oq rangli, oxirlari yarimsferik bo‘lgan tsilindrik shaklli qattiq jelatin kapsulalar.

Antigipertenziv vosita (AAF ingibitori).

S09AA04

Ichga qabul qilinganida perindopril me’da-ichak yo‘llaridan (MIY) tez so‘riladi. Metabolizmi jarayonida perindopril faoli metaboliti – perindoprilat (taxminan 20%) va 5 nofaol birikmalar xosil bo‘lishi bilan biotransformatsiyaga uchraydi. Biokiraolishligi 65-95% ni tashkil qiladi, bir vaqtda ovqat qabul qilinganida 35% ga kamayadi. Smax ga 1 soat o‘tgach (perindoprilat – 3-4 soat o‘tgach) erishiladi va sutkaning oxirida 33-44% gacha kamayadi. Plazma oqsillari bilan bog‘lanishi axamiyatsiz, 30% dan qiymatni tashkil qiladi va preparatning kontsentratsiyasiga bog‘liq. Erkin perindoprilatning taqsimlanish xajmi – 0,2 l/kg. Perindoprilat buyraklar orqali chiqariladi. Metabolitning erkin fraktsiyasini T1/2 3-5 soatni tashqil qiladi. AAF bilan bog‘langan bog‘idan sekin dissotsiatsiya qiladi, oqibatda “samarali” T1/2 25-30 soatni tashkil qiladi. Perindoprilni takroran buyurish uning kumulyatsiyasiga olib kelmaydi va perindoprilatning T1/2 takroran qabul qilinganda uning faollik davriga muvofiq keladi. Takroran qo‘llanganida muvozanat kontsentratsiyasiga 4 kundan keyin erishiladi. Keksa yoshdagi patsiyentlarda, shuningdek buyrak va yurak yetishmovchiligi bo‘lgan bemorlarda perindoprilni chiqarilishi sekinlashadi (dozalash tartibiga tuzatish kiritish kerak). Perindoprilning dializli klirensi minutiga 70 ml ni tashkil qiladi. Jigar tsirrozi bo‘lgan bemorlarda perindoprilning buyrak klirensi 2 marta kamayadi, bunda xosil bo‘layotgan perindoprilatning umumiy miqdori o‘zgarmaydi va dozalash tartibiga tuzatish kiritish talab etilmaydi.

Peridnopril ATM ni qo‘llash uchun ko‘rsatmalar: Arterial gipertenziya;Surunkali yurak yetishmovchiligi;Yurak yetishmovchiligi;Simptomat yurak yetishmovchiligini davolash;Stabil yurak ishemik kasalligi;Stabil YUIK bo‘lgan bemorlarda, anamnezida miokard infarkti va/yoki revaskulyarizatsiyasi bo‘lgan patsiyentlarda yurak qon-tomir asoratlari xavfini pasaytirish uchun qo‘llanadi.

Perindopril tret-butilaminning tavsiya etiladigan dozasi kuniga bir marta, ertalab ovqatdan oldin yetarli miqdordagi suyuqdik (masalan, suv) bilan qabul qilinadi. Doza patsiyentning profili va qon bosimi darajasini o‘zgarishiga muvofiq shaxsiy bo‘lishi kerak. Arterial gipertenziya: Perindopril tret-butilamin monoterapiya sifatida yoki antigipertenziv vositalarning boshqa sinfi bilan majmuada ishlatilishi mumkin. Tavsiya etiladigan boshlang‘ich doza kuniga bir marta ertalab 4 mg ni tashkil qiladi. Renin-angiotenzin-aldosteron tizimining yaqqol faollashishi bo‘lgan patsiyentlarda (ayniqsa renovaskulyar gipertenziya aylanayotgan qon xajmini pasayishi,yurak faoliyatini dekompensatsiyasi yoki og‘ir gipertenziya bo‘lgan patsiyentlarda) preparatning boshlang‘ich dozasi yuborilganidan keyin, arterial bosimni ortiqcha pasayishi rivojlanishi mumkin. Bunday patsiyentlarga 2 mg boshlang‘ich doza tavsiya etiladi, davolashni shifokorning nazorati ostida boshlash kerak. Bir oy davomida davolashdan keyin doza kuniga bir marta 8 mg gacha oshirilishi mumkin. Perindopril bilan davolash boshlanganidan keyin klinik jihatdan yaqqol ifodalangan gipotenziya rivojlanishi mumkin, uni rivojlanishi extimoli diuretiklar bilan yondosh davolangan patsiyentlarda yuqori bo‘ladi. Bunday patsiyentlarga aylanayotgan qon xajmini pasayishi va/yoki elektrolitlar tanqisligi