sariq rangli, ikki tomoni qavariq, qobiq bilan qoplangan tabletkalar.

me’da va o‘n ikki barmoq ichak yarasiga qarshi vositalar (N-blokator).

A02VA02

Me’da-ichak yo‘llaridan tez so‘riladi. Ovqat qabul qilish so‘rilish darajasiga ta’sir ko‘rsatmaydi. Ichga qabul qilinganida ranitidinning biokirishaolishligi taxminan 50% ni tashkil qiladi. Preparat bir marta qabul qilinganidan so‘ng 2-3 soatdan keyin plazmada maksimal kontsentratsiyasiga erishiladi. Qon oqsillari bilan bog‘lanishi 15% dan oshmaydi. Desmetilranitidin va S-oksiranitidin hosil bo‘lishi bilan jigarda biroz metabolizmga uchraydi. Jigardan “birinchi o‘tish” samarasiga ega. Eliminatsiya darajasi va tezligi jigarning holatiga kam darajada bog‘liq. Ichga qabul qilinganidan so‘ng yarim chiqarilish davri – 2,5 soat, kreatinin klirensi minutiga 20-30 ml bo‘lganida – 8-9 soat. Asosan siydik orqali o‘zgarmagan holda, ozgina qismi – ahlat bilan chiqariladi. Yo‘ldosh orqali o‘tadi. Gematoentsefalik to‘siq orqali yomon o‘tadi. Ko‘krak suti bilan (ayollarda emizish davrida ko‘krak sutidagi kontsentratsiyasi plazmadagiga nisbatan yuqori) chiqariladi.

Nosteroid yallig‘lanishga qarshi preparatlarni qabul qilish bilan bog‘liq bo‘lgan, me’da va o‘n ikki barmoq ichak yara kasalligini zo‘rayishi, reflyuks-ezofagit, Zollinger-Ellison sindromi, me’da-ichak operatsiyadan keyingi “stress” yaralarini davolash va oldini olish, me’da-ichak yo‘llarining yuqori bo‘limlaridan qon ketishlarini qaytalanishini oldini olish, umumiy anesteziya ostidagi operatsiyalarda me’da shirasi aspiratsiyasini (Mendelson sindromi) oldini olishda qo‘llanadi.

Ovqat qabul qilishdan qat’iy nazar, chaynamasdan, oz miqdordagi suyuqlik bilan qabul qilinadi. Kattalar va 12 yoshdan oshgan bolalarga: Me’da va o‘n ikki barmoq ichak yara kasalligi. Zo‘rayishlarni davolash uchun 150 mg dan sutkada 2 marta (ertalab va kechqurun) yoki kechasiga 300 mg dan buyuriladi. Zarurati bo‘lganida – 300 mg dan sutkada 2 marta. Davolash kursining davomiyligi – 4-8 hafta. Zo‘rayishlarini oldini olish uchun kechasiga 150 mg dan buyuriladi. Nosteriod yallig‘lanishga qarshi vositalarini qabul qilish bilan bog‘liq bo‘lgan me’da va o‘n ikki barmoq ichak yarasida va ularni oldini olish uchun 150 mg dan sutkada 2 marta yoki 300 mg dan kechasiga 8-12 hafta davomida buyuriladi. Operatsiyadan keyingi “stressli” yaralarda 150 mg dan sutkada 2 marta 4-8 hafta davomida, reflyuks-ezofagitda, eroziv ezofagitda 150 mg dan sutkada 2 marta yoki 300 mg dan kechasiga buyuriladi. Zarurati bo‘lgan hollarda dozani 150 mg gacha sutkada 4 martaga oshirish mumkin. Davolash kursi 8-12 hafta. Zollinger-Ellison sindromida boshlang‘ich doza 150 mg dan sutkada 3 martani tashkil qiladi, zarurati bo‘lganida dozani oshirish mumkin. Qaytalanuvchi qon ketishlarni oldini olish uchun 150 mg dan sutkada 2 marta buyuriladi, Mendelson sindromining rivojlanishni oldini olish uchun 150 mg dan narkoz berishdan 2 soat oldin, shuningdek oldingi kuni kechqurun buyuriladi. Jigar faoliyatini yo‘ldosh buzilishlari bo‘lganida dozani pasaytirish talab qilinishi mumkin. Buyrak yetishmovchiligi bo‘lgan bemorlarda kreatinin klirensi minutiga 50 ml dan kam bo‘lganida tavsiya qilinadigan doza sutkada 150 mg ni tashkil qiladi. Gemodializda bo‘lgan bemorlarga navbatdagi doza gemodializ tugagan zahoti buyuriladi.

Ovqat hazm-qilish tizimi tomonidan: ko‘ngil aynishi, og‘izni qurishi, qabziyat, qusish, diareya, abdominal og‘riqlar, kam – gepatotsellyular, xolestatik yoki aralash gepatit, o‘tkir pankreatit. Qon yaratish tizimi tomonidan: leykopeniya, trombotsitopeniya, agranulotsitoz, pantsitopeniya, suyak ko‘migining gipo- va aplaziyasi, immun gemolitik anemiyasi. Yurak-tomir tizimi tomonidan: arterial bosimni pasayishi, bradikardiya, aritmiya, atrio-ventrikulyar blokada. Nerv tizimi tomonidan: kuchli toliqish, bosh og‘rig‘i, bosh aylanishi, kam – ongni chalkashishi, quloqlarda shovqin, asabiylik, galyutsinatsiyalar (asosan keksa patsiyentlar va og‘ir bemorlarda), ixtiyorsiz harakatlar. Sezgi a’zolari tomonidan: ko‘rishni noaniqligi, akkomodatsiya parezi. Tayanch-harakat apparati tomonidan: artralgiya, mialgiya. Endokrin tizimi tomonidan: giperprolaktinemiya, ginekomastiya, amenoreya, libidoni pasayishi, impotentsiya. Allergik reaktsiyalar: eshakemi, teri toshmasi, antigionevrotik shish, anafilaktik shok, bronxospazm, ko‘p shaklli eritema. Boshqalar: alopetsiya, giperkreatininemiya.

