oq yoki biroz sarg‘ish tusli oq rangli, yassitsilindrik tabletkalar.

anksiolitik vositalar, benzodiazepin hosilalari.

N05BA04

Oksazepam me’da-ichak yo‘llaridan yaxshi (90-100%) so‘riladi. Faol moddaning qon plazmasidagi maksimal kontsentratsiyasiga bir martalik doza qabul qilingandan keyin 1-3 soat o‘tgach erishiladi. Oksazepamning 95-98% plazma oqsillari bilan bog‘lanadi. Taqsimlanish hajmi 0,6-2 l/kg ni tashkil etadi. Takroriy dozalar qabul qilingandan keyin qon plazmasidagi barqaror kontsentratsiyasiga 2-3 kun davomida erishiladi. Oksazepam gematoentsefalik to‘siq, shuningdek yo‘ldosh to‘sig‘i orqali oson kiradi, ko‘krak suti bilan ajraladi. Oksazepam jigarda oksazepam-o-glyukuronidgacha (asosiy faol bo‘lmagan metaboliti) tez metabolizmga uchraydi. Bundan tashqari yana 6 ta faol bo‘lmagan metabolitlarining oz miqdori, qisman glyukuronid metabolitlari aniqlangan. Yarim chiqarilish davri har bir odamda individual bo‘ladi va 5 soatdan 15 soatgachani tashkil qiladi. Dozaning 87% dan ko‘prog‘i metabolitlari ko‘rinishida siydik bilan, 10% dan kamrog‘i – ichak yo‘llari orqali chiqariladi. Buyrak yetishmovchiligi holatida metabolik klirensi va erkin oksazepamning qon plazmasidagi kontsentratsiyasi norma chegarasida bo‘ladi, lekin oksazepam-o-glyukuronidning davomli yarim chiqarilish davri tufayli to‘planishi mumkin. Ahlat bilan chiqarilishi buyrak yetishmovchiligining og‘irlik darajasiga qarab oshadi. Oksazepamning metabolizmi jigarda amalga oshganligi tufayli, jigar yetishmovchiligi holatida oksazepamning terapevtik samarasi va nojo‘ya reaktsiyalari kuchayishi mumkin.

Xavotirlik, qo‘rquv, qo‘zg‘alish, yuqori ta’sirchanlik bilan birga kechuvchi nevrotik holatlar. Xavotirlik holati chaqirgan uyqusizlik. Alkogolli abstinent sindromini majmuaviy davolashda qo‘llanadi. Nozepam depressiya yoki depressiya bilan bog‘liq xavotirlikni monoterapiyasida qo‘llanmaydi. Har kungi muammolar bilan bog‘liq bo‘lgan tanglik va bezovtalik, preparatni qo‘llashga ko‘rsatma bo‘lmaydi.

Ichga, ovqat qabul qilishdan qat’iy nazar, suyuqlik bilan birga qabul qilinadi. Terapevtik samaraga erishish uchun minimal samarali dozani qo‘llash kerak. Davolash kursi imkoniyat darajada qisqa bo‘lishi kerak. Xavotirlik, qo‘rquv, qo‘zg‘alish, yuqori ta’sirchanlik bilan birga kechuvchi nevrotik holatlar: kattalar va 12 yoshdan oshgan bolalarga 24 soat davomida 10-30 mg 3-4 martani tashkil qiladi. Ambulator davolashda odatda sutkalik doza 20-30 mg (ikki qabulda – ertalab va kechqurun) ni tashkil qiladi. Og‘irroq hollarda doza 3 qabulga bo‘lib, 60 mg gacha oshiriladi, ko‘proq qismini kechasiga buyuriladi. 60 mg dan yuqori sutkalik doza faqat statsionar davolashda buyuriladi. Maksimal sutkalik doza – 120 mg. O‘tkir hollarda bir martalik doza yoki bir necha kun davomida davolash bilan cheklanish mumkin. 12 yoshgacha bo‘lgan bolalarda Nozepamni qo‘llash mumkin emas. Xavotirlik holati chaqirgan uyqusizlikda: 10-30 mg dan uyquga ketishdan yarim soat-bir soat oldin. Maksimal bir martalik doza – 50 mg. Alkogolli abstinent sindromini majmuaviy davolashda: 10-30 mg dan kuniga 3-4 marta. Keksa yoshdagi, zaif bemorlar uchun, jigar va buyraklar funktsiyasini buzilishlari, yurak va o‘pka yetishmovchiligida, shuningdek bosh miyadagi organik o‘zgarishlarda sutkalik doza 10 mg (ertalab va kechqurun 5 mg) ni tashkil qiladi, zarurati bo‘lganida ehtiyotlik bilan 15 mg gacha oshiriladi.

