dementsiyani davolash uchun boshqa preparatlar.

N06DX01

So‘rilishi Memantinning mutloq biokiraolishligi taxminan 100% ni tashkil qiladi. Memantinni so‘rilishiga ovqatning ta’siri to‘g‘risida ma’lumotlar yo‘q. Taqsimlanishi Preparatni 20 mg sutkalik dozada qo‘llash plazmada memantinning muvozanatli kontsentratsiyasini shaxslar o‘rtasida 70 dan 150 ng/ml (0,5-1 mkmol) gacha bo‘lgan katta o‘zgarishlariga olib keladi. 5 dan 30 mg gacha bo‘lgan sutkalik dozalar qo‘llanganda orqa miya suyuqligi (OMS)/zardob nisbatining o‘rtacha koeffitsiyenti 0,52 ni tashkil qiladi. Taqsimlanish hajmi taxminan 10 l/kg ni tashkil qiladi. Memantinning taxminan 45% plazma oqsillari bilan bog‘lanadi. Biotransformatsiya Inson organizmida qonda aylanib yuruvchi memantin bilan bog‘langan moddaning 80% dastlabki birikma hisoblanadi. Insondagi asosiy metaboliti 4-va 6-gidroksimemantin va 1-nitrozo-3,5-dimetil-adamantan izomerlarining aralashmasi bo‘lgan N-3,5-dimetilgludantan hisoblanadi. Memantin in vitro sharoitida tsitoxrom R450 ishtirokida metabolizmga uchramaydi. 14S-memantinni peroral qabul qilish yuzasidan o‘tkazilgan tadqiqotda, dozaning o‘rtacha 84% 20 kun davomida chiqarilgan, ayni paytda dozaning 99% siydik bilan chiqarilgan. Chiqarilishi Memantin monoeksponentsial tip bo‘yicha terminal ko‘rsatkichi t1/2 60 dan 100 soatgacha vaqt davomida chiqariladi. Buyrak funktsiyasi normada bo‘lgan ko‘ngillilarda umumiy klirens (SItot) minutiga 170 ml/1,73 m2 ni tashkil qiladi, bunda umumiy buyrak klirensining bir qismi kanalchalar sekretsiyasi orqali oshadi. Shuningdek, buyrak metabolizmida oqsillarni kationlar yordamida o‘tkazilishi bilan mumkin bo‘lgan kanalchalar orqali qayta so‘rilishi rol o‘ynaydi. Memantinni buyrak orqali chiqarilishi siydik ishqoriy muhitga ega bo‘lganida 7-9 marta pasayishi mumkin (“Maxsus ko‘rsatmalar” bo‘limiga qaralsin). Siydikni ishqorlanishi parhezning keskin o‘zgarishlarida, masalan, go‘sht iste’mol qilinadigan parhezdan vegetarianlar parheziga o‘tishda yoki me’da muhitini ishqoriy tomonga o‘zgartiruvchi preparatlarning yuqori dozalarini qabul qilinganda kuzatiladi. To‘g‘ri proportsionallik Sog‘lom ko‘ngillilarda o‘tkazilgan tadqiqotlar 10 dan 40 mg gacha bo‘lgan diapazondagi dozani qabul qilinganda bir tekis farmakokinetikani namoyish etadi.

Altsgeymer kasalligining yengil va og‘ir shakllari bo‘lgan patsiyentlarni davolash uchun qo‘llaniladi.

