RAAT) ta’sir qiluvchi boshqa preparatlarni qo‘llash tajribasiga asosan, aliskiren kaliy, zardobdagi kreatinin va qondagi mochevina azotining darajasini oshirishi mumkin. Qon zardobidagi kaliyning darajasi RAAT ga ta’sir qiluvchi boshqa preparatlar, yoki NYAQP, shu jumladan tsiklooksigenaza-2 ning selektiv ingibitorlari (SOX-2 ingibitorlari) bir vaqtda qo‘llanganida oshishi mumkin. Buyrak faoliyatini yomonlashishi aliskiren va RAAT ga ta’sir qiluvchi preparatlar yoki NYAQP bir vaqtda qabul qilgan patsiyentlarda, yoki allaqachon mavjud bo‘lgan buyrak kasalliklari, qandli diabet yoki gipovolemiya, yurak yetishmovchiligi yoki jigar kasalliklari kabi buyrak faoliyatini buzilishiga olib keluvchi boshqa klinik holatlari bo‘lgan patsiyentlarda rivojlanishi mumkin. Standart tibbiy amaliyotga muvofiq, Rasilez preparatini gidroxlorotiazid bilan majmuada qo‘llashni boshida, kuzatilishi mumkin bo‘lgan elektrolit (kaliy) disbalansini aniqlash maqsadida qon zardobidagi elektrolitlarning kontsentratsiyasini sinchikov monitoringini o‘tkazish va keyinchalik vaqti-vaqti bilan nazorat qilish tavsiya etiladi. Tiazid diuretiklar gipokaliyemiyani rivojlanishini qo‘zg‘atishlari yoki mavjud bo‘lgan gipokaliyemiyani og‘irlashtirishi mumkin. Organizmdan kaliyni kuchli yo‘qotilishi bilan kechuvchi klinik holatlar, masalan, tuzlarni yo‘qotilishi va buyrak faoliyatini prerenal (kardiogen) buzilishlari bilan kechuvchi nefropatiyasi bo‘lgan patsiyentlarga tiazid diuretiklarni ehtiyotkorlik bilan buyurish kerak. Agar gipokaliyemiya klinik ko‘rinishlar (masalan, mushaklarni sustligi, falaj yoki EKG dagi o‘zgarishlar) bilan namoyon bo‘lsa, Rasilez NST preparatini qabul qilishni to‘xtatish kerak. Tiazidlarni qabul qilishni boshlashdan oldin gipokaliyemiyani va unga yondosh bo‘lgan har qanday etiologiyali gipomagniyemiyani muvofiqlashtirish tavsiya etiladi. Qon zardobidagi kaliy va magniyning kontsentratsiyasini vaqti-vaqti bilan aniqlash kerak. Tiazid diuretiklarni qabul qilayotgan patsiyentlarda elektrolitlar disbalansini (ayniqsa kaliyni disbalansini) aniqlash maqsadida monitoring o‘tkazish tavsiya etiladi. Tiazid diuretiklar giponatriyemiya va gipoxloremik alkalozni rivojlanishini qo‘zg‘atishi yoki mavjud bo‘lgan giponatriyemiyani og‘irlashtirishi mumkin. Yakka hollarda nevrologik simptomlar (ko‘ngil aynishi, progressiv dezoriyentatsiya, apatiya) bilan kechuvchi giponatriyemiya kuzatilgan. Buyrak faoliyatini buzilishlari avvaldan mavjud bo‘lgan patsiyentlar Yengil va o‘rtacha darajadagi buyrak yetishmovchiligi (KFT ≥ 30 ml/min) bo‘lgan patsiyentlarga preparatning boshlang‘ich dozasiga tuzatish kiritish talab eilmaydi. Og‘ir darajadagi buyrak yetishmovchiligi bo‘lgan patsiyentlarga Rasilez NST preparatini qo‘llash tavsiya etilmaydi. Og‘ir darajadagi buyrak yetishmovchiligi (KFT < 30 ml/min) bo‘lgan patsiyentlarga Rasilez NST preparatini RAAT ga ta’sir qiluvchi boshqa preparatlar bilan bir vaqtda qo‘llash tavsiya etilmaydi. Buyrak arteriyasini stenozi bo‘lgan patsiyentlar Buyrak arteriyasini bir tomonlama yoki ikki tomonlama stenozi bo‘lgan yoki yagona buyrak arteriyasini stenozi bo‘lgan patsiyentlarga Rasilez preparatini gidroxlorotiazid bilan majmuada qo‘llash yuzasidan ma’lumotlar yo‘q. RAAT ga ta’sir etuvchi boshqa preparatlar buyrak arteriyasini ikki tomonlama yoki bir tomonlama stenozi bo‘lgan patsiyentlarning qon zardobida mochevina va kreatininning darajasini oshirishi mumkin bo‘lganligi sababli, ularga qo‘llaganda ehtiyotkorlikka rioya qilish kerak. Simptomatik gipotenziya xavfi Rasilez NST preparatini qo‘llashni boshlashdan oldin quyidagi holatlarda: natriyning miqdori past bo‘lgan patsiyentlarda va/yoki;qon-tomirlar ichidagi qon hajmi kam bo‘lgan patsiyentlarda;renin-angiotenzin-aldosteron tizimi (RAAT) ga ta’sir qiluvchi boshqa preparatlar bilan majmuada qo‘llangan patsiyentlarda simptomatik gipotenziya kuzatilishi mumkin. Giponatriyemiya va/yoki gipovolemiya aniqlangan patsiyentlar Og‘ir darajadagi giponatriyemiya va/yoki gipovolemiyada, masalan diuretiklarni yuqori dozalarda olayotgan patsiyentlarda Rasilez NST preparati bilan davolash boshlanganidan so‘ng, kam hollarda simptomatik gipotoniya rivojlanishi mumkin. Rasilez NST preparatini giponatriyemiya va/yoki gipovolemiyaning har qanday mavjud bo‘lgan holatlari muvofiqlashtirilgandan keyin qo‘llash kerak. Aks holda davolashni sinchkov tibbiy kuzatuv ostida boshlash kerak. Jigar faoliyatini buzilishi bo‘lgan patsiyentlar Yengil va o‘rtacha darajadagi jigar yetishmovchiligi bo‘lgan patsiyentlarda preparatning boshlang‘ich dozasiga tuzatish kiritish talab etilmaydi. Preparatning tarkibida gidroxlorotiazid borligi sababli, og‘ir darajadagi jigar yetishmovchiligi bo‘lgan patsiyentlarga Rasilez NST preparatini ehtiyotkorlik bilan qo‘llash kerak. Yurak yetishmovchiligi. Og‘ir darajadagi yurak yetishmovchiligi (NYHA bo‘yicha III-IV funktsional sinf) bo‘lgan patsiyentlarga aliskiren ehtiyotkorlik bilan buyuriladi. Yurak yetishmovchiligi bo‘lgan patsiyentlarga Rasilez NST preparatini ehtiyotkorlik bilan buyurish kerak, chunki uning klinik samaradorligi va xavfsizligiga nisbatan yetarli ma’lumotlar yo‘q. R-glikoproteinning o‘rtacha faol ingibitorlari. 300 mg aliskiren va 200 mg ketokonazolni bir vaqtda buyurish aliskirenning AUC ni 76% ga oshishiga olib keladi, ammo ketokonazol kabi r-glikoproten ingibitorlari to‘qimalardagi preparatning kontsentratsiyasini, qon plazmasidagi kontsentratsiyasiga nisbatan ahamiyatli darajadagi oshirishi mumkin. Shuning uchun aliskiren va r-glikoproteinning o‘rtacha-faol ketokonazol kabi ingibitorlarini bir vaqtda ehtiyotkorlik bilan buyuriladi. Aortal va mitral klapan stenozi, obstruktiv gipertrofik kardiomiopatiya. Boshqa vazodilatatorlar qo‘llanganida bo‘lgani kabi, preparat aortal yoki mitral klapan stenozi yoki obstruktiv gipertrofik kardiomiopatiya bo‘lgan patsiyentlarga juda ehtiyotkorlik bilan buyuriladi. Metabolizm va endokrin tizimiga ta’siri. Tiazid diuretiklarni qo‘llash glyukozaga tolerantlikni yomonlashtirishi, shuningdek qon zardobida xolesterin va triglitseridlarning darajasini oshishiga olib kelishi mumkin. Qandli diabeti bo‘lgan patsiyentlarda insulin yoki peroral gipoglikemik preparatlarning dozalariga tuzatish kiritish talab etilishi mumkin. Tiazid diuretiklar bilan davolanish davomida yashirin qandli diabet rivojlanishi mumkin. Boshqa siydik haydovchi vositalar kabi, gidroxlorotiazid qon zardobida siydik kislotasi darajasini oshirishi mumkin, bu siydik kislotasining klirensini pasayishi bilan bog‘liq bo‘lib, bunga moyil patsiyentlarda giperurikemiyani chaqirishi yoki og‘irlashtirishi va podagrani rivojlanishini qo‘zg‘atishi mumkin. Tiazidlar kaltsiyni siydik bilan ekskretsiyasini pasaytiradilar va kaltsiy ionining metabolizmini ma’lum buzilishlari bo‘lmaganida qon zardobida kaltsiyning darajasini ahamiyatsiz darajada oshirishi mumkin. Gidroxlorotiazid kaltsiyning kontsentratsiyasini oshishiga olib kelishi mumkinligi sababli, uni giperkaltsiyemiyasi bo‘lgan patsiyentlarda ehtiyotkorlik bilan qo‘llash kerak. Tiazid diuretiklarni bekor qilishga reaktsiya ko‘rsatmagan yoki kaltsiyning darajasi ≥ 12 mg/dl bo‘lgan yaqqol giperkaltsiyemiya, tiazid guruhiga mansub diuretiklarni qabul qilishdan qat’iy nazar, bemorda giperkaltsiyemiyani borligidan dalolat berishi mumkin. Tiazid diuretiklar bilan uzoq vaqt davomida davolanayotgan, giperkaltsiyemiya va gipofosfatemiyasi bo‘lgan ba’zi patsiyentlarda qalqonsimon bez oldi bezlarining patologik o‘zgarishlari kuzatilgan. Giperkaltsiyemiya yuz berganida keyinchalik diagnostik aniqlash choralarini ko‘rish kerak. Umumiy ehtiyotkorlik choralari Og‘ir darajadagi va davomli diareya rivojlanganida Rasilez NST preparatini qo‘llashni to‘xtatish kerak. Boshqa antigipertenziv preparatlar qo‘llanganida bo‘lgani kabi, ishemik kardiomiopatiya yoki YUIK bo‘lgan patsiyentlarda AB ahamiyatli darajada pasayishi miokard infarkti va insultni rivojlanishiga olib kelishi mumkin. Gidroxlorotiazidga nisbatan o‘ta yuqori sezuvchanlik reaktsiyalari anamnezida allergiya yoki bronxial atstmasi bo‘lgan/bo‘lmagan patsiyentlarda rivojlanishi mumkin, ammo anamnezida shunday holatlari bo‘lgan patsiyentlarda ularni rivojlanish ehtimoli yuqoridir. Tiazid diuretiklari qo‘llanganida tizimli qizil yugurikni zo‘rayishi yoki faollashishi to‘g‘risida xabar berilgan. Anafilaktik reaktsiyalar va angionevrotik shish

