oq yoki deyarli oq rangli liofilizatsiyalangan massa yoki kukun.

o‘smalarga qarshi vositalar, alkillovchi birikma.

L01XA03

birlamchi o‘smani radikal rezektsiyasidan keyin, kolorektal rakning III bosqichini (Dyuk tasnifi bo‘yicha “S”) ftoruratsil va kaltsiy folinati bilan majmuada ad’yuvant davolash;disseminatsiyalangan kolorektal raki (monoterapiya sifatida yoki ftoruratsil va kaltsiy folinati bilan majmuada kombinatsiyalangan davolashda) da qo‘llaniladi.

Vena ichiga 2-6 soatlik infuziya ko‘rinishida qo‘llanadi. Oksaliplatin qo‘llanganida gipergidratatsiya talab qilinmaydi. Faqat kattalarda qo‘llaniladi. Preparatni eritma tayyorlanishi bilanoq darhol qo‘llash kerak. Ftoruratsil bilan majmuada qo‘llanganda, oksaliplatinning infuziyasi ftoruratsilni yuborilishidan oldin o‘tkazilishi kerak. Kolorektal rakni ad’yuvant davolash: 85 mg/m2 dan 12 tsikl (6 oy) davomida 2 haftada 1 marta buyuriladi. Disseminatsiyalangan kolorektal rakni davolash: 85 mg/m2 dan 2 haftada 1 marta monoterapiya sifatida yoki ftoruratsil bilan majmuada buyuriladi. Oksaliplatinni takroriy yuborish, faqat neytrofillar soni 1,5x109/l va trombotsitlar soni – 50x109/l dan ortiq bo‘lganida o‘tkaziladi. Oksaliplatinning yuborish tartibi va dozasiga tuzatish kiritish bo‘yicha tavsiyalar. Yuboriladigan dozaga toksiklikning yaqqollik darajasiga ko‘ra tuzatish kiritish kerak. Gematologik toksiklikning ko‘rinishlarida (neytrofillar soni 1,5x109/l dan kam yoki trombotsitlar soni 50x109/l dan kam bo‘lganida), keyingi davolash kursni o‘tkazish gematologik ko‘rsatkichlar muvofiq qiymatlargacha (neytrofillar soni ≥ 1,5x109/l yoki trombotsitlar soni ≥ 50x109/l) tiklangunicha qoldirilishi lozim. Davolashni boshlashdan oldin va har bir keyingi tsikl oldidan leykotsitlar va trombotsitlar sonini aniqlash bilan qon umumiy tahlilini o‘tkazish lozim. 4- toksiklik darajasiga ega (JSST shkalasi bo‘yicha) diareya, 3-4 darajali neytropeniya (neytrofillar soni < 1,0x109/l), 3-4 darajali trombotsitopeniya (trombotsitlar soni <50x109/l) rivojlanganida oksaliplatinning dozasi keyingi yuborishlarda disseminatsiyalangan kolorektal rakni davolashda 85 mg/m2 dan 65 mg/m2 gacha pasaytirilishi va kolorektal rakni ad’yuvant davolashda, ftoruratsil (FU) ning dozasini bu holatda zaruriy ravishda pasaytirilishi bilan birga 75 mg/m2 gacha pasaytirilishi lozim. Infuziya vaqtida yoki 2-soatli infuziyadan keyin bir necha soat davomida o‘tkir hiqildoq-tomoq dizesteziyasi rivojlangan patsiyentlarga, Oksaliplatinni keyingi yuborishlarini 6 soatlik infuziya ko‘rinishida o‘tkazish kerak. Nevrologik simptomlar (periferik sensor neyropatiyaning ko‘rinishlari – paresteziyalar, dizesteziyalar) yuz berganida, bu simptomlarning davomiyligi va yaqqollik darajasiga qarab, oksaliplatinning dozasiga tuzatish kiritish tavsiya qilingan: patsiyentni 7 kundan ortiq bezovta qiluvchi nevrologik simptomlarda oksaliplatinning keyingi dozasi disseminatsiyalangan kolorektal rakni davolashda 85 mg/m2 dan 65 mg/m2 gacha pasaytirilishi va kolorektal rakni ad’yuvant davolashda 75 mg/m2 gacha pasaytirilishi kerak.keyingi tsiklgacha saqlanib turuvchi funktsional buzilishlarsiz kechuvchi paresteziyada oksaliplatinning keyingi dozasi disseminatsiyalangan kolorektal rakni davolashda 85 mg/m2 dan 65 mg/m2 gacha pasaytirilishi va ad’yuvant davolashda 75 mg/m2 gacha pasaytirilishi kerak.funktsional buzilishlar bilan kechuvchi paresteziya kimyoterapiyaning keyingi tsikli boshlangunicha saqlanib qolganida oksaliplatin bekor qilinishi kerak.oksaliplatinni bekor qilinishi fonida neytrotoksiklik simptomlarining yaqqolligi kamayganida, davolashni qaytadan boshlash masalasini ko‘rib chiqish mumkin. Ikkinchi va undan ortiq darajali toksiklikka ega stomatit va/yoki mukozitlar rivojlanganida oksaliplatin bilan davolash, ular bartaraf bo‘lgunicha yoki toksiklik ko‘rinishlari birinchi darajaga pasaygunicha to‘xtatib turilishi kerak.

