dumaloq, ikki yoqlama qavariq, qizil rangli plyonka qobiq bilan qoplangan tabletkalar, tabletkaning bir tomonida kompaniya logotipi, boshqa tomonida 200 raqami bosib tushirilgan.

o‘smalarga qarshi preparat, proteinkinaza ingibitori.

L01XE05.

Sorafenib tabletkalari qabul qilinganidan keyin, uning o‘rtacha biokiraolishligi 38-49% ni tashkil qiladi. Sorafenibning yarim chiqarilish davri taxminan 25-38 soatlarni tashkil qiladi. Sorafenibning takroriy dozalarini 7 kun davomida qabul qilish, bir martalik dozani qabul qilishga nisbatan to‘planishini 2,5-7 marta oshishiga olib kelgan. Sorafenibning plazmadagi muvozanat kontsentratsiyasiga 7 kun davomida erishiladi, maksimal/minimal kontsentratsiyalarining nisbati 2 dan kamroqni tashkil qiladi. Sutkada 2 marta 400 mg dozada ichga qabul qilinganda muvozanat holatidagi sorafenibning farmakokinetikasi qalqonsimon bezining raki, jigar-xujayrasi raki, buyrak-xujayrasi raki bo‘lgan bemorlarda o‘rganilgan. Eng yuqori ekspozitsiya, garchi ekspozitsiyaning har xilligi o‘smalarning barcha turlari uchun yuqori bo‘lgan bo‘lsada, qalqonsimon bezining raki bo‘lgan bemorlarda aniqlangan. Qalqonsimon bezining raki bo‘lgan bemorlardagi “kontsentratsiya-vaqt” egri chizig‘i ostidagi katta maydonining (AUC) klinik ahamiyati aniqlanmagan. So‘rilishi va taqsimlanishi Sorafenibning plazmadagi maksimal kontsentratsiyasiga (Cmax) ichga qabul qilinganidan keyin taxminan 3 soat o‘tgach erishiladi. Yog‘ni o‘rtacha saqlovchi ovqat bilan birga qabul qilinganida sorafenibning biokiraolishligi, taxminan  och qoringa qabul qilingandagi biokiraolishligiga muvofiq keladi. Yog‘ni ko‘p saqlovchi ovqat bilan birga qabul qilganda, preparat och qoringa qabul qilingandagi biokiraolishligi bilan solishtirilganda taxminan 29% ga pasayadi. Sutkada 2 marta 400 mg dan yuqori peroral dozalar buyurilganda o‘rtacha Cmax va “kontsentratsiya-vaqt” egri chizig‘i osti maydoni (AUC) noproportsional oshadi. Oqsillar bilan bog‘lanishi – 99,5%. Metabolizmi va chiqarilishi Sorafenibning metabolizmi asosan jigarda CYP3A4 yordamida oksidlanish yo‘li bilan,  shuningdek UGT1A9 yordamida glyukuronlanish yo‘li bilan amalga oshiriladi. Sorafenibning kon’yugatlari me’da-ichak yo‘llarida bakterial glyukuronidaza faolligi tufayli parchalanishi mumkin, bu kon’yugatsiyalanmagan dori vositasini qayta so‘rilish imkonini beradi. Neomitsinni bir vaqtda qo‘llash bu jarayonga ta’sir qiladi va sorafenibning o‘rtacha biokiraolishligini 54% gacha kamaytiradi. Muvozanat holatiga yetganidan keyin sorafenibga taxminan 70-85% to‘g‘ri keladi. Sorafenibning 8 metaboliti identifikatsiyalangan, ulardan 5 tasi plazmada aniqlangan. Sorafenibning plazmada aylanib yuradigan asosiy metaboliti – piridin N-oksidi in vitro sharoitda sorafenibning faolligiga o‘xshash faollikka ega, va taxminan 9-16% ni tashkil qiladi. Eritma shaklidagi sorafenibning 100 mg dozasi ichga qabul qilinganidan keyin 14 kun davomida buyurilgan dozaning 96%, 77% ichak orqali chiqariladi, 19% – buyrak orqali glyukuronidlar shaklida chiqariladi. Buyurilgan dozaning 51% miqdoridagi o‘zgarmagan sorafenib ahlatda aniqlanadi.

Metastatik buyrak-xujayrasi raki. Jigar-xujayrasi raki. Radiofaol yodga rezistent bo‘lgan qalqonsimon bezining maxalliy-tarqalgan yoki metastatik differentsiatsiyalangan raki.

