dumaloq, ikki tomoni avariq, deyarli oq rangli plyonka qobiq bilan qoplangan tabletkalar.

antibakterial sintetik vositalar.

J01MA01

Ichga qabul qilinganidan so‘ng ofloksatsin me’da-ichak yo‘llarida to‘liq so‘riladi, biokiraolishligi 100% ga, preparatning dozasiga qarab, qabul qilinganidan keyin 30-60 minut o‘tgach qon plazmasidagi maksimal kontsentratsiyaga erishiladi. O‘zgarmagan holda, asosan siydik (90%) bilan chiqariladi.

– siydik-jinsiy tizimining kasalliklari: o‘tkir va surunkali piyelonefrit, prostatit, tsistit, epididimit, siydik chiqarish yo‘llarining asoratli yoki qaytalanuvchi infektsiyalari; – penitsillinga chidamli gonokokklar, xlamidiyalar, trixomonadalar va boshqa mikroorganizmlar chaqirgan jinsiy yo‘li orqali yuqadigan kasalliklar; – Nayemophilus influenzae yoki boshqa grammanfiy qo‘zg‘atuvchilar, shuningdek tillarang stafilokokk, ichak tayoqchasi, klebsiyella, enterobakteriyalar, protey, Rseudomonas, legionela, stafilokokklar chaqirgan nafas yo‘llarining o‘tkir, surunkali va qaytalanuvchi infektsiyalari (bronxitlar, pnevmoniya); – qorin bo‘shlig‘i a’zolari va o‘t chiqarish yo‘llarining infektsiyalari, shuningdek amebiaz – amebali dizenteriya, uning ichakdan tashqari shakllari, ayniqsa amyobali jigar abstsessi; lyamblioz, qorin tifi, salmonellez, shigelez; – quloq, tomoq va burunning surunkali va qaytalanuvchi infektsiyalarida, agar ular grammanfiy qo‘zg‘atuvchilar (shu jumladan Rseudomonas) yoki stafilokokk tomonidan chaqirilgan bo‘lsa; – og‘iz bo‘shlig‘ining infektsiyalari, o‘tkir nekrotik yarali gingivit; – teri va yumshoq to‘qimalarning infektsiyalari; – suyaklar va bo‘g‘imlarning infektsiyalari; – immuntanqisligi yoki neytropeniyasi bo‘lgan bemorlarda infektsion asoratlarni oldini olish; – jarrohlik infektsiyalarini, ayniqsa gastroenterologiyada, operatsiyadan oldingi oldini olish yoki operatsiyadan keyingi davolash; – ginekologik kasalliklarda qo‘llanadi;

Ofloksatsin ULTRA ichga chaynamasdan suv bilan birga qabul qilinadi. Preparatni qabul qilish ovqat qabul qilishga bog‘liq emas. Dozasi va davolash muddati mikroorganizmlarning sezuvchanligiga, infektsion jarayonning turi va og‘irligiga bog‘liq. Kattalar uchun o‘rtacha doza – 1 tabletkadan kuniga 2 marta, davolashning davomiyligi – 3-14 kunni tashkil qiladi. Kasallikning klinik belgilari yo‘qolganidan so‘ng kamida 3 kun davolashni davom ettirish tavsiya qilinadi. Gonoreyada – sutkada 1 marta 400 mg buyuriladi. Og‘ir jigar yetishmovchiligi bo‘lgan patsiyentlarda sutkalik maksimal doza 400 mg ni tashkil qiladi.

Me’da-ichak tizimi tomonidan: og‘izda metall ta’mi va og‘izni qurishi, ko‘ngil aynishi, qorinda og‘irlik va og‘riq, ishtahani yo‘qolishi, diareya, qusish; Markaziy nerv tizimi tomonidan: uyquchanlik, bosh og‘rig‘i, bosh aylanishi, tremor, rigidlik, harakat koordinatsiyasini buzilishi, vaqtinchalik hushdan ketish, charchoqlik, ataksiya, tirishishlar, ongning chalkashishi, sensor yoki aralash periferik neyropatiya belgilari; Qon yaratish tizimi tomonidan: juda kam hollarda leykotsitlar, eritrotsitlar va/yoki qon plastinkalari sonini kamayishi kuzatiladi (leykopeniya, agranulotsitoz, anemiya, trombotsitopeniya, pantsitopeniya); Yurak-qon tomir tizimi tomonidan: gipotenziya, taxikardiya; Boshqalar: qonda kreatinin darajasini oshishi, jigar fermentlari, bilirubin faolligini oshishi, artralgiya, mialgiya; Allergik reaktsiyalar: teri toshmasi, qichishish, fotosensibilizatsiya, Kvinke shishi, ko‘p shaklli eritema; Boshqa nojo‘ya samaralari: gipoglikemik dori vositalarini qabul qilayotgan qandli diabeti bo‘lgan bemorlarda gipoglikemiya.