Ranitidinga yoki preparatning boshqa komponentlariga yuqori sezuvchanlik, homiladorlik, laktatsiya, 12 yoshgacha bo‘lgan bolalar. Buyrak va/yoki jigar yetishmovchiligi, anamnezdagi portotizim entsefalopatiyasi bilan jigar tsirrozi, o‘tkir porfiriyalarda (shu jumladan anamnezdagi) qo‘llash mumkin emas.

Chekish ranitidinning samarasini pasaytiradi. Preparat metoprololning qon zardobidagi AUS va kontsentratsiyasini (muvofiq 90% va 50%) oshiradi. Bunda metopropolning yarim chiqarilish davri 4,4 dan 6,5 soatgacha oshadi. Me’da ichidagisining rN ni oshishi oqibatida bir vaqtda qabul qilingan itrakonazol va ketokonazolning so‘rilishi kamayishi mumkin. Jigarda fenazon, aminofenazon, diazepam, geksobarbital, propranolol, lidokain, fenitoin, teofillin, aminofillin, bilvosita antikoagulyantlar, glipizid, buformin, metronidazol, kaltsiy antagonistlarining metabolizmini susaytiradi. Suyak ko‘migini susaytiruvchi dori vositalari neytropeniya xavfini oshiradi. Antatsidlar, sukralfaltni yuqori dozalarda bir vaqtda qo‘llash ranitidinni so‘rilishini sekinlashtirishi mumkin.

Ranitidin bilan davolash, me’da kartsinomasi bilan bog‘liq bo‘lgan simptomlarni niqoblashi mumkin, shuning uchun davolashdan oldin rak, yara bor-yo‘qligini tekshirish kerak. Ranitidinni barcha N2-gistamin blokatorlari kabi keskin bekor qilish yaxshi emas (“rikoshet” sindromi). Kuchsizlangan bemorlarni uzoq muddat davolashda stress sharoitlarida, keyinchalik infektsiyani tarqalishi bilan kechuvchi me’daning bakterial zararlanishi kuzatilishi mumkin. Ranitidinning xavfsizligi va samaradorligi 12 yoshdan kichik bolalarda aniqlanmagan. Ranitidinning o‘tkir porfiriya hurujlarini chaqirishi mumkinligi to‘g‘risida ma’lumotlar bor. Preparatni itrakanozol yoki ketokonazol, antatsidlar, sukralfatni qabul qilgandan so‘ng 2 soatdan keyin qabul qilish kerak. Glutamattranspeptidaza faolligini oshirishi mumkin. Siydikda oqsil sinamasini o‘tkazishda soxta musbat reaktsiya bo‘lishiga sabab bo‘lishi mumkin. Preparat pentagistrin va gistaminning me’dani kislota hosil kilish faoliyatiga to‘sqinlik qilishi mumkin. Shuning uchun testdan oldingi 24 soat davomida preparatni qo‘llash tavsiya qilinmaydi. Ranitidin gistaminga bo‘lgan teri reaktsiyalarini bostirishi va demak soxta musbat natijalarga olib kelishi mumkin (terining darhol avj oluvchi allergik reaktsiyalarini aniqlash uchun teri tashxisiy sinamalari oldidan preparat qo‘llashni to‘xtatish tavsiya qilinadi). Preparatni qabul qilish vaqtida me’daning shilliq qavatining ta’sirlanishini chaqirishi mumkin bo‘lgan ovqat mahsulotlari, ichimliklar va boshqa dori vositalarini iste’mol qilishdan saqlanish kerak. Davolash davrida yuqori diqqat va tezkor psixomotor reaktsiyalarni talab qiluvchi potentsial xavfli faoliyat turlari bilan shug‘ullanishdan saqlanish lozim. Preparatni bolalar ololmaydigan joyda saqlash va o‘ramida ko‘rsatilgan yaroqlilik muddati o‘tgach ishlatmaslik lozim.

Simptomi: bir vaqtda ichga 18 g gacha ranitidin qabul qilinganida ta’riflangan nojo‘ya ta’sirlarining kuchayishi aniqlangan. Davolash: simptomatik davolash, me’dani yuvish ko‘rsatilgan. Tirishishlar rivojlanganida vena ichiga diazepam yuboriladi. Bradikardiya yoki yurak qorinchalari aritmiyasi rivojlanganida atropin va lidokainni qo‘llash ko‘rsatilgan.

Retsept bo‘yicha

10 tabletkadan kontur-uyali o‘ramlarda. 1, 2 yoki 10 kontur uyali o‘ram qo‘llash bo‘yicha yo‘riqnomasi bilan birga karton o‘ramlarga joylangan.

3 yil.