Homiladorlik Homilador ayollarda aliskirenni qo‘llash yuzasidan adekvat ma’lumotlar yo‘q. Homiladorlik vaqtida angitenzin-renin tizimiga bevosita ta’sir ko‘rsatuvchi preparatlarni qo‘llash homila va yangi tug‘ilgan chaqaloqda patologiyani rivojlanishini chaqirishi, shuningdek o‘limga olib kelishi mumkin. Tiazid diuretiklar, shu jumladan gidroxlorotiazidni ona qornidagi homilaga ta’siri homila yoki yangi tug‘ilgan chaqaloqda sariqlik va trombotsitopeniyani rivojlanish hollari bilan bog‘liq. Rasilez NST preparatini homilador ayollarga yoki homiladorlikni rejalashtirayotgan ayollarga qo‘llash mumkin emas. Rasilez NST preparati bilan davolanish vaqtida homiladorlik rivojlansa, preparatni qabul qilishni zudlik bilan to‘xtatish kerak. Emizish davri Gidroxlorotiazid ko‘krak suti bilan ajralib chiqadi. Aliskirenni odam suti bilan ajralib chiqishi aniqlanmagan. Rasilez NST preparatini emizish davrida qo‘llash mumkin emas. Fertillik Odamda aliskiren va gidroxlorotiazidni fertillikka ta’siri yuzasidan ma’lumotlar yo‘q.

