Vaktsina: oqdan to biroz pushti rangligacha bo‘lgan briket yoki kukun. Erituvchi: xidsiz, ko‘rinadigan aralashmalarsiz, tiniq rangsiz suyuqlik. PrioriksTM – qizamiq (Schwarz), epidemik parotit (Jery Lynn ishlab chiqargan RIT 4385) va qizilcha (Wistar RA 27/3) virusi, alohida tovuq embrioni xujayralari kulturasida (qizamiq va parotit viruslari) va odamning MRC5 diploid xujayra kulturalarida (qizilsa virusi) yetishtirilgan kuchsizlantirilgan vaktsina shtammlarining liofilizatsiya qilingan majmuaviy preparatidir. PrioriksTM Jaxon Sog‘liqni Saqlash Tashkilotining biologik preparatlar, qizamiq, epidemik parotit, qizilchaga qarshi vaktsinalar va tirik majmuaviy vaktsinalarni ishlab chiqarish bo‘yicha talablariga muvofiq keladi.

vaktsina (qizamiq, parotit va qizilchani oldini olish uchun).

Farmakokinetik xususiyatlarini baxolash vaktsinalar uchun majburiy hisoblanmaydi. Klinik tadqiqotlar Farmakodinamika bo‘limiga qarang. Xavfsizligi bo‘yicha klinika oldi  ma’lumotlari Ma’lumotlar yo‘q.

qizamiq, epidemik parotit va qizilchaga qarshi faol immunizatsiya.

PrioriksTM ning tavsiya etilgan dozasi 0,5 ml ni tashkil qiladi. Vaktsinatsiya sxemasi u mamlakatdan bu mamlakatga qarab o‘zgaradi va milliy tavsiyalarga muvofiq belgilanadi. PrioriksTM teri ostiga yuboriladi, lekin shuningdek mushak ichiga xam qo‘llanishi mumkin (Maxsus ko‘rsatmalar bo‘limiga qarang).

Klinik tadqiqotlar doirasida obyektiv va subyektiv simptomlar vaktsinatsiyadan keyin 42 kun davomida faol qayd etilgan. Vaktsinatsiya qilingan patsiyentlar tadqiqotni o‘tkazish davri davomida xar qanday klinik simptomlar haqida xabar berishlari kerak. Vaktsinaning xavfsizlik profili klinik tadqiqotlar doirasida PrioriksTM vaktsinasini qabul qilishgan 12000 odamda olingan ma’lumotlarga asoslangan. Nojo‘ya reaktsiyalarni uchrash tez-tezligini quyidagicha belgilangan: juda tez-tez (≥1/10), tez-tez (≥1/100 va <1/10), ba’zida (≥1/1000 va <1/100), kam hollarda (≥1/10000 va <1/1000), juda kam hollarda (<1/10000).

PrioriksTM neomitsinga yoki vaktsinaning har qanday boshqa komponentiga yuqori tizimli sezuvchanlikda qo‘llash mumkin emas (tovuq tuxumiga allergiya to‘g‘risidagi ma’lumot yuzasidan Maxsus ko‘rsatmalar bo‘limiga qarang). Anamnezda neomitsin chaqirgan kontakt dermatitni mavjudligi vaktsinatsiyaga qarshi ko‘rsatma hisoblanmaydi. PrioriksTM ni qizamiq, parotit va/yoki qizilchaga qarshi vaktsinani oldingi yuborishga yuqori sezuvchanligi bo‘lgan shaxslarda qo‘llash mumkin emas. PrioriksTM ni og‘ir gumoral yoki xujayra immuntanqisligi bo‘lgan, masalan, simptomatik OITV-infektsiyasi bo‘lgan shaxslarda qo‘llash mumkin emas (Maxsus ko‘rsatmalar bo‘limiga qarang). PrioriksTM ni homiladorlikda qo‘llash mumkin emas. Vaktsinatsiyadan keyin bir oy davomida homiladorlikdan saqlanish kerak (Maxsus ko‘rsatmalar – Homiladorlik va laktatsiya bo‘limlariga qarang).

