kapsula shaklidagi, sariq rangli plyonka qobiq bilan qoplangan tabletkalar.

nosteroid yallig‘lanishga qarshi preparat

N02BE51

Og‘riq sindromini bartaraf etish va yallig‘lanishni davolash. Tayanch-harakat apparatining yallig‘lanish kasalliklarini davolashda, revmatoid artrit, podagrik artrit, osteoartroz, ankilozlovchi spondilitda qo‘llanadi. Seropozitiv revmatoid artrit. Psoriatik va enteropatik artropatiyalar. Podagra. Poliartroz. Ankilozlovchi spondilit. Lyumbago, tish og‘rig‘i, yelka-kurak periartriti, yumshoq to‘qimalarni revmatik shikastlanishi, tendinit, miozit, tendosinovit, cho‘zilishlar, lat yeyish, bo‘g‘imlarni chiqishi, periartrit, lyumbago, qiyshiqbo‘yin. Quloq, tomoq va burunning yallig‘lanish kasalliklari.

Pares tabletkalari kattalarda peroral qabul qilish uchun buyuriladi. Paresning tavsiya etilgan dozasi – bir tabletkadan ertalab va kechqurun, kuni ikki tabletkani tashkil etadi.

Ovqat hazm qilish tizimi tomonidan: gastralgiya, ko‘ngil aynishi, qusish, dispepsiya, meteorizm, anoreksiya, jigar transaminazalari faolligini oshishi, me’da-ichakdan qon ketishi, MIY eroziv-yarali shikastlanishi va perforatsiyasi, gematemezis, melena, yashin tezligidagi gepatit, qabziyat. MNT va periferik nerv tizimi tomonidan: bosh og‘rig‘i, bosh aylanishi, qo‘zg‘alish, his qilishni buzilishi, paresteziya, xotirani pasayishi, dezoriyentatsiya, ko‘rishni, eshitishni va ta’m bilishni buzilishi, quloqlarda shovqin, uyquni buzilishi (uyquchanlik yoki uyqusizlik), ta’sirchanlik, tirishishlar, depressiya, xavotirlik, tremor, aseptik meningit. Allergik reaktsiyalar: teri toshmasi; kam hollarda – eshakemi, ekzema, ko‘p shaklli eritema, eritrodermiya, tizimli anafilaktik reaktsiyalar, bronxial astma, ayrim hollarda – vaskulit, pnevmonit, xavfli ekksudativ eritema (Stivens-Djonson sindromi), toksik epidermal nekroliz (Layell sindromi). Siydik chiqarish tizimi tomonidan: kam hollarda – periferik shish; ayrim hollarda – o‘tkir buyrak yetishmovchiligi, gematuriya, proteinuriya, interstitsial nefrit, nefrotik sindrom. Qon yaratish tizimi tomonidan: trombotsitopeniya, leykopeniya, agranulotsitoz, gemolitik anemiya, plastik anemiya. Yurak-qon tomir tizimi tomonidan: taxikardiya, AB oshishi, surunkali yurak yetishmovchiligi.

Atseklofenak yoki paratsetamolga yoki tabletkalarning har qanday boqsha komponentlariga o‘ta yuqori sezuvchanlik. Ta’siri shunga o‘xshash bo‘lgan substantsiyalar (masalan aspirin yoki boshqa NYAQV) astma xurujlari, bronxospazm, o‘tkir rinit yoki isitma chaqirgan patsiyentlarda yoki bu dori vositalariga o‘ta yuqori sezuvchanligi bo‘lgan patsiyentlar. O‘tkir yurak yetishmovchiligi yoki jigar yoki buyrak faoliyatini o‘tkir yomonlashishi va homiladorlikning oxirgi uch oyligi. Zo‘rayish bosqichidagi MIY eroziv-yarali shikastlanishlari (shu jumladan yarali kolit, Kron kasalligi). Me’da-ichak yo‘llaridan qon ketishi yoki unga gumon qilish. Aortokoronar shuntlash o‘tkazilgandan keyingi davrda qo‘llash mumkin emas.