Neksavar preparatining tavsiya etilgan sutkalik dozasi 800 mg (200 mg dan 4 tabletka) ni tashkil etadi. Sutkalik doza ikki marta qabul qilishga (2 tabletkadan sutkada 2 marta) yoki ovqat qabul qilishlar orasida, yoki past yoki o‘rtacha miqdorda yog‘ saqlovchi ovqat bilan birga buyuriladi. Tabletkalar bir stakan suv bilan birga yutiladi. Davolash preparatning klinik samaradorligi saqlangan vaqtgacha yoki uning to‘g‘ri kelmaydigan toksik ta’siri paydo bo‘lgunicha davom ettiriladi. Mumkin bo‘lgan dori reaktsiyalarini rivojlanishi Neksavar preparatini qo‘llashni vaqtincha to‘xtatishni va/yoki dozani pasaytirishni talab qilishi mumkin.

Neksavar preparati klinik tadqiqotlar davomida qo‘llanganida yoki postmarketing qo‘llash ma’lumotlari asosida aniqlangan nojo‘ya ko‘rinishlar quyida sanab o‘tilgan va paydo bo‘lish tez-tezligi bo‘yicha quyidagi mezonlarga muvofiq taqsimlangan: juda tez-tez (≥1/10), tez-tez (≥1/100 dan <1/10), tez-tez emas (≥1/1000 dan <1/100), kam hollarda (≥1/10000 dan <1/1000). Postmarketing kuzatuvlar jarayonida aniqlangan va ular uchun tez-tezligini baholash yoki preparatni qabul qilish bilan sabab bog‘liqligini aniqlash mumkin bo‘lmagan noxush samaralar uchun “tez-tezligi noma’lum” deb ko‘rsatilgan. Har bir tez-tezlik guruhida nohush ko‘rinishlar, ularning ahamiyatini kamayishi tartibida berilgan.

Sorafenibga yoki preparatning har qanday boshqa komponentlariga yuqori sezuvchanlik. Homiladorlik va emizish davri. Bolalik davrida qo‘llash mumkin emas (qo‘llash samaradorligi va xavfsizligi aniqlanmagan).

