kapsula shaklidagi, bir tomonida sindirish chizig‘i va boshqa tomoni silliq bo‘lgan qobiq bilan qoplangan, to‘q sariq rangli tabletkalar.

tizimli qo‘llash uchun antibakterial preparatlar, antibakterial preparatlarning majmuasi.

J01RA09.

So‘rilishi Ornidazol tez so‘riladi, o‘rtacha so‘rilishi 90% ni tashkil qiladi. Plazmada cho‘qqi kontsentratsiyaga 3 soatdan keyin erishiladi. Ofloksatsin ichga yuborilgandan keyin deyarli to‘liq so‘riladi. Taqsimlanishi Ornidazolni plazma oqsillari bilan bog‘lanish darajasi 13% ni tashkil qiladi. Ornidazol orqa miya suyuqligiga yaxshi o‘tadi. Plazmadagi kontsentratsiyasi preparatni qo‘llanishiga bo‘lgan turli ko‘rsatmalar uchun (6-36 mg/l) optimal chegarada bo‘lgan. Ofloksatsinni plazma oqsillari bilan bog‘lanishi taxminan 32% ni tashkil qiladi. Ofloksatsin organizmning to‘qimalarida keng taqsimlanadi. Metabolizimi Ornidazol asosan jigarda metabolizmga uchraydi va natijada 2-gidroksimetil-va α-gidroksimetil metabolitlari hosil bo‘ladi. Ikkala metabolit o‘zgarmagan ornidazolga qaraganda Trichomonas vaginalis va anaerob bakteriyalarga nisbatan kamroq faollikka ega. Ofloksatsin yuborilgandan so‘ng 1-3 soatdan keyin qonda maksimal kontsentratsiyasi kuzatiladi. Chiqarilishi Ornidazolning yarim chiqarilish davri taxminan 13 soatni tashkil qiladi. Bir marta qabul qilingandan keyin dozaning 85% 5 kun davomida asosan metabolitlar ko‘rinishida chiqariladi. Qabul qilingan dozaning taxminan 4% buyrak orqali o‘zgarmagan holda chiqariladi. Ofloksatsinning yarim chiqarilish davri 4-6 soatni tashkil qiladi. Ofloksatsin asosan o‘zgarmagan ko‘rinishda siydik bilan chiqariladi.

Polimik® preparatining komponentlariga sezgir qo‘zg‘atuvchilar (mikroorganizmlar va sodda hayvonlar) tomonidan chaqirilgan quyidagi aralash infektsiyalarni davolash uchun qo‘llanadi: siydik-tanosil tizimining kasalliklari: o‘tkir va surunkali piyelonefrit, prostatit, tsistit, epididimit, jarohlik infektsiyalari, siydik tanosil yo‘llarining asoratlangan yoki qaytalanuvchi infektsiyalari, ginekologik kasalliklar;penitsillinga chidamli gonokokklar, xlamidiyalar, trixomonadalar va boshqa mikroorganizmlar tomonidan chaqiriladigan, jinsiy yo‘l orqali yuqadigan kasalliklar;qorin bo‘shlig‘i a’zolari va o‘t yo‘llarining infektsiyalari, shuningdek amyobiaz–amyoba dizenteriyasi, ichakdan tashqari shakllari, ayniqsa jigarning amyobali abstsessi, lyamblioz va qorin tifi, salmonellez, ishegellez kabi boshqa infektsion kasalliklar;og‘iz bo‘shlig‘ining infektsiyalari, o‘tkir nekrotik yarali gingivit;immuntanqisligi bo‘lgan bemorlar yoki neytropeniyali bemorlarda infektsion asoratlarni oldini olish; operatsiyadan oldingi tayyorgarlik va jarrohlik infektsiyalarni operatsiyadan keyingi davolash, ayniqsa gastroenterologiya.

Polimik®ni chaynamasdan, suv bilan birga, ichga qabul qilish lozim. Preparatni ovqatdan oldin ham, keyin ham qabul qilishga ruxsat beriladi. 2 oydan ortiq qabul qilish tavsiya etilmaydi. Polimik®ning dozasini va davolash davomiyligini shifokor belgilaydi. Kattalar uchun o‘rtacha doza 1 tabletkadan sutkada 2 marta, davolash davomiyligi 7-10 kun; davolashni kasallikning klinik belgilari yo‘qolganidan keyin kamida 3 kun davom ettirish lozim.

