tiniq, rangsiz suyuqlik.

antixolinesteraz vositalar.

N06DA05.

Teri ostiga va mushak ichiga yuborilganda qondagi maksimal kontsentratsiyasiga, yuborilgandan keyin 25-30 minutdan so‘ng erishiladi. Faol moddaning 40-55% qon plazmasi oqsillari bilan bog‘lanadi. Neyromidin to‘qimalarga tezda kelib tushadi va barqarorlashish bosqichida qon plazmasida faol moddaning faqat 2% gina aniqlanadi. Preparat jigarda metabolizmga uchraydi. Preparatning eliminatsiyasi buyrak orqali amalga oshiriladi. Yarim chiqarilish davri 40 minutni tashkil etadi. Neyromidin preparatining buyrak orqali ekskretsiyasi asosan buyrak naychalari sekretsiyasi yo‘li bilan va faqat preparatning 1/3 qismi kalavalar filtratsiyasi yo‘li bilan chiqariladi. Preparatning dozasini 34,8%, preparat parenteral yuborilgandan keyin siydik bilan o‘zgarmagan holda chiqariladi.

Periferik nerv tizimining kasalliklari (nevrit, polinevrit va polinevropatiya, poliradikulonevropatiya, miasteniya va turli etiologiyali miastenik sindrom); bulbar falajlar va parezlar; harakat buzilishlari bilan birga kechuvchi MNT ning organik shikastlanishlardagi tiklanish davri; demiyelinlovchi kasalliklarini kompleks davolash; turli kelib chiqishga ega bo‘lgan xotirani buzilishi (Altsgeymer kasalligi va qarilik natijasidagi aqli zaiflikni boshqa shakllari); ichak atoniyasida qo‘llanadi.

Neyromidin 5 mg/ml va 15 mg/ml inyektsiya uchun eritmalari mushak ichiga yoki teri ostiga yuboriladi. Dozalari va davolash davomiyligi kasallikning og‘irlik darajasiga qarab shaxsiy ravishda belgilanadi. Periferik nerv tizimining kasalliklari, miasteniya va miastenik sindrom: mushak ichiga yoki teri ostiga – 1 ml 5 mg/ml – 1 ml 15 mg/ml inyektsiya uchun eritma kuniga 1-2 marta yuboriladi. Davolash kursi bir oydan ikki oygachani tashkil qiladi. Zarurati bo‘lganida davolash kursini, kurslari orasida 1-2 oylik tanaffus bilan bir necha marta takrorlash mumkin. Nerv-mushak o‘tkazuvchanligining og‘ir buzilishlarida miastenik krizlarning oldini olish uchun qisqa muddat parenteral 1-2 ml (15-30 mg) Neyromidin® 15 mg/ml inyektsiya uchun eritmasi yuboriladi, so‘ngra davolash Neyromidin 20 mg tabletkalari bilan davom ettiriladi, doza 20-40 mg (1-2 tabletka) gacha oshirilishi mumkin, kuniga 5-6 marta. Bulbar falajalar va parezlar; MNT organik shikastlanishlarida tiklash davri: 1 ml 5 mg/ml – 1 ml 15 mg/ml inyektsiya uchun eritma kuniga 1-2 marta yuboriladi. Davolash kursi 15 kungacha, imkoniyati bo‘lganida preparatning tabletka shakliga o‘tiladi. Kelib chiqishi turlicha bo‘lgan xotirani buzilishi (Altsgeymer kasalligi va keksalik aqli zaiflikni boshqa shakllari): dozasi va davolashning davomiyligi shaxsiy ravishda belgilanadi, maksimal sutkalik doza ba’zida 200 mg yetishi mumkin, davolash kursi – bir oydan bir yilgachani tashkil etadi. Agar Siz preparatning navbatdagi dozasini o‘tkazib yuborgan bo‘lsangiz, davolash kursini avval buyurilgan dozada davom ettiring. Zarurati bo‘lganida davolovchi shifokor bilan maslahatlashing.

Boshqa dori vositalari kabi, Neyromidin xam nojo‘ya ta’sirlar chaqirishi mumkin, ular barcha patsiyentlarda ham namoyon bo‘lmaydi. Nojo‘ya ta’sirlarning MedDRA (Meditsinskiy slovar terminologii reglamentarnoy deyatelnosti) tasnifi tizimi bo‘yicha tez-tezligi: Juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10 000 dan <1/1000 gacha); juda kam hollarda (<1/10000); * – noma’lum (mavjud ma’lumotlar bo‘yicha aniqlab bo‘lmaydi). Nafas tizimi, ko‘krak qafasi va ko‘ks oralig‘i a’zolari tomonidan buzilishlar: tez-tez emas – bronxlardagi sekretni chiqarilishini kuchayishi. Nerv tizimi tomonidan buzilishlar: tez-tez emas, yuqori dozalar qo‘llangan hollarda – bosh aylanishi, bosh og‘rig‘i, holsizlik, uyquchanlik, mushaklarni tirishishi. Teri va teri osti to‘qimalari tomonidan buzilishlar: tez-tez – kuchli terlash, tez-tez emas, yuqori dozalar qo‘llangan hollarda – terida allergik reaktsiyalar (qichishish, toshma). Me’da-ichak yo‘llari tomonidan buzilishlar: tez-tez – so‘lak ajralishini kuchayishi, ko‘ngil aynishi; tez-tez emas, yuqori dozalar qo‘llangan hollarda – qusish; kam hollarda –epigastriyada og‘riq, ich ketishi. Yurak  tomonidan buzilishlar: tez-tez – yurakni tez urib ketishi, bradikardiya. So‘lak oqishi va bradikardiyani m-xolinoblokatorlar (atropin va boshq.) yordamida kamaytirish mumkin. Nojo‘ya samaralar namoyon bo‘lgan hollarda doza kamaytiriladi yoki preparatni qabul qilishda qisqa vaqt (1-2 kun) tanaffus qilinadi. Agar davolash vaqtida ushbu yo‘riqnomada ko‘rsatilmagan har qanday nojo‘ya ta’sirlari paydo bo‘lsa yoki ko‘rsatilgan nojo‘ya ta’sirlaridan birontasi juda kuchli ifodalansa, shifokorga murojaat qilishingizni so‘raymiz.

