deyarli oqdan och-sariq rangligacha bo‘lgan kukun.

Tizimli qo‘llash uchun antibakterial preparatlar. Antibiotik-tsefalosporin + beta-laktamaza ingibitori. To‘rtinchi avlod tsefalosporinlar.

J01DA

Tsefepim va sulbaktam majmuasi ko‘rsatilgan mikroorganizmlarning sezgir shtammlari chaqirgan quyidagi sanab o‘tilgan infektsion kasalliklarni davolash uchun buyuriladi: Nafas tizimining jiddiy infektsion kasalliklarida, shu jumladan o‘pkani yallig‘lanishida Suyak va bo‘g‘imlar infektsiyalarida Kuyishlarda O‘tkir bakterial o‘rta otitda va bakterial sepsisda Operatsiyadan keyingi infektsion kasalliklarda Siydik chiqarish yo‘llarining jiddiy, asoratlangan va qaytalanuvchi infektsiyalarida Teri va teri osti kletchatkasining asoratlanmagan infektsiyalarida qo‘llanadi.

Tipik sutkalik dozasi 1,5-3,0 g ni tashkil qiladi. Infektsiyaning tipi va og‘irlik darajasiga qarab sutkada ikki yoki uch marta teng taqsimlangan dozada qo‘llanadi. Buyrak funktsiyasini yaqqol pasayishi bo‘lgan patsiyentlarda tsefepim va sulbaktamning kamaygan klirensini kompensatsiya qiladigan darajada tsefepim va sulbaktam majmuasini qabul qilish tartibiga tuzatish kiritish kerak. To‘g‘ri dozani hisoblash uchun davolashdan oldin patsiyentning tana vaznini bilish kerak. Buyrak funktsiyasining holatini baholash uchun qon zardobida kreatinin kontsentratsiyasini o‘lchash yoki kreatinin klirensi tezligini aniqlash kerak. Davolash vaqtida kreatinin kontsentratsiyasining maksimal va minimal darajalarini muntazam aniqlash kerak. Agar qon zardobidagi kreatinin ko‘rsatkichi ma’lum bo‘lsa, bu ko‘rsatkichni kreatinin klirensiga aylantirish uchun quyidagi formuladan foydalanish mumkin. Erkaklar uchun tana vazni (kg) x (140 – yosh ) ———————————————– zardobdagi kreatinin (mkmol/l x 0,8 Ayollar uchun 0,85 x yuqoridagi formula bo‘yicha hisoblangan ko‘rsatkich

preparatning tarkibiga kiruvchi komponentlarga (shu jumladan tsefalosporinlarga, penitsillinlarga va boshqa beta-laktam antibiotiklarga) o‘ta yuqori sezuvchanlik2 oylikkacha bo‘lgan bolalar (2 oylikdan kichik bolalarda xavfsizligi va samaradorligi aniqlanmagan)12 yoshgacha bo‘lgan bolalarda (mushak ichiga yuborilganda) qo‘llash mumkin emas. Ehtiyotkorlik bilan Me’da-ichak yo‘llari kasalliklari (shu jumladan anamnezida); soxtamembranoz enterokolit, yarali kolit, regional enterit yoki antibiotik-assotsiatsiyalangan kolit; surunkali buyrak yetishmovchiligi.

Mikroblarga qarshi boshqa dori vositalari va geparin bilan farmatsevtik nomutanosib. Diuretiklar, aminoglikozidlar, polimiksin V tsefepimning kanalchalar sekretsiyasini kamaytiradi va uning qon zardobidagi kontsentratsiyasini oshiradi, yarim chiqarilish davrini uzaytiradi, nefrotoksikligini kuchaytiradi (nefronekroz rivojlanishi xavfi oshadi). Nosteroid yallig‘lanishga qarshi preparatlar tsefalosporinlarni chiqarilishini sekinlashtirib, qon ketishi xavfini oshiradi. Bakteritsid antibiotiklari (aminoglikozidlar) bilan bir vaqtda buyurilganda sinergizm, bakteriostatik antibiotiklar (makrolidlar, xloramfenikol, tetratsiklinlar) bilan bir vaqtda buyurilganda – antagonizm namoyon bo‘ladi. Metronidazol eritmalari bilan nomutanosib (jarroxlik aralashuvlarini o‘tkazishdan oldin infektsiyani oldini olish uchun metronidazol eritmasini yuborishdan oldin infuzion tizimni tsefepimdan yuvish kerak). Aminoglikozidlarning nefro- va ototoksikligini oshiradi.

