pushti, dumaloq, ikki tomoni silliq, ichakda eruvchan qobiq bilan qoplangan tabletkalar.

nosteroid yallig‘lanishga qarshi vosita.

M01VX

Diklofenak kaliy ichga qabul qilingandan keyin tez so‘riladi, ovqat so‘rilish tezligini sekinlashtirishi mumkin, lekin to‘liq so‘rilishiga ta’sir qilmaydi. Plazmadagi maksimal kontsentratsiyasi 1-2 soatda erishiladi. Biokiraolishligi – 50%; jadal tizim oldi eliminatsiyasiga uchraydi. Qon plazmasi oqsillari bilan bog‘lanishi – 99% teng. To‘qima va sinovial suyuqlikka yaxshi o‘tadi, u yerda uning kontsentratsiyasi sekinroq oshadi, 4 soatdan so‘ng qon plazmasidagiga nisbatan yuqori bo‘ladi. Taxminan 35% metabolitlar ko‘rinishida ahlat bilan; taxminan 65% jigarda metabolizmga uchraydi va buyrak orqali faol bo‘lmagan hosilalari ko‘rinishida chiqariladi (1% dan kamroq qismi o‘zgarmagan ko‘rinishda chiqariladi). Yarim chiqarilish davri – 2 soat, sinovial suyuqlikdan – 3-6 soat; qabul qilishlar orasidagi tavsiya qilingan intervallarga rioya qilinganda to‘planmaydi. Serratiopeptidaza me’da devorlari orqali o‘zgarmagan holda kiradi va ichakda so‘riladi. Siydikda kam miqdorda aniqlanadi.

O‘tkir va/yoki surunkali osteoartrit va revmatoid artritni davolashSurunkali osteoartrit va revmatoid artritni oldini olishSpondilyozni davolashBirlamchi dismenoreyada og‘riq qoldiruvchi (anesteziya) samara ko‘rsatadi. Travmatologiya: sport jarohatlarida, paylarni cho‘zilishida, suyaklarni majaqlanishi, sinishi, chiqishi va osteoartritda va boshqalarda. Jarrohlik: inyektsiya joyidagi operatsiyadan keyingi mahalliy shishlarni kamaytirish, to‘qimalardagi ichki shishlarni va operatsiyadan keyingi ishlov berish natijasida yallig‘lanishda. Plastik jarrohlik: operatsiyadan keyingi shishlarni kamaytirish, transplantat o‘rni mikrotsirkulyatsiyasini tiklash va og‘riqlarni kamaytirish bilan bir qatorda transplantat ko‘chish xavfni minimallashtirish. Infektsiyalar: sinuslarda, tashqi eshituv yo‘llarida, yallig‘lanishga qarshi faolligi bilan mikozitlarni yengillashtirish. Yuqori nafas yo‘lari kasalliklarida yallig‘lanish jarayonini tezroq bartaraf bo‘lishida, infektsiyalangan to‘qimalarda mikroblarga qarshi yaxshi faollikka ega. Dermatologiya: dermatozlarni o‘tkir yalig‘lanish kasalliklarida ayniqsa samarali. Stomatologiya: tish infektsiyalari va yallig‘lanishida yaxshi yordam beradi. Akusherlik va ginekologiya: yallig‘lanishga qarshi va shishga qarshi faolligi tug‘ruqdan keyingi gematomalarni, ko‘krak sutini dimlanishida va homiladorlik bilan bog‘liq tromboflebitni bartaraf etishda yordam beradi.

Preparatni ovqatdan 1-2 soatdan so‘ng peroral qabul qilinadi. Tabletkani butunligicha, chaynamasdan, yetarli miqdordagi suyuqlik bilan qabul qilinadi. Davolash kursi davomiyligi va preparat dozasi kasallikning xarakteri va dinamikasiga, shuningdek patsiyentning individual xususiyatlariga bog‘liq. Odatda kattalarga 1 tabletkadan kuniga 3 marta buyuriladi, biroq, zarurati bo‘lgan hollarda preparat dozasini davolovchi shifokor o‘zgartirishi mumkin.

