Chetlari yassi kapsulasimon shaklli oq rangli tabletkalar. Tabletkaning bir tomonida PANADOL yozuvi, boshqa tomonida – riska bosib tushirilgan.

analgetik nonarkotik vosita.

N02B E01

So‘rilishi – yuqori, TCmax  0,5-2 soatdan keyin erishiladi; Cmax – 5-20 mkg/ml, plazma oqsillari bilan bog‘lanishi – 15% ni tashkil qiladi. Gemato-entsefalik to‘siq (GET) orqali o‘tadi. Emizikli ona qabul qilgan paratsetamol dozasining 1% dan kamroq qismi ko‘krak sutiga o‘tadi. Paratsetamolning plazmadagi samarali terapevtik kontsentratsiyasiga, uni 10-15 mg/kg dozada buyurilganda erishiladi. Jigarda metabolizmga uchraydi (90-95%): 80% glyukuron kislotasi va sulfatlar bilan kon’yugatsiyalanish reaktsiyalariga kirishib, nofaol metabolitlarni hosil qiladi. 17% gidroksillanishga uchrab, 8 faol metabolitlarni hosil qiladi, ular esa o‘z navbatida glutation bilan kon’yugatsiyalanib, nofaol metabolitlarni hosil qiladi. Glutation tanqisligida ushbu metabolitlar gepatotsit ferment tizimlarini bloklab, ularning nekrozini chaqirishi mumkin. Preparatning metabolizmida shuningdek CYP2E1 izofermenti ham ishtirok etadi. Yarim chiqarilish davri (T1/2) – 1-4 soat. Buyraklar orqali metabolitlar, asosan kon’yugatlar holida chiqariladi, faqat 3% gina qismi o‘zgarmagan holda chiqariladi. Keksa yoshli bemorlarda preparatning klirensi pasayadi va yarim chiqarilish davri uzayadi.

Simptomatik davolash: bosh og‘rig‘i, migren, tish og‘rig‘i, tomoqdagi og‘riqlar, bel og‘riqlari, mushaklardagi og‘riqlar, og‘riqli xayz ko‘rishlarda og‘riq sindromini davolash uchun qo‘llanadi.isitma sindromini davolash: (isitmani tushiruvchi vosita sifatida). Gripp va “shamollash” kasalliklari fonidagi tana harorati oshganida qo‘llanadi. Preparat qo‘llangan vaqtdagina og‘riqni qoldirishga mo‘ljallangan bo‘lib, kasallikni avj olishiga ta’sir ko‘rsatmaydi.

Kattalar (shu jumladan keksalar): 0,5-1 g (1-2 tabletka) dan, agar zarurati bo‘lsa sutkada 4 martagacha qabul qilinadi. Qabul qilishlar orasidagi interval – kamida 4 soat, bir martalik dozani (2 tabletka) 24 soat davomida ko‘pi bilan 4 marta (8 tabletka) qabul qilish mumkin. Bolalar (6-9 yosh): 1/2 tabletkadan, agar zarurat bo‘lsa, sutkada 3-4 martagacha qabul qilinadi. Qabul qilishlar orasidagi interval – kamida 4 soat. 6-9 yoshli bolalar uchun bir martalik maksimal dozasi – 1/2 tabletka (250 mg), maksimal sutkalik doza – 2 tabletka (1 g ). Bolalar (9-12 yosh): 1 tabletkadan, agar zarurati bo‘lsa, sutkada 4 martagacha qabul qilinadi. Qabul qilishlar orasidagi interval – kamida 4 soat, bir martalik dozani (1 tabletka) 24 soat davomida ko‘pi bilan 4 marta (4tabletka) qabul qilish mumkin. Preparatni shifokorning ko‘rsatmasi va kuzatuvisiz og‘riqni qoldiruvchi vosita sifatida 5 kundan ortiq va isitmani tushiruvchi vosita sifatida 3 kundan ortiq qabul qilish tavsiya etilmaydi. Sutkalik dozani va davolash davomiyligini oshirish faqat shifokor nazorati ostida bo‘lishi mumkin.

Tavsiya etilgan dozalarda preparat odatda yaxshi o‘zlashtiriladi. Paratsetamol nojo‘ya ta’sirlarni kam chaqiradi. Ba’zida terida toshmalar, qichishishlar, Kvinke shishi ko‘rinishidagi allergik reaktsiyalar kuzatilishi mumkin. Kam hollarda – qon tizimida buzilishlar (anemiya, trombotsitopeniya, metgemoglobinemiya) bo‘lishi mumkin. Yuqori dozalarda uzoq vaqt qo‘llanganida jigar va buyrak faoliyatini buzilish (buyrak sanchig‘i, nospetsifik bakteruriya, interstitsial nefrit, papillyar nekroz) ehtimoli oshadi va qon ko‘rsatkichlarini nazorat qilish zarur bo‘ladi.

