tsilindrik shaklli, oq yoki deyarli oq rangli tiniq bo‘lmagan korpusli va qizil rangli tiniq bo‘lmagan qalpoqchali, oq yoki deyarli oq rangli granulalar saqlovchi qattiq jelatin kapsulalar.

urologiyada qo‘llanadigan vositalar.

G04CA02.

So‘rilishi: tamsulozin me’da-ichak yo‘llaridan yaxshi so‘riladi, uning biokiraolishligi esa taxminan 100% ni tashkil qiladi. Tamsulozinning so‘rilishi ovqat qabul qilinganda sekinroq amalga oshadi. Patsiyent Omiksni ovqatdan keyin bir vaqtda qabul qilgan hollarda bir tekis so‘rilishga erishiladi. Tamsulozinning farmakokinetikasi to‘g‘ri chiziqli xarakterga ega. Omiksning bir martalik dozasi ovqatdan keyin qabul qilingandan keyin qon plazmasidagi tamsulozinning cho‘qqi kontsentratsiyasiga taxminan 6 soatdan keyin erishiladi, barqaror kontsentratsiyasiga esa preparatni har kuni qabul qilgandan keyin beshinchi kuni erishiladi. Bunda Cmax bir martalik doza qabul qilinganga qaraganda taxminan uchdan ikki marta yuqori. Taqsimlanishi: erkaklarda tamsulozin taxminan 99% qon plazmasi oqsillari bilan bog‘lanadi. Preparatning taqsimlanish xajmi ahamiyatsiz (taxminan 0,2 l/kg). Metabolizmi: tamsulozin gidroxloridi birinchi o‘tish samarasiga uchramaydi va α1-adrenoretseptorlariga yuqori selektivlikni saqlovchi farmakologik faol metabolitlarini hosil qilib, jigarda metabolizmga uchraydi. Faol moddaning katta qismi qonda o‘zgarmagan ko‘rinishda qoladi. Chiqarilishi: tamsulozin va uning metabolitlari organizmdan asosan siydik bilan chiqariladi. Dozaning taxminan 9% o‘zgarmagan ta’sir etuvchi modda ko‘rinishida qoladi. Omiksning bir martalik dozasini ovqatdan keyin qabul qilingandan keyin va qon plazmasida barqaror kontsentratsiyasida yarim chiqarilish davrlari taxminan 10 va 13 soatni tashkil qiladi.

Prostata bezining xavfsiz giperplaziyasida pastki siydik chiqarish yo‘llari tomonidan funktsional buzilishlarni davolashda qo‘llanadi.

Kattalar uchun tavsiya etilgan dozasi – 1 kapsuladan har kuni, nonushtadan keyin. Kapsulani butunligicha sut yoki suv (taxminan 150 ml) bilan turgan yoki o‘tirgan holatda qabul qilish kerak. Davolash muddati kasallikning og‘irlik darajasi va kechishiga qarab, shifokor tomonidan shaxsiy ravishda belgilanadi.

Markaziy nerv tizimi tomonidan buzilishlar: bosh aylanishi (1,3%).

Tamsulozin gidroxloridi yoki yordamchi moddalardan birontasiga o‘ta yuqori sezuvchanlik reaktsiyalari, shu jumladan, angionevrotik Kvinke shishi; anamnezida ortostatik gipotenziya; yaqqol jigar va/yoki buyrak yetishmovchiligi. Bolalarda qo‘llash mumkin emas.

