Antibakterial sintetik vositalar (ftorxinolonlar guruhi).

Oflodik tez va deyarli to‘liq so‘riladi. Preparatning biokiraolishligi amalda 100%ga yetadi. Oflodikning qon plazmasidagi maksimal kontsentratsiyasi 0.5-1 soatdan so‘ng aniqlanadi. Yarimchiqarilish davri 5-7 soatni tashkil qiladi. Preparatning taxminan 90% buyraklar orqali o‘zgarmagan holda chiqariladi, yuborilgan dori miqdorining taxminan 5% metabolizmga uchraydi.

Oflodik preparatga sezgir qo‘zg‘atuvchilar chaqirgan bakterial infektsiyalarni davolash uchun qo‘llanadi: – Nayemophilus influenzae yoki boshqa grammanfiy qo‘zg‘atuvchilar, shuningdek tilla rang stafilakokk, ichak tayoqchalari, klebsiyella, enterobakteriyalar, protey, Rseudomonas, legionela, stafilakoklar chaqirgan nafas yo‘llarining o‘tkir, surunkali va qaytalanuvchi infektsiyalarida (bronxitlar, pnevmoniya); – quloq, tomoq va burunning surunkali va qaytaluvchi infektsiyalarida, agar ular grammanfiy qo‘zg‘atuvchilar (shu jumladan Rseudomonas) yoki stafilokokk tomonidan chaqirilgan bo‘lsa; – teri va yumshoq to‘qimalarning infektsiyalarida; – suyaklar va bo‘g‘imlarning infektsiyalarida; – kichik chanoq va qorin bo‘shlig‘i a’zolarining infektsiyalarida, shu jumladan qorin pardasi. – bakterial enteritda; – buyraklar, siydik chiqarish yo‘llari, jinsiy a’zolarning infektsiyalarida, gonoreyada davolash uchun qo‘llanadi. Oflodik shuningdek organizmning himoya faoliyatlari pasaygan bemorlarda infektsiyalarni oldini olish uchun ishlatiladi (masalan, neytropeniya bo‘lganida).

Preparatning dozasi infektsiyaning turi va og‘irligiga bog‘liq. Kattalar uchun u kuniga 200 mg (100 ml) dan 800 mg (400 ml) gachani tashkil etadi. Oflodikni 400 mg (200 ml) gacha sutkalik bir martalik doza sifatida buyurish mumkin (ertalab qabul qilish uchun). Oflodikning tavsiya qilingan dozalari: Nafas yo‘llari, shuningdek, tomoq, quloq va burun infektsiyalarida sutkada – 400 mg (200 ml) (og‘ir xollarda sutkada – 600-800 mg gacha); Teri va yumshoq to‘qimalarning infektsiyalarida sutkada – 400 mg (200 ml); Suyaklar va bo‘g‘imlarning infektsiyalarida sutkada – 400 mg (200 ml); Qorin bo‘shlig‘ining infektsiyalarida sutkada – 400 mg (200 ml); Bakterial enteritda sutkada – 400 mg (200 ml) buyuriladi; Yuqori siydik chiqarish yo‘llari va  jinsiy a’zolarning infektsiyalarida sutkada -400 mg (200 ml) buyuriladi; Quyi siydik chiqarish yo‘llarining asoratsiz infektsiyalarida sutkada – 200 mg (100 ml) buyuriladi.

Me’da-ichak yo‘llari tomonidan: qorin og‘rig‘i, ishtahani yo‘qolishi, ko‘ngil aynishi, qusish, ich ketishi. Markaziy nerv tizimi tomonidan: bosh og‘rig‘i, bosh aylanishi, uyquni buzilishi, gallyutsinatsiyalar. O‘ta yuqori sezuvchanlik reaktsiyalari: toshma ko‘rinishidagi teri reaktsiyalari, qichima, kam hollarda – fotosensibilizatsiya reaktsiyalari, ko‘p shakilli eritema, nuqtali qon quyilishlar (petexiyalar) va boshqalar. Qonga ta’siri: juda kam leykotsitlar, eritrotsitlar va/yoki qon plastinkalari sonini kamayishi kuzatiladi (leykopeniya, agranulotsitoz, anemiya, trombotsitopeniya, pantsitopeniya). Boshqa nojo‘ya ta’sirlari: ayrim hollarda yurak urishini tezlashishi (taxikardiya), holsizlik, bo‘g‘imlarda, pay va mushaklarda og‘riq kuzatiladi. Yakka hollarda qonda qand miqdorini haddan tashqari kamayishi yoki ko‘payishi kuzatiladi, xususan, qandli diabet bilan xastalangan bemorlarda. Kamdan-kam hollardan tashqari, Ofladikni qabul qilish natijasida kuzatiladigan barcha nojo‘ya ta’sirlar preparat bekor qilinganidan so‘ng yo‘qoladi.

Oflodikni me’da shirasi kislotali muhitini pasaytiruvchi vositalar (mineral antatsidalar) va temir saqlovchi preparatlar bilan bir vaqtda qo‘llash preparatning mikroblarga qarshi samarasining kamayishini chaqiradi, shuning uchun ham Oflodikni yuqoridagi preparatlarni qo‘llashdan 2 soat oldin qabul qilish kerak. Probenetsid, tsimetidin, furosemid va metotreksat ofloksatsinni chiqarilishini tormozlab, zaharliligini oshirishi mumkin. Glibenklamidning kontsentratsiyasini oshiradi. Geparin bilan eritmada aralashtirish mumkin emas (pretsipitatsiya xavfi bor).

Preparatni qabul qilayotgan bemorlar quyosh va sun’iy ultrabinafsha nurlari bilan nurlanishdan saqlanishlari kerak. Oflodik bilan davolash kursining umumiy muddati har qanday holda ham 2 oydan oshmasligi kerak. Haydovchilar uchun ogohlantirishlar: hatto to‘g‘ri qo‘llansa ham, preparat tezkor reaktsiyalar imkoniyatini o‘zgartirishi mumkin, shuning uchun bemorning ko‘cha harakatida faol qatnashishi yoki avtomobilni boshqarish qobiliyati buziladi. Oflodik pnevmokokklar chaqirgan pnevmoniyada tanlov preparati emas; o‘tkir tonzillitni davolashda qo‘llash mumkin emas. Kolonoskopik va/yoki gistologik tasdiqlangan soxtamembranali kolitda vankomitsinni va metronidazolni peroral buyurish kerak. Preparat tuberkulyozning bakteriologik diagnostikasida soxta-manfiy natijalarga olib kelishi mumkin (Mycobacterium tuberculosis chiqarilishida to‘sqinlik qiladi). Bolalarda boshqa kamroq zaxarli preparatlarni qo‘llash mumkin bo‘lmaganida, taxmin qilingan foyda va nojo‘ya samaralarining rivojlanishini potentsal xavfini hisobiga olib, faqat hayot uchun xavf bo‘lganida qo‘llanadi. Bunday hollarda o‘rtacha sutkalik doza  – 7.5 mg/kg, maksimal – 15 mg/kg ni tashkil qiladi.

Quruq, yorug‘likdan himoyalangan joyda, 25°S dan yuqori bo‘lmagan haroratda.

Belgilari: uyquchanlik, ko‘ngil aynishi, qusish, bosh aylanishi, dezoriyentatsiya, tormozlanish, ongni chalkashishi. Davolash: me’dani yuvish, hayotiy muhim faoliyatlarni tutib turish.

Retsept bo‘yicha

Infuziya uchun eritma 2 mg/ml 100 ml dan RR flakonlarda.

2 yil.