Polmatin dori vositasini doimo shifokor tavsiyalariga muvofiq qo‘llash lozim. Shubha tug‘ilgan holatlarda shifokor yoki farmatsevt bilan yana bir bor maslahatlashish lozim. Davolashni, Altsgeymer tipidagi dementsiyani diagnostika qilish va davolash tajribasiga ega bo‘lgan shifokorlar boshlashi va nazorat qilishi lozim. Davolashni faqat patsiyent tomonidan preparatni qabul qilinishini muntazam nazorat qilib turadigan vosiy bor bo‘lgandagina boshlash lozim. Diagnostikani zamonaviy qo‘llanmalarga muvofiq o‘tkazish lozim. Davolash boshlaganidan keyin asosan uch oy davomida memantinning dozasini va o‘zlashtira olinishini muntazam baholashni o‘tkazib turish lozim. Keyinchalik memantin bilan davolashning klinik samarasi va preparatni patsiyent tomonidan o‘zlashtira olinishini amaldagi klinik tavsiyalarga muvofiq muntazam baholab turish lozim. Samarani bir maromda ushlab turuvchi davolashni terapevtik samara kuzatilgunigacha va patsiyent memantin bilan davolashni o‘zlashtiraolguniga qadar davom ettirish mumkin. Terapevtik samarasi belgilari kuzatilmagan hollarda, shuningdek agar patsiyent davolashni o‘zlashtira olmasa, memantin bilan davolashni to‘xtatishni qo‘rib chiqish lozim.

Har qanday dori preparati kabi, Polmatin har bir patsiyentda uchramaydigan nojo‘ya ta’sirlarni chaqirishi mumkin. Quyida, memantinning klinik tadqiqotlari jarayonida, shuningdek uni sotuvga chiqarilganidan so‘ng kuzatilgan nohush reaktsiyalar keltirilgan. Har bir tez-tezlik guruhida noxush samaralar jiddiylik darajasini kamayishi tartibida ko‘rsatilgan. Noxush reaktsiyalar a’zolar sinfi va tizimiga muvofiq uchrash tezlik quyidagi gradatsiyasi bo‘yicha sanab o‘tilgan: juda tez-tez (≥ 1/10), tez-tez (≥ 1/100 dan < 1/10 gacha); tez-tez emas (≥ 1/1000 dan < 1/100 gacha); kam hollarda (> 1/10000 dan < 1/1000 gacha); juda kam hollarda (< 1/10000); tez-tezligi noma’lum (mavjud ma’lumotlar bo‘yicha tez-tezligini baholash mumkin emas).

Faol moddaga yoki preparatning yordamchi moddalaridan birontasiga o‘ta yuqori sezuvchanlikda qo‘llash mumkin emas.

Patsiyent so‘nggi vaqtlarda qabul qilgan barcha dori preparatlari, shu jumladan retseptsiz beriladigan dori preparatlari haqida shifokorga xabar berish lozim. Memantinning farmakologik samarasi va ta’sir mexanizmi tufayli, quyidagi o‘zaro ta’sirlar kuzatilishi mumkin: L-dopa, dofaminergik agonistlar va antixolinergik preparatlarning samarasi memantin kabi NMDA antagonistlari bilan yondosh davolashda, ta’sir mexanizmi tufayli, ularning samarasi kuchayishi mumkin. Barbituratlar va neyroleptiklarning samarasi kamayishi mumkin. Memantin va spazmolitik vositalar, dantrolen yoki baklofenni bir vaqtda qo‘llanishi, ularning samarasini o‘zgarishiga olib kelishi mumkin, bu dozaga tuzatishni kiritishni talab etadi.Memantin va amantadinni bir vaqtda qo‘llanishiga preparatlarning toksik ta’siri bilan bog‘liq bo‘lgan psixozni xavfi tufayli, yo‘l qo‘ymaslik lozim. Ikkala birikma kimyoviy strukturasi bo‘yicha NMDA antagonistlariga o‘xshashdir. Bu shuningdek, ketamin va dekstrometorfinga ham taalluqlidir (“Maxsus ko‘rsatmalar” bo‘limiga qaralsin). Shuningdek, memantin va fenotoinni bir vaqtda qo‘llanganda xavf yuz berishi mumkinligi to‘g‘risida bitta xabar chop etilgan.Amantadin kabi, buyrakdagi kationli transport tizimi orqali transport qilinadigan Tsimetidin, ranitidin, prokainamid, xinidin, xinin va nikotin kabi boshqa ta’sir etuvchi moddalar memantin bilan o‘zaro ta’sirlanishi mumkin, bu plazmada ushbu preparatlarning darajasini oshishining potentsial xavfiga olib kelishi mumkin.Memantinni gidroxlortiazid yoki GXTZ ni o‘z ichiga oluvchi har qanday preparatlar majmuasi bilan bir vaqtda qabul qilinganda GXTZ ning zardobdagi darajasi kamayishi mumkin.Postregistratsion davrda varfarinni bir vaqtda qabul qilgan patsiyentlarda xalqaro me’yoriy nisbatni (XMN) oshishning yakka holatlari kuzatilgan. Garchi sabab-oqibat bog‘liqligi aniqlanmagan bo‘lsada, peroral antikoagulyantlarni bir vaqtda qabul qilgan patsiyentlarda protrombin vaqti yoki XMN ni sinchkov nazorat qilish tavsiya etiladi.Yosh, sog‘lom subyektlar tomonidan bir martalik dozani qabul qilinganda farmakokinetikani o‘rganish yuzasidan tadqiqotlar (FK) memantinni gliburid/metformin yoki mdonepezil bilan o‘zaro ta’sirini aniqlamagan.Yosh sog‘lom subyektlarda o‘tkazilgan klinik tadqiqotlarda galantaminning farmakokinetikasiga memantinning ahamiyatli samarasi kuzatilmagan.Memantin in vitro sharoitlarda flavin monooksigenaza, epoksidgidrolaza yoki sulfatlanishni o‘z ichiga olgan CYP 1A2, 2A6, 2C9, 2D6, 2E1, 3A ni ingibitsiya qilmagan.

