nikotinga qaramlikni davolash uchun vosita

N07BA01

Chaynaladigan rezinkadan ajralib chiqayotgan nikotin og‘iz bo‘shlig‘ining shilliq qavati orqali tez so‘riladi va 5-7 minutdan keyin qonda aniqlanadi. Nikotinning maksimal kontsentratsiyasiga chaynash boshlanganidan so‘ng 30 minutdan keyin erishiladi. Vena ichiga yuborilganida nikotinning taqsimlanish xajmi taxminan 2-3 l/kg ga teng, yarim chiqarilish davri esa – taxminan 2 soatni tashkil qiladi. Nikotin asosan jigar orqali chiqariladi, uning o‘rtacha plazma klirensi taxminan soatiga 70 l ni tashkil qiladi. Nikotin, shuningdek buyraklar va o‘pkalarda ham metabolizmga uchraydi. Nikotinning o‘zidan faolligi pastroq bo‘lgan 20 dan ortiq metabolitlari aniqlangan. Nikotinning plazma oqsillari bilan bog‘lanishi 5% dan kamroqni tashkil qiladi. Shuning uchun boshqa preparatlar bir vaqtda qo‘llanganida kuzatiladigan nikotinni bog‘lanishini buzilishlari yoki turli kasalliklarda plazma oqsillarining kontsentratsiyasini o‘zgarishi, nikotinning kinetikasiga ahamiyatli ta’sir qilmaydi. Plazmadagi nikotinning birlamchi metaboliti – kotininning yarim chiqarilish davri 15-20 soat, uning kontsentratsiyasi esa nikotinnikidan 10 marta yuqori. Siydik bilan asosan kotinin (dozaning 15%) va trans-3-gidroksi-kotinin (dozaning 45%) chiqariladi. Nikotinning dozasining 10% dan 30% gacha miqdori o‘zgarmagan ko‘rinishda siydik bilan chiqariladi. Buyraklar funktsiyasining rivojlanib boruvchi buzilishlari nikotinning umumiy klirensini pasayishi bilan kechadi. Jigar funktsiyasining ahamiyatsiz buzilishlari bo‘lgan (Chayld-Pyu shkalasi bo‘yicha 5 ball) jigar tsirrozi bilan xastalangan patsiyentlarda, uning farmakokinetikasi o‘zgarmaydi va jigar funktsiyasini o‘rtacha buzilishi bo‘lgan (Chayld-Pyu shkalasi bo‘yicha 7 ball) jigar tsirrozi bo‘lgan patsiyentlarda pasayadi. Gemodiliaz bilan davolanayotgan yondosh surunkali buyrak yetishmovchiligi bo‘lgan chekuvchilarning qon plazmasida nikotinning kontsentratsiyasini oshishi aniqlangan. Keksa patsiyentlarda nikotinning umumiy klirensini biroz pasayishi aniqlanadi, bu dozaga tuzatish kiritish talab qilmaydi.

Quyidagi hollarda nikotinga bo‘lgan ehtiyojni pasaytirish yo‘li bilan tamakiga qaramlikni davolash: chekishni tashlashga qaror qilgan patsiyentlarda chekishdan to‘liq voz kechilganida yuzaga keluvchi “bekor qilish” simptomlarini kamaytirish;chekishdan vaqtinchalik voz kechilganida;chekishdan to‘liq voz kechaolmaydigan yoki voz kechishni hoxlamaydiganlarda chekilayotgan sigaretlar miqdorini kamaytirishda qo‘llanadi. Pigmentlangan tish karashlarini yo‘qotishga yordam beradi, tishni oqartiruvchi samaraga ega.

Doza chekishning jadalligiga qarab individual ravishda tanlanadi. Odatda Siz agar kuniga 20 tadan kam sigaret cheksangiz yoki birinchi sigaretani uyg‘ongandan so‘ng 30 minutdan keyin cheksangiz 2 mg “Nikorette®” chaynaladigan rezinkasini (nikotinning miqdori o‘rtacha) qo‘llashingiz kerak,agar kuniga 20 tadan ko‘proq sigareta cheksangiz yoki 2 mg chaynaladigan rezinkani qo‘llashda chekishni tashlayolmagan bo‘lsangiz, 4 mg “Nikorette®” chaynaladigan rezinkasini (nikotinning miqdori yuqori) qo‘llashingiz kerak.

Tavsiya qilingan dozada “Nikorette®” chaynaladigan rezinkasi jiddiy noxush samaralarni chaqirmaydi. Davolashni boshida chaynaladigan rezinka tarkibidagi nikotin ba’zida tomoqni yengil ta’sirlanishini va so‘lak ajralishini kuchaytirishi mumkin. Davolashni boshida erigan nikotin ko‘p miqdorda yutib yuborilganida hiqichoq tutishi mumkin. Tamaki tutuni bilan nafas olishga odatlanmagan shaxslar tomonidan “Nikorette®” chaynaladigan rezinkani haddan tashqari ko‘p miqdorda iste’mol qilish ko‘ngil aynishi, holsizlik yoki bosh og‘rig‘iga (bunday patsiyentlarda tamaki tutuni bilan nafas olganidagiga o‘xshash) olib kelishi mumkin.

