oq rangli, ko‘p bo‘lmagan sarg‘ish-jigarrang rangdagi dog‘lari bo‘lgan, dumaloq shaklli, yassi-tsilindrik, hidsiz tabletkalar.

Nosteroid yallig‘lanishga qarshi vositalar

– Kattalarda o‘rtacha yoki kuchsiz ko‘rinishdagi har xil kelib chiqqan og‘riq sindromlari (bosh og‘rig‘i, tish og‘rig‘i, migren, nevralgiya, ko‘krak shoxchali sindrom, mushak va bo‘g‘imlardagi og‘riqlar, hayz davridagi og‘riqlar) – Shamollash va boshqa yuqumli-yallig‘lanish kasalliklaridagi yuqori tana harorati (kattalar va 15 yoshdan katta bolalar) Qo‘llash usuli va dozalar Neopirin ATM preparati ovqatdan so‘ng og‘iz orqali (peroral) qabul qilinadi. Vishillovchi tabletkalarni qabul qilishdan oldin bir stakan suvda (200 ml) eritiladi. Dori vositasining dozasi atsetilsalitsil kislotasi bo‘yicha hisoblanadi. Ichga, kattalar va 15 yoshdan katta bolalarga: sutkada 1-2 tabletkani 2-3 mahal qabul qilinadi. 4-8 soatdan so‘ng qayta qabul qilish mumkin. Maksimal sutkalik dozasi             6 tabletkadan (4 g) oshmasligi kerak. Neopirin ATM ni 3-5 kundan ortiq qo‘llanilishi faqat shifokor maslahatidan so‘ng amalga oshirilishi mumkin. Keksa odamlarga: sutkada 1 tabletkadan 4 marta qabul qilinadi; maksimal sutkalik dozasi 4 tabletkadan oshmasligi kerak. Ogohlantirish. Jigar yoki buyrak funktsiyasi buzilishi bilan kechuvchi bemorlar uchun preparatning dozasini kamaytirishlari yoki qabul qilish oraliqlarini uzaytirishlari lozimdir.

Preparat tavsiya etilgan dozalarda yaxshi o‘zlashtiriladi. Kam hollarda quyidagi nojo‘ya samaralar hosil bo‘lishi mumkin: Me’da-ichak yo‘llari tomonidan: dispepsiya, epigastral sohada og‘riq va qorinda og‘riq, jig‘ildon qaynashi, diareya, ko‘ngil aynishi, qusish, me’da spazmi; alohida hollarda – me’da-ichak yo‘llari yallig‘lanishi, me’da-ichak yo‘llarining eroziv-yara jarohatlanishi, bu yakka hollarda me’da-ichakdan qon ketishi va perforatsiyaga olib kelishi mumkin; kam hollarda – jigar transaminazalari darajasining ko‘tarilishi bilan tranzistor jigar yetishmovchiligi. Qon ivish tizimi tomonidan: gemorragik sindrom (burundan qon ketishi, milklarni qonovchanligi), qon quyilish vaqtining uzayishi, trombotsitopeniya, anemiya, leykopeniya, giperbilirubinemiya. Qon va limfatik tizimi tomonidan: trombotsitlarga antiagregat ta’siri natijasida atsetilsalitsil kislotasi qon ketish xavfini rivojlantirishi mumkin. Quyidagi qon ketishlar kuzatilishi mumkin: intraoperatsion gemorragiyalar, gematomalar, siydik-tanosil tizimi organlaridan qon ketishi, burundan qon ketishi, mulklardan qon ketishi; kam yoki juda kam hollarda –  me’da-ichak qon ketishlari va tserebral gemorragiyalar (ayniqsa, nazorat qilib bo‘lmaydigan arterial gipertenziyasi bo‘lgan bemorlarda va/yoki bir vaqtda antikoagulyantlar qo‘llanganda), alohida hollarda hayotga potentsial xavf tug‘dirishi mumkin. Qon ketishlar o‘tkir va surunkali postgemorragik/temir tanqisligi anemiyasiga (yopiq mikro qon ketishlar natijasida) olib kelishi