tiniq, rangsiz suyuqlik.

analgetik-opioidlar.

N02AV04.

Biron-bir usulda yuborilganda qonga tez so‘riladi. Plazma oqsillari bilan bog‘lanishi 40% ga yetadi. Meperidin va normeperidin kislotasini hosil qilib gidroliz yo‘li bilan, keyinchalik ularni kon’yugatsiyasi yo‘li bilan metabolizmga uchraydi. Ko‘p bo‘lmagan miqdorda buyrak orqali o‘zgarmagan ko‘rinishda chiqariladi.

Xavfli o‘smalar, kuyishlar, og‘ir jarohatlardagi yaqqol og‘riq sindromi, operatsiyaga tayyorgarlik va operatsiyadan keyingi davrda, ichki a’zolar va qon tomirlarning silliq mushaklari spazmlarida, shu jumladan me’da va o‘n ikki barmoq ichak yara kasalligida, ichak, jigar va buyrak sanchiqlarida, diskinetik qabziyatlarda, miokard infarktida, kardiogen shokda, stenokardiyada, o‘tkir nevritlarda, qovuq, to‘g‘ri ichak, uretradagi yot jismda, parafimozda, o‘tkir prostatitda. Premedikatsiya tarkibida va narkoz vaqtida, shokka qarshi vosita sifatida, neyroleptoanalgeziya uchun (neyroleptiklar bilan majmuada) qo‘llanadi.

Kattalarga teri ostiga, mushak ichiga 0,5-1,5 ml dan 20 mg/ml li eritma (10-30 mg trimeperidin) yuboriladi. Kattalar uchun eng yuqori dozalar: bir martalik 20 mg/ml li eritma 2 ml (40 mg), sutkalik 20 mg/ml li eritma 8 ml (160 mg). Keksa yoshdagi patsiyentlarda, ruhiy holatini buzilishlari bo‘lgan shaxslarda, jigar va buyrak yetishmovchiligi bo‘lgan patsiyentlarda dozani kamaytirish kerak. 2 yoshdan oshgan bolalarda yoshiga qarab: 2-3 yoshdagi bolalarga bir martalik doza 0,15 ml  20 mg/ml li eritma (3 mg trimeperidin), maksimal sutkalik doza – 0,6 ml (12 mg);             4-6 yoshdagi bolalar: bir martalik doza – 0,2 ml (4 mg), maksimal sutkalik doza – 0,8 ml (16 mg); 7-9 yoshdagi bolalar: bir martalik doza – 0,3 ml (6 mg), maksimal sutkalik doza – 1,2 ml (24 mg); 10-12 yoshdagi bolalar: bir martalik daza – 0,4 ml (8 mg), maksimal sutkalik doza – 1,6 ml (32 mg); 13-16 yoshdagi bolalar: bir martalik doza – 0,5 ml (10 mg), maksimal sutkalik doza – 2 ml (40 mg) ni tashkil qiladi.

Opioidlarni qo‘llaganda ko‘ngil aynishi, qusish, qabziyat, ongni buzilishi kuzatilishi mumkin. Promedol uzoq vaqt qo‘llanilganda keyinchalik jigar fermentlari darajasini o‘zgarishi bilan kechuvchi o‘t chiqarish yo‘llarining spazmlari, antipiretik samara, og‘izni qurishi, gallyutsinatsiyalar, bosh aylanishi, bosh og‘rig‘i, bradikardiya, vertigo, taxikardiya, yurak ritmini buzilishi, ortostatik gipotenziya, kayfiyatni o‘zgarishi, miozis, libidoni pasayishi kuzatilishi mumkin. Ayrim patsiyentlarda bosh miya ichki bosimi oshishi mumkin. Yuqori dozalar qo‘llanilganda mushak rigidligi, eyforiya kuzatilishi mumkin. Opioidlarning yuqori dozalarini qo‘llash nafas depressiyasi va komatoz holatga olib kelishi mumkin. Bolalarda tirishishlar kuzatilishi mumkin, yuqori dozalar qo‘llanilganda buyrak va nafas yetishmovchiligi avj olishi mumkin. Yuqori dozalar qo‘llanilganda qorachiqlar kengayishi mumkin, bu gipoksiyadan dalolat beradi. Allergik reaktsiyalar, shu jumladan toshma, qichishish, eshakemi kuzatilishi mumkin.