Me’da-ichak yo‘llari: qorinda og‘riq, ko‘ngil aynishi, qusish, anoreksiya, enterokolit, gipoglikemik preparatlarni qabul qilayotgan qandli diabeti bo‘lgan bemorlarda gipoglikemiya. Nerv tizimi: qo‘zg‘alish, bosh aylanashi, bosh og‘rig‘i, uyquni buzilishi (uyqusizlik yoki uyquchanlik), periferik sezuvchanlikni buzilishi, koordinatsiyani buzilishi. Qon yaratish a’zolari: anemiya, leykopeniya, eozinofiliya, trombotsitopeniya, pantsitopeniya. Buyrak: plazmada kreatininni oshiradi. Jigar: jigar fermentlari faolligini va bilirubinni oshishi. Yurak qon-tomir tizimi: arterial gipotenziya, taxikardiya. Suyak-mushak tizimi: tendenitlar, ayniqsa keksa yoshdagi patsiyentlarda, shuningdek artralgiyalar, mialgiya. Allergik reaktsiyalar: terini qizib ketishi, qichishish, fotosensibilizatsiya, angionevrotik shish.

Preparatning komponentlariga yuqori sezuvchanlik (allergiya), tutqanoq, markaziy nerv tizimining tirishishga moyilligi bo‘lgan shikastlanishlari (bosh miya jarohati, insult, miya va miya pardalarini yallig‘lanish jarayonlaridan keyin), 16 yoshgacha bolalar, homiladorlik, emizish davrida qo‘llash mumkin emas.

Agar Siz antatsid preparatlarni yoki temir saqlovchi preparatlarni qabul qilayotgan bo‘lsangiz, Polimik® ning samaradorligi susayadi, shuning uchun preparatni ko‘rsatilgan preparatlardan 2 soat oldin yoki 2 soat keyin qabul qilish lozim. Nosteroid yallig‘lanishga qarshi vositalar bilan bir vaqtda qo‘llanganida MNT ga va tutqanoq xurujlarining rivojlanishiga rag‘batlantiruvchi ta’siri xavfi oshadi. Probentsid, tsimetidin, furosemid va metotreksat bilan bir vaqtda qo‘llanganida, Polimik® ni siydik bilan chiqarilishi kamayadi, yarim chiqarilish davri uzayadi va uning zaharli ta’sir xavfi oshadi. Kumarin qatori antikoagulyantlarining samarasini kuchaytiradi, vekuroniy bromidining miorelaksiyalovchi ta’sirini oshiradi.

Agar Siz Polimik® bilan davolanayotgan bo‘lsangiz, zarurat bo‘lmasa, bevosita tushadigan quyosh nurlari ta’siri ostida bo‘lmasligingiz, ultrabinafsha nurlari (simob-kvarts lampalari, solyariy) bilan nurlanishdan saqlanishingiz kerak. Qandni kamaytiradigan preparatlarni qabul qilayotgan qandli diabeti bo‘lgan bemorlar Polimik® ni ehtiyotkorlik bilan qo‘llashlari lozim. Buyrak faoliyatini buzilishi yoki jigarni og‘ir shikastlanishi (tsirroz) bo‘lgan bemorlar o‘rtacha sutkalik dozani (2 tabletka) oshirmasliklari lozim. Transport vositalarini boshqarayotgan, mashina va mexanizmlarda ishlaydigan patsiyentlar nerv tizimi tomonidan ro‘y bo‘lishi mumkin bo‘lgan noxush samaralarni unutmasliklari lozim. Polimik® ni uzoq muddat qo‘llanishi preparatga chidamli mikroorganizmlarni o‘sishi bilan bog‘liq ikkilamchi infektsiyani chaqirishi mumkin. Preparat bilan davolanish vaqtida alkogolli ichimliklarini iste’mol qilishdan saqlanish kerak.

Preparatni homiladorlik va emizish davrida qo‘llash mumkin emas.

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.

Dozani oshirib yuborilishining eng muhim belgilari bu markaziy nerv tizimi tomonidan bo‘lgan simptomlaridir: bosh aylanishi, ongni chalkashishi, tutqanoq xurujlari, ovqat hazm qilish yo‘llari tomonidan reaktsiyalar – ko‘ngil aynishi va qusish. Doza oshirib yuborilgan hollarda darhol shifokorga murojaat qilish lozim.

Retsept bo‘yicha

10 tabletkadan blisterda, 1 yoki 10 blister qo‘llash bo‘yicha yo‘riqnomasi bilan birga karton o‘ramda.

3 yil.