CYP3A4 induktorlari: CYP3A4 faolligini induktsiyalovchi preparatlar (masalan, rifampitsin, fenitoin, karbamazepin, fenobarbital, deksametazon va dalachoy o‘ti ekstraktini saqlovchi preparatlar), sorafenibning metabolizmini oshirishlari, va shunday qilib, organizmda uning kontsentratsiyasini pasaytirishlari mumkin. Sorafenibni rifampitsin bilan bir vaqtda davomli qabul qilish, sorafenibning AUC (“kontsentratsiya-vaqt” egri chizig‘i osti maydoni) ko‘rsatkichini o‘rtacha 37% ga pasayishiga olib kelgan. CYP3A4 ingibitorlari: sorafenibni tsitoxrom CYP3A4 ingibitorlari bilan klinik farmakokinetik o‘zaro ta’sirining extimoli kam. CYP2S9 substratlari: sorafenib va varfarinni bir vaqtda qabul qilish protrombin vaqti va xalqaro normallashtirilgan nisbatning (XNN) o‘rtacha qiymatlarini platseboga nisbatan o‘zgarishiga olib kelmagan. Lekin varfarin va sorafenib bilan qo‘shma davolanayotgan barcha bemorlarda XNN ni muntazam aniqlash tavsiya etiladi. Tsitoxrom R450 guruxiga mansub bo‘lgan spetsifik izofermentlarning substrati: muvofiq tsitoxrom CYP3A4, CYP2D6 va CYP2S19 substratlari bo‘lgan midazolam, dekstrometorfan va omeprazolni, va 4 xaftalik sorafenib kursini bir vaqtda buyurish, sanab o‘tilgan preparatlarning ekspozitsiyasi darajasini o‘zgarishiga olib kelmagan. Bu kuzatuvlar sorafenibni tsitoxrom R450 guruxiga mansub bo‘lgan izofermentlarni na ingibitsiya qilmasligi, na induktsiya qilmasligidan dalolat beradi. Sorafenib va paklitaksel bir vaqtda qo‘llanishi natijasida, CYP2S8 yordamida hosil bo‘luvchi paklitakselning faol metaboliti 6-ON-paklitakselning ekspozitsiyasini pasayishi emas, balki oshishi kuzatilgan. Bu ma’lumotlar sorafenib in vivo sharoitda CYP2S8 ning ingibitori emasligidan dalolat beradi. Sorafenib va tsiklofosfamidni bir vaqtda qo‘llash, tsiklofosfamidning ekspozitsiyasini ahamiyatsiz pasayishiga olib kelgan, lekin bunda asosan CYP2S8 yordamida hosil bo‘luvchi tsiklofosfamidning faol metaboliti 4-ON-tsiklofosfamidning tizimli ekspozitsiyasini pasayishi kuzatilmagan. Bu ma’lumotlar sorafenib in vivo CYP2S8 ingibitori emasligidan dalolat beradi. Boshqa o‘smalarga qarshi preparatlar bilan majmuasi: sorafenib gemtsitabin, tsisplatin, karboplatin, oksaliplatin va tsiklofosfamidning farmakokinetikasiga klinik ahamiyatli ta’sir ko‘rsatmaydi. Paklitaksel/karboplatin Paklitaksel (225 mg/m2 dan) va karboplatinni (AUC = 6) sorafenib (≤400 mg kuniga 2 marta) bilan birga, sorafenibni qo‘llashdagi 3 kunlik intervallar bilan bir vaqtda qo‘llash, paklitaksel va karboplatin buyurilishidan oldin va keyin, paklitakselning farmakokinetikasiga hech qanday ahamiyatli ta’sir ko‘rsatmagan. Paklitaksel (225 mg/m2 dan 3 haftada 1 marta) karboplatinni (AUC = 6) sorafenib (sorafenibni 400 mg dan kuniga 2 marta tanafussiz qo‘llashda) sorafenibning ekspozitsiyasini 47% ga , paklitakselni – 29% ga va paklitakselning 6-ON hosilasini – 50% ga oshishiga olib kelgan. Karboplatinning farmakokinetikasi o‘zgarmay qolgan. Bu ma’lumotlar paklitaksel va karboplatinni sorafenibni qabul qilishda 3 kunlik intervallar bilan sorafenib bilan birga qabul qilishda, dozaga tuzatish kiritishning zarurati yo‘qligini ko‘rsatadi. Sorafenib bilan bir vaqtda qo‘llashda uni qo‘llashdagi tanafussiz, sorafenib va paklitakselning ekspozitsiyasini oshishini klinik ahamiyati noma’lum bo‘lib qolmoqda. Kapetsitabin Kayetsitabin (750-1050 mg/m2 kuniga 2 marta 1-14 kunlari xar 21 kun o‘tgach) va sorafenibni (200 mg dan kuniga 2 marta tanaffussiz qabul qilish) bir vaqtda qo‘llash, sorafenibning ekspozitsiyasida axamiyatli o‘zgarishlarga olib kelmagan, lekin kapetsitabinning ekspozitsiyasi 15-50% ga, ftoruratsilning (kapetsitabinning metaboliti) ekspozitsiyasi esa 0-52% ga oshgan. Bir vaqtda sorafenib qabul qilinganida kapetsitabin va ftoruratsilning ekspozitsiyasini katta bo‘lmagan yoki o‘rtacha oshishining klinik ahamiyati noma’lum bo‘lib qolmoqda. Doksorubitsin/irinotekan Sorafenib va doksarubitsinni bir vaqtda buyurish doksorubitsinning AUC ko‘rsatkichini 21% ga oshishiga olib keladi. Sorafenib va irinotekan bir vaqtda buyurilganida uning faol metaboliti SN-38 keyinchalik UGTIA1  ishtirokida metabolizmga uchraydi, SN-38 AUC ko‘rsatkichini 67-120% ga oshishi, irinotekanning AUC ko‘rsatkichini 26-42% ga oshishi aniqlangan. Bu kuzatuvlarning klinik ahamiyati noma’lum bo‘lib qolmoqda. Dotsetaksel Dotsetaksel (75 yoki 100 mg/m2 bir marta xar 21 kun o‘tgach) va sorafenib (200 yoki 400 mg kuniga 2 marta 2-19 kunlari 21 kunlik tsikl davomida) 3 kunlik intervallar bilan bir vaqtda qo‘llanganida dotsetaksel buyurilishidan oldin va keyin, dotsetakselning AUC va Smax ni muvofiq 36-80% va 16-32% ga oshishi bilan kechgan. Sorafenib va dotsetaksel bir vaqtda buyurilganida ehtiyotkorlikka rioya qilish kerak. Neomitsin Me’da-ichak florasining eradikatsiyasi uchun tizimli bo‘lmagan antibakterial preparat neomitsinni bir vaqtda qo‘llash, sorafenibning keyingi ekspozitsiyasini pasayishi bilan sorafenibning enterogepatik tsirkulyatsiyasiga ta’siriga olib keladi. 5 kun davomida neomitsin olgan sog‘lom ko‘ngilliklarda, sorafenibning o‘rtacha biokiraolishligi 54% gacha pasaygan. Bu ma’lumotlarning klinik ahamiyati noma’lum. Sorafenibning farmakokinetikasiga boshqa antibiotiklarning ta’siri o‘rganilmagan, bu ta’sir antibiotiklarning glyukuronidaza faolligini pasaytirish qobiliyati bilan aniqlanadi deb taxmin qilinadi.