bo‘lishi mumkinligi tufayli, preparatni extiyotkorlik bilan qabul qilish tavsiya etiladi. Iloji bo‘lganida diuretiklarni perindopril bilan davolashni boshlashdan 2-3 kun oldin bekor qilish kerak. Diuretiklarni bekor qilish mumkin bo‘lmagan AG bilan xastalangan patsiyentlarda, perindopril bilan davolashni 2 mg dozadan boshlash kerak. Buyraklar faoliyatini va qondagi kaliyning darajasini nazorat qilish lozim. Perindoprilning keyingi dozalariga arterial bosim tomonidan javob reaktsiyasiga muvofiq tuzatish kiritish kerak. Zarurati bo‘lganida diuretiklar bilan davolashni tiklash mumkin. Keksa yoshli patsiyentlarda davolashni 2 mg dozadan boshlash kerak, bir oydan keyin 4 mg gacha, so‘ngra zarurati bo‘lganida, buyrak faoliyatiga qarab, 8 mg gacha oshirish mumkin (quyidagi jadvalga qarang). Yurak yetishmovchiligi: Yurak yetishmovchiligi bo‘lgan bemorlarni kaliy tejovchi bo‘lmagan diuretiklar va/yoki digoksin va/yoki beta-adrenoblokatorlar bilan majmuada davolash, preparatni kuniga bir marta ertalab 2 mg boshlang‘ich dozada, sinchkov tibbiy kuzatuv ostida buyurish tavsiya etiladi. Keyinchalik, o‘zlashtirilishi va davolashga javob reaktsiyasiga qarab, ikki hafta davomida davolashdan keyin preparatning dozasi kuniga bir marta 4 mg gacha oshirilishi mumkin. Simptomatik arterial gipotenziyani yuqori xavfi rivojlanishining bo‘lgan patsiyentlarda, masalan, tuzlarning giponatriyemiya yoki gipovolemiyali bo‘lganida ularsiz diuretiklarni qabul qilishi fonida past bo‘lgan patsiyentlarda, preparatni qabul qilishni boshlashdan avval, imkon boricha sanab o‘tilgan xolatlar to‘g‘irlangan bo‘lishi kerak. AB kattaligi, buyrak faoliyati va qon plazmasidagi kaliyning miqdori kabi ko‘rsatgichlar davolashni boshlashdan oldin xam, davolanish jarayonida xam to‘g‘irlanishi kerak. Simptomatik yurak yetishmovchiligi: Perindopril ko‘pincha kaliyni tutib qolmaydigan diuretiklar, va/yoki digoksin va/yoki beta-blokatorlar bilan birga kam buyuriladi; bunday xollarda preparatni ertalab tavsiya etilgan boshlang‘ich 2 mg dozada boshlab, sinchkov shifokor nazorati ostida qabul qilish kerak. Normal o‘zlashtirilganida kamida 2 haftadan keyin bu dozani 2 mg dan sutkada bir marta 4 mg gacha oshirish mumkin. Dozani tanlash xar bir patsiyentning klinik javob reaktsiyasiga asoslanishi kerak. Klinik jihatdan yaqqol gipertenziyani rivojlanishi xavfi yuqori bo‘lgan patsiyentlarda (ya’ni giponatriyemiya, gipovolemiya bilan yoki ularsiz kechuvchi elektrolitlarni yo‘qotilishi bo‘lgan patsiyentlarda yoki diuretiklar bilan yondosh faol davolash olayotgan patsiyentlarda) iloji boricha bu xolatlarni to‘g‘irlash kerak. Perindopril bilan davolashdan oldin va davolash vaqtida arterial bosimni, buyrak faoliyatini va zardobdagi kaliyning darajasini nazorat qilish kerak. Stabil yurak ishemik kasalligi: Preparatni 4 mg dozada sutkada bir marta ikki hafta davomida buyurish, keyin dozani sutkada 8 mg gacha (buyrak faoliyatiga qarab va 4 mg doza yaxshi o‘zlashtirilganida) oshirish kerak. Preparatning dozasini keksa yoshdagi patsiyentlarda buyrak faoliyatiga qarab sutkada bir marta 8 mg gacha oshirishdan avval preparatni 2 mg dan sutkada bir marta bir hafta davomida keyinchalik 4 mg dan sutkada bir marta navbatdagi hafta davomida buyurish kerak. (Buyrak faoliyati buzilganida dozaga tuzatish kiritish. Jadvalga qarang.) Agar oldin qabul qilingan kichik doza yaxshi o‘zlashtirilgan xoldagina, dozani oshirish kerak. Yurak-tomir asoratlarni