Diklofenakning keng tarqalgan nojo‘ya ta’siri me’dada og‘riq, ko‘ngil aynishi, qusish va diareya; kam hollarda me’da va o‘n ikki barmoq ichak yara kasalligi va me’da-ichakdan qon ketishi bilan namoyon bo‘ladi. Tez-tez emas, allergik reaktsiyalar, lohaslik, ishtahani va tana vaznini o‘zgarishi, va ko‘zdagi buzilishlarga diklofenak sabab bo‘lishi mumkin. Nevrologik reaktsiyalar bosh og‘rig‘i, uyquchanlik, ta’sirchanlik, va kayfiyatni buzilishini o‘z ichiga oladi. Diklofenak kam hollarda gepatit, buyrak disfunktsiyasi va qondagi buzilishlarni chaqirishi mumkin. Serratiopeptidaza anoreksiya, qorin bo‘shlig‘ida diskomfort, ko‘ngil aynishi va qusish kabi me’da-ichak yo‘llari tomonidan nojo‘ya samaralardan tashqari toshma yoki qizarish kabi allergik reaktsiyalarni chaqirishi mumkin.

Dori vositasining tarkibiga kiruvchi faol yoki yordamchi komponentlarga shaxsiy o‘zlashtiraolmaslik hollarida preparatni qo‘llash mumkin emas.

Qonda litiy va digoksin darajasini oshiradi.Preparat metotreksatning toksikligi oshiradi.Preparat kaliy tejovchi siydik haydovchi vositalarni kuchaytiradi, ammo boshqa siydik haydovchi vositalarni susaytiradi.Peroral antikoagulyant qabul qiluvchi bemorlarda antitrombotsitar qon ketish xavfini kuchaytiradi.

Diklofenak me’da shirasida kislotaligi yuqori bo‘lgan bemorlarda, buyrak va jigar faoliyatini buzilishi bo‘lgan, qon kasalliklarida, aspiringa yoki nosteroid yallig‘lanishga qarshi preparatlarga (NYAQP) allergiyasi bo‘lgan bemorlarda ehtiyotkorlik bilan qo‘llash lozim. Homiladorlik va laktatsiya Homiladorlikda va laktatsiya davrida Radofen® faqat juda zarur hollarda qo‘llash mumkin. Bolalarda diklofenak/serratiopeptidazani qo‘llash xavfsizligi va samaradorligi o‘rganilmagan. Serratiopeptidaza antikoagulyantlarning ta’sirini kuchaytirishi mumkinligi tufayli, Radofen® ni ehtiyotkorlik bilan qo‘llash lozim. Avtomobilni boshqarish va mexanizmlarga xizmat ko‘rsatish qobiliyatiga ta’siri Preparat avtotrasportini haydash va boshqa potentsial xavfli faoliyat turlarini bajarish qobiliyatiga ta’sir qilmaydi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, salqin, yorug‘likdan himoyalangan joyda, 25oS yuqori bo‘lmagan haroratda saqlansin.

Simptomlari: uyquchanlik, ko‘ngil aynishi, qusish va epigastral sohada og‘riq, gastrointestinal qon ketishlar. Kam hollarda arterial gipertenziya, o‘tkir buyrak yetishmovchiligi, nafasni susayishi, anafilaktoid reaktsiyalar va koma. Davolash: doza oshirib yuborilgan hollarda davolash avvalo simptomatik, qusishni chaqirish buyuriladi. Me’dani yuvish, faollashtirilgan ko‘mir yoki surgi vositalar qabul qilish tabletkalarni ko‘p miqdorda qabul qilingan hollarda samarali bo‘lishi mumkin.

Retsept bo‘yicha

10 tabletka Al/PVX blisterda. 3 blister karton qutida (qo‘llash yo‘riqnomasi bilan birga).

3 yil.