Tuberokulin sinamasi vaktsinatsiyagacha yoki vaktsinani yuborish bilan bir vaqtda o‘tkazilishi kerak, chunki qizamiqqa qarshi (balki parotitga qarshi xam) tirik vaktsina 4-6 haftada tuberkulinga teri reaktsiyasini to‘satdan kuchsizlanishiga sababi bo‘lish mumkinligi haqida xabarlar bor. Shuning uchun soxta musbat natijalardan saqlanish uchun tuberkulin sinamasi vaktsinatsiyadan keyin 6 hafta davomida qilinmaydi. PrioriksTM inyektsiyasi tananing turli soxalariga xar xil shpritslar yordamida qilingan xolda, suvchechakka qarshi tirik kuchsizlantirilgan vaktsina (VarilriksTM) bilan bir vaqtda yuborilishi mumkin. Garchi PrioriksTM va boshqa vaktsinalarni bir vaqtda yuborish haqida ma’lumotlar bo‘lmasa-da, PrioriksTM ni, inyektsiya tananing turli soxalariga har xil shpritslar yordamida qilingan xolda, tirik oral (OPV) yoki faolsizlantirilgan poliomiyelit vaktsinasi (IPV), bo‘g‘ma, qoqshol va ko‘kyo‘talga qarshi uch valentlik vaktsinalar (butunxujayrali DTPw/xujayrasiz DTPa) va Haemophilus influenzae b (Hib) turiga qarshi vaktsinalar bilan bir vaqtda yuborilishi mumkin. Agar PrioriksTM tirik kuchsizlantirilgan vaktsinalar bilan bir vaqtda yuborilsa, unda vaktsinatsiyalar orasidagi interval bir oydan kam bo‘lmasligi kerak. Odam immunoglobulini yoki qon quyilishi o‘tkazilgan shaxslarda, qizamiq, epidemik parotit va qizilchaning vaktsina viruslariga nisbatan passiv yuborilgan antitelalarning ta’siri natijasidagi mumkin bo‘lgan samarasizligi tufayli, vaktsinatsiya uch oyga kechiktirilishi kerak. PrioriksTM ilgari qizamiq, epidemik parotit va qizilchaga qarshi boshqa majmuaviy vaktsina bilan vaktsinatsiya qilingan patsiyentlarda buster doza sifatida qo‘llanishi mumkin. Boshqa preparatlar bilan mutanosibligi PrioriksTM ni bir shpritsda boshqa vaktsinalar bilan aralashtirish mumkin emas.

