Oq rangli qattiq jelatin kapsulalar. Kapsula – ichidagisi sharsimon shaklli, oq rangli yoki och-sariq tusli oq rangli, qobiq bilan qoplangan mikrokapsulalar

Nosteriod yallig‘lanishga qarshi vosita.

Ichga qabul qilinganidan keyin tez so‘riladi, biokiraolishligi – 90% ni tashkil etadi. Qon plazmasi oqsillari bilan 99% bog‘lanadi. Qon plazmasida maksimal kontsentratsiyasiga erishish vaqti 0,5-2,0 soatni tashktil etadi. Muvozanat kontsentratsiyasiga muntazam qabul qilish boshlanganidan keyin 24 soat o‘tgach erishiladi. Sinovial suyuqligida terapevtik kontsentratsiyasi 6-8 soat saqlanadi. Jigarda glyukuronlanish yo‘li bilan metabolizmga uchraydi. Asosan buyrak orqali va 1-8% ichak orqali chiqariladi. Yarim chiqarilish davri 1,6-1,9 soatni tashkil qiladi. To‘planmaydi.

Revmatik kasalliklarni davolash: Ketoprofen bo‘g‘imlardagi og‘riqni qoliradi, ularning shishi va tangligini kamaytiradi. Turli revmatik kasalliklarda: – revmatoid artrit; – seromanfiy spondiloartrit (ankilozlovchi spondilit, psoriatik artrit va post-infektsion reaktiv artrit); – podagra, soxta podagra; – osteoartrit; – bo‘g‘imdan tashqi revmatizm (tendinit, yelka bo‘g‘imining bursiti va kapsuliti) da yallig‘lanishni kamaytiradi. Kelib chiqishi turli bo‘lgan og‘riqlarni yengillashtiradi: – posttravmatik og‘riq (masalan, sport jarohatlari, mushaklar yoki paylarni cho‘zilishi yoki zo‘riqishi, chiqishlar, cho‘zilishlar va lat yeyishlar); – operatsiyadan keyingi og‘riq (masalan, ortopedik operatsiyadan keyingi og‘riq); – onkologik kasalliklari bo‘lgan patsiyentlarda suyak metastazlardagi og‘riq; – og‘riqli xayz ko‘rishlarda qo‘llanadi. Agar Sizga bu holatlarning birontasiga nisbatan qo‘shimcha ma’lumot kerak bo‘lsa, maslahat uchun shifokoringizga murojaat qiling.

Odatdagi doza 1 kapsula Nikaprofen kuniga 1 martani tashkil etadi. Nikaprofenni ovqat vaqtida yoki undan so‘ng ko‘p bo‘lmagan miqdordagi suyuqlik (kamida 100 ml suv yoki sut) bilan ichib qabul qiling. Ketoprofenning ovqat hazm qilish tizimiga noxush ta’sirlarining bo‘lish xavfini kamaytirish uchun, bir vaqtda antatsidlarni (me’dada xlorid kislotasining sekretsiyasini susaytiruvchi dori vositalari) qabul qilish mumkin. Ketoprofenning maksimal sutkalik dozasi 200 mg ni tashkil qiladi. Davolash davomiyligini Sizga shifokor belgilaydi. Nikaprofen kapsulalarini har doim shifokorning tavsiyalariga aniq amal qilgan holda qabul qiling. Agar Sizda shubhalar bo‘lsa, shifokorga yoki farmatsevtga murojaat qiling. Noxush samaralar minimal qisqa vaqt davomida eng kichik dozani ishlatish yo‘li bilan minimumga keltirilishi mumkin. Oldindan maslahatlashmasdan dozani o‘zgartirmang va davolashni bekor qilmang.