Oksaliplatinni, shu jumladan ftoruratsil/folinat kislotasi bilan majmuada qo‘llanganida eng ko‘p kuzatiladigan nojo‘ya samaralari me’da-ichak yo‘llari tomonidan reaktsiyalar (diareya, ko‘ngil aynishi, qusish, mukozit), gematologik reaktsiyalar (neytropeniya, trombotsitopeniya) va nevrologik reaktsiyalar (o‘tkir va kumulyativ dozaga bog‘liq periferik sensor neyropatiya) bo‘lgan. Umuman olganda, bu nojo‘ya ta’sirlar, oksaliplatinni ftoruratsil/folinat kislotasi bilan majmuaviy davolashda, bu preparatlarni monoterapiyada qo‘llanganiga nisbatan ko‘proq kuzatilgan va og‘irroq bo‘lgan. Nojo‘ya reaktsiyalar quyidagi gradatsiyaga muvofiq keltirilgan: juda tez-tez (>1/10), tez-tez (>1/100, <1/10); tez-tez emas (>1/1000, <1/100); kam hollarda (>1/1000, <1/1000); juda kam hollarda (<1/10000, shu jumladan alohida xabarlar), tez-tezligini baholash mumkin emas (tez-tezligini mavjud ma’lumotlarga asoslanib aniqlash mumkin emas).

oksaliplatinga yoki preparatning boshqa tarkibiy qismlariga yuqori sezuvchanlik,birinchi davolash kursini boshlanishidan oldingi miyelosupressiya (neytrofillar soni 2x109/l dan kam va/yoki trombotsitlar soni 100x109/l dan kam).birinchi davolash kursi boshlangunicha bo‘lgan funktsional buzilishlar bilan kechuvchi periferik sensor neyropatiya,buyrak faoliyatini og‘ir buzilishlari (kreatinin klirensi minutiga 30 ml dan kam),homiladorlik,emizish davrida18 yoshgacha bo‘lgan bolalarda qo‘llash mumkin emas.

