tiniq, biroz sarg‘ish, qovushqoq eritma.

Vitamin.

A11SS05

Kolekaltsiferolni so‘rilishi ingichka ichakning distal qismida yuz beradi. Qonda alfa2-globulinlar va qisman albuminlar bilan bog‘lanadi. Kolekaltsiferol jigarda, suyaklarda, skelet mushaklarida, buyrakda, buyrak usti bezlarida, miokardda, yog‘ to‘qimasida to‘planadi. To‘qimalarda maksimal kontsentratsiyasiga 4-5 soatdan keyin erishiladi, shundan so‘ng kontsentratsiyasi biroz pasayib, barqaror darajada uzoq vaqt saqlanib qoladi. Biotransformatsiyasi jigar va buyrakda yuz beradi: jigarda kolekaltsiferol faol bo‘lmagan metabolit kaltsifediolga (25-digidrokaltsiferolga) aylanadi, buyrakda esa – kaltsifediol faol metaboliti kaltsitriol (1,25-digidrooksikaltsiferolga) va faol bo‘lmagan metaboliti 24,25-digidrooksikaltsiferolga aylanadi. Ichak-jigar retsirkulyatsiyasiga uchraydi. Chiqarilishi, asosan safro bilan va ozgina qismi – buyrak orqali yuz beradi. Kumulyatsiyalanadi. Kolekaltsiferol yo‘ldosh to‘sig‘i orqali o‘tadi va ko‘krak suti bilan chiqariladi.

raxitni oldini olish va davolash;yuqori xavf guruhida (malabsorbtsiya, ingichka ichakning surunkali kasalliklari, jigarning biliar tsirrozi, me’da va/yoki ingichka ichakning rezektsiyasidan keyingi holatlarda) D vitamini tanqisligini oldini olish;osteoporozni (turli genezli) bir maromda ushlab turuvchi davolash;osteomalyatsiyani (45 yoshdan oshgan patsiyentlardagi mineral almashinuvini buzilishlari, jarohatlar oqibatidagi uzoq muddatli immobilizatsiya, sut va sut mahsulotlarini qabul qilishdan voz kechish bilan bog‘liq parhezga rioya qilish fonida) davolash;gipoparatireoz va soxtaparatireozni davolashda qo‘llanadi.

Osteoxol preparati ichga sut yoki boshqa suyuqlik bilan ichga qabul qilinadi. raxitni oldini olish: muddatida tug‘ilgan sog‘lom bolalarga Osteoxol hayotining 2-nchi haftasidan boshlab 1 tomchidan (D3 vitaminining taxminan 667 XB) har kuni buyuriladi. Chala tug‘ilgan bolalarga hayotining 2-nchi haftasidan boshlab kuniga 2 tomchidan (D3 vitaminining 1334 XB) har kuni buyuriladi. Preparat bola hayotining birinchi va ikkinchi yili davomida, ayniqsa qish oylarida buyuriladi;raxitni davolash: kuniga Osteoxol preparatining 2-8 tomchisi (D3 vitaminining taxminan 1334-5336 XB) buyuriladi. Davolash 1 yil davomida davom ettiriladi;D3 vitaminining yetishmovchiligi bilan bog‘liq kasalliklarning paydo bo‘lishi xavfini oldini olish: kuniga Osteoxol preparatining 1-2 tomchisi (D3 vitaminining taxminan 667-1334 XB) buyuriladi;malabsorbtsiya sindromida D3 vitaminining yetishmovchiligini oldini olish: kuniga Osteoxol preparatining 5-8 tomchisi (D3 vitaminining taxminan 3335-5336 XB) buyuriladi;D3 vitaminining yetishmovchiligi oqibatida chaqirilgan osteomalyatsiyani davolash: kuniga Osteoxol preparatining 2-8 tomchisi (D3 vitaminining taxminan 1334-5336 XB) buyuriladi. Davolashni 1 yil davomida davom ettirish kerak;osteoporozni bir maromda ushlab turuvchi davolash: kuniga Osteoxol preparatining 2-5 tomchisi (D3 vitaminining taxminan 1334-3335 XB) buyuriladi;gipoparatireozni va soxtagipoparatireozni davolash: kaltsiyning plazmadagi kontsentratsiyasiga qarab, kuniga Osteoxol preparatining 15-30 tomchisi (D3 vitaminining taxminan 10005-20010 XB) buyuriladi. Qonda kaltsiyning kontsentratsiyasini 4-6 hafta davomida, so‘ngra har 3-6 oy davomida tekshirish va dozaga qondagi kaltsiyning miqdoriga muvofiq ravishda tuzatish kiritish kerak.