rivojlanishi xavfini pasaytirish: Stabil YUIK bo‘lgan patsiyentlarda davolashni birinchi ikki xafta davomida sutkada bir marta 4 mg dozadan boshlash kerak. So‘ngra sutkalik doza kuniga bir marta 8 mg gacha oshirilishi mumkin (buyrak faoliyatiga qarab). Keksa yoshli patsiyentlarda davolashni bir xafta davomida kuniga bir marta 2 mg dozada boshlash kerak, dozani kuniga bir marta 8 mg gacha oshirishdan oldin keyingi xafta davomida kuniga bir marta 4 mg dan buyurish kerak. (buyrak faoliyatiga qarab). Buyrak yetishmovchiligida dozaga tuzatish kiritish: Buyrak yetishmovchiligi bo‘lgan patsiyentlarda dozalash quyidagi 1-jadvalda ko‘rsatil-ganidek kreatinin klirensiga asoslangan bo‘lishi kerak: 1 Jadval: buyrak yetishmovchiligida dozaga tuzatish kiritish

Perindopril bilan davolanish vaqtida quyida ko‘rsatilgan nojo‘ya samaralari kuzatilgan, ular tez-tezligi bo‘yicha quyidagi tarzda taqsimlangan: Juda tez-tez (>1/10); tez-tez (>1/100, <1/10); tez-tez emas (>1/1000, <1/100); kam xollarda (>1/10000, <1/1000); juda kam xollarda (<1/10000); uchrash tezligi noma’lum (mavjud bo‘lgan ma’lumotlar asosida uchrash-tezligini baxolash mumkin emas). Qon va limfa tizimi: juda tez-tez – gemoglobin va gematokritni pasayishi, trombotsitopeniya, leykopeniya/neytropeniya, G-6FDG ni tug‘ma tanqisligi bo‘lgan patsiyentlarda agranulotsitoz yoki pantsitopeniya, gemolitik anemiya xaqida xabar berilgan. Ruxiy buzilishlar: tez-tez emas – uyqu va kayfiyatni buzilishi. Nerv tizimini buzilishlari: tez-tez – bosh og‘rig‘i, bosh aylanishi, parasteziya. Ko‘rish a’zolari tomonidan: tez-tez – ko‘rishni buzilishi. Eshitish a’zolari tomonidan: tez-tez – quloqlarni shang‘illashi. Yurak tomonidan: juda kam xollarda- aritmiya, stenokardiya, miokard infarkti, extimol, yuqori xavf guruxida xaddan ziyod gipotenziyaga nisbatan ikkilamchi bo‘lishi mumkin. Qon-tomir buzilishlari: tez-tez – gipotoniya va gipotoniya bilan bog‘liq bo‘lgan samaralar; juda kam xollarda – insult, extimol, yuqori xavf guruxida xaddan ziyod gipotenziyaga nisbatan ikkilamchi bo‘lishi mumkin. Nafas, ko‘krak qafasi va ko‘ks oralig‘i a’zolari: tez-tez – yo‘tal, xansirash; tez-tez emas – bronxospazm; juda kam xollarda- eozinofil pnevmoniya, rinit. Me’da-ichak buzilishlari: tez-tez – ko‘ngil aynishi, qusish, qorinda og‘riq, ta’m bilishni buzilishi, dispepsiya, diareya, qabziyat; tez-tez emas – og‘izni qurishi; juda kam xollarda- pankreatit. Jigar va o‘t-chiqarish yo‘llari: juda kam xollarda- tsitologik yoki xolestatik gepatitlar. Teri va teri osti kletchatkasi: tez-tez – toshma, qichishish; tez-tez emas – yuz, oyoq-qo‘llar, lablar, shilliq qavatlar, til, ovoz yorig‘i va/yoki xiqildoni angionevrotik shishi, eshakemi. Suyak-mushak, biriktiruvchi to‘qima va suyakli buzilishlar: tez-tez emas – mushak spazmlari. Buyraklar va siydik chiqarish yo‘llarining kasalliklari: tez-tez emas – buyrak yetishmovchiligi; juda kam xollarda- o‘tkir buyrak yetishmovchiligi. Reproduktiv tizimini buzilishlari: tez-tez emas – impotentsiya. Umumiy buzilishlar: tez-tez – asteniya; tez-tez emas – ter ajralishi. Tekshirishlar: Plazmada mochevina va kreatininning darajasini oshishi, shuningdek giperkaliyemiya bo‘lishi mumkin, ayniqsa buyrak yetishmovchiligi, og‘ir darajadagi yurak yetishmovchiligi va renovaskulyar gipertenziyasi bo‘lgan bemorlarda, davolash to‘xtatilganida yo‘qoladi. qon zardobida jigar fermentlari va bilirubinning darajasini oshishini kam xollari kuzatilgan.

