sariq rangli, kapsula shaklli, qobiqsiz, bir tomoni riskali, “N”, “G” yozuvli va boshqa tomoni “PLUS” yozuvi bo‘lgan tabletkalar.

O‘RK simptomlarini bartaraf qilish uchun vosita.

N02BE51

Paratsetamol ichga qabul qilinganida tez va yaxshi so‘riladi. Plazmadagi cho‘qqi kontsentratsiyasiga 10-60 minutdan keyin erishiladi. Organizmning deyarli barcha to‘qimalariga kiradi, yo‘ldosh orqali oson o‘tadi va ko‘krak suti bilan ajralib chiqadi. Jigarda metabolizmga uchraydi, metabolitlari farmakologik faol emas, ammo to‘planganida jigarni nekroziga olib kelishi mumkin. Asosan metabolitlar ko‘rinishida buyraklar orqali chiqariladi. Yarim chiqarilish davri 1,5 soatdan 3 soatgacha vaqt orasida o‘zgaradi. Jigar faoliyati buzilganida preparatning organizmdan chiqarilishi sekinlashadi, bu organizmda metabolitlarni to‘planishiga olib keladi. Ichga qabul qilinganida jigardan birinchi o‘tish hisobiga va monoaminooksidaza bilan me’dada parchalanishi natijasida fenilefrin gidroxloridining biologik faolligi pasayadi. Biotransformatsiyasi me’da-ichak yo‘llarida va jigarda yuz beradi. Buyraklar orqali chiqariladi. Xlorfeniramin maleat ichga qabul qilinganidan so‘ng me’da-ichak yo‘llaridan yaxshi so‘riladi. Oqsillar bilan bog‘lanishi – yuqori (72%). Biotransformatsiyasi jigarda, shuningdek buyrakda kechadi. Yarim chiqarilish davri – 14-25 soatni tashkil qiladi. Organizmdan buyraklar orqali metabolitlari ko‘rinishida chiqariladi. Kofein ichga qabul qilinganidan so‘ng tez so‘riladi va organizmga yaxshi taqsimlanadi. Plazmadagi maksimal kontsentratsiyaga bir soatdan keyim erishiladi, yarim chiqarilish davri 3,5 soatni tashkil qiladi.

Isitma va grippdan tez halos etadi. Nolgripp® plyus tabletkalari isitma, shamallosh, gripp, tanadagi og‘riq (bo‘g‘im va mushaklardagi og‘riq), allergik rinit, burun bitishi, tumov, ko‘z yoshlanishi, tomoq qichishi, sinusit, bosh og‘rig‘i, inflyuentsa bo‘lganida qo‘llanadi.

Kattalar va 12 yoshdan oshgan bolalar: ichga 1 tabletkadan har 4-6 soatda yoki shifokor ko‘rsatmasiga ko‘ra buyuriladi. 24 soat ichida 6 tabletkadan ortiq qabul qilinmasin. 6 yoshdan 12 yoshgacha bo‘lgan bolalar: ichga ½ tabletkadan har 4-6 soatda yoki shifokor ko‘rsatmasi buyicha ichga qabul qilinsin. 24 soat ichida 3 tabletkadan ortiq qabul qilinmasin. 6 yoshdan kichik bo‘lgan bolalar: faqat shifokorning ko‘rsatmasi bo‘yicha.

Preparat tavsiya etilgan dozalarda yaxshi o‘zlashtiriladi. Ba’zida quyidagi nojo‘ya samaralar kuzatilishi mumkin: Me’da-ichak yo‘llari tomonidan: ko‘ngil aynishi, qusish, og‘izni qurishi; Siydik chiqarish tizimi tomonidan: buyrak yetishmovchiligi, o‘tkir tubulyar nekroz, interstitsial nefrit; Qon tizimi tomonidan: anemiya, metgemoglobinemiya; Nafas tizimi tomonidan: hansirash, eozonofil pnevmoniya; Yurak qon-tomir tizimi tomonidan: gipertoniya, gipotoniya; Nerv tizimi tomonidan: bosh aylanishi, uyquni buzilishi, uyqusizlik, toliqish, yuqori qo‘zg‘aluvchanlik; Allergik reaktsiyalar: o‘ta yuqori sezuvchanlik, teri toshmasi, eritema, eshakemi, anafilaksiya; Agar nojo‘ya samaralarning simptomlari mavjud bo‘lsa, preparatni qabul qilish to‘xtatilganidan so‘ng yo‘qolishi kerak. Agar simptomlar o‘tib ketmasa, shifokorga murojaat qiling.

preparatning komponentlariga o‘ta yuqori sezuvchanlik;homiladorlik, laktatsiya davri;bolalar (6 yoshgacha);

Monoaminooksidaza (MAO) ingibitorlari, sedativ preparatlar, etanolning samarasini kuchaytiradi. Antidepressantlar, parkinsonizmga qarshi vositalar, antipsixotik vositalar, fenotiazin hosilalari siydik tutilishi, og‘izni qurishi, qabziyatniivojlanish xavfini oshiradi. Glyukokortikosteroidlar glaukomani rivojlanish xavfini oshiradi. Paratsetamol diuretik preparatlarning samarasini pasaytiradi. Xlorfeniramin MAO ingibitorlari, furazolidon bilan birga gipertonik kriz, qo‘zg‘aluvchanlik, giperpireksiyaga olib kelishi mumkin. Guanitidinning gipotenziv ta’sirini pasaytiradi.

Preparatni boshqa paratsetamol saqlovchi preparatlar bilan birga qabul qilish mumkin emas. Preparat bilan davolash davrida jigar, buyraklar faoliyatini va periferik qon manzarasini nazorat qilish kerak. Preparatni qo‘llash vaqtida preparatning gepatotoksik ta’sirini kuchayishi mumkinligi tufayli, alkogolni iste’mol qilish mumkin emas.

Qorong‘i va quruq joyda, 25oS dan yuqori bo‘lmagan haroratda saqlansin.

Simptomlari: allergik reaktsiyalar, bosh og‘rig‘i, psixomotor qo‘zg‘alishlar, bosh aylanishi, ko‘ngil aynishi, qusish. Davolash: me’dani yuvish, simptomatik davolash.

Retseptsiz

4 tabletkadan blisterda. 25 blister qo‘llash bo‘yicha yo‘riqnomasi bilan birga karton qutiga joylangan. 100 blister qo‘llash bo‘yicha yo‘riqnomasi bilan birga plastik qutiga joylangan.

4 yil.