Neksavar preparati bilan davolashni o‘smalarga qarshi preparatlarni qo‘llash tajribasiga ega bo‘lgan mutaxassis kuzatuvi ostida o‘tkazish kerak. Neksavar preparati bilan davolash vaqtida, vaqti-vaqti bilan periferik qon ko‘rsatkichlarini (shu jumladan leykotsitar formula va trombotsitlarni) nazorat qilish kerak. Neksavar preparati qabul qilinganida eng ko‘p uchraydigan nojo‘ya reaktsiyalar qo‘l-oyoqlar soxasidagi teri reaktsiyalari (kaft-tovon eritrodiesteziyasi) va toshma bo‘lgan. Ko‘pchilik hollarda ular 1-nchi va 2-nchi og‘irlik darajasida bo‘lgan va asosan Neksavar preparati bilan davolashning birinchi olti oyi davomida namoyon bo‘lgan. Teridagi toksik reaktsiyalarni davolash uchun simptomatik ta’sirga ega bo‘lgan maxalliy preparatlarni ishlatish mumkin. Zarurati bo‘lganida davolash vaqtincha to‘xtatiladi va/yoki Neksavar preparatining dozasi o‘zgartiriladi yoki, teri reaktsiyalarining og‘ir yoki takrorlanuvchi hollarida, Neksavar preparati bilan davolash bekor qilinadi. Neksavar preparati bilan davolash olgan bemorlarda, arterial gipertenziyani uchrash tez-tezligini oshishi qayd qilingan. Arterial gipertenziya odatda yengil yoki o‘rtacha xarakterga ega bo‘lgan, davolashning boshida kuzatilgan va standart antigipertenziv preparatlar bilan davolashda bartaraf bo‘lgan. Neksavar preparati bilan davolash vaqtida arterial bosimni muntazam nazorat qilish va zarurati bo‘lganida uning oshishini antigipertenziv davolash bilan muvofiqlashtirish kerak. Og‘ir yoki barqaror arterial gipertenziya rivojlangan yoki adekvat antigipertenziv davolash o‘tkazilishiga qaramay, gipertonik kriz yuz bergan hollarda, Nekavar preparati bilan davolashni to‘xtatish masalasini ko‘rib chiqish kerak. Neksavar preparati qon ketishlari xavfini oshishiga olib kelishi mumkin. Tibbiy aralashuvni talab qiluvchi xar qanday qon ketishlar paydo bo‘ganida, Nekavar preparati bilan davolashni to‘xtatish masalasini ko‘rib chiqish tavsiya etiladi. Qon ketishining potentsial xavfini hisobga olib, qalqonsimon bezining differentsiatsiyalangan raki bo‘lgan patsiyentlarda Neksavar preparatini buyurish oldidan, traxeya, bronxlar va qizilo‘ngachning o‘smali infiltratlarini mahalliy davolashni o‘tkazish kerak. Varfarin va Neksavar preparati birga buyurilganida, ayrim patsiyentlarda qonovchanlik yoki Xalqaro Normallashtirilgan Nisbatni (XNN) oshishini kamdan-kam epizodlari aniqlangan. Varfarin va Neksavar preparati birga buyurilganida protrombin vaqtini, XNN, qonovchanlikning klinik belgalarini muntazam aniqlash kerak. Xirurgik aralashuvlar o‘tkazilgan hollarda ehtiyotkorlik chorasi sifatida Neksavar preparati bilan davolashni vaqtinchalik to‘xtatish tavsiya etiladi. Xirurgik aralashuvlardan keyin Neksavar preparatini qabul qilishni qayta boshlashga taalluqli klinik kuzatuvlar, juda kam. Shuning uchun xirurgik aralashuvlardan keyin Neksavar preparati bilan davolashni qayta boshlash xaqidagi qaror, jarohatning bitishini adekvatligini klinik baholashga asoslanishi kerak. Ishemiya va/yoki miokard infarkti yuz bergani, Neksavar preparati bilan davolashni vaqtinchalik yoki doimiy to‘xtatish kerak. Neksavar preparatini qo‘llash QT/QTc intervalini uzayishiga olib