Preparat va uning komponentlariga yuqori sezuvchanlik; tutqanoq, anamnezdagi markaziy nerv tizimini shikastlanishi (xususan, bosh miya jarohatidan, insultdan yoki markaziy nerv tizimidagi yallig‘lanish jarayonlaridan keyingi) qo‘llash mumkin emas. Preparatni 16 yoshgacha bo‘lgan bolalarga, homilador ayollarga va emizikli onalarga buyurish mumkin emas, chunki Ofloksatsin ni bu guruh bemorlarda qo‘llashning xavfsizligi bo‘yicha yetarli ma’lumotlar yo‘q.

Antatsid yoki tarkibida temir saqlovchi vositalar bilan birga qabul qilinganida, Ofloksatsinning samaradorligi pasayadi, shuning uchun dori vositasi yuqorida keltirilgan vositalarni qabul qilishdan 2 soat oldin yoki qabul qilinganidan keyin 2 soat o‘tgach qabul qilinadi. Nosteroid yallig‘lanishga qarshi vositalar (NYAQV) bilan birga qabul qilinganida, tirishishlarning xavfi oshadi. Probenetsid, tsimetidin, furosemid va metotreksat chiqarilishini tormozlab, zaharliligini oshirishi mumkin. Glibenklamidning kontsentratsiyasini oshiradi. Geparin saqlovchi eritma bilan aralashtirish mumkin emas (pretsipitatsiya xavfi mavjud). Ofloksatsin kumarin qatori antikoagulyantlarining samarasini kuchaytiradi, vekuroniy bromidining miorelaksatsiya qiluvchi ta’sirini uzaytiradi.

Ofloksatsin bilan davolash vaqtida fotosensibilizatsiya xavfining mavjudligi sababli bevosita quyosh nurlarini tushishidan, ultrabinafsha nurlari bilan nurlanishdan (simob-kvarts lampalari, solyariy) saqlanish kerak. Ofloksatsin ambulator bemorlarda pnevmoniyani davolashda qo‘llanuvchi birinchi qator dori vositasi hisoblanmaydi (pnevmoniyaning qo‘zg‘atuvchisi ko‘pincha – pnevmokokk). Nojo‘ya ta’sirlari, ayniqsa nerv tizimi tomonidan, allergik reaktsiyalar rivojlanganida, dori vositasini bekor qilish lozim. Ofloksatsin bilan davolash vaqtida diareyani rivojlanishi soxtamembranoz kolitning belgisi bo‘lishi mumkin. Bu asoratni rivojlanishiga shubha bo‘lganida, Ofloksatsin qabul qilishni darxol to‘xtatish va shoshilinch antibakterial davolashni buyurish kerak (ichga-vankomitsin yoki metronidazol). Ichak peristaltikasini kamaytiruvchi preparatlarni qo‘llash mumkin emas. Buyrak faoliyatini buzilishi yoki jigarni og‘ir shikastlanishi (tsirroz) bo‘lgan bemorlarda preparatning o‘rtacha sutkalik dozasini (2 tabletka) oshirmaslik kerak. Ofloksatsinni uzoq muddat qabul qilishda ikkilamchi infektsiyaning rivojlanishini xavfi mavjud (preparatga rezistent mikroorganizmlarning o‘sishi sababli). Agar davolash vaqtida ikkilamchi infektsiyani rivojlanishini xavfi tug‘ilsa, muvofiq choralar ko‘riladi. Preparat alkogol bilan nomutanosib! Homiladorlik va laktatsiya davrida qo‘llanishi. Preparatni homilador va emizikli ayollarga buyurish mumkin emas. Avtotransportni haydash va mexanizmlarni boshqarish qobiliyatiga ta’siri. Preparatning ba’zi nojo‘ya ta’sirlari (bosh aylanishi, uyquchanlik, ongni chalkashishi, ko‘rish va eshitish qobiliyatining buzilishi, harakat koordinatsiyasining buzilishi) psixomotor reaktsiyalar tezligining sekinlashtirishi va avtotransport vositalarini boshqarish yoki xavfli mexanizmlar bilan ishlash qobiliyatini yomonlashtirishi mumkin. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 30°S dan yuqori bo‘lmagan haroratda.

Simptomlari: markaziy nerv tizimi tomonidan: bosh aylanishi, ongni chalkashishi, tirishishlar; ovqat hazm qilish tizimi tomonidan: ko‘ngil aynishi va qusish; Davolash: simptomatik. Spetsifik antidoti yo‘q.

Retsept bo‘yicha

10 tabletkadan blisterda. 1 blister qo‘llash bo‘yicha yo‘riqnomasi bilan karton qutida; 10 blister qo‘llash bo‘yicha yo‘riqnomasi bilan karton qutida.

3 yil.