oq rangli, kuchsiz spetsifik hidli bir xil gel.

jarohatlarni bitishiga (chandiqlanishiga) yordam beruvchi preparatlar.

D03A X.

Dekspantenol qo‘yilgan joydagi to‘qimalarda metabolizmga uchraydi. Tizimli qon oqimiga deyarli tushmaydi. Miramistin surtma asosining polimer moddalarining xususiyatlari tufayli jarohat yuzasida tutilib qoladi va tizimli qon oqimiga so‘rilmaydi.

Jarrohlikda: turli sohalarda joylashgan va turli genezli, shu jumladan, operatsiyadan keyingi jarohatlar, trofik yaralar va regeneratsiya bosqichidagi yotoq yaralarni (jarohat jarayonining II fazasi) davolash uchun.Kombustiologiyada: granulyatsiyalanuvchi kuyish jarohatlarini davolash uchun, ularni autodermaplastikaga tayyorlashda va plastik operatsiyalardan keyin teri transplantlarini bitishini yaxshilash uchun; quyosh nuri oqibatidagi kuyishlarni davolash uchun.Radiatsion tibbiyotda: shilliq qavatlar, teri va o‘rab turgan to‘qimalarni nurli shikastlanishlarini oldini olish uchun, nurli yaralarni regeneratsiya bosqichida davolash uchun.Stomatologiyada: parodont kasalliklarini (kataral, yarali-nekrotik gingivit, bir sohadagi parodontit, tarqoq parodontitni) davolash, og‘iz bo‘shlig‘i shilliq qavatining kasalliklarini (stomatit, surunkali qaytalanuvchi aftoz stomatitni), og‘iz bo‘shlig‘i shilliq qavatining travmatik shikastlanishlarini (protezlar ta’siri oqibatidagi stomatitni) davolash uchun. Pediatriyada: bichilish va yo‘rgak dermatitida, ularning infektsiyalanishini oldini olish uchun.Ginekologiyada: bachadon bo‘yni eroziyasini, eroziv kolpitlarni va qinning shilliq qavatini shikastlanishini davolash uchun.Teri infektsiyalarini, xususan, ikkilamchi infektsiyalangan ekzema va neyrodermitlarni davolash uchun.Maishiy jarohatlanish oqibatida mayda shilinishlar, kesilishlar, tirnalishlarni davolash va ularning infektsiyalanishini oldini olish uchun qo‘llanadi.

Preparat mahalliy qo‘llanadi. Jarohat yuzasiga standart ishlov berilganidan keyin gel jarohat yuzasiga yupqa qavat qilib sutiladi, so‘ngra steril doka bog‘lov qo‘yiladi. Zarurat tug‘ilganida gel bog‘lov materialiga surtiladi, so‘ngra jarohatga qo‘yiladi. Ekssudat bo‘lganida preparatni qo‘llashdan oldin jarohatni furatsillin (1:5000) yoki vodorod perekisining (3%) eritmasi bilan yuvish va doka salfetka bilan quritish kerak. Dermatologik kasalliklarda va quyoshdan kuyishlarda: gel bevosita shikastlangan yuzaga sutkada 2-3 marta qo‘yish mumkin. Ginekologik kasalliklarda (bachadon bo‘ynining eroziyasi, eroziv kolpitlar): preparat bilan shimdirilgan doka tamponlarni, patsiyent yotgan holatida qinga chuqur qilib kiritiladi. Stomatologik kasalliklarda: preparatni faqat kattalarga og‘iz bo‘shlig‘iga mahalliy qo‘llash mumkin. Shaxsiy gigiyenadan keyin og‘iz bo‘shlig‘i chayiladi, gelni milklarni yuzasiga yoki og‘iz bo‘shlig‘i shilliq qavatining shikastlangan sohasiga yupqa qavat qilib qo‘yiladi. Bir soat davomida suyuqlik ichmaslik va ovqat iste’mol qilmaslik kerak. Og‘iz bo‘shlig‘i shilliq qavatining travmatik shikastlanishlarini (protez oqibatidagi stomatitni) davolashda shikastlanish sohasiga gel surtilganidan keyin tish protezlarini ishlatish mumkin. Preparat sutkada 2-3 marta qo‘llanadi. Davolash davomiyligi – 7-10 kun, shikastlanish to‘liq bitgunicha yoki yallig‘lanish jarayoni kamaygunicha davom etadi.

Immun tizimi tomonidan: preparatni shaxsiy o‘zlashtiraolmaslik hollarida, odatda teri tomonidan o‘zgarishlar bilan namoyon bo‘luvchi o‘ta yuqori sezuvchanlik reaktsiyalari yuz berishi mumkin. Bu qichishish, giperemiyani his etishni, klinik ko‘rinishlari va og‘irlik darajasi bo‘yicha turli xil lokal yoki tarqalgan toshmalarni paydo bo‘lishi bilan kechadi. Ayrim hollarda 15-20 minutdan keyin mustaqil o‘tib ketuvchi va preparatni bekor qilishni talab etmaydigan achishish hissi bilan kechuvchi terini mahalliy ta’sirlanishi bo‘lishi mumkin. Teri va teri osti kletchatkasi tomonidan: kontakt dermatit, allergik dermatit, eritema, ekzema, eshakemi, terini ta’sirlanishi, terini shishi, pufakchalar, terini qurishi, xo‘llanish kuzatilishi mumkin.

Preparatning ta’sir etuvchi moddasi va boshqa komponentlariga yuqori sezuvchanlikda qo‘llash mumkin emas.

Preparatni boshqa dori vositalari bilan bir vaqtda qo‘llanganda quyidagilar yuz berishi mumkin: aminofaol moddalar bilan (sovunli eritmalar bilan) – miramistinning mikroblarga qarshi ta’siri faolsizlanadi. Bir vaqtda qo‘llashdan saqlanish lozim; tizimli yoki mahalliy antibiotiklar bilan – mikroorganizmlarning antibiotiklarga rezistentligini pasayishi kuzatiladi; qutbsizlantiruvchi miorelaksantlar (suksametoniy xloridi, dekametoniy bromidi) bilan – oxirgilarning samaradorligi kuchayadi; qutbsizlantirmaydigan miorelaksantlar bilan – oxirgilarning samaradorligi susayadi. Preparatni miramistin antimikrob ta’sirini faolsizlantiruvchi boshqa antiseptiklar bilan birga qo‘llash mumkin emas.

Gelni ko‘zga tushishidan saqlanish kerak. Preparatni og‘ir yiringli ekssudatsiyasi bilan kechuvchi jarohat jarayonining I fazasida qo‘llash tavsiya qilinmaydi. Preparatni oldindan shifokorning maslahatisiz boshqa dori vositalari bilan qo‘llash mumkin emas.

Preparatni homiladorlik va emizish davrida shifokorning tavsiyasi bo‘yicha qo‘llash mumkin, lekin tananing katta sohalariga qo‘llashdan saqlanish kerak.

Original o‘ramida, 25oS dan yuqori bo‘lmagan haroratda saqlansin. Preparatni muzlashiga yo‘l qo‘yilmasin.

Mahalliy qo‘llanganida dozani oshirib yuborilishining ehtimoli kam, chunki preparatning faol komponentlari tizimli qon oqimiga deyarli o‘tmaydi. Preparatni behosdan ichga qabul qilingan hollarda toksik samaralarni yuz berishi kutilmaydi. Me’da-ichak yo‘llari buzilishlari yuz berganida – simptomatik davolash o‘tkaziladi.

Retseptsiz

15 g va 30 g dan tubalarda. 1 tubadan qutida.

2 yil.