Qabziyat, meteorizm, ko‘ngil aynishi, abdominal og‘riq, diareya, allergik reaktsiyalar (qichishish, toshma, eshakemi), preparatni uzoq vaqt davomida yuqori dozalarda qabul qilinganda giperkaltsiyemiya va giperkaltsiuriya, ishtahani pasayishi, poliuriya, bosh og‘rig‘i, mialgiya, artralgiya, arterial bosimni oshishi, aritmiyalar, buyrak faoliyatini buzilishi, o‘pkada tuberkulyoz jarayonini zo‘rayishi.

Preparatning komponentlariga yuqori sezuvchanlik, giperkaltsiyemiya, giperkaltsiuriya, kaltsiyli nefrourolitiaz, tireotoksikoz (o‘ta yuqori sezuvchanlik ehtimoli), giperfosfatemiya bilan kechuvchi buyrak osteodistrofiyasi, D gipervitaminozida qo‘llash mumkin emas.

Fenitoin, primidon va barbituratlar guruhi preparatlari biotransformatsiya tezligini oshirishi tufayli, D3 vitaminiga bo‘lgan ehtiyojni oshiradi. Alyuminiy va magniy saqlovchi antatsidlarni bir vaqtda qo‘llash fonida uzoq muddatli davolash, ularning qondagi kontsentratsiyasini va intoksikatsiyani paydo bo‘lish xavfini (ayniqsa surunkali buyrak yetishmovchiligi borligida) oshiradi. Kaltsitonin, bifosfonatlar (shu jumladan, etidron kislotasi, pamidron kislotasi), plikamitsin samarani pasaytiradi. Kolestiramin, kolestipol me’da-ichak yo‘llarida yog‘da eruvchi vitaminlarni so‘rilishi pasaytiradi va ularning dozasini oshirishni talab qiladi. Fosfor saqlovchi preparatlarni so‘rilishini va giperfosfatemiyaning paydo bo‘lish xavfini oshiradi. Natriy ftoridi bilan bir vaqtda qo‘llanganida qabul qilishlar orasidagi interval kamida 2 soatni, tetratsiklinlarning peroral shakllari bilan – kamida 3 soatni tashkil qilishi kerak. Glyukortikoidlar bilan yondosh davolash preparatning samarasini pasaytirishi mumkin. Yurak glikozidlari bilan yondosh davolash, giperkaltsiyemiyani rivojlanishi tufayli ularning toksik potentsialini oshirishi mumkin. Bunday patsiyentlarda kaltsiy darajasi, EKG ko‘rsatkichlarini nazorat qilish va yurak glikozidlarining dozalariga tuzatish kiritish lozim. Benzodiazepin hosilalari bilan yondosh davolash giperkaltsiyemini rivojlanish xavfini oshiradi. D3 vitamini D vitaminining metabolitlari yoki analoglari bilan majmuada kamdan-kam hollarda va qon zardobida kaltsiyning darajasini nazorati ostida qo‘llanishi mumkin. Tiazid diuretiklar kaltsiyni siydik bilan chiqarilishini kamaytirishi va muvofiq ravishda giperkaltsiyemiya xavfini oshirishi mumkin. Bunday patsiyentlarda qonda kaltsiyning kontsentratsiyasini doimiy monitoringini o‘tkazish lozim. Rifampitsin va izoniazid biotransformatsiya tezligini oshirishi tufayli, preparatning samarsini pasaytirishi mumkin. Ovqat bilan o‘zaro ta’sirda bo‘lmaydi.