mumkin. Laborator kuzatuvlar va klinik simptomlar muvofiq asteniya, terining rangparligi, gipoperfuziyalar. Immun tizim tomonidan: salitsilatlarga indiviudal yuqori sezuvchanligi bo‘lgan bemorlarda allergik reaktsiyalar, toshma, eshakemi, qichishish, ekzema, rinit, burun bitishi, AB pasayishi mumkin. Juda kam hollarda yuqori sezuvchanlikning og‘ir reaktsiyalari, jumladan anafilatik shok, angionevrotik shish va o‘pkaning nokardiogen shishi kuzatilgan. Bronxial astmasi bo‘lgan bemorlarda bronxospazmlar, sezilarsizdan o‘rtacha darajagacha allergik ta’sirlar, ular terini, nafas olish tizimini, me’da-ichak yo‘llarini va      yurak-qon tomir tizimiga ta’sir o‘tkazishi mumkin. Nerv tizimi tomonidan: bosh og‘rig‘i, bosh aylanishi, eshitishni pasayishi; quloqlarda jiringlash va ongni chalkashishi, bular doza oshirilganligini dalolatidir. Uyqu buzilishi. Siydik chiqarish tizimi tomonidan: yuqori dozalarda qabul qilinganda – buyruk funketsiyasini buzilishi, giperoksaluriya va kaltsiy oksalatidan hosil bo‘lgan siydik toshlari, buyraklarning glomerulyar apparatini shikastlanishi. Allergik reaktsiyalar: teri toshmalari, anafilatik reaktsiyalar, bronxospazmlar, Kvinke shishi. Gapten mexanizmi asosida “aspirin” triadasi (bronxial astma, qaytalanuvchi burun va burun atrofi bo‘shliqlarining polipozi va atsetilsalitsil kislota va pirazolon qator preparatlarini ko‘tarolmasligi birikmasi) ni tashkil etadi. Vitamin S ning yuqori dozalari glyukoza-6-fosfatdegid-rogenazalar tanqisligi bo‘lgan shaxslarda siydik-tosh kasalligiga keltirib chiqaradi, shuningdek gemoliz (eritrotsitlarning parchalanishi) ni uzaytirishi mumkin. Qandaydir nojo‘ya samaralar paydo bo‘lganda darhol preparatni qabul qilishni to‘xtatish zarur va davolovchi shifokorni xabardor qilish kerak.

– Atsetilsalitsil kilotasi, boshqa salitsilat va preparatning komponentlariga yuqori sezuvchanlik; – Me’da-ichak yo‘llarining eroziv-yara shikastlanishlarida (zo‘rayish bosqichida) – Me’da-ichak qon ketishlari; – Salitsilat yoki boshqa NYAQP qabul qilish chaqirgan astma, anamnezida burun poliplari; – Hafta va undan ortiq 15 mg dozada metotreksat bilan birga qabul qilish; – Jigar yoki buyrak funktsiyasini yaqqol buzilishlari; – Gemorragik diatezlar (gemofiliya, Villebrandt kasalligi, teleangioektazalar, trombotsitopeniya, trombotsitopenik qizarish) – Yaqqol yurak yetishmovchiligi; – Qandli diabeti; – Siydik-tosh kasalligi – Glyukozo-6-fosfatdegidrogenazalar tanqisligi, fenilketonuriya; – Homiladorlik (I va III uch oyligi), emizish davri; – 15 yoshgacha bo‘lgan bolalarda qo‘llash mumkin emas. Dori vositalarining o‘zaro ta’siri Atsetilsalitsil kislotasi metotreksatni toksikligini, narkotik analgetiklar samaralarini, yallig‘lanishga qarshi nosteroid boshqa preparatlarini, peroral gipoglikemik preparatlarini, geparinni, bilvosita antikoagulyantlarni,  trombolitiklar va trombotsitlar agregatsiyasi ingibitorlarini, sulfanilamidlarni, triyodtironinni, rezerpinni