Nozepam boshqa dori vositalari kabi garchi ular hamma patsiyentlarda bo‘lmasada nojo‘ya ta’sirlar chaqirishi mumkin. Nojo‘ya samaralarning tez-tezligi bo‘yicha tasnifi: juda tez-tez – (≥1/10); tez-tez – (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); noma’lum (mavjud ma’lumotlar bo‘yicha tez-tezligini aniqlash mumkin emas). Nojo‘ya ta’sirlar individual hisoblanadi va dozaning kattaligiga bog‘liq.

oksazepamga, benzodiazepinning boshqa hosilalariga va/yoki preparatning yordamchi moddalariga yuqori sezuvchanlikog‘ir nafas yetishmovchiligi (shu jumladan nostabil Myasthenia gravis)o‘tkir o‘pka yetishmovchiligiuyqudagi apnoe sindromi (uyquda nafas funktsiyasini buzilishi)og‘ir jigar yetishmovchiligisurunkali psixozlaro‘tkir porfiriyaemizish davri12 yoshgacha bo‘lgan bolalarda qo‘llash mumkin emas. Markaziy nerv tizimini susaytiruvchi vositalar yoki alkogol bilan zaharlanishda preparatni qo‘llash mumkin emas. Davolash davrida va preparat bekor qilinganidan keyin 3 kun davomida alkogolli ichimliklarini iste’mol qilish mumkin emas. Oksibat natriy va ritonavir bilan bir vaqtda qo‘llash mumkin emas.

Davolovchi shifokorni Siz qabul qilayotgan hamma, shuningdek retseptsiz beriladigan dori vositalari haqida ham albatta xabardor qiling. Bir vaqtda natriy oksibati (benzodiazepinlar natriy oksibatining ta’sirini kuchaytiradi) va ritonavir (qon plazmasida anksiolitik vositalarning kontsentratsiyasini oshirishi mumkin) bilan qo‘llash mumkin emas. Tsimetidin, disulfiram, fluvoksamin oksazepamning markaziy nerv tizimiga susaytiruvchi ta’sirini susaytirishni kuchaytirib, organizmdagi metabolizmini susaytiradi (qon plazmasida oksazepamning kontsentratsiyasini oshiradi). Alfa-adrenoblokatorlar, umumiy narkoz uchun vositalari, tritsiklik antidepressantlar, gistaminga qarshi vositalar, antipsixotik vositalar, opioid analgetik vositalar, baklofen, lofeksidin, moksonidin, nabilon, tizanidin Nozepamning markaziy nerv tizimiga susaytiruvchi ta’sirini kuchaytiradi. Rifampitsin Nozepamning ta’sirini susaytirib, organizmda benzodiazepinlarning metabolizmini tezlashtiradi (qon plazmasida oksazepamning kontsentratsiyasini pasaytiradi). Nozepam fenitoinning qon plazmasidagi kontsentratsiyasini oshirishi ham, pasaytirishi ham mumkin. Nozepam levodopani ta’sirini susaytirishi mumkin (ta’sir antagonizmi). Nozepam bilan bir vaqtda AAF ingibitorlari, adrenergik neyronlarning blokatorlari, alfa-blokatorlar, angiotenzin II retseptorlarining antagonistlari, beta-blokatorlar, kaltsiy kanallarining blokatorlari, diuretik vositalar, nitratlar, klonidin, metildopa, moksonidin, diazoksid, gidralizin, minoksidil yoki nitroprusid qo‘llanganida, ko‘rsatilgan dori vositalarining arterial bosimni pasaytiruvchi ta’sirini kuchaytiradi. Alkogol bilan bir vaqtda iste’mol qilinganida markaziy nerv tizimiga susaytiruvchi ta’siri kuchayadi, shuningdek ko‘zda tutilmagan paradoksal reaktsiyalar paydo bo‘lishi mumkin.