30oS dan yuqori bo‘lmagan haroratda, namlikdan himoyalangan joyda saqlansin.

Rasilez NST preparati bilan davolanganda dozani oshirib yuborilishi yuzasidan ma’lumotlar yo‘q. Dozani oshirib yuborilishini taxminiy belgisi arterial gipotenziya hisoblanadi, bu aliskirenning antigipertenziv samarasi bilan bog‘liq. Gidroxlorotiazidning dozasini oshirib yuborilishi diurezni haddan tashqari kuchayishi oqibatida organizmda elektrolitlar zahirasini kamayishi (gipokaliyemiya, gipoxloremiya, giponatriyemiya) va degidratatsiya bilan assotsiatsiyalanadi. Dozani oshirib yuborilishini eng xarakterli belgilari bo‘lib ko‘ngil aynishi, va uyquchanlik hisoblanadi. Gipokaliyemiya mushak spazmlarini rivojlanishiga va/yoki yurak aritmiyalarini zo‘rayishiga olib keladi, bu angishvonagul glikozidlari yoki ma’lum antiaritmik preparatlarni bir vaqtda qo‘llash bilan bog‘liq. Davolash. Simptomatik va tutib turuvchi davolash o‘tkaziladi. Gemodializ muolajasini oladigan, buyrak yetishmovchiligining terminal bosqichi bo‘lgan patsiyentlar ishtirokida o‘tkazilgan tadqiqotlar vaqtida, aliskirenning dializ klirensi past (preparat peroral qabul qilinganida klirensi < 2%) bo‘lgan. Shuning uchun dializ aliskirenning dozasini oshirib yuborilishini davolash uchun samarali hisoblanmaydi.

Retsept bo‘yicha

14 tabletkadan blisterda; 1 yoki 2 blister karton qutida.

2 yil.