tiniq rangsiz yoki och-sariq, yot zarralarni saqlamaydigan eritma.

o‘smalarga qarshi vositalar, o‘simliklardan olinadigan alkaloidlar va boshqa tabiiy moddalar, taksanlar.

L01CD01.

Vena ichiga yuborilganidan keyin paklitaksel qon plazmasida kontsentratsiyasini ikki fazali pasayish davri bilan xarakterlanadi. Preparatning yarim chiqarilishini o‘rtacha terminal davri 3,0 dan 52,7 soatgacha o‘zgarib turadi, umumiy klirensi 11,6 dan 24,0 l/s/m2 gachani tashkil qiladi va qon plazmasida paklitakselning kontsentratsiyasi oshishi bilan pasayadi. Preparatning taqsimlanishini o‘rtacha muvozanatli xajmi 198 dan 688 l/m2 gachani tashkil qiladi. Preparat 100 mg/m2 dozada 3 soat davomida vena ichiga tomchilab yuborilganidan keyin Cmax ning o‘rtacha qiymati 1530 ng/ml, AUC ning o‘rtacha qiymati – 5619 ng/s/ml, taqsimlanish xajmi – 291 l/m2 ni tashkil qiladi. Davolash tsikllari ko‘p marta takrorlanganda preparat to‘planmaydi. Paklitakselni plazma oqsillari bilan bog‘lanishi 89-98% ni tashkil qiladi. Tsimetidin, ranitidin, deksametazon va difengidramin preparatni oqsillar bilan bog‘lanish darajasiga ta’sir qilmaydi. Yuborilgan dozaning 1,3% dan 12,6% gacha qismi siydik bilan o‘zgarmagan xolda chiqariladi. Paklitaksel asosan tsitoxrom R450 ning CYP2C8, CYP3A4, CYP2C8 va CYP3A4 izofermentlari tomonidan metabolizmga uchraydi. Yuborilgan dozaning o‘rtacha 34% metabolitlari ko‘rinishida axlat bilan chiqariladi. Gemodializ qabul qilayotgan patsiyentlarda, paklitaksel tana yuzasining maydoniga 135 mg/m2 dozada 3-soatlik infuziya ko‘rinishida yuborilganda, uning farmakokinetikasini parametrlari dializ qabul qilmayotgan patsiyentlardagi shunday ko‘rsatkichlar bilan bir xil bo‘lgan.