kuchaytiradi; urikozuriklarni (benzbromaron, sulfinpirazon), gipotenziv vositalar va diuretiklarni (spironolakton, furosemid) samaralarini pasaytiradi. Addison kasalligida o‘rindosh davolashda qo‘llaniladigan glyukokortikosteroidlar (gidrokortizon bundan mustasno) qondagi salitsilatlar darajasini kamaytiradi va davolashdan so‘ng dozani oshirib yuborish xavfini pasaytiradi, bunda me’da-ichak qon ketishi xavfi rivojlanishini oshiradi. AAF ingibitorlari atsetilsalitsil kislotasining yuqori dozalari bilan birgalikda qon tomirlarni kengaytiruvchi prostaglandinlarni ingibitsiya qilishi natijasida kalavachalar filtratsiyaning pasayishini chaqiradi va gipotenziv samarani kamaytiradi. Bir vaqtning o‘zida serotoninning qayta ushlab qolinishi selektiv ingibitorlar bilan qo‘llanganda: sinergizm mavjud bo‘lishi mumkin bo‘lgan me’da-ichak traktining yuqori bo‘limlaridan qon ketish xavfi ko‘tariladi. Valproat kislotasi bilan atsetilsalitsil kislotasi bir vaqtda qo‘llanganda qon plazmasidagi oqsillar bog‘idan siqib chiqaradi, oxirgisining toksikligini oshiradi. Etil spirti me’da-ichak yo‘llarining shilliq qavati shikastlanishi va atsetilsalitsil kislota va alkogolning sinergizmi natijasida qon ketish vaqtini uzaytiradi. Atsetilsalitsil kislotasi qon plazmasida digoksin, barbituratlar va litiy preparatlarining kontsentratsiyasini oshiradi. Magniy va/yoki alyumin gidroksidi tutgan antatsidlar atsetilsalitsil kislotaning so‘rilishini yomonlashtiradi. Askorbin kislotasi sulfanilamid preparatlarining toksikligini kamaytiradi, geparin va bilvosita antikoagulyantlarning ta’sirini pasaytiradi, temir o‘zlashtirilishiga asos bo‘ladi, penitsilin so‘rilishini oshiradi, salitsilatlarning (kristalluriyani paydo bo‘lish xavfi) nojo‘ya samaralarini kuchaytiradi. Xinolin qatori preparatlari, kaltsiy xloridi, salitsilatlar, GKS preparatlari uzoq muddat qo‘llanganda organizmdagi vitamin S zahirasini pasaytiradi. Askorbin kislotasi bilan bir vaqtda qo‘llanganda izoprenalinning xronotrop ta’sirini pasaytiradi; yuqori dozalarda – buyraklar tomonidan meksiletin ajralishini oshiradi. Barbituratlar va primidon askorbin kislotasining siydik bilan chiqarilishini oshiradi. Askorbin kislotasi neyroleptiklar (fenotiazin hosilalari), amfetaminning kanalchalar so‘rilishini va uchtsiklik antidepressantlarning terapevtik ta’sirini susaytiradi. Askorbin kislotasi deferoksamin bilan birga qo‘llanganda temirning to‘qimalardagi toksikligini oshiradi, ayniqsa yurak mushaklarida, bu qon aylanishini nomutanosibligiga olib kelishi mumkin. Askorbin kislotasini deferoksamin inyektsiyasidan 2 soatdan so‘ng qabul qilish mumkin. Yuqori dozalarda askorbin kislotasi vitamin V12 rezorbtsiyasiga ta’sir qiladi. Askorbin kislotasi oksalatlarni siydik bilan chiqarilishini kuchaytiradi, shu yo‘l bilan oksalat konkrementlarining shakllanishi xavfini oshiradi. Askorbin kislotasi temir preparatlarini ichakda so‘rilishini yaxshilaydi.