Diuretiklar: Diuretiklar bilan davolash vaqtida, ayniqsa elektrolitlarni yo‘qotgan va/yoki gipovolemiyasi bo‘lgan patsiyentlarda, AAF ingibitorlari bilan davolash boshlanganidan keyin, arterial bosimni ortiqcha pasayishi rivojlanishi mumkin. Gipotenziv samaralarni rivojlanishi extimolini davolashni perindoprilning kichik dozalari bilan boshlab asta-sekin oshirishdan oldin diuretiklar bilan davolashni to‘xtatish AQX yoki tuz qabul qilishni oshirish orqali, kamaytirilishi mumkin. Kaliyni tejovchi diuretiklar, kaliy preparatlari va kaliy saqlovchi tuzni o‘rnini bosuvchi vositalar. Garchi kaliyning zardobdagi darajasi odatda normal chegaralarda saqlansada, perindopril bilan davolash vaqtida ayrim patsiyentlarda giperkaliyemiya rivojlanishi mumkin. Kaliyni tejovchi diuretiklar (masalan, spirinolakton, triamteren yoki amilorid), kaliy preparatlari yoki kaliy saqlovchi tuz o‘rnini bosuvchi vositalar, kaliyning darajasini axamiyatli oshishiga olib kelishlari mumkin. Shu sababli perindoprilni yuqorida ko‘rsatilgan preparatlar bilan majmuada qo‘llash tavsiya etilmaydi. Agar bu preparatlarni bir vaqtda qo‘llash gipokaliyemiya rivojlanishi bilan bog‘liq bo‘lsa, ularni extiyotkorlik bi lan, kaliyning darajasini muntazam nazorat qilib, iste’mol qilish lozim. Litiy preparatlari: Litiy preparatlari AAF ingibitorlari bilan bir vaqtda qo‘llanganida litiyning zardobdagi kontsentratsiyasini va toksikligini qaytuvchan oshishi aniqlangan. Tiazid diuretiklarni bir vaqtda qo‘llash litiy preparatlarining toksiklik xavfini oshirishi va AAF ingibitorlarini yondosh qabul qilish vaqtida litiyning oshgan toksikligini kuchaytirishi mumkin. Perindoprilni litiy preparatlari bilan birga qo‘llash tavsiya etilmaydi, lekin bunday majmuada qo‘llash zarurati bo‘lganida, litiyning eardobdagi darajasini sinchkov monitoringini o‘tkazish lozim. Nosteroid yallig‘lanishga qarshi preparatlar (NYAQP), shu jumladan sutkada ˃ 3 g dozada atsetilsalitsil kislotasi: Nosteroid yallig‘ldanishga qarshi preparatlarni buyurish AAF ingibitorlarining gipotenziv samarasini pasaytirishi mumkin. Bundan tashqari, NYAQP va AAF ingibitorlari kaliyning darajasini oshirish bo‘yicha additiv samaraga ega va buyrak faoliyatini yomonlashishiga olib kelishi mumkin. Odatda bu samaralar qaytuvchi xarakterga ega. Kam xollarda, ayniqsa buyrak faoliyatini susayishi bo‘lgan patsiyentlarda (keksa yoshli shaxslarda yoki degidratatsiya bo‘lgan bemorlarda) o‘tkir buyrak yetishmovchiligi rivojlanishi mumkin. Gipotenziv preparatlar va vazodilatatorlar: Bu preparatlarni bir vaqtda qo‘llash