сариқ рангли, икки томони қавариқ, қобиқ билан қопланган таблеткалар.

меъда ва ўн икки бармоқ ичак ярасига қарши воситалар (Н-блокатор).

A02VA02

Меъда-ичак йўлларидан тез сўрилади. Овқат қабул қилиш сўрилиш даражасига таъсир кўрсатмайди. Ичга қабул қилинганида ранитидиннинг биокиришаолишлиги тахминан 50% ни ташкил қилади. Препарат бир марта қабул қилинганидан сўнг 2-3 соатдан кейин плазмада максимал концентрациясига эришилади. Қон оқсиллари билан боғланиши 15% дан ошмайди. Десметилранитидин ва С-оксиранитидин ҳосил бўлиши билан жигарда бироз метаболизмга учрайди. Жигардан “биринчи ўтиш” самарасига эга. Элиминация даражаси ва тезлиги жигарнинг ҳолатига кам даражада боғлиқ. Ичга қабул қилинганидан сўнг ярим чиқарилиш даври – 2,5 соат, креатинин клиренси минутига 20-30 мл бўлганида – 8-9 соат. Асосан сийдик орқали ўзгармаган ҳолда, озгина қисми – аҳлат билан чиқарилади. Йўлдош орқали ўтади. Гематоэнцефалик тўсиқ орқали ёмон ўтади. Кўкрак сути билан (аёлларда эмизиш даврида кўкрак сутидаги концентрацияси плазмадагига нисбатан юқори) чиқарилади.

Ностероид яллиғланишга қарши препаратларни қабул қилиш билан боғлиқ бўлган, меъда ва ўн икки бармоқ ичак яра касаллигини зўрайиши, рефлюкс-эзофагит, Золлингер-Эллисон синдроми, меъда-ичак операциядан кейинги “стресс” яраларини даволаш ва олдини олиш, меъда-ичак йўлларининг юқори бўлимларидан қон кетишларини қайталанишини олдини олиш, умумий анестезия остидаги операцияларда меъда шираси аспирациясини (Менделсон синдроми) олдини олишда қўлланади.

Овқат қабул қилишдан қатъий назар, чайнамасдан, оз миқдордаги суюқлик билан қабул қилинади. Катталар ва 12 ёшдан ошган болаларга: Меъда ва ўн икки бармоқ ичак яра касаллиги. Зўрайишларни даволаш учун 150 мг дан суткада 2 марта (эрталаб ва кечқурун) ёки кечасига 300 мг дан буюрилади. Зарурати бўлганида – 300 мг дан суткада 2 марта. Даволаш курсининг давомийлиги – 4-8 ҳафта. Зўрайишларини олдини олиш учун кечасига 150 мг дан буюрилади. Ностериод яллиғланишга қарши воситаларини қабул қилиш билан боғлиқ бўлган меъда ва ўн икки бармоқ ичак ярасида ва уларни олдини олиш учун 150 мг дан суткада 2 марта ёки 300 мг дан кечасига 8-12 ҳафта давомида буюрилади. Операциядан кейинги “стрессли” яраларда 150 мг дан суткада 2 марта 4-8 ҳафта давомида, рефлюкс-эзофагитда, эрозив эзофагитда 150 мг дан суткада 2 марта ёки 300 мг дан кечасига буюрилади. Зарурати бўлган ҳолларда дозани 150 мг гача суткада 4 мартага ошириш мумкин. Даволаш курси 8-12 ҳафта. Золлингер-Эллисон синдромида бошланғич доза 150 мг дан суткада 3 мартани ташкил қилади, зарурати бўлганида дозани ошириш мумкин. Қайталанувчи қон кетишларни олдини олиш учун 150 мг дан суткада 2 марта буюрилади, Менделсон синдромининг ривожланишни олдини олиш учун 150 мг дан наркоз беришдан 2 соат олдин, шунингдек олдинги куни кечқурун буюрилади. Жигар фаолиятини йўлдош бузилишлари бўлганида дозани пасайтириш талаб қилиниши мумкин. Буйрак етишмовчилиги бўлган беморларда креатинин клиренси минутига 50 мл дан кам бўлганида тавсия қилинадиган доза суткада 150 мг ни ташкил қилади. Гемодиализда бўлган беморларга навбатдаги доза гемодиализ тугаган заҳоти буюрилади.

Овқат ҳазм-қилиш тизими томонидан: кўнгил айниши, оғизни қуриши, қабзият, қусиш, диарея, абдоминал оғриқлар, кам – гепатоцеллюлар, холестатик ёки аралаш гепатит, ўткир панкреатит. Қон яратиш тизими томонидан: лейкопения, тромбоцитопения, агранулоцитоз, панцитопения, суяк кўмигининг гипо- ва аплазияси, иммун гемолитик анемияси. Юрак-томир тизими томонидан: артериал босимни пасайиши, брадикардия, аритмия, атрио-вентрикуляр блокада. Нерв тизими томонидан: кучли толиқиш, бош оғриғи, бош айланиши, кам – онгни чалкашиши, қулоқларда шовқин, асабийлик, галюцинациялар (асосан кекса пациентлар ва оғир беморларда), ихтиёрсиз ҳаракатлар. Сезги аъзолари томонидан: кўришни ноаниқлиги, аккомодация парези. Таянч-ҳаракат аппарати томонидан: артралгия, миалгия. Эндокрин тизими томонидан: гиперпролактинемия, гинекомастия, аменорея, либидони пасайиши, импотенция. Аллергик реакциялар: эшакеми, тери тошмаси, антигионевротик шиш, анафилактик шок, бронхоспазм, кўп шаклли эритема. Бошқалар: алопеция, гиперкреатининемия.