Nojo‘ya samaralarining uchrash tezligining quyidagi mezonlari ishlatilgan: juda tez-tez (10 dan ≥ 1 ); tez-tez (100 dan ≥ 1, lekin 10 dan ≤ 1); tez-tez emas  (1000 dan ≥ 1, lekin 100 dan ≤ 1); kam xollarda (10000 dan ≥ 1, lekin 1000 dan ≤ 1); juda kam xollarda (10000 dan ≤ 1); noma’lum (mavjud bo‘lgan ma’lumotlar asosida baxolash mumkin emas). Infektsiyalar va invaziyalar Juda tez-tez: infektsiyalar (asosan siydik chiqarish tizimining va yuqori nafas yo‘llarining infektsiyalari), shu jumladan o‘lim bilan yakunlanuvchi infektsiyalar. Tez-tez emas: septik shok. Juda kam xollarda: peritonit, pnevmoniya. Qon yaratish va limfa tizimi tomonidan buzilishlar Juda tez-tez: suyak ko‘migi faoliyatini yetishmovchiligi, neytropeniya, anemiya, trombotsitopeniya, leykopeniya, qon ketishi. Kam xollarda: febril neytropeniya. Juda kam xollarda: o‘tkir miyeloleykoz, miyelodisplastik sindrom. Noma’lum: disseminatsiyalangan tomir ichki ivish sindromi (DVS). Immun tizimi tomonidan buzilishlar Juda tez-tez: o‘ta yuqori sezuvchanlikning og‘ir bo‘lmagan reaktsiyalari (asosan giperemiya va teri toshmalari). Tez-tez emas: davolash o‘tkazishni talab etuvchi og‘ir o‘ta yuqori sezuvchanlik reaktsiyalari (masalan, arterial gipotenziya, angionevrotik shishi, respirator distress sindrom, yoyilgan eshakemi, et uvishishi, belda og‘riq, ko‘krak qafasida og‘riqlar, taxikardiya, qorinda og‘riqlar, oyoq-qo‘llarda og‘riqlar, terchanlik va arterial gipertenziya). Kam xollarda: anafilaktik reaktsiyalar. Juda kam xollarda: anafilaktik shok. Ovqatlanish va moddalar almashinuvini buzilishlari Juda kam xollarda: anoreksiya. Noma’lum: o‘sma lizisi sindromi. Ruxiy buzilishlar Juda kam xollarda: ongni chalkashishi. Nerv tizimi tomonidan buzilishlar Juda kam xollarda: neyrotoksiklik (asosan periferik neyropatiya). Kam xollarda: motor neyropatiya (oyoq-qo‘llarning distal bo‘limlarida mushaklarni yaqqol bo‘lmagan kuchsizligiga olib keluvchi). Juda kam xollarda: avtonom neyropatiya ( ichak tutilishiga va ortostatik gipotenziyaga olib keluvchi), katta tirishish xurujlari, tirishishlar, entsefalopatiya, bosh aylanishi, bosh og‘rig‘i, ataksiya. Ko‘rish a’zosi tomonidan buzilishlar Juda kam xollarda: ko‘ruv nervi va/yoki ko‘rish tomonidan buzilishlar (jimillovchi skotoma), ayniqsa preparatni taviya etilgandan yuqori dozalarda olayotgan patsiyentlarda. Noma’lum: sariq dog‘ning shishi, fotopsiya, shishasimon tananing suzuvchi xiralashishi. Yurak tomonidan buzilishlar Tez-tez: bradikardiya. Tez-tez emas: kardiomiopatiya, simptomsiz qorincha taxikardiyasi, bigeminiyali taxikardiya, atrioventrikulyar blokada va xushdan ketish, miokard infarkti.

Tsisplatin Tuxumdon rakini birinchi yo‘nalish ximioterapiyasi sifatida paklitakselni tsisplatindan oldin yuborish tavsiya etiladi, chunki aks xolda miyelosupressiya xavfini rivojlanishi oshishi va paklitakselning klirensini taxminan 20% ga pasayishi aniqlangan. Ayollar jinsiy a’zolarining o‘smalari bo‘lgan va paklitakselni tsisplatin bilan majmuada qabul qilayotgan patsiyentlarda, tsisplatin monoterapiyada ishlatilgandagiga nisbatan, buyrak yetishmovchiligi xavfi oshishi mumkin. Doksorubitsin Doksorubitsin va paklitakselni yuborish orasidagi qisqa vaqt oralig‘ida doksarubitsin va uning faol metabolitlarini chiqarilishini sekinlashishi mumkin, shuning uchun paklitakselni doksorubitsindan keyin 24 soat o‘tgach yuborish kerak. Tsitoxrom R450 izofermentlarining substratlari Paklitaksel CYP2C8 yoki CYP3A4 ingibitorlari (masalan, ketokonazol yoki boshqa imidazol zamburug‘larga qarshi vositalar, eritromitsin, fluoksetin, gemfibrozil, klopidogrel, tsimetidin, ritonavir, sakvinavir, indinavir va nelfinavir) bilan bir vaqtda ishlatilganda ehtiyotkorlikka rioya qilish kerak, paklitakselning ekspozitsiyasi qiymatlarini oshishi va uning toksikligini kuchayishi mumkin. Paklitakselni CYP2C8 yoki CYP3A4 ning ma’lum induktorlari (masalan, rifampitsin, karbamazepin, fenitoin, efavirenz va nevirapin) bilan bir vaqtda qo‘llash tavsiya etilmaydi, chunki paklitaksel ekspozitsiyasining qiymatlarini va uning samaradorligi pasayishi mumkin. Tsimetidin Tsimetidin bilan premedikatsiya paklitakselning klirensiga ta’sir qilmaydi. Proteaza ingibitorlari Nelfinavir va ritonavir, indinavirdan farqli ravishda, paklitakselning tizimli klirensini ishonchli pasaytiradi. Proteaza ingibitorlarini bir vaqtda qabul qilayotgan patsiyentlarda, paklitakselni extiyotkorlik bilan buyurish kerak.