Boshqa dori vositalari kabi ketoprofen ham, garchi ular har bir odamda ro‘y bermasada ayrim noxush samaralarni chaqirishi mumkin. Ketoprofenning ahamiyatsiz, ko‘pincha qisqa muddatli nojo‘ya ta’sirlariga, ko‘p jihatdan, me’da-ichak yo‘liga ta’sir qiluvchi ovqat hazm bo‘lishining buzilishi (ovqat hazm bo‘lishini yetishmovchiligi yoki buzilishi); dispepsiya (ovqatdan keyin me’dada diskomfort), qusish, ko‘ngil aynishi, qabziyat, meteorizm (me’dada yoki ichakda gazlarning to‘planishi), diareya, jig‘ildon qaynashi va me’dadagi diskomfortning boshqa turlari kabi nojo‘ya ta’sirlari kiradi. Kam hollarda bosh og‘rig‘i, bosh aylanishi, aylanishini his qilish, biroz dezoriyentatsiya, uyquchanlik, kayfiyatni o‘zgarishi (emotsional holatni o‘zgarishi) va uyqusizlik (uxlaganda qiyinchilik yoki uyquning davomiyligini anomal o‘zgarishi) kabi boshqa samaralar uchrashi mumkin. Yuqorida keltirilgan nojo‘ya ta’sirlar xususida, ular Sizga bezovtalik olib kelmagunicha xavotir olmasa ham bo‘ladi. Bunday hollarda shifokoringizga murojaat qiling. Agar Sizda toshma yoki qulog‘ingizda shovqin paydo bo‘lsa, shifokoringiz bilan iloji boricha tezroq bog‘laning. Ayrim nojo‘ya ta’sirlari jiddiyroq bo‘lishi mumkin. Agar Siz o‘zingizda quyidagilarni sezsangiz, shifokoringiz bilan bog‘laning va dorini qabul qilishni darhol to‘xtating: – hansirash; – ko‘krak qafasida kuchli og‘riq, nafasni qisqa vaqtga to‘xtashi; – xushdan ketish; – teri va ko‘z sklerasini sarg‘ayishi (sariqlik); – ajralayotgan siydik miqdorini kamayishi; – teri toshmasi, qichishish, shish, yaqqol bosh aylanishi yoki nafasni qiyinlashishi; – qichishadigan, qizaradigan, shishgan pufakchalar bilan qoplangan, og‘riqli yoki ko‘chayotgan teri; – qo‘l, to‘piqlar, oyoq panjasi, yuz, ko‘z, hiqildoq yoki tilni shishi; – yutish yoki nafasni qiyinlashishi; – to‘satdan kuchli bosh og‘rig‘i; – qo‘l-oyoqlarni bir tomonlama kuchsizligi; – quyosh nuriga yuqori sezuvchanlik; – to‘piqlarni shishi; – qorinda kuchli og‘riq; – qon aralash yoki kofe quyqasi rangli qusish; – qatronsimon ahlat yoki qon aralash ich ketishi; – tanada ko‘karishlar. Agar Siz bu preparatni qabul qilish vaqtida sog‘lig‘ingiz holatida boshqa biron-bir o‘zgarishlarni sezsangiz, bu haqida darhol shifokorningizga xabar bering. Quyidagi nojo‘ya samaralar ta’riflangan:

– Agar Sizda ketoprofenga yoki bu dori preparatining boshqa komponentlariga allergiya (yuqori sezuvchanlik) bo‘lsa. – Agar Sizda ilgari astma, eshakemi (qichuvchi toshma) yoki yoki salitsilatlar (masalan, aspirin) kabi o‘xshash ta’sir etuvchi moddalar chaqirgan ketoprofen yoki boshqa nosteroid yallig‘lanishga qarshi preparatlar (NYAQP) ga allergik turdagi reaktsiyalar bo‘lsa. – Agar Sizda og‘ir yurak yetishmovchiligi bo‘lsa. – Agar Sizda yaqinda aortokoronar shuntlash (AKSH) operatsiyasi o‘tkazilgan bo‘lsa yoki Siz uni o‘tkazilishiga tayyorlanayotgan bo‘lsangiz. – Agar Sizda ovqat hazm qilishning buzilishi rivojlansa yoki qachonlardir qorinning yuqori qismida diskomfort yoki og‘riqlar (surunkali dispepsiya) bo‘lgan bo‘lsa; – Agar Sizda me’da yoki o‘n ikki barmoq ichakning o‘tkir yarasi bo‘lsa yoki qachonlardir me’da-ichakdan qon ketishi, yarasi yoki perforatsiya bo‘lgan bo‘lsa. – Agar Sizda qon ketishiga moyillik bo‘lsa. – Agar Sizda og‘ir buyrak kasalligi bo‘lsa. – Agar Sizda og‘ir jigar kasalligi bo‘lsa. – Agar Sizda astma yoki rinit (tumov, aksirish) bo‘lsa. – Agar Siz homiladorlikning so‘nggi uch oyligida bo‘lsangiz. – Agar Siz 15 yoshdan kichik bo‘lsangiz preparatni qo‘llash mumkin emas. Nikaprofen kapsulalari laktoza saqlaydi. Agar Sizda galaktozani nasliy o‘zlashtiraolmaslik, laktozaning tanqisligi yoki glyukoza yoki galaktozani so‘rilishi buzilgan bo‘lsa, Siz ketoprofen kapsulalarini qabul qilmasligingiz kerak.