Ipidakrin yoki preparatning yordamchi moddalariga yuqori sezuvchanlik. Tutqanoq, giperkinezli ekstrapiramid kasalliklar, stenokardiya, yaqqol bradikardiya, bronxial astma, ichak tutilishi va/yoki siydik yo‘llarini tiqilib qolishi, vestibulyar buzilishlar, zo‘rayish bosqichidagi me’da yoki o‘n ikki barmoq ichak yara kasalligida qo‘llash mumkin emas. Emizish davrida qo‘llash mumkin emas. Homiladorlik vaqtida qo‘llash tavsiya etilmaydi.

Agar Siz boshqa dori vositalarini qabul qilayotgan bo‘lsangiz, bu haqida o‘z davolovchi shifokoringizni xabardor qiling. Neyromidin markaziy nerv tizimini susaytiruvchi vositalar bilan majmuada sedativ samarani kuchaytiradi. Boshqa xolinestraza ingibitorlari va M-xolinomimetik vositalar bilan birga qo‘llanganida ta’siri va nojo‘ya samaralari kuchayadi. Myasthenia gravis li bemorlarda, agar Neyromidin boshqa xolinergik vositalar bilan bir vaqtda qo‘llansa, xolinergik kriz rivojlanishini xavfi oshadi. Neyromidin preparati bilan davolanishdan oldin, agar b-adrenoblokatorlar qo‘llangan bo‘lsa, bradikardiya rivojlanishini xavfi oshadi. Preparatni tserebralizin bilan majmuada qo‘llanishi mumkin. Alkogol preparatning nojo‘ya ta’sirlarini kuchaytiradi.

Me’da va o‘n ikki barmoq ichakning yara kasalligida, tireotoksikozda, yurak-qon tomir tizimining kasalliklarida, shuningdek anamnezida nafas yo‘llarining kasalliklari bo‘lgan patsiyentlarga yoki nafas yo‘llarining o‘tkir kasalliklarida ehtiyotkorlik bilan buyuriladi. Pediatriya amaliyotida qo‘llashning o‘ziga xos xususiyatlari Pediatriya amaliyotida qo‘llash samaradorligi va xavfsizligi to‘g‘risida ma’lumotlar yo‘q. Geriatriya amaliyotida qo‘llashning o‘ziga xos xususiyatlari Keksa yoshdagi patsiyentlarda Neyromidinning noxush ta’siri yoki dozani pasaytirish zarurati to‘g‘risida ma’lumotlar yo‘q. Jigar va buyrak faoliyatini buzilishi bo‘lgan shaxslarda qo‘llashning o‘ziga xos xususiyatlari Jigar va buyrak faoliyatiga Neyromidinning noxush ta’siri to‘g‘risida ma’lumotlar yo‘q. Jigar va buyrak faoliyatini buzilishi bo‘lgan shaxslarda dozaga tuzatish kiritish zarurati yo‘q.

Yorug‘likdan himoyalangan joyda, 25oS dan yuqori bo‘lmagan haroratda saqlansin.

Neyromidin preparati bilan zaharlanishda yoki uning dozasi nisbatan oshirib yuborilganida darhol shifokorni chaqirish kerak. Doza kuchli oshirib yuborilganida “xolinergik kriz” rivojlanishi mumkin. Simptomlari: bronxospazm, ko‘zlarni yoshlanishi, kuchli terlash, qorachiqlarni torayishi, nistagm, o‘z-o‘zidan ich kelishi va siyish, qusish, bradikardiya, aritmiyalar, arterial bosimni pasayishi, bezovtalik, xavotirlik, qo‘zg‘alish, qo‘rquv hissi, ataksiya, tirishishlar, koma, nutqni noaniqligi, uyquchanlik va holsizlik. Simptomlari kuchsiz ifodalangan bo‘lishi mumkin. Davolash: simptomatik davolash qo‘llanadi, M-xolinblokatorlar: atropin, tsiklodol, metatsin va boshqalar qo‘llanadi.

Retsept bo‘yicha

5 mg/ml yoki 15 mg/ml mushak ichiga va teri ostiga yuborish uchun eritma 1 ml dan neytral shisha ampulalarda, o‘ramda 10 ampula va qo‘llash bo‘yicha yo‘riqnomasi.

3 yil.