Preparat tarkibiga kiruvchi atsetilsalitsil kislotasi tavsiya etilgan dozalarda organizmdan siydik kislotasining chiqarilishini kamaytiradi, bu esa podagraga moyil patsiyentlarda o‘tkir hurujlarga sabab bo‘lishi mumkin. Preparat uzoq muddat qo‘llanganda vaqti-vaqti bilan qonning umumiy tahlili va yashiringan qon axlat tahlilini o‘tkazish, jigarning funktsional holatini nazorat qilish kerak. Atsetilsalitsil kislotasi qon ivishini sekinlashtirishi sababli patsiyent, agar unga jarrohlik aralashuv rejalashtirilgan bo‘lsa, preparatni qabul qilayotganligi to‘g‘risida shifokorni ogohlantirishi zarur. 15 yoshgacha bo‘lgan bolalarga atsetilsalitsil kislotasi saqlovchi preparatlarni buyurish mumkin emas, chunki, agar virusli infektsiya bo‘lsa, Reye sindromi hosil bo‘lish xavfi oshadi. Reye sindromi belgilari: davomiy qusish, o‘tkir entsefalopatiya, jigarning kattalashishi. Preparat tarkibida atsetilsalitsil kislotasi va askorbin kislotasini saqlaganligi sababli, sutkalik dozani oshirib yubormaslik uchun tarkibida bunday faol moddalar bo‘lgan boshqa dori vositalari bilan birga majmuada qo‘llanilmasin. Davolanish davrida alkogol saqlovchi mahsulotlarni iste’mol qilishdan saqlanish kerak (me’da-ichak qon ketish xavfi oshishi sababli). Tuzsiz yoki kam tuzli parhezlarga amal qiluvchi bemorlar, har bir tabletka natriy saqlashini hisobga olishlari kerak. Preparatni yuqori dozalarda va uzoq muddatli davolashda buyrak funktsiyasini va arterial bosimni, shuningdek me’da osti bezi funktsiyasining nazoratini olib borish zarur. Anamnezida yengil va o‘rtacha darajadagi buyrak kasalliklari bo‘lgan patsiyentlarda preparat ehtiyotkorlik bilan qo‘llanilsin. Askorbin kislotasi temirning so‘rilishini oshirganligi sababli uni gemoxromatoz, talassemiya, politsitemiya, leykemiya va sideroblast anemiyasi bo‘lgan patsiyentlar uchun yuqori dozalarda qo‘llash juda xavfli bo‘lishi mumkin. Organizmda temir moddasi yuqori bo‘lgan bemorlarda minimal dozalarda qo‘llash kerak. Ishqorli ichimliklar, meva yoki sabzavot sharbatlari bilan birga preparat qabul qilinganda askorbin kislotasining so‘rilishini pasaytiradi. Shu bilan birga, askorbin kislotasining so‘rilishi ichak diskineziyasida, enteritda va axiliyada buzilishi mumkin. Askobin kislotasi tiklovchi sifatida laboratoriya tahlillariga ta’sir etishi mumkin, masalan, qondagi glyukoza, bilirubin, transaminaza faolligi, laktatdegidrogenazalar va shunga o‘xshashlar tarkibini aniqlashda. Askorbin kislotasi yengil rag‘batlantiruvchi ta’sirga ega bo‘lganligi sababli preparatni kun oxirida qabul qilish tavsiya etilmaydi. Homiladorlik. Preparatni homiladorlik davrida, qachonki, boshqa dori vositalarining ta’siri bo‘lmaganda va faqat foyda/zarar nisbati baholangandan so‘ng qo‘llash mumkin. Dozani oshirilishi va davolashni davomiyligiga qarab xavf oshadi. Mavjud bo‘lgan ma’lumotlarga asosan, atsetilsalitsil kislotasi qabul qilinishi va homilaning tushib qolish xavfi orasidagi bog‘liqlik tasdiqlanmagan. Tarkibida atsetilsalitsil kislota saqlagan