perindoprilning gipotenziv ta’sirini kuchaytirishi mumkin. Nitroglitserin va boshqa nitratlarni yoki boshqa vazodilatatorlarni bir vaqtda qabul qilish, arterial bosimni qo‘shimcha pasaytirishi mumkin. Antidiabetik preparatlar: Epidemiologik tekshirishlar, AAF ingibitorlari va diabetga qarshi preparatlarni (insulin, peroral gipoglikemik vositalar) birga qo‘llash, gipoglikemiya rivojlanishi xavfi bilan gipoglikemik samarani kuchayishini chaqirishi mumkinligini ko‘rsatadi. Bu ko‘rinishni buyrak faoloiyatini buzilishi bo‘lgan patsiyentlarda majmuaviy davolashning birinchi xaftasi davomida rivojlanish extimoli yuqoriligi ko‘rsatilgan. Atsetilsalitsil kislota, trombolitiklar, beta-blokatorlar, nitratlar: Perindoprilni atsetilsalitsil kislotasi (trombolitik sifatida ishlatilganida), trombolitik vositalar, beta-blokatorlar va/yoki nitratlar bilan bir vaqtda buyurish mumkin. Tritsiklik antidepressantlar/antipsixotik vostialar/anastetiklar: AAF ingibitorlari bilan ayrim anastetiklar, tritsiklik antidepressantlar va antipsixotik vositalarni bir vaqtda qo‘llash, AB ni qo‘shimcha pasayishiga olib kelishi mumkin. Simpatomimetiklar: Simpatomimetiklar AAF ingibitorlarining gipotenziv samaralarini pasaytirishi mumkin. Oltin preparatlari: Oltinning inyektsion preparatlari (natriy aurotimolat) bilan davolash buyurilgan patsiyentlarda va AAF ingibitorlari, shu jumladan perindopril, bilan yondosh davolashda nitroid reaktsiyalar (yuzni qizarishi, ko‘ngil aynishi, qusish va gipotenziyani o‘z ichiga olgan simptomlar) qayd etilgan. Antatsidlar perindoprilning biokiraolishligini pasaytirishi mumkin. AAF ingibitorlari, AT11 (A II RB) retseptorlarining blokatorlari, reninning bevosita ingibitorlari bir vaqtda qo‘llanganida, giperkaliyemiya, buyraklarni shikastlanishi, gipotoniyani rivojlanish xavfi oshadi. Renin-angiotenzin-aldosteron tizimini ikki tomonlama bolkadasi: Mavjud bo‘lgan ma’lumotlar asosida, Iaaf, AAF ingibitorlari A II RB yoki Aliskirenni qo‘llash bilan RAAS ni ikki tomonlama blokadasi xar qanday patsiyentga, ayniqsa diabetik nefropatiyasi bo‘lgan patsiyentlarga tavsiya etilishi mumkin emas. Qandli diabeti yoki o‘rtacha/og‘ir darajadagi buyrak yetishmovchiligi (SKF ˂ 60 ml/min/1,73m2) bo‘lgan patsiyentlada Aliskirenni AAF ingibitorlari yoki A II RB bilan bir vaqtda qo‘llash mumkin emas. Ayrim xollarda, AAF ingibitorlari yoki A II RB birga qo‘llashga mutloq ko‘rsatma bo‘lganida, mutaxassisning sinchikov kuzatuvi va albatta buyrak faoliyatini, suv-elektrolitlar muvozanatini, arterial bosimni monitoring qilish kerak.