Oksaliplatin medak bilan davolashni faqat tsitotoksik preparatlarni qo‘llash tajribasiga ega bo‘lgan shifokor nazorati ostida amalga oshirish  kerak. Oksaliplatin bilan davolashda bo‘lishi mumkin bo‘lgan toksik samaralarni doimiy nazorat qilish shart. Oksaliplatin bilan davolashda yuz berishi mumkin bo‘lgan toksik samaralarni doimiy nazorat qilish majburiydir. Buyrak faoliyatini o‘rtacha og‘irlik darajasidagi buzilishi bo‘lgan patsiyentlarda preparatni qo‘llash xavfsizligi bo‘yicha ma’lumotlarni cheklanganligini nazarda tutib, preparatni qo‘llanishi, faqat har qanday konkret patsiyent uchun foyda/xavf nisbati baholangandan keyingina amalga oshirilishi lozim. Bunday hollarda buyrak faoliyatini sinchkov nazorat qilish va toksik ta’sirini hisobga olgan holda dozasiga tuzatish kiritish lozim. Anamnezida platinaning boshqa birikmalariga allergik reaktsiyalari bor bo‘lganida patsiyentlarning holatini sinchkov kuzatish lozim. Oksaliplatinga anafilaktik reaktsiya yuz bergan hollarda, infuziyani darhol to‘xtatish va tegishli simptomatik davolashni buyurish kerak. Allergik reaktsiyalar yuz bergan hollarda Oksaliplatin medak preparatini keyinchalik qo‘llash mumkin emas. Platinaning barcha birikmalariga kesishgan reaktsiyalar, shu jumladan o‘lim bilan yakunlangan holatlar to‘g‘risida xabarlar kelib tushgan. Ekstravaziya hollarida infuziyani darhol to‘xtatish va mahalliy simptomatik davolashni boshlash kerak. Preparatning qolgan dozasini boshqa venaga yuborish kerak. Muntazam (haftada 1 marta), shuningdek Oksaliplatin medak preparatini har bir yuborishdan oldin periferik qonning shaklli elementlarini va buyrak va jigar faoliyati ko‘rsatkichlarini nazoratini o‘tkazish kerak. Neyrotoksiklikni aniqlash yuzasidan, ayniqsa nevrologik toksiklikka ega boshqa preparatlar bilan bir vaqtda qo‘llangan hollarda, sinchkov nazorat amalga oshirilishi lozim. Oksaliplatin medak preparati bilan har bir davolash tsiklini boshlashdan oldin, neyrotoksiklik belgilarini aniqlash maqsadida nevrologik tekshiruvni o‘tkazish kerak. Neyrotoksiklikda, toksiklikning gematologik va me’da-ichak ko‘rinishlarida oksaliplatinning dozasi va yuborish tartibiga tuzatish kiritish yuzasidan tavsiyalar ”Qo‘llash usuli va dozalar” bo‘limida keltirilgan. Patsiyentlar davolash tugaganidan keyin periferik sensor neyropatiyaning barqaror simptomlari paydo bo‘lishi to‘g‘risida xabardor qilinishi kerak. Funktsional buzilishlar bilan kechuvchi lokalizatsiyalangan o‘rtacha paresteziyalar, preparatni ad’yuvant qo‘llash sxemasi bo‘yicha davolash tugaganidan keyin 3 yilgacha saqlanib qolishi mumkin. Orqa miyadagi qaytuvchan leykoentsefalopatiya sindromi (OMQLS) Oksaliplatinni majmuaviy kimyoterapiya tarkibida qabul qilgan ayrim patsiyentlarda  orqa miyadagi qaytuvchan leykoentsefalopatiya sindromi kuzatilgan. OMQLS kam uchraydigan qaytuvchan nevrologik holat bo‘lib, u o‘tkir rivojlanadi va tirishishlar, arterial bosimni oshishi, bosh og‘rig‘i, ongni chalkashishi, ko‘rlik va boshqa ko‘rish va nevrologik buzilishlar bilan kechishi mumkin. OMQLS tashhisi bosh miyaning, asosan MRT (magnit-rezonans tomografiya) tekshiruvining vizual usullari bilan tasdiqlanadi. Quruq yo‘tal, dispnoe, xirillashlar yoki rentgenologik tekshiruvlarda o‘pka infiltratlarini aniqlanishi kabi simptomlari paydo bo‘lganida, Oksaliplatin medak preparati bilan davolashni, interstitsial pnevmonitning borligi istisno qilingunicha to‘xtatib turish kerak. Ko‘ngil aynishi va qusish bilan namoyon bo‘luvchi me’da-ichak toksikligi qusishga qarshi preparatlarni profilaktik va/yoki terapevtik qabul qilinishini talab etadi. Degidratatsiya, paralitik ileus, ichak tutilishi, gipokaliyemiya, metabolik