Odokol 150 mg: oq yoki deyarli oq rangli, dumaloq, ikki tomonlama qavariq, bir tomonida bo‘lish uchun chizig‘i va boshqa tomoni bir tekis bo‘lgan tabletkalar. Odokol 250 mg: oq yoki deyarli oq rangli, dumaloq, yassi va chekkasi kesilgan, bir tomonida bo‘lish uchun chizig‘i va boshqa tomoni bir tekis bo‘lgan tabletkalar. Odokol 300 mg: oq yoki deyarli oq rangli, dumaloq, ikki tomonlama qavariq, har ikki tomoni bir tekis bo‘lgan tabletkalar.

o‘t toshlarini eritish uchun qo‘llanadigan vosita

A05AA02

Ursodeoksixolat kislotasi me’da-ichak yo‘llaridan so‘riladi va tizim oldi metabolizmiga hamda jigar ichi retsirkulyatsiyasiga uchraydi. Safroga ekskretsiya bo‘lishidan oldin jigarda qisman kon’yugatsiya bo‘ladi va 7-b-degidroksillanish orqali litoxolat kislotasiga aylanadi, uning ba’zi qismi organizmdan bevosita axlat bilan chiqariladi. Qolgan qismi yutiladi va axlat bilan organizmdan ekskretsiya bo‘lishidan oldin kon’yugatsiyalanadi va sulfat guruhini biriktirib oladi.

Ursodeoksixolat kislotasi tabletka shaklida birlamchi biliar tsirroz (BBTs) ni davolash uchun va faoliyat ko‘rsatayotgan o‘t pufagi bo‘lgan patsiyentlarda kichik o‘lchamdan o‘rtacha kattalikkacha bo‘lgan rentgen nurlarini o‘tkazuvchan, xolesteringa boy bo‘lgan o‘t toshlarini eritish uchun ko‘rsatilgan.

Ursodeoksixolat kislotasi tabletkalar shaklida kerakli miqdordagi suv bilan peroral qabul qilinadi. Birlamchi biliar tsirroz: Kattalar va keksalarga: sutkada tana vazniga 10-15 mg ursodeoksixolat kislotasi 2-4 ga bo‘lingan dozalar ko‘rinishida buyuriladi. Bolalarga: dozasi tana vazniga mos kelishi kerak. O‘t toshlarini eritish: Kattalar va keksalarga: odatdagi dozasi kuniga 6-12 mg/kg ni tashkil etadi, yoxud tungi vaqtda bir martalik doza ko‘rinishida yoki bo‘lingan dozalar ko‘rinishida qabul qilinadi. Semizlik bilan xastalangan patsiyentlar uchun zarurat bo‘lganida dozasi kuniga 15 mg/kg gacha oshirilishi mumkin. Bolalarga: dozasi mana vazniga mos kelishi kerak.

Me’da-ichak yo‘llari tomonidan buzilishlar: diareya, qorinda og‘riq, ko‘ngil aynishi va qusish. Teri va teri osti to‘qimalaridagi buzilishlar juda kam kuzatiladi va eshakemi va qichishishdan iborat bo‘ladi. Ushbu nojo‘ya samaralarni uchrash tezligi ma’lum emas.

Ursodeoksixolat kislotasini quyidagilar bo‘lgan patsiyentlarga: rentgenkontrast klatsifikatsiyalangan o‘t toshlari;o‘t pufagi yoki o‘t chiqarish yo‘llarini o‘tkir yallig‘lanishi;tez-tez kuzatiladigan jigar sanchiqlari;o‘t kislotalari yoki dori vositasining tarkibiga kiruvchi har qanday yordamchi moddalarga o‘ta yuqori sezuvchanlik;homilador yoki emizikli ayollarga yoki homiladorlikni rejalashtirayotgan ayollarga;jigarni surunkali kasalliklari, me’da va o‘n ikki barmoq ichak yarasi bo‘lgan patsiyentlarga yoki ingichka hamda yo‘g‘on ichakni yallig‘lanish kasalliklari bo‘lgan patsiyentlarga qo‘llash mumkin emas.

Ursodeoksixolat kislotasini faollashtirilgan ko‘mir, kolestiramin yoki tarkibida alyuminiy gidroksidi saqlagan antatsidlar va/yoki smektit (alyuminiy oksid) bilan bir vaqtda buyurish mumkin emas, chunki ushbu preparatlar ichakda ursodeoksixolat kislotasini bog‘laydi, va shu bilan uni so‘rilishi va samaradorligini sekinlashtiradilar. Ursodeoksixolat kislotasi tsiklosporinni ichakdan so‘rilishini oshirishi mumkin. Shuningdek dapsonning terapevtik samarasini kamaytirishi haqida xabar berilgan. Peroral kontratseptivlar, estrogen gormonlar va klofibrat kabi qonda xolesterinning darajasini pasaytiruvchi preparatlar o‘t pufagida toshlarni erishi uchun ishlatiladigan ursodeoksixolat kislotasiga teskari ta’sir ko‘rsatib, o‘t toshlari hosil bo‘lishini kuchaytirishi mumkin.

Agar o‘t pufagi rentgen suratlarida aks etmasa yoki o‘t pufagida kaltsifikatsiyalangan toshlar bo‘lsa, o‘t pufagini qisqaruvchanligi buzilganida yoki tez-tez kuzatiladigan o‘t tosh sanchiqlarida ursodeoksixolat kislotasini qabul qilish mumkin emas. Ursodeoksixolat kislotasini shifokorning nazorati ostida qabul qilish kerak. Davolashning birinchi 3 oyi davomida jigar faoliyatining ko‘rsatkichlari AST (SGOT), ALT (SGPT) i g-GT shifokor tomonidan har 4 haftada, so‘ngra esa har 3 haftadan nazorat qilinishi kerak.

Homiladorlik vaqtida ursodeoksixolat kislotasini qabul qilish mumkin emas. Homidorlik kuzatilganida davolashni zudlik bilan to‘xtatish va tibbiy maslahatga murojaat qilish kerak. Laktatsiya davrida ursodeoksixolat kislotasini qabul qilish mumkin emas. Agar ursodeoksixolat kislotasi bilan davolash shart bo‘lsa, emizishni to‘xtatish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

25oS dan yuqori bo‘lmagan haroratda saqlansin.

Dozasi oshirib yuborilganida diareya rivojlanishi mumkin. Odatda, dozani oshirib yuborilishini boshqa simptomlarini rivojlanish ehtimoli kam, chunki preparatning dozasi oshirilishi bilan ursodeoksixolat kislotasini so‘rilishi pasayadi va demak axlat bilan ko‘proq chiqariladi. Hech qanday alohida choralar talab etilmaydi va diareyaning asoratlarini suv hamda elektrolitlar muvozanatini tiklash bilan simptomatik davolash kerak.

Retsept bo‘yicha Ulashish: 4 488 Views

150 mg; 250 mg; 300 mg dan tabletkalar №10 (1x10); №30 (3x10); №100 (10x10) (blisterlar). Qo‘llash bo‘yicha yo‘riqnomasi bilan karton qutida.

2 yil.