Nyufepim S qo‘llanilganda soxtamembranoz kolit paydo bo‘lishi mumkin. Shuning uchun preparat bilan davolash vaqtida diareya paydo bo‘lgan hollarda bu diagnozni e’tiborga olish kerak. Kolitning yengil shakllari preparatni qo‘llashni to‘xtatishga javob berishi mumkin; o‘rtacha va og‘ir holatlar maxsus davolashni talab etishi mumkin. Mikroblarga qargi boshqa vositalar kabi tsefepim va sulbaktam majmuasini uzoq vaqt qabul qilish sezgir bo‘lmagan mikroorganizmlarni haddan tashqari o‘sishiga olib kelishi mumkin. Patsiyentning holatini takroran tekshirish zarur hisoblanadi. Ko‘pgina tsefalosporinlar, shu jumladan tsefepim va sulbaktam protrombin faolligini susayishi bilan bog‘liq bo‘lgan. Xavf guruhiga buyrak yoki jigar yetishmovchiligi bo‘lgan patsiyentlar, shuningdek antibakterial davolashning davomili kursini qabul qilayotgan patsiyentlar kiradi. Xavf guruhiga kiruvchi patsiyentlarda protrombin vaqtini kuzatish va zarurati bo‘lganida ekzogen K vitaminini yuborish kerak. Tsefepim va sulbaktam bilan davolash vatida bevosita Kumbs sinamalarining soxta musbat natijalari olingan. Me’da-ichak yo‘llari kasalliklari, ayniqsa koliti bo‘lgan patsiyentlarga tsefepim va sulbaktam majmuasini ehtiyotkorlik bilan buyurish kerak. Argininni tsefepim va sulbaktamning odam uchun maksimal tavsiya etilgan dozasidagi miqdoridan 33 marta yuqori miqdorda qabul qilish glyukoza almashinuvini o‘zgartirishi va zardobdagi kaliyning darajasini oshirishi isbotlangan. Pastroq dozalarning samarasi hozircha noma’lum. Buyrak funktsiyasini pasayishi (kreatinin klirensi ≤60 ml/min) bo‘lgan patsiyentlar uchun tsefepim va sulbaktamning dozasini pasaygan buyrak orqali chiqarish tezligini kompensatsiya qiladigan darajada tanlash kerak. Homiladorlik va laktatsiya davrida qo‘llanishi Xavfsizligi aniqlanmagan. Transport vositalarini boshqarish va mexanizmlar bilan ishlash qobiliyatiga ta’siri Aniqlanmagan. Preparatning yaroqlilik muddati o‘tgach ishlatilmagan flakonlar ochilsin, ichidagisi ko‘p miqdordagi suvda eritilsin va kanalizatsiyaga to‘kib yuborilsin. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 20°S-25°S haroratda saqlansin.

Dozasi oshirib yuborilgan patsiyentlarni sinchkovlik bilan tekshirish va tutib turuvchi davolash kerak. Buyrak yetishmovchiligi yuzaga kelgan hollarda peritoneal dializ emas, gemodializ yordamida organizmdan tsefepim va sulbaktamni chiqarilishini ta’minlash tavsiya etiladi.

Retsept bo‘yicha

Majmuaviy alyumin qalpoqchali rezina tiqin bilan berkitilgan 20 ml sig‘imli I tip rangsiz shisha flakonlarda. 1 flakon qo‘llash bo‘yicha yo‘riqnomasi bilan karton qutiga joylanadi.

2 yil.