Boshqa vaktsinalar bilan bo‘lgani kabi, PrioriksTM bilan vaktsinatsiya, tana haroratini oshishi bilan kechuvchi o‘tkir kasalligi bo‘lgan shaxslarda kechiktirilishi kerak. Yengil shakldagi infektsion kasallikni bo‘lishi vaktsinatsiya uchun qarshi ko‘rsatma bo‘lmaydi. Sinkope (hushni yo‘qotish) igna bilan inyektsiyaga psixogen javob sifatida vaktsinatsiyadan keyin yoki xatto vaktsinatsiyagacha paydo bo‘lishi mumkin. Shuning uchun ongni yo‘qotilishida patsiyentni mumkin bo‘lgan jarohatlanishidan saqlanish uchun sharoitni ta’minlash muxim hisoblanadi. Vaktsinani yuborish oldidan teri yuzasidan spirt va boshqa dezinfektsiyalovchi moddalarni to‘liq bug‘lanib ketishini kutish kerak, chunki ular vaktsinadagi kuchsizlantirilgan viruslarni faolsizlantirishi mumkin. Qizamiqni oldini olish uchun, ularni qizamiq bilan kasallangan bemor bilan muloqatidan keyin, immunizatsiya qilinmagan patsiyentlarda 72 soat davomida vaktsinatsiyani o‘tkazish mumkin. 12 oylikkacha bo‘lgan bolalarni vaktsinatsiya qilish ularda qizamiqqa qarshi ona antitelalari saqlangan bo‘lishi mumkinliga tufayli, yetarlicha samarali bo‘lmasligi mumkin. Shu bilan birga, bu holat yuqishni yuqori xavfi bo‘lgan vaziyatlarda, go‘daklarda (<12 oylik) vaktsinani ishlatish uchun qarshi ko‘rsatma hisoblanmaydi. Bunday vaziyatlarda 12 oylik va katta yoshdagilarda takroriy vaktsinatsiya ko‘rsatilgan. Boshqa inyektsion vaktsinalar bilan bo‘lgani kabi, vaktsina qo‘llanganidan keyin kam uchraydigan anafilaktik reaktsiyalar bo‘lishi mumkinligi yuzasidan, muvofiq tibbiy parvarish va kuzatuv yo‘lga qo‘yilgan bo‘lishi kerak. Vaktsinaning qizamiq va parotit komponentlari tovuq embrionlari xujayralar kulturasida ishlab chifariladi va tuxum oqsilini saqlashi mumkin. Anamnezida tuxum iste’mol qilganda anafilaktik, anafilaktoid va boshqa tez avj oluvchi allergik reaktsiyalari (masalan, eshakemi, xalqum va og‘iz bo‘shlig‘ini shishi, nafasni qiyinlashishi, gipotoniya va shok) bo‘lgan patsiyentlarda, garchi bunday reaktsiyalar juda kam yuz bersa-da, vaktsinatsiyadan keyin o‘ta yuqori sezuvchanlik reaktsiya ko‘rinishlarining xavfi oshgan bo‘lishi mumkin. Bunday patsiyentlarga vaktsinani yuborishni alohida ehtiyotkorlik bilan, ular rivojlangan hollarda esa, anafilaktik reaktsiyalarni adekvat davolash uchun vositalarga ega bo‘lganda amalga oshirish kerak. Anamnezida allergik va tirishish reaktsiyalari bo‘lgan shaxslarda, yoki agar shundaylar oila a’zolarida bo‘lgan shaxslarda PrioriksTM ehtiyotkorlik bilan qo‘llanishi kerak. Vaktsinatsiya qilinganlarda qizamiq va epidemik parotit viruslarini yuqishi qayd etilmagan. Vaktsinatsiyadan keyingi 7-28 kunlari ekskretsiyaning taxminan 11-nichi kuni cho‘qqisi bilan bo‘lgan qizilcha virusining faringeal ekskretsiyasi holatlari ma’lum. Lekin bu virusning kontaktli yuqishi haqida dalolat beruvchi ma’lumotlar yo‘q. Patsiyentlarning cheklangan soni PrioriksTM vaktsinasini mushak ichiga qabul qilganlar. Hamma uch komponent uchun adekvat immun javob olingan (Qo‘llash usuli va dozalari bo‘limiga qarang). PRIORIKSTM  NI QON TOMIR  ICHIGA YUBORISH  MUMKIN  EMAS. Boshqa vaktsinalarni qo‘llaganda bo‘lgani kabi, himoya immun javobi hamma vaktsinatsiya qilinganlarda aniqlanmasligi mumkin. Qizamiq, epidemik parotit va qizilchaga qarshi tirik vaktsinaning birinchi dozasi yuborilganidan keyin trombotsitopeniyasi bo‘lgan patsiyentlar holatini yomonlashish hollari qayd etilgan. Bunday hollarda PrioriksTM bilan immunizatsiyadan kutilgan xavf va foydani sinchiklab taxlil qilish kerak. Immuniteti susaygan shaxslarda PrioriksTM ni qo‘llash bo‘yicha ma’lumotlar cheklangan, shuning uchun bunday patsiyentlarda vaktsinatsiya o‘tkazish zaruratini ehtiyotkorlik bilan va faqat shifokorning fikri bo‘yicha, vaktsinatsiyadan kutilgan foyda xavfdan ustun bo‘lganda ko‘rish kerak (masalan, simptomsiz OITV-infektsiyasi bo‘lgan shaxslarda). Vaktsinatsiya uchun qarshi ko‘rsatmalari bo‘lgan immuniteti susaygan shaxslar (Qarshi ko‘rsatmalar bo‘limiga qarang), vaktsinatsiyaga immuniteti sog‘lom shaxsla kabi javob bermasliklari mumkin. Shuning uchun immuniteti susaygan ayrim shaxslar, muvofiq vaktsina yuborilishiga qaramay, qizamiq, parotit yoki qizilcha bilan kasallangan bo‘lishlari mumkin. Immuniteti susaygan patsiyentlar holatini qizamiq, parotit va qizilcha simptomlari paydo bo‘lishiga sinchiklab kuzatish kerak.

