oq rangli jelatin qattiq kapsulalar, oq rangli, xidsiz kukun saqlaydi.

nootrop vositalar.

N05BX

Preparat ichga qabul qilingandan keyin yaxshi so‘riladi va organizmning hamma to‘qimalariga kirib boradi. Preparatning qabul qilingan dozasining y-amino-β-fenil yog‘ kislotasi gidroxloridining taxminan 0,1% bosh miya to‘qimasiga kiradi, yosh va keksa yoshdagi patsiyentlarda gematoentsefalik to‘siq (GEB-GET) dan o‘tishi ortishi mumkin. Jigar va buyraklarda taqsimlanishi bir tekis yaqin, bosh miya va qonda bir tekisdan pastroq. 80-95% preparat jigarda farmakologik faol bo‘lmagan metabolitlargacha metabolizmga uchraydi. Taxminan 5% o‘zgarmagan holda buyrak orqali, qisman o‘t bilan chiqariladi. Yuborilgan preparatning sezilarli miqdori 3 soatdan keyin siydikda aniqlanadi, shu paytning o‘zida preparatning kontsentratsiyasi miya to‘qimasida kamayadi, uni miyada yana 6 soatdan keyin ham aniqlash mumkin. Keyingi kuni preparatni faqat siydikda aniqlash mumkin, uni siydik tarkibida qabul qilingandan 2 kundan keyin ham aniqlash mumkin, lekin aniqlangan miqdor kiritilgan dozaning faqat 5% ni tashkil etadi. Qayta qabul qilinganda kumulyatsiya (to‘planish) kuzatilmaydi.

astenik va xavfsirash nevrotik holatlar: bezovtalik, qo‘rquv, xavfsirash; shilqim xolatlar nevrozi, psixopatiya;uyqusizlik, keksalarda tundagi bezovtalik;bolalarda duduqlanish, enurez va tik xolatlarini davolash;jarroxlik va og‘riqli diagnostik tekshirishlardan oldin stress holatlarini oldini olish;alkogolli abstitentsiya sindromidagi psixopatologik va somatovegetativ buzilishlarni kompleks davolash tarkibida;Menyer kasalligi, vestibulyar apparatning turli genezli disfunktsiyasi bilan bog‘liq bosh aylanishlari;chayqalishlar oldini olish uchun qo‘llaniladi.

Ichga, ovqatdan keyin, suv bilan ichiladi. Kapsulalarni chaynash mumkin emas. 14 yoshdan oshgan bolalarga va kattalarga 250-500 mg dan kuniga 3 marta. Bir martalik eng katta dozalar: kattalar uchun – 750 mg, 60 yoshdan oshgan shaxslarga – 500 mg. Davolash kursi – 2-3 hafta. Zarurat bo‘lgan holatlarda kursni 4-6 haftagacha uzaytirish mumkin. 11 yoshdan 14 yoshgacha bo‘lgan bolalarga – 250 mg dan kuniga 2-3 marta. Keksa patsiyentlarda uyqusizlik va tungi xavsirash holatlarida – 250-500 mg dan sutkada 3 marta buyuriladi. Alkogolli abstinetsiya sindromini bartaraf etish uchun birinchi kunlarida kunduzgi 250-500 mg dan 3 marta kun davomida va tungga 750 mg qabul qilinadi va keyin sekin-asta sutkalik doza odatdagigacha kamaytiriladi. Vestibulyar analizatorning infektsion genezli (otogen labarintiti) disfunktsiyasida va Menyer kasalligidagi bosh aylanishini yo‘qotish uchun zo‘rayish davrida 5-7 kun davomida 750 mg dan sutkada 3-4 marta buyuriladi. Vestibulyar buzilishlar darajasi pasayganda 5-7 kun davomida preparat 250-500 mg dan sutkada 3 marta va keyin 5 kun davomida 250 mg dan sutkada 1 marta qabul qilinadi. Kasalliklar nisbatan yengil kechayotganda 5-7 kun davomida 250 mg dan sutkada 2 marta, keyin 7-10 kun davomida  250 mg dan sutkada 1 marta qabul qilinadi. Vestibulyar analizatorning qon tomirlari bilan bog‘liq va travmatik genezli disfunktsiyalaridagi bosh aylanishini davolash uchun 12 kun davomida 250 mg dan sutkada 3 marta buyuriladi. Dengizda suzish sharoitida chayqalish holatlarini oldini olish uchun, chayqalish yuz berishi taxmin qilingan vaqtda bir soat oldin yoki chayqalishning birinchi simptomlari paydo bo‘lganda 250-500 mg bir marta buyuriladi.Neyrofenning chayqalishga qarshi ta’siri preparatning dozasi oshirilganda kuchayadi. Dengiz kasalligining yaqqol ko‘rinishlari rivojlanganda (to‘xtovsiz qayd qilish va boshqa.) preparatni og‘iz orqali xatto 750-1000 mg dozalarda qabul qilish kam samaralidir. Havo balandligi kasalligini oldini olish uchun, uchishdan bir soat oldin 250-500 mg bir marta buyuriladi. Buyrak va/yoki jigar yetishmovchiligi bo‘lgan patsiyentlarda preparat uzoq vaqt qabul qilinganda buyrak va/yoki jigar funktsiyasi ko‘rsatkichlarini nazorat qilish lozim. Jigar funktsiyasi buzilganda, preparatning yuqori dozalari gepatotoksiklikni chaqirishi mumkin. Bunday patsiyentlarga preparat keyin dozalarda buyuriladi. Agar qabul qilishni o‘tkazib yuborgan bo‘lsangiz, esingizga tushishi bilan qabul qiling, lekin, keyingi qabul qilish vaqti yaqin kelgan bo‘lsa, o‘tkazib yuboring. Xech qachon ikki barobar dozani qabul qilmang.