Paresning o‘zaro ta’siri boshqa NYAQV larning o‘zaro ta’siri bilan bir xil. Atseklofenak plazmada litiy, digoksin va metotreksatning kontsentratsiyasini oshirishi, antikoagulyantlarning faolligini oshirishi, diuretiklarning faolligini ingibitsiya qilishi, tsiklosporinning toksikligini oshirishi va xinolon qatori antibiotiklari bilan bir vaqtda buyurilganda konvulsiyalarni tezlashtirishi mumkin. Kaliy tejovchi diuretiklar bilan yondosh buyurilganda zardobdagi kaliyning darajasini nazorat qilish kerak. Gipo- yoki giperglikemiya atsiklofenak va antidiabetik dori vositalarini yondosh qo‘llash tufayli, garchi kam hollarda bo‘lsa ham yuz berishi mumkin. Atseklofenakni boshqa NYAQV yoki kortiksteroidlar bilan yondosh qo‘llash nojo‘ya samaralar tez-tezligini oshishiga olib kelishi mumkin. Barbuturatlar, karbamazepin, gidantoin, izoniazid, rifampitsin va sulfinpirazonni yuqori dozalarda uzoq vaqt qo‘llaganda paratsetamolning potentsial gepatotoksikligi kuchayishi mumkin.

Pares me’da-ichak yo‘llari kasalliklari bo‘lgan patsiyentlarga va peptik yaralar, tserebrovaskulyar qon ketishlar, yarali kolit, Kron kasalligi, porfiriya, gemopoezni yoki koagulyatsiyani buzilishlari bo‘lgan patsiyentlarga ehtiyotkorlik bilan va tibbiy kuzatuv ostida buyurilishi kerak. Buyrak, jigar yoki yurak faoliyatini yengildan o‘rtacha darajagacha buzilishlari bo‘lgan patsiyentlarda, shuningdek suyuqlikni tutilishiga moyil holatlari bo‘lgan patsiyentlarda ehtiyotkorlikka rioya qilish kerak. Umuman olganda nojo‘ya reaktsiyalarga moyilligi bo‘lgan patsiyentlarda ham ehtiyotkorlikka rioya qilish kerak. Oqibatlar, masalan me’da-ichak yo‘llaridan qon ketishi va/yoki perforatsiya ko‘pincha jiddiy bo‘ladi, ogohlantiruvchi simptomlarsiz yoki dastlabki ko‘rinishlarsiz, davolashning har qanday vaqtida paydo bo‘lishi mumkin. Keksa patsiyentlarda ehtimol buyrak, yurak-qon tomir yoki jigar faoliyatini yomonlashishi kuzatiladi. NYAQV bilan uzoq vaqt davolanayotgan barcha patsiyentlar oldini oluvchi tekshiruvdan (masalan, buyrak, jigar faoliyati va qon tahlili) o‘tishlari kerak. Surunkali og‘ir alkogolizmi bo‘lgan patsiyentlar paratsetamolni haddan ziyod qo‘llash oqibatida jigar toksikligi xavfi yuqori bo‘lishi mumkin, garchi bu haqidagi kam hollarda xabar berilgan. Alkogolni ko‘p miqdorda iste’mol qiladigan patsiyentlarda alohida ehtiyotkorlikka rioya qilish kerak. Bunday patsiyentlar Paresning maksimal tavsiya etilgan dozalarini oshirmasliklari kerak. Homiladorlik va laktatsiya davri Dori vositasi homilador ayollarga tavsiya etilmaydi. Dori vositasi emizikli ayollarga tavsiya etilmaydi. Avtotransportni haydash va mexanizmlarni boshqarish qobiliyatiga ta’siri Davolash davrida diqqatni yuqori jamlash va psixomotor reaktsiyalarning tezligini talab etuvchi potentsial xavfli faoliyat turlari bilan shug‘ullanishdan saqlanish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

25°S dan yuqori bo‘lmagan haroratda, quruq, yorug‘likdan himoyalangan joyda.

Odamda atseklofenakning dozasini oshirib yuborilishi haqida ma’lumotlar yo‘q. Simptomlari: bosh og‘rig‘i, psixomtor qo‘zg‘alish, bosh aylanishi, ko‘ngil aynishi, qusish kuzatilishi mumkin. Davolash: me’dani yuvish, simptomatik davolash, faollashtirilgan ko‘mirni buyurish. Jadallashtirilgan diurez, gemodializ yetarli darajada samarali emas.

Retsept bo‘yicha Ulashish: 3 209 Views

Plyonka qobiq bilan qoplangan 10 tabletkalar alyumin va PVX blisterda. 2 blister qo‘llash bo‘yicha yo‘riqnomsi bilan karton qutida.

3 yil