Anamnezida tutqanog‘i, tirishishlari bo‘lgan patsiyentlarda yoki tutqanoqqa moyilliga bo‘lgan omillari mavjud bo‘lgan patsiyentlarda Polmitin preparatini ehtiyotkorlik bilan qo‘llash lozim. Amantadin, ketamin yoki dekstrometorfan kabi N-metil-D-aspartat (NMDA) antagonistlarini bir vaqtda qabul qilishdan saqlanish lozim. Ushbu moddalar xuddi o‘sha retseptorlar tizimiga memantin kabi ta’sir qiladi, shuning uchun nohush reaktsiyalar (asosan, markaziy nerv tizimi tomonidan) tez-tez yoki yanada yaqqolroq namoyon bo‘lishi mumkin (“Dorilarning o‘zaro ta’siri” bo‘limiga qaralsin). Siydikning rN ko‘rsatkichini oshishiga olib keluvchi omillar mavjud bo‘lganda (“Farmakologik xususiyatlari” bo‘limiga qaralsin), patsiyentning holatini sinchkov kuzatish talab etilishi mumkin. Ushbu omillar parhezni keskin o‘zgarishi, masalan go‘shtni iste’mol qiladigan parhezdan vegetarian parhezga o‘tishda, yoki me’da muhitini ishqorlashtiruvchi preparatlarning yuqori dozalarini qabul qilishni o‘z ichiga oladi. Bundan tashqari, siydikning rN ko‘rsatkichi buyrakning tubulyar atsidozida (BTA) yoki siydik chiqarish yo‘llarining Proteus bacteria tomonidan chaqirilgan og‘ir infektsiyalarida oshishi mumkin. Yaqinda miokard infarkti o‘tkazgan, kompensatsiyalanmagan yurak yetishmovchiligi (NYHA III-IV) yoki nazorat qilib bo‘lmaydigan arterial gipertenziyasi bo‘lgan patsiyentlar ko‘pchilik klinik tadqiqotlarda chiqarilganlar. Natijada cheklangan miqdordagi ma’lumotlar bor xolos, shu boisdan, ushbu holatlari bo‘lgan patsiyentlarni sinchkov kuzatuvini o‘tkazish lozim. Tabletkalar laktoza saqlaydi. Galaktozani o‘zlashtiraolmaslik, laktozani (Lapp turi) o‘zlashtiraolmaslik yoki glyukoza-galaktozani so‘rilishini buzilishi bilan bog‘liq bo‘lgan, kam uchraydigan nasliy kasalliklari bo‘lgan patsiyentlarda ushbu preparatni qo‘llash mumkin emas.