Ayrim dori vositalari ketoprofenning ta’siriga ta’sir etishi mumkin va aksincha. Ketoprofenni boshqa nosteroid revmatizmga qarshi dori vositalari bilan yoki salitsilatlar, masalan atsetilsalitsil kislotasi bilan birga qabul qilmang.Ketoprofen bilan bir vaqtda ishlatilganida yuqori arterial bosimga (arterial gipertenziyaga) qarshi va siydik ajralishiga yordam beruvchi vositalarning (diuretiklar – «siydik haydovchi vositalar») ta’siri susayishi mumkin. Buyrak faoliyatining buzilish xavfi diuretiklar yoki AAF ingibitorlarini (asosan yuqori arterial bosimni davolash uchun qo‘llaniladigan dorilar) qabul qilayotgan patsiyentlarda yuqoridir. Ketoprofen va tutqanoq va diabetda buyuriladigan dori vositalari bir vaqtda qo‘llanganida, yuqoridagi preparatlarning ta’siri kuchayishi mumkin.Ketoprofen va qon ivishini oldini olish va davolash uchun buyuriladigan varfarin kabi dori vositalari (antikoagulyantlar), kortikosteroidlar va antitrombotsitar vositalar bir vaqtda ishlatilganida qon ketishlar xavfi oshadi.Qon ketishlarining xavfi depressiyani davolash uchun (serotoninni qayta qamrab olinishini selektiv ingibitorlari guruhiga mansub) dori vositalarini qabul qilayotgan patsiyentlarda oshadi.Agar ketoprofen bilan bir vaqtda yurak glikozidlari, litiy preparatlari, tsiklosporin yoki metotreksat qabul qilayotgan bo‘lsa, bu vositalarning chiqarilishi susayishi, ularning zararli samaralari esa kuchayishi mumkin.Nosteroid revmatizmga qarshi dori vositalar bilan bir vaqtda ishlatilganida mifepristonning ta’siri pasayishi mumkin. Nosteroid revmatizmga qarshi dori vositalarini mifepristonni qo‘llagandan so‘ng 8-12 kun davomida qo‘llash mumkin emas.

Homiladorlik va laktatsiya davrida qo‘llanishi Agar Siz davolanish vaqtida homilador bo‘lib qolgan bo‘lsangiz, shifokoringizga iloji boricha tezroq tashrif buyuring. Homiladorlikning birinchi va ikkinchi uch oyliklar vaqtida ketoprofenni, faqat ona uchun kutilayotgan foyda, homila uchun bo‘lishi mumkin bo‘lgan xavfdan ustun bo‘lgandagina qo‘llash kerak. Ketoprofenni homiladorlikning so‘nggi uch oyligi davomida qabul qilmang, chunki nosteroid yallig‘lanishga qarshi preparatlar bolada yoki tug‘ruq vaqtida jiddiy asoratlarni chaqirishi mumkin. Agar Siz bola emizayotgan bo‘lsangiz, Nikaprofen ni qabul qilmang.

Quruq, yorug‘likdan himoyalangan joyda, 250C yuqori bo‘lmagan haroratda saqlansin.

Simptomlari: ortiqcha dozalar ko‘ngil aynishi, qusish, qorinning yuqori qismida og‘riq (epigastral og‘riq), qon aralash qusish, qora ahlat, ongni chalkashishi, nafasni susayishi, tirishishlar, buyrakr faoliyatini buzilishi va buyrak yetishmovchiligini chaqirishi mumkin. Davolash: agar Siz tasodifan Nikaprofen kapsulalarini keragidan ortiq yuqori dozasini qabul qilib qo‘ysangiz, darhol shifokoringiz bilan maslahatlashing yoki yaqindagi kasalxonaning qabul bo‘limiga murojaat qiling. Ularga doringizning o‘ramini ko‘rsating.

Retsept bo‘yicha

Kapsulalar 200 mg dan. 10 kapsuladan kontur uyali o‘ramda.

2 yil.