oq yoki sarg‘ish tusli oq kukun.

antibiotiklar (tsefalosporinlar guruhi). ATX kodi: J01DA10

Vena ichiga (v/i) 1,0 g bir marta yuborilganidan keyin maksimal kontsentratsiyaga (Smax) 5 minutdan keyin erishadi va u 100 mkg/ml ni tashkil qiladi. Mushak ichiga (m/i) 1,0 g dozada yuborilganidan keyin Smax ga 0,5 soatdan keyin erishadi va u 21 mkg/ml ni tashkil qiladi. Plazma oqsillari bilan bog‘lanishi – 25-40%. Organizmning ko‘pchilik to‘qimalari (miokard, suyaklar, o‘t pufagi, teri, yumshoq to‘qimalar) va suyuqliklarida (sinovial, perikardial, plevral, balg‘am, o‘t-safro, siydik, orqa miya suyuqligi) terapevtik kontsentratsiyalarni hosil qiladi. Taqsimlanish hajmi (Vd) 0,25-0,39 l/kg. Yarim chiqarilish davri (T1/2) v/i yuborilganida – 1 soatni, m/i yuborilganida 1-1,5 soatni tashkil qiladi. Buyraklar orqali 60-70% o‘zgarmagan holda, qolgan qismi esa metabolitlari ko‘rinishida chiqariladi. Surunkali buyrak yetishmovchiligida va keksa yoshdagi shaxslarda T1/2 ikki marta uzayadi. Yangi tug‘ilgan chaqaloqlarda T1/2 – 0,75-1,5 soat, chala tug‘ilgan chaqaloqlarda 4,6 soatgacha uzayadi. Vena ichiga 1,0 g dozada har 6 soatda 14 kun davomida takroran yuborilganida kumulyatsiya kuzatilmaydi. Yo‘ldosh to‘sig‘i orqali o‘tadi va ko‘krak sutiga kiradi.

Preparatga sezgir mikroorganizmlar chaqirgan og‘ir kechuvchi infektsiyalar: markaziy nerv tizimining infektsiyalari (meningit), nafas yo‘llari va LOR-a’zolari, siydik-chiqarish yo‘llari, suyaklar, bo‘g‘imlar, teri va yumshoq to‘qimalar, kichik chanoq a’zolarining infektsiyalari (shu jumladan, xlamidioz, gonoreya), infektsiyalangan jarohatlar va kuyishlar, peritonit, septitsemiya, bakteriyemiya, abdominal infektsiyalari, endokardit, Layma kasalligi, tif isitmasi, immun tanqisligi fonidagi infektsiyalarni davolash, xirurgik operatsiyalari (shu jumladan, urologik, akusher-ginekologik, me’da-ichak yo‘llaridagi) dan keyingi infektsiyalarni oldini olish uchun qo‘llanadi.

Preparat m/i va v/i (oqim bilan yoki tomchilab) buyuriladi. Kattalar va tana vazni 50 kg va undan ortiq bo‘lgan bolalarga: asoratlanmagan infektsiyalarda, shuningdek siydik-chiqarish yo‘llarining infektsiyalarida – m/i yoki v/i 1,0 g dan har 8-12 soatda; asoratlanmagan o‘tkir gonoreyada – m/i, 1,0 g bir marta, o‘rtacha og‘irlikdagi infektsiyalarda m/i yoki v/i, 1,0 g- 2,0 g dan har 12 soatda, infektsiyani og‘ir kechishida, masalan, meningitda – v/i, 2,0 g dan har 4-8 soatda, maksimal sutkalik dozasi – 12 g. Davolashning davomiyligi individual ravishda belgilanadi. Infektsiyalarning rivojlanishini oldini olish maqsadida jarrohlik operatsiyasi oldidan umumiy anesteziyaga kiritish vaqtida 1,0 g bir marta yuboriladi. Zarurati bo‘lganida 6-12 soatdan keyin takroran yuboriladi. Keserev kesishida – qisqichlarni kindik venasiga qo‘yish vaqtida – v/i 1,0 g, so‘ngra birinchi dozadan keyin 6 va 12 soatdan keyin – qo‘shimcha 1,0 g yuboriladi. Kreatinin klirensi (K/K) 20 ml/min/1,73 m² va undan kamroq bo‘lganida doza 2 martaga kamaytiriladi. Chala tug‘ilgan chaqaloqlarga va 1 haftalikkacha bo‘lgan yangi tug‘ilgan chaqaloqlarga – v/i tana vazniga 50 mg/kg dan har 12 soatda, 1-4 haftalik davrida – v/i tana vazniga 50mg/kg dan har 8 soatda, tana vazni 50 kg gacha bo‘lgan bolalarga – v/i yoki m/i (2,5 yoshdan oshgan bolalarga) tana vazniga 50-180 mg/kg dan 4-6 martaga bo‘lib yuboriladi. Infektsiyani og‘ir kechishida, shu jumladan meningitda, bolalarda sutkalik doza 100-200 mg/kg gacha oshiriladi, m/i yoki v/i 4-6 martaga bo‘lib yuboriladi, maksimal sutkalik doza – 12 g. Inyektsion eritmalarni tayyorlash: v/i inyektsiya qilish uchun erituvchi sifatida inyektsiya uchun suv ishlatiladi (1,0 g – 4 ml erituvchida, 2,0 g – 10 ml da eritiladi); v/i infuziya (tomchilab) qilish uchun erituvchi sifatida 0,9% natriy xloridi yoki 5% dekstroza eritmasi ishlatiladi (1,0 g – 2,0 g – 50-100 ml da erituvchida eritiladi). Infuziyaning davomiyligi 50-60 minutni tashkil qiladi. M/i yuborish uchun inyektsiya uchun suv yoki 1% lidokain eritmasi (preparatning 0,5 g dozasi uchun – 2 ml, 1,0 g dozasi uchun – 4 ml) ishlatiladi.