Nikotinga yoki chaynaladigan rezinkaning boshqa komponentlariga yuqori sezuvchanlikda qo‘llash mumkin emas.

Chekish (ammo nikotin emas) CYP1A2 izofermentining faolligini oshishini chaqiradi. Chekish to‘xtatilganidan keyin ushbu ferment substratlarining klirensini pasayishi kuzatilishi mumkin. Bu qon plazmasida ba’zi dori moddalarining kontsentratsiyasini oshishiga olib kelishi mumkin, bu teofillin, takrin, klozapin va ropinirol kabi tor doirali terapevtik ta’sir bilan xarakterlanuvchi preparatlarni qo‘llashda potentsial klinik ahamiyatga ega.Nikotin, adenozinni gemodinamik  samaralarini  kuchaytirishi mumkin, ya’ni arterial bosimini  va yurak qisqarishlari sonini, shuningdek og‘riqni (ko‘krakdagi og‘riq stenokardiya turi bo‘yicha)  kuchaytiradi, bular adenozinni qo‘llanishi  bilan keltirib chiqarilishi mumkin.Cheklangan ma’lumotlar chekish flekainid va pentazotsinning metabolizmini indutsiya qilishi mumkinligidan dalolat beradi.

Qandli diabeti bo‘lgan patsiyentlarda chekish to‘xtatilganidan keyin insulinning dozasini kamaytirish talab qilinishi mumkin. Avtomobilni haydash va mexanizmlar bilan ishlash qobiliyatiga salbiy ta’siri aniqlanmagan. Chaynash faoliyati buzilgan shaxslarga boshqa dori shakllarini qo‘llash tavsiya qilinadi. Agar dori moddasi yaroqsiz holga kelsa yoki yaroqlilik muddati tugasa – uni oqava suvga yoki ko‘chaga tashlamang! Dori vositasini paketga joylashtiring va chiqindilar uchun konteynerga soling. Ushbu choralar atrof- muhitni himoya qilishga yordam beradi!

Nikotin yo‘ldosh orqali o‘tadi va ko‘krak suti bilan chiqariladi, shuning uchun uni qo‘llash homila yoki chaqaloq uchun xavf tug‘dirishi mumkin. Patsiyent ayollarni chekishdan voz kechishni nikotin-o‘rnini bosuvchi davolashsiz amalga oshirishga urinish kerakligi haqida ma’lumot berish kerak. Bunday urinishlarni muvaffaqiyatsiz hollarida, davolashni o‘tkazish haqidagi ona uchun mumkin bo‘lgan ijobiy samara va homila uchun potentsial xavf solishtirib ko‘rilganidan keyin qaror qabul qilinadi. Nikotin hatto terapevtik dozalarda qabul qilinganida ham ahamiyatsiz miqdorda ko‘krak sutiga o‘tadi, bu emizikli ona tomonidan preparat qabul qilinganida bolaning sog‘lig‘iga salbiy ta’sir qilishi mumkin. Bola uchun nikotinning salbiy ta’sirini kamaytirish maqsadida “Nikorette®” chaynaladigan rezinkasini emizishdan keyin o‘sha zahotiyoq va navbatdagi emizishdan kamida 2 soat oldin qo‘llash kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda saqlansin.

O‘rinbosar davolashda va/yoki chekishda nikotinni haddan tashqari ko‘p miqdorda tushishi dozani oshirib yuborilishi simptolarini paydo bo‘lishini chaqirishi mumkin. Dozani oshirib yuborilishi simptomlari nikotin bilan o‘tkir zaharlanishga o‘xshash bo‘lib, ko‘ngil aynishi, qusish, so‘lak oqishi, qorinda og‘riq, diareya, terlash, bosh og‘rig‘i, bosh aylanishi, eshitishni buzilishi va yaqqol holsizlikni o‘z ichiga oladi. Nikotinning yuqori dozalari qo‘llanganida arterial bosimni pasayishi, kuchsiz va noregulyar puls, nafasni qiyinlashishi, prostratsiya, qon tomir  yetishmovchiligi, tsirkulyator kollaps va tarqalgan tirishishlar aniqlanishi mumkin. Nikotin katta yoshdagi chekuvchilar tomonidan o‘zlashtiraoladigan dozada kichik yoshdagi bolalarda zaharlanishning yaqqol simptomlarini, shu jumladan o‘limni chaqirishi mumkin. Bolada nikotin bilan zaharlanishga shubhani shoshilinch holat sifatida qarash lozim, shuning uchun davolashni darhol boshlash kerak. Dozani oshirib yuborilishini davolash: nikotin qo‘llashni darhol to‘xtatish va simptomatik davolashni buyurish kerak. Faollashtirilgan ko‘mir nikotinni me’da-ichak yo‘llarida so‘rilishini pasaytiradi. Zarurati bo‘lganida o‘pkani sun’iy ventilyatsiyasi amalga oshiriladi va kislorod buyuriladi.

Dorixonalardan retseptsiz beriladi

2 mg yoki 4 mg Moroznaya myata chaynaladigan rezinkalar. 15 chaynaladigan rezinkadan blisterda, 1, 2 yoki 7 blisterdan qo‘llash bo‘yicha yo‘riqnomasi bilan birga karton qutida.

3 yil.