оқ рангли лиофилизацияланган стерил кукун.

заҳарланиш ва интоксикацияларда қўлланадиган восита.

V03AB32

Глутатион тана юзасига 2 г/м2 дозада вена ичига инфузия қилинганидан сўнг умумий глутатионнинг плазмадаги концентрацияси 17,5 ± 13,4 ммол/л дан 823 ± 326 ммол/л гача ошган. Экзоген глутатионни тақсимланиш ҳажми 176 ± 107 мл/кг ни ташкил этади. Ярим чиқарилиш даври 14,1 ± 9,2 минут. Қон плазмасидаги цистеиннинг концентрацияси инфузиядан сўнг 8,9 ± 3,5 ммол/л дан 114 ± 45 ммол/л гача ошган. Цистеиннин ошишига қарамасдан, қон плазмасида умумий цистеин, цистин ва аралаш дисулфидларнинг умумий концентрацияси камайган, бу ҳужайра ичида цистеиннинг транспорт ҳусусиятларини ошишидан далолат беради. Глутатион ва цистеинни сийдик билан чиқарилиши инекциядан сўнг 90 минут давомида мувофиқ 300% ва 10% га ошган.

Препарат қуйидаги ҳолатларда қўшимча даволаш учун мўлжалланган: жигар касалликлари, шу жумладан жигарни вирусли касалликларида (гепатит А, гепатит В, гепатит С каби касалликларда);жигарни алкогол чақирган шикастланишларида (токсик жигар, жигарни алкоголли фибрози, жигарни алкоголли циррози, ўткир алкоголли гепатит каби шикастланишларида) ва жигарни бошқа касалликларида;кимётерапияда (жумладан, цисплатин, циклофосфамид, адриамицин, рубидомицин ва блеомицин препаратлари, айниқса катта дозаларда қўлланганида) ва нур билан даволанишда;дори воситаларини қўллаш оқибатидаги заҳарланишларда (онкологияда қўлланадиган кимётерапевтик препаратлар, туберкулёзга қарши препаратлар, нейропсихотроп препаратлар, антидепрессантлар, парацетамол ва бошқалар);гипоксемияни чақирадиган касалликларда (ўткир анемия, катталарда нафас етишмовчилиги синдроми, септицемия ва бошқалар);детоксикацияларда, фосфорорганик бирикмалар, амино- ва нитробирикмалар билан заҳарланишларда қўлланади.

Вена ичига юбориш: 600 мг препарат 4 мл инекция учун сувда ёки 1200мг препарат 7 мл инекция учун сувда эритилади, сўнгра олинган эритма физиологик эритма ёки 5% глюкоза эритмасининг 100 мл, 250 мл ёки 500 мл ҳажмдаги инфузион эритмаларига қўшилади. Мушак ичига юбориш: 600 мг препарат 4 мл инекция учун сувда эритилади. Дозаси: Неомарин қуйидаги ҳолатларда қўшимча даволаш учун мўлжалланган: Жигар касалликларида: Вена ичига (секин): Суткалик доза – 600 мг-2400мг; бир марталик дозаси – 600 мг-1200мг дан кунига 1-2 марта юборилади. Мушак ичига: Суткалик доза – 600 мг-1200мг; бир марталик доза 600 мг дан кунига 1-2 марта юборилади. Препаратнинг дозаси пациентнинг ёши, вазни ва клиник кўрсатмаларга боғлиқ. Кимётерапия ва нур терапияси: А. Кимётерапия: Вена ичига: биринчи кунда препарат тана юзасига 15 г/м2 ҳисобида 100 мл физиологик эритмада эритилсин ва кимётерапия препаратларини қўллашдан 15 минут олдин юборилсин. Кейинги 2-5 кун давомида 600 мг препарат вена ичига ёки мушак ичига ҳар куни юборилсин. Циклофосфамид қўлланганида сийдик чиқариш тизимининг ҳолатини ёмонлашишидан сақланиш мақсадида препаратни вена ичига циклофосфамид юборилгандан сўнг 15 минут давомида юбориш тавсия этилади. Цисплатин ишлатилганида: препарат кимётерапиянинг натижасига таъсир қилмаслиги учун цисплатиннинг тавсия этилган дозаси 35 мг дан ошмаслиги керак. Б. Нур терапияси: Неомарин тана юзасига 1,5 г/м2 дозада 100 мл физиологик эритмада эритилсин ва нур терапиясидан сўнг юборилсин ёки шифокорнинг кўрсатмасига риоя қилинсин. Бошқа кўрсатмаларда: Гипоксемия: бошланғич доза сифатида Неомарин тана юзасига 1,5 г/м2 ҳисобида 100 мл физиологик эритмада эритилсин ва вена ичига юборилсин. Пациентнинг клиник ҳолати яхшиланганидан сўнг самарасини тутиб турувчи доза кунига 600 мг дан мушак ичига юборилсин. Даволаш курси: жигар касалликларида 1 даволаш курси 30 кунни ташкил этади; бошқа касалликларда даволаш курси пациентнинг ҳолатига боғлиқ.

Ножўя реакцияларни ривожланиш частотаси – препарат ҳатто катта дозаларда узоқ вақт давомида қўлланганида ҳам жуда пастдир. Кам ҳолларда пациентларда пароксизмал тошмалар кузатилган.

Тикланган глутатионнинг натрийли тузига ўта юқори сезувчанликда қўллаш мумкин эмас.

Препаратни В12 ва К3 витаминлари, калций пантотенати, менадион, оротат кислотаси, антигистаминлар, сулфаниламид препаратлар ёки тетрациклин билан бирга қўллаш мумкин эмас.

Препарат касалхоналарда шифокорнинг назорати остида қўлланилсин. Юборишдан олдин препарат бутунлай эриганлигига ва эритма рангсиз ва тиниқлигига ишонч ҳосил қилинг; тайёр бўлган эритма хона хароратида (25оС гача) кўпи билан 2 соат давомида ва физиологик эритмада эритилган бўлса, 0-5оС ҳароратда кўпи билан 8 соат давомида сақланиши мумкин. Тошма, юзни оқариши, қон босимини тушиши, юрак ритмини бузилиши ва бошқалар каби симптомлар ривожланганида препаратни қўллашни зудлик билан тўхтатиш керак. Препаратни бошқа юбориш усуллари мумкин бўлмаган ҳоллардагина мушак ичига юбориш мумкин. Фақат бир жойга қайта юборишдан сақланиш керак.

Ҳомиладорлик ва эмизиш даврида препаратни қўллаш юзасидан маълумотлар йўқ.

Қуруқ, ёруғликдан ҳимояланган жойда 20оС дан юқори бўлмаган ҳароратда сақлансин.

Дозаси ошириб юборилганида ҳеч қандай нохуш реакциялар кузатилмаган.

Рецепт бўйича

Тикланган глутатионнинг натрийли тузини стерил кукуни 600 мг ёки 1200мг дан хлорбутил резини тиқини билан беркитилган боросиликат шиша флаконларда. Бир флакондан тиббиётда қўллаш бўйича йўриқномаси билан бирга картон қутига жойланган.

3 йил.