oq rangli, juda kuchsiz spetsifik hidli surtma, tashqi ko‘rinishidan bir xil bo‘lishi kerak.

Dermatologiyada qo‘llash uchun kortikosteroidlar. Boshqa preparatlar bilan majmuadagi kortikosteroidlar.

D07XA02.

Mahalliy qo‘llanganda prednizolonni so‘rilishi kuzatiladi. Yo‘ldosh to‘sig‘idan va kam miqdorda ko‘krak sutiga o‘tadi. Surtma tarkibiga kiruvchi yordamchi moddalar surtilgan joyda mochevinani tutib turib, tizimli oqimga so‘rilishiga to‘sqinlik qiladi.

Psoriaz; atopik dermatit; turli shakldagi ekzemalar (shuningdek, lixenizatsiya bilan); disgidroz; seboreyali dermatit; ixtioz, quruqlik va giperkeratoz bilan kechuvchi ixtiozga o‘xshash dermatozlar.

Kattalar va 1 yoshdan oshgan bolalarga. Sirtga qo‘llaniladi. Surtma terining shikastlangan sohasiga sutkada 1-3 marta yupqa qilib surtiladi. Cheklangan sohalarda qo‘llanganda samarani kuchaytirish uchun okklyuzion bog‘lam ishlatish mumkin. Davolash kursining davomiyligini kasallikning xarakteri va davolash samaradorligiga qarab, shifokor belgilaydi, odatda davolash kursi 6-14 kunni tashkil qiladi. Bolalarga buyurilganda umumiy davolash davomiyligini 5-7 kungacha cheklash va glyukokortikosteroidlarni so‘rilishini kuchayishiga olib keluvchi chora-tadbirlarni (qizdiruvchi, okklyuzion va fiksatsiyalovchi bog‘lamlar) istisno qilish kerak.

Preparat qo‘llanganida: qichishish, giperemiya, shish, terida toshma, dermatit, eshakemi, terini qurishi, achishish, sanchiq xissi, terini ta’sirlanishi, steroidli xusnbuzarlar, purpura, teleangiektaziyalar yuzaga kelishi mumkin. Uzoq vaqt qo‘llanganda yoki terining katta sohalarida qo‘llanganda tizimli nojo‘ya samaralar paydo bo‘lishi mumkin, xususan terining ikkilamchi infektsion shikastlanishi, atrofik o‘zgarishlar, gipertrixoz, giperkortitsizm rivojlanishi mumkin.

Preparat komponentlariga shaxsiy yuqori sezuvchanlik; Kushing sindromi; suvchechak; vaktsinatsiya o‘tkazilgan davr; oddiy gerpes, jarohatlar va yaralar; terining bakterial, vurusli, zamburug‘li shikastlanishi, teri tuberkulyozi; teridagi sifilis ko‘rinishlari; teri o‘smalari, oddiy xusnbuzar, pushti xusnbuzar; yaqqol ekssudatsiya bilan kechuvchi dermatozlar. Homiladorlik va laktatsiya davri. 1 yoshgacha bo‘lgan bolalar.

Tizimli va mahalliy glyukokortikosteroid preparatlarini ta’siri preparat samarasini kuchaytiradi. Mikroblarga qarshi va zamburug‘larga qarshi preparatlar bilan birga qo‘llanishi preparat uzoq vaqt qo‘llanganida ikkilamchi infektsiyani oldini olishga yordam beradi.