Odatda Neyrofen yaxshi o‘zlashtiriladi. Biroq nojo‘ya ta’sirlar bo‘lishi mumkin, hamma patsiyentlarda ham kuzatilavermaydi: uyquchanlik, ko‘ngil aynishi, jizzaklikni kuchayishi, qo‘zg‘alish, xavotirlik, bosh og‘rig‘i, bosh aylanishi. Kam holatlarda: allergik reaktsiyalar (teri toshmalari, qichishish);gepatotoksiklik – yuqori dozalar uzoq qo‘llanilganda kuzatiladi. Agar Sizda ushbu yo‘riqnomada ko‘rsatilmagan qandaydir nojo‘ya ta’sirlar paydo bo‘lsa, yoki keltirilgan nojo‘ya ta’sirlar, ayniqsa, kuchli namoyon bo‘lsa, davolayotgan shifokorga murojaat qilish lozim.

O‘zaro potentsiya qilish Neyrofenni boshqa birga qo‘llaniladigan vositalari dozasini boshqa nootrop preparatlar bilan majmualashtirish mumkin. Neyrofen uxlatuvchi, narkotik analgetiklar, tutqanoqga qarshi va parkinsonizmga qarshi vositalar, trankvilizatorlar va neyroleptiklar ta’sirini uzaytiradi va kuchaytiradi.

Uzoq vaqt (2 haftadan ortiq) qo‘llanilganda periferik qon ko‘rsatkichlari va jigar funktsiyasini xar 2-3 haftada nazorat qilib turish kerak. Dori vositasining transport vositalari va potentsial xavfli mexanizmlarni boshqarish qobiliyatiga ta’sirining o‘ziga xos xususiyatlar. Davolanish davrida transport vositalarini boshqarishda va diqqatni yuqori jamlash va psixomotor reaktsiyalar tezligini talab etuvchi boshqa potentsial xavfli faoliyat turlari bilan shug‘ullanishda ehtiyotkorlikka amal qilish kerak, chunki ayrim patsiyentlarda uyquchanlik yoki bosh aylanishi kabi markaziy nerv tizimi tomonidan buzilishlar kuzatilishi mumkin. Homiladorlik va emiziklik davrida qo‘llanilishi. Homiladorlik va emiziklik davrida qo‘llash tavsiya etilmaydi, chunki yetarli darajadagi kuzatuvlar yo‘q. Hayvonlardagi ekstpermental tadqiqotlarda preparatning mutagen, teratogen va embriotoksik ta’siri aniqlanmagan. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

Neyrofen – kam zaxarli preparatdir. O‘rtacha davolovchi ko‘rsatilgan doza 500-2500 mg ni tashkil etadi, faqat eng yuqori dozada qo‘llanilganda eozinofiliya va jigar yog‘ distrofiyasi kuzatilgan. Simptomlari: uyquchanlik, ko‘ngil aynishi, qusish, eozinofiliya, arterial bosimni pasayishi. Davolash: me’dani yuvish, simptomatik davolash, hayot uchun muhim a’zolar funktsiyasini tutib turish kerak. Spetsifik antidoti yo‘q.

Retsept bo‘yicha

PVX/alyumin folgali kontur uyali o‘ramda 10 tadan kapsulalar. Kontur uyali o‘ramlarni qo‘llash bo‘yicha yo‘riqnoma bilan karton qutiga joylanadi.

2 yil.