preparatlarni homiladorlikning I va II uch oyligida aniq klinik zaruriyati bo‘lmaganda buyurish kerak emas. Fertillik. Aniq ko‘rsatkichlar mavjudki, prostaglandinlar sintezini bosuvchi preparatlar ovulyatsiyaga ta’siri tufayli ayollarda reproduktiv funktsiyasi buzilishi mumkin. Bu ko‘rinishlar qaytar xarakterga ega va davolash bekor qilinganidan so‘ng yo‘qoladi. Emizish. Salitsilatlar va ularning metabolitlari ko‘krak sutiga kam miqdorda o‘tadi. Shuning uchun, ularni emizish davrida qo‘llash mumkin. Ammo, preparat tarkibida askorbin kislota mavjud bo‘lmaganligi sababli emizish davrida preparatni qabul qilishdan voz kechish lozim, chunki aksorbin kislotasi ko‘krak sutiga o‘tadi. Transport vositalarini boshqarishda va boshqa mexanizmlar bilan ishlashda reaktsiya tezligiga ta’sir etish qobiliyati. Kuzatilmagan. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Simptomlari: zaharlanishning boshlang‘ich davrida – markaziy nerv tizimining qo‘zg‘alishi, bosh aylanishi, qattiq bosh og‘rig‘i, gastralgiya, quloqlarni shang‘illashi, eshitish o‘tkirligini pasayishi, ko‘rishning buzilishi, ko‘ngil aynishi, qusish, hansirash. Keyinchalik esa uyquchanlik, tirishishlar, anuriya, ongni koma darajasigacha pasayishi, nafas olish yetishmovchiligi, suv-elektrolit almashinuvini buzilishi. Salitsilatlar bilan surunkali zaharlanish belgilari nospetsifik bo‘lsa ham yashirin xarakterga ega bo‘lishi mumkin. Simptomlari: Bosh aylanishi, quloqlarni shang‘illashi, karlik, gipergidroz, ko‘ngil aynish va qusish, bosh og‘rig‘i, ongni chalkashishi. Dozani kamaytirish bilan ko‘rsatilgan belgilarni nazorat qilish mumkin. Quloqlarni shang‘illashi qon plazmasida salitsilatlarning yig‘indisi >150-300 mkg/ml bo‘lganda kuzatish mumkin. Qon plazmasida salitsilatlarning yig‘indisi >300 mkg/ml bo‘lganda ancha jiddiy nojo‘ya reaktsiyalar aniqlanadi. Laborator va boshqa ko‘rsatkichlar tomonidan: alkalemiya, alkaluriya, atsidemiya, atsiduriya, AB o‘zgarishi, EKG da o‘zgarish, gipokaliyemiya, gipernatriyemiya, buyrak funktsiyasini o‘zgarishi, giperglikemiya, gipoglikemiya (ayniqsa bolalarda). Keton tanalarining darajasini oshishi, gipoprotrombinemiya. Davolash: barcha choralar zudlik bilan preparatni chiqarish va elektrolit va kislota-ishqor muvozanatini joyiga keltirishga yo‘naltirilgan bo‘lishi kerak. Faollashtirilgan ko‘mir qo‘llanilishi, forsirlangan ishqor diurezi. Kislota-ishqor mutanosibligi va elektrolit muvozanatini holatiga bog‘liq holda elektrolitlarning aralashmasini infuzion kiritish amalga oshiriladi. Og‘ir zaharlanishlarda gemodializ tavsiya etilgan. Salitsilatlarning dozasini oshirib yuborilishi natijasida surunkali intoksikatsiya kuzatilishi mumkin, bu esa uzoq muddatli davolash oqibatida yuzaga kelishi mumkin.

Retseptsiz Ulashish: 3 130 Views

2 ta tabletkadan dori vositalari o‘ramlari uchun qog‘ozli “strip” o‘ramda. “Strip” o‘ramlar qo‘llash bo‘yicha yo‘riqnoma bilan birga karton qutiga joylangan. Saqlash sharoiti Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

3 yil.