Preparatni kerakli terapevtik samaraga erishish uchun zarur bo‘lgan eng kam dozada va minimal qisqa muddatga buyurish kerak. Sog‘lom to‘qimaga ta’sirini oldini olish uchun teri sohasiga surtilayotgan surtma jarohatlangan maydondan oshmasligi kerak. Davolashni shifokor nazorati ostida o‘tkazish kerak. Davolash jarayonida okulist nazorati arterial bosim nazorati zarur. Nojo‘ya ta’sirni kamaytirish maqsadida kortikosteroidlar va nosteroid preparatlarni almashtirib qo‘llash kerak. Preparat surtilayotgan teri qoplamining maksimal qo‘llash mumkin bo‘lgan maydoni tana yuzasining 20% dan oshmasligi kerak. Glyukokotikosteroidlarni qisqa kurs bilan faqat zo‘rayish paytida ishlatilishi kerak, lekin profilaktika uchun emas. Preparatni buyurishda glyukokortikosteroidlarning sutkalik chiqarilish ritmini hisobga olish kerak: ertalab – katta, kunduzi – o‘rtacha, kechqurun – kichik dozalar buyuriladi. Preparatni birdaniga to‘xtatish xavfli hisoblanadi, bunda kasallik zo‘rayishi va bemorning umumiy holati yomonlashishi mumkin. Preparatni asta-sekin bekor qilish kerak. Glyukokortikosteroidlarni immunodepressiv ta’siri tufayli, davolash davrida chin chechakka qarshi emlash yoki boshqa turdagi immunizatsiyalarni o‘tkazish mumkin emas. Preparatni ko‘zga, shilliq pardaga va boshning sochli qismiga tushishdan saqlanish kerak. Anamnezida psixozga ko‘rsatmalar borligida yuqori dozalar shifokorning qattiq nazorati ostida buyuriladi. Immun tanqisligi hollarda (shuningdek OITS yoki OITV bilan infektsiyalanganlarda) ehtiyotkorlik bilan qo‘llash kerak. Surtmani qo‘llashda terida qo‘zg‘alish yuzaga kelsa yoki yuqori sezuvchanlik alomatlari paydo bo‘lsa, davolashni to‘xtatish va bemorga adekvat davolashni tanlash kerak. Dori vositasini tananing katta yuzasiga uzoq vaqt qo‘llanganda, ayniqsa bolalarda, endokrin tizimi tomonidan tizimli nojo‘ya samaralar bo‘lishi mumkin. Bu nojo‘ya reaktsiyalar kamdan-kam hollarda rivojlanadi, qaytuvchan xarakterga ega va dori vositasini qo‘llashni to‘xtatish bilan yo‘q bo‘ladi. Bunday patsiyentlar uchun preparatni qo‘llash davrida gipotalamo-gipofizar-buyrak usti bezi tizimining faoliyatini muntazam nazorat qilish kerak. Gipotalamo-gipofizar-buyrak usti bezi tizimi faoliyatini susayishi simptomlari paydo bo‘lganida preparatni bekor qilish yoki surtma applikatsiyalari orasidagi intervallarni uzaytirish kerak. Psoriazni davolash uchun steroidlarni mahalliy qo‘llanilishi, ba’zi hollarda kasallikni qaytalanishiga, chidamliligini rivojlanishiga, umumlashgan yiringli psoriaz havfini oshishiga va teri to‘sig‘i faoliyatini pasayishi bilan bog‘liq bo‘lgan lokal yoki tizimli (gipotalamo-gipofizar-buyrak usti bezini qayta ezilishi) toksiklik rivojlanishiga olib kelishi mumkin. Shuning uchun psoriazni preparat bilan davolashda patsiyentni sinchkovlik bilan kuzatish kerak. Terining zamburug‘li yoki bakterial superinfektsiya rivojlanish hollarida qo‘shimcha zamburug‘larga qarshi yoki antibakterial vositalar qo‘llash kerak. Homiladorlik va laktatsiya davrida qo‘llanishi Preparatni homiladorlik yoki emizish davrida qo‘llash mumkin emas. Bolalar Preparat 1 yoshdan oshgan bolalarda terining cheklangan sohalarida qisqa kursda (5-7 kun) qo‘llaniladi. Preparatni 1 yoshdan 3 yoshgacha bo‘lgan bolalarda, agar kutilayotgan samara bola uchun potentsial xavfdan ustun bo‘lgandagina qo‘llash mumkin. Bunday hollarda davolashning umumiy davomiyligini cheklash va steroidni rezorbtsiyasini va so‘rilishini kuchayishiga olib keluvchi jarayonlarni (qizdiruvchi, okklyuzion fiksatsiyalangan bog‘lamlar) istisno qilish kerak. Tagliklar okklyuzion samara ko‘rsatishi mumkin. Yoshidan qat’iy nazar bolalarda uzoq vaqt qo‘llashdan saqlanish kerak. Uzoq vaqt qo‘llanganda mahalliy infektsion asoratlarni oldini olish uchun mikrobga qarshi dori vositalari bilan birgalikda qo‘llash mumkin. Katta yuzalariga surtish tavsiya etilmaydi. Preparatni surtilayotgan maydon qanchalik katta bo‘lsa nojo‘ya samaralar rivojlanish ehtimoli ham shuncha yuqori bo‘lishini yodda tutish kerak. Bolalarda preparatni qo‘llashda gipotalamo-gipofizar-buyrak usti bezi tizimi susayishi alomatlari yuz berishi mumkinligini hisobga olish kerak, bu holat bolalarda tana vaznini teri qoplami sathiga nisbatan farq bo‘lganligi uchun preparat katta yoshdagi patsiyentlarga qaraganda bolalarda ko‘proq so‘riladi. Mahalliy qo‘llash uchun kortikosteroidlarni bolalarda buyrak usti bezi faoliyatini susayishi, Kushing sindromi, o‘sishni sekinlashishi, tana vaznini o‘sishini kamayishi, bosh miya ichki bosimini oshishi kuzatilgan. Avtomobilni va murakkab mexanizmlarni boshqarish qobiliyatiga ta’siri Ta’sir etmaydi. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda, original o‘ramda saqlansin. Muzlatilmasin.

Kortikosteroidlarning organizmga tushgan miqdoriga qarab, ham mahalliy ham tizimli nojo‘ya reaktsiyalar rivojlanishi mumkin. Preparatning dozasi oshirib yuborilganida davolashni darxol to‘xtatish mumkin emas – buni preparatning asta-sekin dozasini pasaytirib amalga oshiriladi. Buyrak usti bezi po‘stlog‘i yetishmovchiligi simptomlari rivojlanishida gidrokortizon yuborilishi talab etilishi mumkin.

Retsept bo‘yicha

15 g dan tubada; 1 tuba qutida.

2 yil.