Paklitaksel faqat tsitostatiklarni ishlatish tajribasiga ega bo‘lgan shifokorlar tomonidan ishlatilishi kerak. Og‘ir o‘ta yuqori sezuvchanlik reaktsiyalarini shoshilinch ravishda bartaraf qilish uchun muvofiq jixozlar mavjud bo‘lishi kerak. Kontsentratni suyultirish aseptik sharoitlarda maxsus o‘rgatilgan xodimlar tomonidan amalga oshirilishi kerak. Xodimlar tsitostatiklar bilan ishlash bo‘yicha o‘qitilgan bo‘lishlari kerak. Xomilador ayollar paklitaksel bilan ishlamasliklari kerak. Preparat toksik va ishlashda xamda va utilizatsiyada maxsus ehtiyotkorlik choralariga rioya qilishni talab etadi. Barcha boshqa tsitostatiklar kabi, paklitaksel aloxida extiyotkorlik bilan ishlatilishi kerak: u bilan ishlaganda ximoya kiyim qo‘lqoplar kiyish va niqob taqish kerak. Paklitakselni teri va shilliq qavatlarga tushishidan saqlanish kerak. Paklitakselning eritmasi teriga tushgan xolda shikastlangan sohani darxol sovunlab suv bilan yuvish kerak. Paklitaksel eritmasi shilliq qavatga tushganda shikastlangan sohani suv bilan yaxshilab yuvish va darxol tibbiy yordamga murojaat qilish kerak. Preparat bilan nafas olinganda dispnoe, ko‘krak qafasida og‘riqlar, tomoqda achishish va ko‘ngil aynishi aniqlangan.

Bolalar ololmaydigan joyda, original o‘ramida (yorug‘likdan ximoya qilish maqsadida), 25ºS dan yuqori bo‘lmagan xaroratda saqlansin.

Doza oshirib yuborilgan xollarda ishlatish uchun paklitakselning antidoti noma’lum. Dozani oshirib yuborilishining asosiy kutiladigan ko‘rinishlari: miyelosupressiya, periferik neyropatiya va mukozit. Doza oshirib yuborilgan xollarda patsiyent sinchkov kuzatuv ostida bo‘lishi kerak. Davolash toksiklikning asosiy kutilayotgan ko‘rinishlari bilan belgilanadi. Bolalardagi dozani oshirib yuborilishi etanolning toksikligini o‘tkir ko‘rinishlari bilan assotsiatsiyalanadi.

Rangli plastik qopqoqli siqilgan alyumin qalpoqchalar bilan yopilgan va rezina tiqinlar bilan berkitilgan tiniq shisha flakonlar. 1 flakondan qo‘llash bo‘yicha yo‘riqnomasi bilan birga karton qutida. O‘ram o‘lchamlari: 1 × 5 ml/30 mg paklitaksel. 1 × 16,7 ml/100 mg paklitaksel. 1 × 25 ml/150 mg paklitaksel. 1 × 35 ml/210 mg paklitaksel. 1 × 50 ml/300 mg paklitaksel.

Original o‘ramida: 3 yil. Birinchi ochilgandan keyin: 25 kun. Suyultirilgandan keyin: 2-8ºS xaroratda 24 soat. Mikrobiologik nuqtai nazardan suyultirilgan preparat bevosita tiklanganida yoki suyultirilganidan keyin, ko‘rsatilgan operatsiyalar nazoratli va validatsiyalangan aseptik sharoitlar xollaridan tashqari, ishlatilishi kerak. Kimyoviy va fizik barqarorligi yorug‘likdan ximoyalangan joyda, 2-8 S xaroratda saqlanganda 14 kungacha vaqt davomida yoki 5% li glyukoza eritmasida suyultirilgandan keyin – 7 kungacha vaqt davomida, va natriy xloridining 0,9% li eritmasida suyultirilganda yorug‘likdan ximoyasiz xona xaroratida – 5 kun davomida bo‘lishi namoyish qilingan. Saqlash muddatlari va sharoitlariga rioya qilishga javobgarlik foydalanuvchida bo‘ladi.