atsidoz va buyrak yetishmovchiligi kabi simptomlar, ayniqsa oksaliplatinni ftoruratsil bilan majmuada qo‘llanganida, og‘ir diareya yoki qusish oqibatida yuz berishi mumkin. Patsiyentlar oksaliplatin va ftoruratsilni qabul qilganlaridan keyin diareya/qusish, mukozit/stomatitni va neytropeniyani paydo bo‘lganligi to‘g‘risida, adekvat choralarni ko‘rish uchun davolovchi shifokorga darhol xabar berishlari lozim. Oksaliplatinni ftoruratsil bilan majmuada qo‘llanganda (kaltsiy folinati preparatlarini buyurilishidan qat’iy nazar), ftoruratsil bilan bog‘liq toksiklik tufayli, dozaga odatdagi tuzatish kiritish o‘tkazilishi kerak. Jigar metastazalari bilan bog‘liq bo‘lmagan jigar faoliyatini buzilishlari yoki portal gipertenziya paydo bo‘lganida, preparatni qo‘llanishi oqibatida ancha kam hollarda yuz beradigan gepato-vaskulyar buzilishlar rivojlanishi mumkinligini hisobga olish lozim. Oksaliplatin bilan davolanayotgan erkaklar, butun davolanish davri davomida va keyingi 6 oy davomida ishonchli kontratseptsiya usullarini qo‘llashlari kerak, shuningdek davolash boshlangunga qadar spermani konservatsiya qilish mumkinligi to‘g‘risida maslahat olishlari kerak, chunki oksaliplatin qaytmas bepushtlikni chaqirishi mumkin. Ayollar preparatni qabul qilish vaqtida va keyingi 4 oy davomida ishonchli kontratseptsiya usullarini qo‘llashlari kerak. Oksaliplatin medak preparati ishlatilganida, tsitostatik preparatlar bilan muomala qilinganda qabul qilingan barcha ehtiyotkorlik choralariga amal qilinishi kerak. Oksaliplatin medak preparatining liofilizati yoki eritmasi teriga yoki shilliq qavatlarga tushganida, ularni suv bilan darhol yaxshilab yuvib tashlash kerak. Homiladorlikda va emizish davrida  qo‘llanilishi Oksaliplatinni homiladorlik vaqtida va emizish davrida qo‘llash mumkin emas. Avtomobilni boshqarish va mexanizmlarni ishlatish qobiliyatiga ta’siri O‘rganilmagan. Biroq, oksaliplatinni qo‘llash bosh aylanishi, ko‘ngil aynishi, qusish va reaktsiya adekvatligi va tezligiga ta’sir qiluvchi, va shu yo‘l bilan  avtomobilni boshqarish va mexanizmlarni ishlatish qobiliyatini pasaytiruvchi boshqa nevrologik simptomlarning ko‘rinishlarini paydo bo‘lish xavfini oshiradi. Yuqorida sanab o‘tilgan simptomlar yuz berganida transport vositalarini boshqarishdan va diqqatni yuqori jamlash hamda psixomotor reaktsiyalarning tezligini talab etuvchi boshqa potentsial xavfli faoliyat turlari bilan shug‘ullanishdan saqlanish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 25°S dan yuqori bo‘lmagan haroratda saqlansin. Original flakondagi tayyorlangan eritma: tayyorlangan eritma darhol suyultirilishi lozim. Infuziya uchun eritma: Eritma 5% li dekstroza eritmasida suyultirilganda 5°S±3°S haroratda 12 soat davomida kimyoviy va fizik jihatdan barqaror bo‘lib qoladi. Mikrobiologik nuqtai nazaridan infuziya uchun tayyorlangan eritma darhol ishlatilishi lozim. Eritma tayyorlanganidan keyinoq darhol ishlatilmagan hollarda, eritma ishlatilgunicha eritmani saqlash vaqti va saqlash sharoitlari foydalanuvchining fikriga ko‘ra belgilanadi va 2°S–8°S haroratda nazorat qilingan aseptik sharoitlarda 24 soatdan oshmasligi  lozim.

Simptomlari: nojo‘ya samaralarini yanada yaqqolroq namoyon bo‘lishi. Davolash: oksaliplatinning antidoti ma’lum emas. Gematologik ko‘rsatkichlarni monitoringi va simptomatik davolashni o‘tkazish tavsiya qilinadi.

Retsept bo‘yicha

Infuziya uchun eritma tayyorlash uchun liofilizat. 50 mg, 100 mg yoki 150 mg dan xlorbutil rezina tiqin bilan berkitilgan, alyuminiy va polimer himoya qopqoqcha bilan yopilgan rangsiz shisha flakonlarda. Bir flakon qo‘llash bo‘yicha yo‘riqnomasi bilan birga karton qutida.

4 yil.