oq rangli liofilizatsiyalangan steril kukun.

zaharlanish va intoksikatsiyalarda qo‘llanadigan vosita.

V03AB32

Glutation tana yuzasiga 2 g/m2 dozada vena ichiga infuziya qilinganidan so‘ng umumiy glutationning plazmadagi kontsentratsiyasi 17,5 ± 13,4 mmol/l dan 823 ± 326 mmol/l gacha oshgan. Ekzogen glutationni taqsimlanish hajmi 176 ± 107 ml/kg ni tashkil etadi. Yarim chiqarilish davri 14,1 ± 9,2 minut. Qon plazmasidagi tsisteinning kontsentratsiyasi infuziyadan so‘ng 8,9 ± 3,5 mmol/l dan 114 ± 45 mmol/l gacha oshgan. Tsisteinnin oshishiga qaramasdan, qon plazmasida umumiy tsistein, tsistin va aralash disulfidlarning umumiy kontsentratsiyasi kamaygan, bu hujayra ichida tsisteinning transport hususiyatlarini oshishidan dalolat beradi. Glutation va tsisteinni siydik bilan chiqarilishi inyektsiyadan so‘ng 90 minut davomida muvofiq 300% va 10% ga oshgan.

Preparat quyidagi holatlarda qo‘shimcha davolash uchun mo‘ljallangan: jigar kasalliklari, shu jumladan jigarni virusli kasalliklarida (gepatit A, gepatit V, gepatit S kabi kasalliklarda);jigarni alkogol chaqirgan shikastlanishlarida (toksik jigar, jigarni alkogolli fibrozi, jigarni alkogolli tsirrozi, o‘tkir alkogolli gepatit kabi shikastlanishlarida) va jigarni boshqa kasalliklarida;kimyoterapiyada (jumladan, tsisplatin, tsiklofosfamid, adriamitsin, rubidomitsin va bleomitsin preparatlari, ayniqsa katta dozalarda qo‘llanganida) va nur bilan davolanishda;dori vositalarini qo‘llash oqibatidagi zaharlanishlarda (onkologiyada qo‘llanadigan kimyoterapevtik preparatlar, tuberkulyozga qarshi preparatlar, neyropsixotrop preparatlar, antidepressantlar, paratsetamol va boshqalar);gipoksemiyani chaqiradigan kasalliklarda (o‘tkir anemiya, kattalarda nafas yetishmovchiligi sindromi, septitsemiya va boshqalar);detoksikatsiyalarda, fosfororganik birikmalar, amino- va nitrobirikmalar bilan zaharlanishlarda qo‘llanadi.

Vena ichiga yuborish: 600 mg preparat 4 ml inyektsiya uchun suvda yoki 1200mg preparat 7 ml inyektsiya uchun suvda eritiladi, so‘ngra olingan eritma fiziologik eritma yoki 5% glyukoza eritmasining 100 ml, 250 ml yoki 500 ml hajmdagi infuzion eritmalariga qo‘shiladi. Mushak ichiga yuborish: 600 mg preparat 4 ml inyektsiya uchun suvda eritiladi. Dozasi: Neomarin quyidagi holatlarda qo‘shimcha davolash uchun mo‘ljallangan: Jigar kasalliklarida: Vena ichiga (sekin): Sutkalik doza – 600 mg-2400mg; bir martalik dozasi – 600 mg-1200mg dan kuniga 1-2 marta yuboriladi. Mushak ichiga: Sutkalik doza – 600 mg-1200mg; bir martalik doza 600 mg dan kuniga 1-2 marta yuboriladi. Preparatning dozasi patsiyentning yoshi, vazni va klinik ko‘rsatmalarga bog‘liq. Kimyoterapiya va nur terapiyasi: A. Kimyoterapiya: Vena ichiga: birinchi kunda preparat tana yuzasiga 15 g/m2 hisobida 100 ml fiziologik eritmada eritilsin va kimyoterapiya preparatlarini qo‘llashdan 15 minut oldin yuborilsin. Keyingi 2-5 kun davomida 600 mg preparat vena ichiga yoki mushak ichiga har kuni yuborilsin. Tsiklofosfamid qo‘llanganida siydik chiqarish tizimining holatini yomonlashishidan saqlanish maqsadida preparatni vena ichiga tsiklofosfamid yuborilgandan so‘ng 15 minut davomida yuborish tavsiya etiladi. Tsisplatin ishlatilganida: preparat kimyoterapiyaning natijasiga ta’sir qilmasligi uchun tsisplatinning tavsiya etilgan dozasi 35 mg dan oshmasligi kerak. B. Nur terapiyasi: Neomarin tana yuzasiga 1,5 g/m2 dozada 100 ml fiziologik eritmada eritilsin va nur terapiyasidan so‘ng yuborilsin yoki shifokorning ko‘rsatmasiga rioya qilinsin. Boshqa ko‘rsatmalarda: Gipoksemiya: boshlang‘ich doza sifatida Neomarin tana yuzasiga 1,5 g/m2 hisobida 100 ml fiziologik eritmada eritilsin va vena ichiga yuborilsin. Patsiyentning klinik holati yaxshilanganidan so‘ng samarasini tutib turuvchi doza kuniga 600 mg dan mushak ichiga yuborilsin. Davolash kursi: jigar kasalliklarida 1 davolash kursi 30 kunni tashkil etadi; boshqa kasalliklarda davolash kursi patsiyentning holatiga bog‘liq.

Nojo‘ya reaktsiyalarni rivojlanish chastotasi – preparat hatto katta dozalarda uzoq vaqt davomida qo‘llanganida ham juda pastdir. Kam hollarda patsiyentlarda paroksizmal toshmalar kuzatilgan.

Tiklangan glutationning natriyli tuziga o‘ta yuqori sezuvchanlikda qo‘llash mumkin emas.

Preparatni V12 va K3 vitaminlari, kaltsiy pantotenati, menadion, orotat kislotasi, antigistaminlar, sulfanilamid preparatlar yoki tetratsiklin bilan birga qo‘llash mumkin emas.

Preparat kasalxonalarda shifokorning nazorati ostida qo‘llanilsin. Yuborishdan oldin preparat butunlay eriganligiga va eritma rangsiz va tiniqligiga ishonch hosil qiling; tayyor bo‘lgan eritma xona xaroratida (25oS gacha) ko‘pi bilan 2 soat davomida va fiziologik eritmada eritilgan bo‘lsa, 0-5oS haroratda ko‘pi bilan 8 soat davomida saqlanishi mumkin. Toshma, yuzni oqarishi, qon bosimini tushishi, yurak ritmini buzilishi va boshqalar kabi simptomlar rivojlanganida preparatni qo‘llashni zudlik bilan to‘xtatish kerak. Preparatni boshqa yuborish usullari mumkin bo‘lmagan hollardagina mushak ichiga yuborish mumkin. Faqat bir joyga qayta yuborishdan saqlanish kerak.

Homiladorlik va emizish davrida preparatni qo‘llash yuzasidan ma’lumotlar yo‘q.

Quruq, yorug‘likdan himoyalangan joyda 20oS dan yuqori bo‘lmagan haroratda saqlansin.

Dozasi oshirib yuborilganida hech qanday noxush reaktsiyalar kuzatilmagan.

Retsept bo‘yicha

Tiklangan glutationning natriyli tuzini steril kukuni 600 mg yoki 1200mg dan xlorbutil rezini tiqini bilan berkitilgan borosilikat shisha flakonlarda. Bir flakondan tibbiyotda qo‘llash bo‘yicha yo‘riqnomasi bilan birga karton qutiga joylangan.

3 yil.