Allergik reaktsiyalari: eshakemi, et uvishishi yoki isitma, toshma, qichishish, kam hollarda – bronxospazm, eozinofiliya, xavfli ekssudativ eritema (Stivens-Djonson sindromi), toksik epidermal nekroliz (Layell sindromi), angionevrotik shish, anafilaktik shok. Nerv tizimi tomonidan: bosh og‘rig‘i, bosh aylanishi. Siydik-chiqarish tizimi tomonidan: buyraklar faoliyatini buzilishi, oliguriya, interstitsial nefrit. Ovqat-hazm qilish tizimi tomonidan: ko‘ngil aynishi, qusish, diareya yoki qabziyat, meteorizm, qorinda og‘riq, disbakterioz, jigar faoliyatini buzilishi, kam hollarda – stomatit, glossit, soxta membranoz enterokolit. Qon yaratish a’zolari tomonidan: leykopeniya, neytropeniya, granulotsitopeniya, trombotsitopeniya, gemolitik anemiya, gipokoagulyatsiya. Yurak qon-tomir tizimi tomonidan: markaziy venaga bolyus holida tez yuborilganidan keyin hayot uchun potentsial xavfli aritmiyalar. Mahalliy reaktsiyalar: flebit, vena yo‘li bo‘ylab og‘riqlar, m/i yuborilgan joyida og‘riq va infiltrat. Laborator ko‘rsatkichlar: azotemiya, qondagi mochevinaning kontsentratsiyasini oshishi, “jigar” transaminazalari va ishqoriy fosfatazaning faolligini oshishi, giperkreatininemiya, giperbilirubinemiya, musbat Kumbs reaktsiyasi. Boshqalar: superinfektsiya (xususan, kandidozli vaginit).

Preparatga yuqori sezuvchanlik (shu jumladan, penitsillinlarga, boshqa tsefalosporinlarga, karbapenemlarga, lidokainga), homiladorlik, 2,5 yoshgacha bo‘lgan bolalar (m/i yuborish), anamnezda qon ketishlar, enterokolitda qo‘llash mumkin emas. Ehtiyotkorlik bilan – yangi tug‘ilgan chaqaloqlar, surunkali buyrak yetishmovchiligi, nospetsifik yarali koliti bo‘lgan bemorlar (shu jumladan, anamnezda).

Antiagregantlar, nosteroid yallig‘lanishga qarshi preparatlar bilan birga qo‘llanganida qon ketishini xavfi oshadi. Aminoglikozidlar, polimiksin V va “halqali” diurektiklar bilan bir vaqtda qo‘llanganida buyraklarni shikastlanish ehtimoli oshadi. Naychalar sekretsiyasini bloklovchi dori vositalari, tsefotaksimning plazmadagi kontsentratsiyasini oshiradi va uni chiqarilishini sekinlashtiradi. Tsefotaksim va etanol bir vaqtda qo‘llanganida disulfiramga xos bo‘lgan reaktsiyalar (yuzning qizarishi, me’da sohasida spazm, ko‘ngil aynishi, qusish, bosh og‘rig‘i, arterial bosimini pasayishi, taxikardiya, hansirash) rivojlanishi mumkin. Bir shprits yoki tomchilagichda boshqa antibiotiklarning eritmalari bilan farmatsevtik jihatdan nomutanosibdir.

Davolashning birinchi haftalarida og‘ir, davomli diareya bilan namoyon bo‘luvchi soxta membranoz kolit rivojlanishi mumkin. Bunda preparatni qabul qilish to‘xtatiladi va adekvat davolash jumladan, vankomitsin yoki metronidazol buyuriladi. Anamnezida penitsillinlarga allergik reaktsiyalari bo‘lgan patsiyentlar, tsefalosporin antibiotiklariga ham yuqori sezuvchanlikka ega bo‘lishlari mumkin. Preparat bilan 10 kundan ko‘proq vaqt davolanganda, periferik qonning shaklli elementlari miqdorini nazorat qilish kerak. Tsefotaksim bilan davolanish vaqtida soxta musbat Kumbs sinamasi va siydikda glyukozani soxta musbat natijalari olinishi mumkin. Homiladorlik va laktatsiya davrida qo‘llanishi Zarurati bo‘lganida preparatni homiladorlik davrida ona uchun kutilayotgan foyda, homila uchun potentsial xavfdan ustun bo‘lgan hollardagina qo‘llash mumkin. Tsefotaksim ko‘krak suti bilan ajralib chiqadi, shuning uchun preparat laktatsiya davrida buyurilganida emizishni to‘xtatish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

300S dan yuqori bo‘lmagan haroratda, yorug‘likdan himoyalangan joyda saqlansin.

Simptomlari: tirishishlar, entsefalopatiya (katta dozalar yuborilganida, ayniqsa buyrak yetishmovchiligi bo‘lgan bemorlarda), tremor, nerv-mushak qo‘zg‘aluvchanligi. Davolash: simptomatik, maxsus antidoti yo‘q.

Retsept bo‘yicha

Preparat 1,0 g dan rezina tiqinlar bilan germetik berkitilgan, qalpoqcha bilan siqilgan flakonlarda, qo‘llash bo‘yicha yo‘riqnomasi bilan birga karton qutilarga joylangan.

3 yil.