Har qanday dori preparatini qo‘llashdan oldin shifokor bilan maslahatlashish lozim Homiladorlik Memantinni homilador ayollarda qo‘llash to‘g‘risida klinik ma’lumotlar yo‘q. Hayvonlarda o‘tkazilgan tadqiqotlarda homilani qorin ichida rivojlanishini odamda kuzatiladigan ekspozitsiyaga teng yoki bir qancha yuqori ekspozitsiya darajalarida kechikishi mumkinligini ko‘rsatadi. Memantinni homiladorlik vaqtida, faqat buning uchun yaqqol zarurat bo‘lgan olatda bundan istisno qo‘llash mumkin emas. Emizish Memantin insonning ko‘krak sutiga chiqariladimi, yoki yo‘qmi noma’lum, biroq moddaning lipofilligini e’tiborga olib, bunday ehtimol mavjud. Memantinni qabul qilayotgan ayollar bola emizishdan saqlanishlari lozim.

Yorug‘likdan himoyalangan joyda, 30°S dan yuqori bo‘lmagan haroratda saqlansin.

Polmatinni buyurilganidan ortiq dozada qabul qilingan hollarida, darhol shifokorga murojaat qilish lozim. Klinik tadqiqotlarda va postregistratsion qo‘llash tajribadan, memantinning dozasini oshirib yuborilishi bilan bog‘liq bo‘lgan faqat cheklangan ma’lumotlar mavjud. Simptomlari: Dozani nisbatan katta oshirib yuborilganda (sutkada 200 mg va sutkada 150 mg dan muvofiq 3 kun davomida) faqat charchoq, holsizlik va/yoki diareya kuzatilgan yoki bo‘lmasa, simptomlar bo‘lmagan. 140 mg dan kam dozada yoki noaniq dozada dozani oshirib yuborilganda patsiyentlarda markaziy nerv tizimi tomonidan simptomlar (ongni chalkashish, uyquchanlik, bosh aylanishi, qo‘zg‘aluvchanlik, agressiya, gallyutsinatsiyalar va odimlashni buzilishi) va/yoki me’da-ichak yo‘llari tomonidan buzilishlar (qusish va diareya) kuzatilgan. Dozani oshirib yuborilishining eng og‘ir holatida, memantinning umumiy 2000 mg bo‘lgan miqdorini qabul qilgandan so‘ng patsiyent tirik qolgan, bunda markaziy nerv tizimi tomonidan samaralar (10 kun davomida koma va keyinchalik diplopiya va qo‘zg‘aluvchanlik) kuzatilgan. Patsiyent simptomatik davolashni qabul qilgan, plazmaferez o‘tkazilgan. Patsiyent sog‘lig‘i uchun turg‘un asoratlarsiz tuzalib ketgan. Memantinni yuqori dozasini (400 mg peroral) qabul qilgandagi dozani oshirib yuborilishining boshqa holatida ham patsiyent tirik qolgan va tuzalib ketgan. Patsiyentda havotirlik, psixoz, tirishishlar, ko‘rish gallyutsinatsiyalari, uyquchanlik, stupor va hotirani yo‘qolishi kabi markaziy nerv tizimi tomonidan simptomlar kuzatilgan. Davolash: Dozani oshirib yuborilishida simptomatik davolashni qo‘llash lozim. Intoksikatsiyada va dozani oshirib yuborilishida qo‘llash uchun spetsifik antidot yo‘q. Organizmdan ta’sir etuvchi moddani chiqarish maqsadida muvofiq standart klinik muolajalarni, ya’ni me’dani yuvish, faollashtirilgan ko‘mirni qabul qilish (ichak-jigar retsirkulyatsiyasini buzilishi), siydikni kislotali muhitga o‘tkazish, jadallashgan diurezni o‘tkazish lozim. Markaziy nerv tizimining qo‘zg‘alishi belgilari va simptomlari mavjud bo‘lsa, sinchkov nazorat qilinadigan klinik simptomatik davolashni o‘tkazish lozim.

Retsept bo‘yicha Ulashish: 2 279 Views

Alyuminiy/PVX/PVDX folgali blister qo‘llash bo‘yicha yo‘riqnomasi bilan birga karton qutida. 28 yoki 56 ta tabletka, 14 tabletkadan blisterda.

3 yil Yaroqlilik muddati ko‘rsatilgan oyning so‘nggi kuni.