o‘ta yuqori sezuvchanlik;6 yoshgacha bo‘lgan bolalarda qo‘llash mumkin emas

Paratsetamolni va boshqa nosteroid yallig‘lanishga qarshi preparatlarni birgalikda uzoq vaqt davomida qabul qilish “analgetik” nefropatiya va buyrak papillyar nekrozini rivojlanishi, buyrak yetishmovchiligining terminal bosqichga o‘tish xavfini oshiradi. Yuqori dozalarda paratsetamol va salitsilatlarni uzoq vaqt davomida bir vaqtda qo‘llash buyrak yoki qovuq rakini rivojlanish xavfini oshiradi. Diflunisal paratsetamolning plazmadagi kontsentratsiyasini 50% ga oshiradi, bu gepatotoksiklikni rivojlanish xavfini oshiradi. Miyelotoksik dori vositalari preparatning gematotoksik ko‘rinishlarini kuchaytiradi. Preparat uzoq muddat qabul qilinganda bilvosita antikoagulyantlar (varfarin va boshqa kumarinlar) ning samarasini kuchaytiradi, bu qon ketishlar xavfini oshiradi. Jigarda mikrosomal oksidlanish fermentlarining induktorlari (barbituratlar, fenitoin, karbamazepin, rifampitsin, zidovudin, difenin, fenitoin, etanol, flumetsinol, fenilbutazon va tritsiklik antidepressantlar) doza oshirib yuborilganida gepatotoksik ta’sirini rivojlanish xavfini oshiradi. Mikrosomal oksidlanishning ingibitorlari (tsimetidin) gepatotoksik ta’sir xavfini kamaytiradi. Metoklopramid va domperidon paratsetamolni so‘rilish tezligini oshiradi, kolesteramin esa kamaytiradi. Etanol o‘tkir pankreatit rivojlanishiga olib keladi. Preparat urikozurik preparatlarning faolligini pasaytirishi mumkin.

Preparatni qabul qilishdan oldin shifokor bilan maslahatlashish kerak, agar: Sizda jigar yoki buyrak kasalligi bo‘lsa;Siz ko‘ngil aynishi va qusishga qarshi preparatlar (metoklopramid, domperidon), shuningdek qonda xolesterin miqdorini pasaytiruvchi preparatlar (kolesteramin) qabul qilayotgan bo‘lsangiz;Siz antikoagulyantlar qabul qilayotgan bo‘lsangiz va Sizga uzoq vaqt mobaynida har kuni og‘riqsizlantiruvchi preparatlar zarur bo‘lsa. Bunday holatda paratsetamolni ba’zida qabul qilish mumkin.Siz homilador bo‘lsangiz yoki emizsangiz. Siydik kislotasi va glyukoza miqdorini aniqlash uchun qon tahlili o‘tkazilganda shifokorga preparat qabul qilayotganligingiz haqida xabar berish kerak. JIGARNING TOKSIK SHIKASTLANISHINI OLDINI OLISH MAQSADIDA PARATSЕTAMOL BILAN BIR VAQTDA ALKOGOLLI ICHIMLIKLAR ISTE’MOL  QILISH, SHUNINGDЕK ALKOGOLNI SURUNKALI ISTE’MOL QILISHGA MOYIL SHAXSLAR PRЕPARATNI QABUL QILISHLARI MUMKIN EMAS.

25oS dan yuqori bo‘lmagan haroratda saqlansin. Bolalar ololmaydigan joyda saqlansin.

Preparatni faqat tavsiya etilgan dozalarda qabul qilish kerak. Tavsiya etilgan doza oshirib yuborilgan hollarda, garchi Siz o‘zingizni yaxshi his qilayotgan bo‘lsangiz ham, darhol tibbiy yordamga murojaat qiling, chunki jigarni keyinroq namoyon bo‘luvchi jiddiy shikastlanish xavfi mavjud. Kattalarda jigarni shikastlanishi paratsetamolni 10 g va undan ortiq qabul qilinganda yuz berishi mumkin. Paratsetamolni 5 g va undan ortiq qabul qilinganda quyidagi xavfli omillarga ega bo‘lgan patsiyentlarda jigarni shikastlanishiga olib kelishi mumkin: uzoq vaqt davomida karbamazepin, fenobarbital, fenitoin, primidon, rifampitsin, teshik dalachoy preparatlari, yoki jigar fermentlarini stimullovchi boshqa preparatlar bilan davolanganda;muntazam ravishda ko‘p miqdorda alkogol iste’mol qilinganda;glutation tanqisligi ehtimoli mavjud bo‘lganda (ovqatlanishni buzilishi, mukovistsidoz, OITV-infektsiya, ochlik, ozib ketish). Paratsetamol bilan o‘tkir zaharlanishning belgilari bo‘lib ko‘ngil aynishi, qusish, me’dada og‘riqlar, terlash, teri qoplamalarini oqarishi bo‘lishi mumkin. 1-2 sutkadan so‘ng jigar faoliyatini buzilishi belgilari (jigar sohasida og‘riqlar, “jigar” fermentlari faolligi oshib ketishi) aniqlanishi mumkin. Dozani oshirib yuborilishining og‘ir holatlarida tubulyar nekrozli jigar yetishmovchiligi (shu jumladan, jigarni og‘ir darajadagi shikastlanishi bo‘lmasa ham), aritmiya, pankreatit, entsefalopatiya va komatoz holat rivojlanishi mumkin. Kattalarda gepatotoksik ta’siri paratsetamolni 10 g yoki undan ko‘proq qabul qilinganda paydo bo‘ladi.

Retseptsiz

Plyonka qobiq bilan qoplangan tabletkalar 500 mg. 6 yoki 12 tabletka saqlovchi PVX/alyumin blister. 1 yoki 2 blister (har birida 6 yoki 12 tabletkadan) qo‘llash bo‘yicha yo‘riqnomasi bilan birga karton qutiga joylashtirilgan.

5 yil. O‘ramida ko‘rsatilgan yaroqlilik muddati tugaganidan so‘ng ishlatilmasin.