Trimeperidinga individual yuqori sezuvchanlik. Nafas markazini susayishi oqibatidagi nafas buzilishlari, umumiy xolsizlik, noma’lum etiologiyali qorindagi og‘riq (diagnoz aniqlanmaguncha), o‘tkir alkogolli intoksikatsiya, monoaminoksidaza ingibitorlari bilan bir vaqtda davolash, 2 yoshgacha bo‘lgan bolalar, 65 yoshdan oshganlar, taxmin qilinayotgan tug‘ruqdan oldingi so‘nggi 3 soatda qo‘llash mumkin emas.

Markaziy nerv tizimiga depressiv ta’sir ko‘rsatuvchi boshqa preparatlar bilan bir vaqtda qo‘llanilganda samaralar kuchayishi mumkin. Barbituratlar (ayniqsa fenobarbital) yoki narkotik analgetiklarni uzoq vaqt qo‘llash keyishgan tolerantlikni rivojlanishini chaqiradi. Promedol-ZN neyroleptiklar (galoperidol, droperidol), xolinolitiklar, miotrop spazmolitiklar, antigistamin vositalari bilan mutanosib.

Yuqori dozalar qo‘llanilganda va intoksikatsiya belgilarida faollashtirilgan ko‘mirni peroral qo‘llash mumkin. Nafas yetishmovchiligi respirator tutib turishni va stimulyatsion opioid antagonistni – naloksonni qo‘llashni talab etadi, lekin uni narkotikka qaram shaxslarda qo‘llash bekor qilish simptomi rivojlanishiga olib kelishi mumkin. Tutib turuvchi davolash respirator tutib turish va naloksonni yuborish orqali shok holatidan chiqarishni o‘z ichiga oladi. Preparatning yuborilgan miqdori nafas yetishmovchiligi va komatoz holatning darajasiga bog‘liq. Preparatning yuqori dozalarini qo‘llash, ayniqsa keksa yoshdagi patsiyentlarda nafas depressiyasi va tsirkulyator yetishmovchilik va komatoz holati rivojlanishi bilan kechuvchi gipotenziyaga olib kelishi mumkin, nojo‘ya reaktsiyalarni rivojlanishi opioid retseptorlarga individual sezuvchanligiga bog‘liq. 2 yoshgacha bo‘lgan bolalarda tirishishlar yuzaga kelishi mumkin, yuqori dozalarda qo‘llanilganda buyrak yetishmovchiligi avj olishi mumkin. Tirishishlar ko‘pincha bolalarda kuzatiladi. Toksik samaralarni rivojlanishi opioid retseptorlarga individual sezuvchanlikka bog‘liq. Komatoz holat qorachiqlarni torayishi, nafas depressiyasi bilan namoyon bo‘ladi, bu dozani oshirib yuborilishidan dalolat beradi. Qorachiqlarni kengayishi gipoksiya rivojlanishidan dalolat beradi. Doza oshirib yuborilgandan keyin o‘pka shishi o‘limning umumiy sababi bo‘lib hisoblanadi. Takroran qo‘llanilganda ko‘nikib qolish va medikamentoz qaramlik rivojlanishi mumkin. Eyforiya kuzatilishi mumkin. Jigar va buyrak funktsiyasini buzilishlari, gipotireoz, prostata bezi gipertrofiyasi, impotentsiya, shok, miasteniya, me’da-ichak yo‘llarining yallig‘lanish kasalliklari, shuningdek 60 yoshdan oshga patsiyentlarda ehtiyotkorlik bilan qo‘llanadi. Alkogol iste’mol qilish mumkin emas.

Homiladorlik va emizish davrida preparatni qo‘llash mumkin emas.

Original o‘ramida, 25°S dan yuqori bo‘lmagan haroratda saqlansin.

Erta va kechki ko‘rinishlar – nafas markazi funktsiyasini susayishi. Davolash: umumiy reanimatsion choralar, opioid retseptorlarning antagonistlari va agonist-antagonistlarini (nalokson, nalorfin) buyurish, simptomatik davolash. Nalokson narkotik analgetiklar chaqirgan nafasni susayishi va analgeziyani bartaraf etadi. Nalorfin narkotik analgetiklarning og‘riq qoldiruvchi ta’sirini saqlab qolib, ular chaqirgan nafas depressiyasini bartaraf etadi.

Retsept bo‘yicha

1 ml dan ampulalarda; 5 ampuladan blisterda; 20 blisterdan qutida.

3 yil