Stabil yurak ishemik kasalligi. Agar perindopril bilan davolashning birinchi oyi davomida nostabil stenokardiyaning (yaqqol yoki yaqqol bo‘lmagan) epizodi rivojlansa, davolashni davom ettirishdan oldin foyda va xavf orasidagi nisbatni sinchiklab baxolash kerak. Arterial gipotenziya. AAF ingibitorlari arterial bosimni pasayishini chaqirishi mumkin. Asoratlanmagan AG bo‘lgan patsiyentlarda yaqqol gipotenziya kam uchraydi; ko‘proq u gipovolemiyasi bo‘lgan patsiyentlarda uchraydi, ya’ni, diuretiklarni qabul qilayotgan, ovqat bilan tuz iste’mol qilish cheklagan, gemodializda bo‘lgan, shuningdek diareya yoki qusish bo‘lgan patsiyentlarda, va reninga bog‘liq og‘ir gipertenziyasi bo‘lgan patsiyentlarda uchraydi. Yondosh buyrak yetishmovchiligi bo‘lgan yoki bo‘lmagan klinik jixatdan yaqqol yurak yetishmovchiligi bo‘lgan patsiyentlarda klinik yaqqol gipotenziya qayd etilgan. Uning ex’timoli yaqqolroq ifodalangan yurak yetishmovchiligi bo‘lgan patsiyentlarda bo‘ladi, u xalqali diuretiklarning yuqori dozalarini ishlatish, giponatriyemiya yoki buyraklarni funktsional shikastlanishi bilan aks etadi. Klinik jixatdan yaqqol gipotenziyani rivojlanish xavfi yuqori bo‘lgan patsiyentlar, davolashni boshida sinchikov kuzatuvga va dozaga tuzatish kiritishga muxtoj bo‘ladilar. Shunday talablar YUIK yoki tserebrovaskulyar kasalligi bo‘lgan patsiyentlarga xam tegishli bo‘lib, ularda AB ni pasayishi miokard infarkti yoki bosh miyada qon aylanishini o‘tkir buzilishiga olib kelishi mumkin. Arterial gipotenziya rivojlanganida patsiyentni gorizontal xolatda yotqizish va zarurati bo‘lganida vena ichiga fiziologik eritmani buyurish kerak. Tez kechuvchi gipotenziv javob davolashni davom ettirishga qarshi ko‘rsatma xisoblanmaydi, uni odatda aylanayotgan qon xajmini oshirish orqali arterial bosim oshganidan keyin asoratsiz tiklash mukmkin. Arterial bosimi normal yoki past bo‘lgan dimlangan yurak yetishmovchiligi bo‘lgan ayrim patsiyentlarni perindopril bilan davolash, tizimli arterial bosimni qo‘shimcha pasayishiga olib kelishi mumkin. Bu kutilgan samara va davolashni to‘xtatish uchun sabab xisoblanmaydi. Klinik jihatdan yaqqol arterial gipotenziyada, perindoprelning dozasini pasaytirish yoki u bilan davolashni to‘xtatish talab qilinishi mumkin. Aortal va mitral klapan stenozi/gipertrofik kardiomiopatiya Boshqa AAF ingibitorlariga o‘xshab, perindoprilni mitral klapan stenozi va chap qorinchaning chiqarish yo‘li stenozi, xususan, aortal stenozi yoki gipertrofik kardiomiopatiyasi bo‘lgan patsiyentlarga extiyotkorlik bilan qo‘llash kerak. Buyrak faoliyatini buzilishi Buyrak faoliyatini buzilishi (kreatinin klirensi ˂ 60 ml/min) bo‘lganida perindoprilning boshlang‘ich dozasini patsiyentning kreatinin klirensi bo‘yicha va patsiyentni davolashga javob reaktsiyasiga qarab tuzatish kiritish kerak. Odatda bunday patsiyentlarda kaliy va kreatininning darajasini rejali tartibda nazorati o‘tkaziladi. Klinik jixatdan yaqqol yurak yetishmovchiligi bo‘lgan patsiyentlarda AAF ingibitorlari bilan davolash boshlanganidan keyin gipotenziyani rivojlanishi, buyrak faoliyatini biroz yomonlashishiga olib kelishi mumkin. Bunday vaziyatda, odatda qaytmas xarakterga ega bo‘lgan. O‘BЕ ta’riflangan. Buyrak arteriyasini ikki tomonlama stenozi yoki yakka buyrak arteriyasini stenozi bo‘lgan, AAF ingibitorlari bilan davolangan ayrim patsiyentlarda, zardobda mochevina va kreatininning darajasini oshishi aniqlangan u odatda davolash to‘xtatilganidan so‘ng qaytuvchi xarakterga