Nozepamni buyurganda benzodiazepinlarni qo‘llashga taalluqli umumiy ma’lumotlarni e’tiborga olish kerak.

Oksazepam yo‘ldosh to‘sig‘i orqali o‘tadi. Hozirgi vaqtda oksazepamning teratogen ta’siri haqida yagona fikr yo‘q, lekin benzodiazepinlar yuz suyaklarini bitmasligi va yurak-qon tomir anomaliyalarini chaqirishi mumkinligi haqida ma’lumotlar bor. Homiladorlik davrida oksazepamni muntazam, yuqori dozalarda va uzoq vaqt qo‘llash mumkin emas. Agar ona uchun kutilayotgan foyda homila uchun kuzatilishi mumkin bo‘lgan xavfdan yuqori bo‘lgandagina qo‘llashga yo‘l qo‘yiladi. Homiladorlikning oxirgi oylarida yoki tug‘ruqdan oldin preparatning yuqori dozalarini qo‘llash tranzitor gipotermiya, gipotenziya va nafas olishni buzilishi, sedatsiya, emiz refleksini sustligi, “lanj bola” sindromini chaqirishi mumkin. Emizish davrida preparatni qo‘llash mumkin emas. Oksazepam ko‘krak suti bilan ajraladi, uning ko‘krak sutidagi kontsentratsiyasi ona plazmasidagi kontsentratsiyasining taxminan 10% ni tashkil qiladi. Bolada qaramlik va nafas olishni buzilishi rivojlanishi mumkin.

Namlik va yorug‘likdan himoyalangan joyda, 25°S dan yuqori bo‘lmagan haroratda saqlansin.

Oksazepam dazasi oshirib yuborilganda o‘lim kam hollarda kuzatilgan. Alkogol bilan bir vaqtda qo‘llanilganda oksazepamning toksikligi ahamiyatli darajada oshadi. Simptomlari: uyquchanlik, ongni chalkashishi, harakat koordinatsiyani va muvozanatni buzilishi, nutqni buzilishi, gipotenziya, markaziy nerv tizimini susayishi, hatto komagacha. Og‘ir intoksikatsiya holatida nafasni susayishi va qon aylanishini susayishi (tsianoz) rivojlanishi mumkin. Agar markaziy nerv tizimini susaytiruvchi boshqa preparatlar yoki alkgol bir vaqtda qo‘llanilsa, benzodiazepinlar patsiyentning xayoti uchun xavf tug‘diradi. Davolash choralari. So‘rilishni kamaytirish uchun faollashtirilgan ko‘mir buyuriladi (doza oshirib yuborilgandan keyin bir soat davomida maqsadga muvofiq). Simptomatik davolash buyuriladi, xayot uchun muhim funktsiyalarni tutib turish va monitoringini ta’minlash kerak. Benzodiazepinlar chaqirgan nafasni susayishi xolatida flumazenil samarali vosita bo‘lib hisoblanadi. Gemodializ samarasiz. Har qanday preparatning dozasi oshirib yuborilishini davolaganda, patsiyent turli preparatlarni qabul qilgan bo‘limi mumkinligini e’tiborga olish kerak.

Retsept bo‘yicha

10 tabletkadan polivinilxlorid plyonkali va bosma alyumin folgali kontur uyali o‘ramga joylanadi. 5 kontur uyali o‘ramdan rus  va davlat tillaridagi tibbiyotda qo‘llash bo‘yicha yo‘riqnomasi bilan karton qutiga joylanadi.

5 yil.