Soxtagipoparatireozda intoksikatsiya belgilari borligini nazorat qilish lozim. Soxta gipoparatireozda D vitaminiga normal sezuvchanlik bor bo‘lishi mumkinligi tufayli, preparatning dozasiga tuzatish kiritish kerak. Qalqonsimon bezdagi jarrohlik yo‘li bilan davolashdan keyin paydo bo‘ladigan soxtagipoparatireozda, D vitamini bilan intoksikatsiyani oldini olish uchun qalqonsimon oldi bezi tiklangunicha preparatni qo‘llashni to‘xtatish kerak. Homiladorlik vaqtida va emizish davrida qo‘llanishi Homiladorlik vaqtida va emizish davrida organizmga D3 vitaminini adekvat tushishi talab etiladi. Doza oshirib yuborilganda giperkaltsiyemiya paydo bo‘lishi va D3 vitaminining metabolitlarini homilaga transplatsentar kirishi yuz berishi mumkin, bu teratogen ta’sirga: homilaning aqliy va jismoniy rivojlanishini kechikishi, aortal stenozning o‘ziga xos ko‘rinishlariga olib kelishi mumkin. D3 vitamini va uning metabolitlari ko‘krak sutiga o‘tadi. Transport vositasini boshqarish va mexanizmlar bilan ishlash qobiliyatiga ta’siri Transport vositasini boshqarish va mexanizmlar bilan ishlash qobiliyatiga ta’siri bo‘yicha tadqiqotlar o‘tkazilmagan. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 250S dan yuqori bo‘lmagan haroratda saqlansin.

D3 vitamini gipervitaminozini simptomlari: ilk simptomlar (giperkaltsiyemiya bilan bog‘liq) – qabziyat yoki diareya, og‘iz bo‘shlig‘ining shilliq qavatini qurishi, bosh og‘rig‘i, chanqoqlik, pollakiuriya, nikturiya, poliuriya, anoreksiya, og‘izda metall ta’mi, ko‘ngil aynishi, qusish, g‘ayrioddiy toliqish, umumiy holsizlik, adinamiya, degidratatsiya, giperkaltsiyemiya, giperkaltsiuriya, qon plazmasida 25-digidrokaltsiferolning kontsentratsiyasini oshishi; kechki simptomlar suyaklarda og‘riq, siydikni xiralashishi (siydikda gialin tsilindrlarini paydo bo‘lishi, proteinuriya, leykotsituriya), arterial bosimni oshishi, terini qichishishi, ko‘zlarning fotosezuvchanligi, kon’yunktivani giperemiyasi, aritmiya, uyquchanlik, mialgiya, ko‘ngil aynishi, qusish, pankreatit, gastralgiya, ozish; kam hollarda – ruhiyatni o‘zgarishi (psixozga qadar) va kayfiyatni o‘zgarishi. D3 vitamini bilan surunkali zaharlanish simptomlari (kattalar uchun sutkada 20000-60000 XB, bolalar uchun – 2000-4000 XB dozalarda bir necha hafta yoki oy davomida qabul qilganda): yumshoq to‘qimalarning, buyrak, o‘pka, qon tomirlarining kaltsinozi, arterial bosimni oshishi, o‘lim bilan yakunlanishi mumkin bo‘lgan buyrak va yurak-qon tomir yetishmovchiligi (bu samaralar ko‘proq giperkaltsiyemiyaga giperfosfatemiyani qo‘shilishida paydo bo‘ladi), bolalarda o‘sishni buzilishi (sutkada 1800 XB dozada uzoq vaqt qabul qilinganda) kuzatiladi. Dozani o‘tkir yoki surunkali oshirib yuborilganda rivojlanib borayotgan giperkaltsiyemiyani davolash bo‘yicha chora-tadbirlarni o‘tkazish kerak. Giperkaltsiyemiyaning og‘irlik darajasiga qarab, quyidagi choralar qo‘llanadi: preparatni bekor qilish, kaltsiyni kam saqlovchi parhez, katta miqdorda suyuqlik iste’mol qilish, glyukokortikosteroidlar, Ye vitamini, askorbin kislotasi, retinol, tiamin, pantoten kislotasini, riboflavinni buyurish, og‘ir hollarda – vena ichiga natriy xloridining 0,9% li eritmasini, furosemidni, elektrolitlarni yuborish, gemodializ o‘tkazish, kaltsitoninni yuborish kerak. Spetsifik antidoti yo‘q. Dozani oshirib yuborilishini istisno qilish uchun qator hollarda qonda kaltsiyning kontsentratsiyasini aniqlash tavsiya etiladi.

Retsept bo‘yicha

Ichga qabul qilish uchun yog‘li eritma 0,5 mg/ml. Preparat 5 ml, 10 ml yoki 25 ml dan, yorug‘likdan himoyalovchi jigarrang-zarg‘aldoq shisha flakonda. Har bir flakon qo‘llash bo‘yicha yo‘riqnomasi bilan birga karton qutiga joylangan.

2 yil.