Ранитидинга ёки препаратнинг бошқа компонентларига юқори сезувчанлик, ҳомиладорлик, лактация, 12 ёшгача бўлган болалар. Буйрак ва/ёки жигар етишмовчилиги, анамнездаги портотизим энцефалопатияси билан жигар циррози, ўткир порфирияларда (шу жумладан анамнездаги) қўллаш мумкин эмас.

Чекиш ранитидиннинг самарасини пасайтиради. Препарат метопрололнинг қон зардобидаги АУС ва концентрациясини (мувофиқ 90% ва 50%) оширади. Бунда метопрополнинг ярим чиқарилиш даври 4,4 дан 6,5 соатгача ошади. Меъда ичидагисининг рН ни ошиши оқибатида бир вақтда қабул қилинган итраконазол ва кетоконазолнинг сўрилиши камайиши мумкин. Жигарда феназон, аминофеназон, диазепам, гексобарбитал, пропранолол, лидокаин, фенитоин, теофиллин, аминофиллин, билвосита антикоагулянтлар, глипизид, буформин, метронидазол, калций антагонистларининг метаболизмини сусайтиради. Суяк кўмигини сусайтирувчи дори воситалари нейтропения хавфини оширади. Антацидлар, сукралфалтни юқори дозаларда бир вақтда қўллаш ранитидинни сўрилишини секинлаштириши мумкин.

Ранитидин билан даволаш, меъда карциномаси билан боғлиқ бўлган симптомларни ниқоблаши мумкин, шунинг учун даволашдан олдин рак, яра бор-йўқлигини текшириш керак. Ранитидинни барча Н2-гистамин блокаторлари каби кескин бекор қилиш яхши эмас (“рикошет” синдроми). Кучсизланган беморларни узоқ муддат даволашда стресс шароитларида, кейинчалик инфекцияни тарқалиши билан кечувчи меъданинг бактериал зарарланиши кузатилиши мумкин. Ранитидиннинг хавфсизлиги ва самарадорлиги 12 ёшдан кичик болаларда аниқланмаган. Ранитидиннинг ўткир порфирия ҳуружларини чақириши мумкинлиги тўғрисида маълумотлар бор. Препаратни итраканозол ёки кетоконазол, антацидлар, сукралфатни қабул қилгандан сўнг 2 соатдан кейин қабул қилиш керак. Глутаматтранспептидаза фаоллигини ошириши мумкин. Сийдикда оқсил синамасини ўтказишда сохта мусбат реакция бўлишига сабаб бўлиши мумкин. Препарат пентагистрин ва гистаминнинг меъдани кислота ҳосил килиш фаолиятига тўсқинлик қилиши мумкин. Шунинг учун тестдан олдинги 24 соат давомида препаратни қўллаш тавсия қилинмайди. Ранитидин гистаминга бўлган тери реакцияларини бостириши ва демак сохта мусбат натижаларга олиб келиши мумкин (терининг дарҳол авж олувчи аллергик реакцияларини аниқлаш учун тери ташхисий синамалари олдидан препарат қўллашни тўхтатиш тавсия қилинади). Препаратни қабул қилиш вақтида меъданинг шиллиқ қаватининг таъсирланишини чақириши мумкин бўлган овқат маҳсулотлари, ичимликлар ва бошқа дори воситаларини истеъмол қилишдан сақланиш керак. Даволаш даврида юқори диққат ва тезкор психомотор реакцияларни талаб қилувчи потенциал хавфли фаолият турлари билан шуғулланишдан сақланиш лозим. Препаратни болалар ололмайдиган жойда сақлаш ва ўрамида кўрсатилган яроқлилик муддати ўтгач ишлатмаслик лозим.

Симптоми: бир вақтда ичга 18 г гача ранитидин қабул қилинганида таърифланган ножўя таъсирларининг кучайиши аниқланган. Даволаш: симптоматик даволаш, меъдани ювиш кўрсатилган. Тиришишлар ривожланганида вена ичига диазепам юборилади. Брадикардия ёки юрак қоринчалари аритмияси ривожланганида атропин ва лидокаинни қўллаш кўрсатилган.

Рецепт бўйича

10 таблеткадан контур-уяли ўрамларда. 1, 2 ёки 10 контур уяли ўрам қўллаш бўйича йўриқномаси билан бирга картон ўрамларга жойланган.

3 йил.