ega bo‘lgan.. Buning extimoli, ayniqsa buyrak faoliyatini buzilishi bo‘lgan patsiyentlarda yuqori bo‘ladi. Renovaskulyar gipertenziya bo‘lganida og‘ir darajadagi gipotenziya va buyrak yetishmovchiligini rivojlanish xavfi yuqori. Bunday patsiyentlarda davolashni sinchkov shifokor nazorati ostida past dozalardan boshlash, keyin dozani ex’tiyotkorlik bilan tanlash kerak. Garchi diuretiklar bilan davolash yuqorida keltirilgan ko‘rinishlar rivojlanishi uchun ijobiy omil bo‘lishi mumkin bo‘lsada, perindopril bilan davolashni birinchi xaftasida, buyrak faoliyatini nazorati ostida  diuretiklarni bekor qilish kerak. AG bo‘lgan va buyraklarni ilgari yuz bergan tomirli shikastlanish belgilari bo‘lmagan ayrim patsiyentlarda, zardobda mochevina va kreatininning darajasini oshishi rivojlangan, u odatda yengil va tez kechuvchi xarakterga ega bo‘lgan, ayniqsa perindopril diuretiklar bilan bir vaqtda qo‘llanganida kuzatilgan. Bu ko‘rinishlarni rivojlanishi extimoli bilan buyraklarni oldindan shikastlanishi bo‘lgan patsiyentlarda yuqori bo‘ladi. Dozani pasaytirish va /yoki diuretiklar va/yoki perindopril bilan davolashni to‘xtatish talab qilinishi mumkin. Gemodializ olayotgan patsiyentlar. Yuqori oqimli membranalarda gemodializ olayotgan va AAF ingibitorlari bilan yondosh davolanayotgan patsiyentlarda, anafilaktik reaktsiyalar rivojlanishi aniqlangan. Patsiyentlar uchun dializ membranasining boshqa turini yoki boshqa sinf gipotenziv preparatni ishlatish xaqidagi masalani ko‘rish lozim. Buyraklar transplantatsiyasi. Buyrak yaqinda transplantatsiya qilingan patsiyentlarda perindoprilni qo‘llash tajribasi yo‘q. O‘ta yuqori sezuvchanlik/angionevrotik shish. AAF ingibitorlari bilan, shu jumladan perindopril bilan, davolanayotgan patsiyentlarda, ba’zida yuz, oyoq-qo‘llar, lablar, shilliq qavatlar, til, tovush paylari va/yoki xiqildoqning angionevrotik shishi rivojlanishi mumkin. Bu ko‘rinishlar davolashning istalgan vaqtida rivojlanishi mumkin. Bunday xollarda perindopril bilan davolashni darxol to‘xtatish va xolatini simptomlar butunlay to‘xtagunicha davom etuvchi  muvofiq monitoringni boshlash kerak. Faqat yuz yoki lablarni shishi kuzatilgan xollarda, u garchi odatda davolashsiz yo‘qolsada, simptomlarni yengillashtirish uchun antigistamin vositalar qo‘llangan. Xiqildoqni shishi bilan birga angionevrotik shishi o‘limga olib kelishi mumkin. Nafas yo‘llarining obstruktsiyasi extimoli yuqori bo‘lgan til, tovush bog‘lamlari va xiqildoqning shishida, darxol shoshilinch davolashni buyurish kerak. U adrenalinni yuborish va/yoki nafas yo‘llarining o‘tkazuvchanligini tutib turishdan iborat bo‘lishi mumkin. Patsiyent simptomlari to‘liq va barqaror xolda to‘xtagunicha sinchkov shifokor nazorati ostida bo‘lishi kerak. Anamnezida AAF ingibitorlari bilan bog‘liq bo‘lmagan anionevrotik shish yuzasidan ma’lumotlar bo‘lgan patsiyentlar, AAF ingibitorlari bilan davolanganda bunday shishni rivojlanish xavfi yuqori  bo‘lishi mumkin. Past zichlikdagi lipoproteidlar (PZLP) aferezi vaqtidagi anafilaktoid reaktsiyalar. Dekstran-sulfati bilan past zichlikdagi lipoproteidlarni (PZLP) aferezi vaqtida AAF ingibitorlarini qabul qilayotgan patsiyentlarda kam xollarda, xayot uchun xavf tug‘diruvchi anafilaktoid reaktsiyalar rivojlangan. Xar bir aferezdan oldin AAF ingibitorlari bilan davolashni vaqtinchalik to‘xtatish yo‘li bilan, bunday reaktsiyalardan saqlanish mumkin. Desensibilizatsiya vaqtidagi anafilaktik reaktsiyalar. Desensibilizatsiya (masalan, pardaqanotlilar: arilar, asalarilar va boshqa xashoratlar zaxariga) vaqtida AAF ingibitorlarini olgan patsiyentlarda, anafilaktoid reaktsiyalar rivojlangan. AAF ingibitorlarini vaqtinchalik bekor qilish yo‘li bilan bu patsiyentlarda bunday reaktsiyalardan saqlanish mumkin, lekin tasodifan qayta qabul qilinganida bu reaktsiyalar yana paydo bo‘ladi. Jigar yetishmovchiligi. AAF ingibitorlari bilan davolash kam xollarda xolestatik sariqlik bilan boshlanadigan va jigarning ba’zida o‘lim bilan yakunlanuvchi, fulminant nekrozi rivojlanishi bilan birga avj oladigan sindrom bilan kechadi. Bu sindromni rivojlanish mexanizmi noma’lum. Agar AAF ingibitorlari bilan davolanish vaqtida sariqlik rivojlansa yoki jigar fermentlarining darajasi axamiyatli darajada oshsa, AAF ingibitorini bekor qilish va keyinchalik muvofiq shifokor kuzatuvini buyurish kerak. Neytropeniya/agranulotsitoz/trombotsitopeniya/anemiya. AAF ingibitorlarini qabul qilayotgan patsiyentlarda neytropeniya / agranulotsitoz / trombotsitopeniya / anemiya rivojlanishi kuzatiladi. Buyrak faoliyati normal bo‘lgan va boshqa asoratlovchi omillari bo‘lmagan patsiyentlarda neytropeniya kam rivojlanadi. Perindoprilni kollagenozlari bo‘lgan patsiyentlarda, immunodepressantlar bilan davolashda, allopurinol yoki prokainamid bilan davolashda yoki asoratlovchi omillar bilan majmuada, ayniqsa  buyrak faoliyati ilgari  buzilgan bo‘lsa extiyotkorlik bilan qo‘llash kerak. Bu patsiyentlarning ayrimlarida ko‘pchilik xollarda faol antibakterial davolashga javob bermaydigan jiddiy infektsiyalar rivojlanadi. Bunday patsiyentlarga perindopril buyurilganida leykotsitlarning darajasini vaqti-vaqti bilan monitoring qilish tavsiya etiladi. Patsiyentlarga infektsiyaning xar qanday belgilari rivojlanganida shifokorga xabar berish kerakligi xaqida ogoxlantirish kerak. Yo‘tal. AAF ingibitorlari bilan davolanishda yo‘tal rivojlanishi mumkin. Balg‘amsiz dag‘al yo‘tal xarakterli bo‘lib, u davolash bekor qilinganidan keyin to‘xtaydi. Yo‘talni differentsial diagnoz qilishda, AAF ingibitorlari tomonidan chaqirilgan yo‘talni xisobga olish kerak.

Quruq, yorug‘likdan ximoyalangan doyda, 15oS dan 25oS gacha bo‘lgan xaroratda saqlansin.

Odamlarda dozani oshirib yuborilishi xaqida cheklangan ma’lumotlar bor. AAF ingibitorlarining dozasini oshirib yuborilishi bilan bog‘liq bo‘lgan simptomlar, gipotoniya, qon aylanishini buzilishi oqibatidagi shok, elektrolit buzilishlar, buyrak yetishmovchiligi, giperventilyatsiya, taxikardiya, yurak urishini xis etish, bradikardiya, bosh aylanishi, bezovtalik va yo‘taldan iborat bo‘lishi mumkin. Doza oshirib yuborilganida tavsiya etiladigan davolash vena ichiga fiziologik eritmani yuborishdan iborat. Agar arterial gipotenziya rivojlansa, patsiyentni gorizontal xolatda yotqizish va oyoqlarini ko‘tarish kerak. Iloji bo‘lganida  infuziya ko‘rinishida angiotenzin II va/yoki katexolaminlarni yuborish bilan davolash o‘tkazish masalasini ko‘rib chiqib kerak. Perindopril va perindoprilatni umumiy qon oqimidan gemodializ yo‘li bilan yo‘qotish mumkin. Agar konservativ davolashga chidamli bradikardiya rivojlansa, yurak ritmini boshqaruvchi moslama qo‘yish ko‘rsatilgan. Xayotiy muxim faoliyatlarning ko‘rsatgichlarini, zardobdagi elektrolitlar va kreatininning darajasini uzuluksiz nazorat qilish kerak.

Retsept bo‘yicha Ulashish: 0 117 Views

10 kapsuladan PVX/alyumin folga kontur-uyali o‘ramda. 3 kontur-uyali o‘ram qo‘llash bo‘yicha yo‘riqnomasi bilan birga karton qutiga joylanadi.

2 yil.