Tamsulozin gidroxloridini atenolol, enalapril, nifedipin yoki teofillin bilan bir vaqtda qo‘llanilganda dorilarning o‘zaro ta’siri aniqlanmagan. Tsimetidin bilan bir vaqtda qo‘llanilganda qon plazmasida tamsulozinning kontsentratsiyasi oshadi, furosemid bilan esa – pasayadi, lekin bu darajalar norma chegaralarida qolganligi tufayli, tamsulozinning dozasiga maxsus tuzatish kiritish talab etilmaydi. In vitro sharoitda o‘tkazilgan tadqiqotlarda diazepam, propranolol, trixlormetiazid, xlormadinon, amitriptilin, diklofenak, glibenklamid, simvastatin va varfarin odam qon plazmasidagi tamsulozinning erkin fraktsiyasiga ta’sir qilmaydi. Xuddi shunday tamsulozin diazepam, propranolol, trixlormetiazid va xlormadinonning odam qon plazmasidagi erkin fraktsiyasini o‘zgartirmaydi. Tamsulozin gidroxloridini CYP3A4 ning kuchli ingibitorlari bilan bir vaqtda qo‘llash tamsulozin gidroxloridining ta’sirini kuchayishiga olib kelishi mumkin. Ketokonazol (CYP3A4 ning kuchli ingibitori) bilan birga qo‘llash Cmax va AUC ni muvofiq ravishda 2,2 va 2,8 gacha oshishiga olib kelgan. Tamsulozin gidroxloridi va paroksetinni (CYP2D6 ning kuchli ingibitori) bir vaqtda qo‘llash Cmax va AUC ni muvofiq ravishda 1,3 va 1,6 gacha oshishiga olib kelgan, lekin bu klinik ahamiyatli bo‘lmagan. CYP2D6 ni past metabolizmi bo‘lgan patsiyentlarga tamsulozin gidroxloridini CYP3A4 ingibitorlari bilan majmuada qo‘llash mumkin emas. Boshqa α1-adrenoblokatorlar bilan bir vaqtda qo‘llash gipotenziv samarani kuchaytirishi mumkin.

Boshqa α1-adrenoretseptorlarni qo‘llagandagi kabi Omiksni qo‘llanganda ayrim hollarda arterial bosim pasayishi mumkin, bu ba’zida hushdan ketishga olib kelishi mumkin. Ortostatik gipotenziyaning birinchi belgilari (bosh aylanishi, xolsizlik) paydo bo‘lganida, patsiyent yuqorida ko‘rsatilgan simptomlar yo‘qolgunigacha gorizontal holatga o‘tishi kerak. Omiks preparati bilan davolashdan oldin prostata bezining xavfsiz giperplaziyasi kabi simptomlarni chaqirishi mumkin bo‘lgan yondosh kasalliklarni aniqlash maqsadida tibbiy tekshiruvdan o‘tish kerak. Davolashni boshlashdan oldin prostata bezini rektal tekshirish va zarurati bo‘lganida davolashdan oldin va davolash vaqtida bir xil vaqt oralig‘ida – prostata bezining spetsifik antigeni (PSA) darajasini aniqlash testini o‘tkazish kerak. Buyrak yetishmovchiligining og‘ir shakli (kreatinin klirensi <10 ml/minut) bo‘lgan patsiyentlarda preparatni juda ehtiyotkorlik bilan buyuriladi, chunki bunday patsiyentlarda Omiks preparatini qo‘llash bilan klinik tadqiqotlar o‘tkazilmagan. CYP2D6 ni past metabolizmi bo‘lgan patsiyentlarga tamsulozin gidroxloridini CYP3A4 ingibitorlari bilan majmuada ehtiyotkorlik bilan qo‘llash kerak. Tamsulozin gidroxloridini CYP3A4 ning kuchli va o‘rtacha ingibitorlari bilan majmuada ehtiyotkorlik bilan qo‘llash kerak (“Dorilarning o‘zaro ta’siri” bo‘limiga qarang).

Preparat faqat erkaklarni davolash uchun qo‘llanadi.

Original o‘ramida, 25oS dan yuqori bo‘lmagan haroratda saqlansin.

Dozani oshirib yuborilishi oqibatida arterial bosim haddan tashqari pasaygan hollarda yurak-qon tomir tizimining normal faoliyatini tiklashga (masalan, patsiyent gorizontal holatga o‘tishi kerak) qaratilgan bir maromda saqlab turuvchi davolashni o‘tkazish kerak. Agar bu chora yordam bermasa, infuzion davolash va vazopressor vositalar buyuriladi. Buyrak faoliyatini kuzatish va umumiy bir maromda saqlab turuvchi davolashni o‘tkazish kerak. Qon plazmasi oqsillari bilan yuqori darajada bog‘lanishi tufayli, gemodializni o‘tkazish maqsadga muvofiq emas. Preparatni so‘rilishini davom etishini to‘xtatish maqsadida qusishni sun’iy chaqirish mumkin. Preparatning ko‘p miqdori bilan doza oshirib yuborilganda patsiyentni faollashtirilgan ko‘mirni va natriy sulfati kabi past osmotik surgi dori vositalarini qo‘llab me’dani yuvish kerak.

Shifokor retsepti bo‘yicha

0,4 mg dozali 10 kapsuladan blisterda; 1 yoki 3 blisterdan karton qutida.

3 yil.