Homiladorlik Homilador ayollar PrioriksTM vaktsinasini qabul qilmasliklari kerak. Lekin homilador ayollarga qizamiq, parotit yoki qizilchaga qarshi vaktsina yuborilganidan keyin homilani rivojlanishini buzilish hollari qayd etilmagan. Garchi nazariy jihatdan xavf istisno qilinmasa-da, homiladorlikning ilk muddatlarida bilmasdan qizilcha virusi saqlovchi vaktsina yuborilganida, 3500 dan ortiq moyilligi bo‘lgan ayollarda tug‘ma qizilcha sindromi hollari qayd etilmagan. Shuning uchun homiladorlikning ilk muddatlarida qizamiq, parotit yoki qizilcha viruslarini saqlovchi vaktsinalar bilan ayollarni tasodifiy vaktsinatsiya qilish, homiladorlikni to‘xtatish uchun sabab bo‘lib xizmat qilmasligi kerak. Vaktsinatsiyadan keyin bir oy davomida homiladorlikdan saqlanish kerak. Homiladorlikni rejalashtirayotgan ayollarga, homiladorlikni kechiktirish tavsiya etiladi. Laktatsiya Xozirgi vaqtda emizikli ayollarda vaktsinani ishlatishga nisbatan ma’lumotlar yetarli emas. Agar vaktsinatsiyadan kutilgan foyda, xavfdan ustun bo‘lsa, vaktsinatsiya o‘tkazilishi mumkin. Transport vositalari va mexanizmlarni boshqarish qobiliyatiga ta’siri To‘g‘ri kelmaydi. Preparatni yaroqlilik muddati o‘tganidan so‘ng qo‘llash mumkin emas va bolalar ololmaydigan joyda saqlash kerak.

Sovutgichda +2oS dan +8oS gacha haroratda saqlansin. Erituvchini sovutgichda yoki atrof-muhit haroratida saqlash mumkin. Liofilizatsiya qilingan vaktsina va erituvchi muzlatilmasin. Yorug‘likdan himoyalangan joyda saqlansin. Tashish vaqtida, ayniqsa issiq iqlimda saqlash yuzasidan tavsiya etilgan sharoitlariga rioya qilish kerak.

Postmarketing kuzatuv davomida dozani oshirib yuborilish hollari haqida xabar berilgan (tavsiya etilgan dozadan 2 martadan ko‘proq yuqori). Dozani oshirib yuborilishi bilan bog‘liq bo‘lgan nojo‘ya samaralar aniqlanmagan.

Retsept bo‘yicha beriladi

Inyektsiya uchun eritma tayyorlash uchun liofilizatsiya qilingan kukun erituvchi bilan komplektda. 1 doza vaktsina tiniq shisha (Ph. Eur. bo‘yicha 1 turdagi) flakonda shisha ampuladagi (Ph. Eur. bo‘yicha 1 turdagi) 0,5 ml steril erituvchi bilan komplektda qo‘llash bo‘yicha yo‘riqnomasi bilan birga karton qutida. 2 doza vaktsina tiniq shisha (Ph. Eur. bo‘yicha 1 turdagi) flakonda shisha ampuladagi (Ph. Eur. bo‘yicha 1 turdagi) 1,0 ml steril erituvchi bilan komplektda qo‘llash bo‘yicha yo‘riqnomasi bilan birga karton qutida. Chiqarilishining hamma shakllari har bir mamlakatda bo‘lmasligi xam mumkin.

Liofilizatsiya qilingan vaktsina – 24 oy. Erituvchi – 60 oy. Vaktsinaning yaroqlilik muddatini tugash sanasi etiketkasi va o‘ramida ko‘rsatilgan.