kelishi aniqlangan, bu yurak qorinchalari aritmiyalarini rivojlanish xavfini oshirishi mumkin. QTc intervalini joriy oshishi bo‘lgan yoki bunday holatni rivojlanish xavfi bo‘lgan quyidagi patsiyentlarda: QT intervalini tug‘ma uzayish sindromi bo‘lgan; yuqori umumiy dozada antratsiklinlar bilan davolash olayotgan; ma’lum antiaritmik vositalarni yoki QT intervalini uzayishiga olib keluvchi boshqa dori preparatlarini olayotganlar; shuningdek elektrolitli buzilishlari bo‘lgan patsiyentlarda ham, shu jumladan gipokaliyemiya, gipokaltsiyemiya yoki gipomagniyemiyada Neksavar preparatini ehtiyotkorlik bilan qo‘llash kerak. Bunday patsiyentlarda Neksavar preparati qo‘llanganida vaqti-vaqti bilan elektrokardiografik nazoratni o‘tkazish va elektrolitlar (magniy, kaliy, kaltsiy) ning kontsentratsiyasini o‘lchash kerak. Me’da-ichak yo‘llarini teshilishi kamroq uchraydi va Neksavar preparatini olgan 1% dan kamroq bemorlarda ta’riflangan. Ayrim hollarda bu xodisalar qorin bo‘shlig‘idagi o‘smalar bilan bog‘liq bo‘lmagan. Me’da-ichak yo‘llarini teshilishi hollarida Neksavar preparati bilan davolashni bekor qilish kerak. Jigar faoliyatini og‘ir buzilishlari (Chayld-Pyu tasnifi bo‘yicha S sinfi) bo‘lgan bemorlarda Neksavar preparatini qo‘llash bo‘yicha hech qanday ma’lumotlar yo‘q. Sorafenib asosan jigar orqali chiqarilishi tufayli, jigar faoliyatini og‘ir buzilishlari bo‘lgan bemorlarda preparatning ta’siri kuchayishi mumkin. Qalqonsimon bezining differentsiatsiyalangan raki bo‘lgan patsiyentlarda Neksavar preparati qo‘llanganida, qonda kaltsiyning kontsentratsiyasini nazorat qilish tavsiya etiladi. Qalqonsimon bezining differentsiatsiyalangan raki bo‘lgan, ayniqsa anamnezida gipotireozi bo‘lgan patsiyentlardagi klinik tekshirishlarda, buyrak-xujayrasi va jigar-xujayrasi raki bo‘lgan patsiyentlarga qaraganda, gipokaltsiyemiyaning ko‘proq va og‘irroq ko‘rinishlari aniqlangan. Qalqonsimon bezining differentsiatsiyalangan raki bo‘lgan Neksavar preparati bilan davolangan bemorlarning bir qismida tireotrop gormonining kontsentratsiyasi 0,5 mЕd/l dan yuqori bo‘lgan. Bunday patsiyentlarda Neksavar preparati qo‘llanganida tireotrop gormonining kontsentratsiyasini nazorat qilish kerak. Asosan UGT1A1 ishtirokida metabolizmga uchraydigan/chiqariladigan preparatlar (masalan, irinotekan) bilan birga Nekvavar ehtiyotkorlik bilan buyuriladi. Dotsetaksel (75 yoki 100 mg/m2 ) va Neksavar preparati (200 yoki 400 mg kuniga 2 marta 3 kunlik intervallar bilan dotsetakselni buyurishdan oldin yoki keyin bir vaqtda qo‘llash, dotsetakselning AUC ni 36-80% ga oshishi bilan birga kechgan. Neksavar preparati va dotsetaksel bir vaqtda buyurilganida ehtiyotkorlikka rioya qilish kerak. Neomitsinni bir vaqtda qo‘llash sorafenibning biokiraolishligini pasayishiga olib kelishi mumkin. Ikki randomizatsiyalangan platsebo-nazoratli tadqiqotlarda platina preparatlari (karboplatin/paklitaksel va alohida gemtsitabin/tsisplatin) asosidagi ikki komponentli ximioterapiyaning birinchi qatori sifatida sorafenib bilan majmuada yoki usiz o‘pkaning mayda xujayrali bo‘lmagan rakining (O‘MXBR) kechki bosqichlari bo‘lgan patsiyentlarda qo‘llash xavfsizligi va samaradorligi solishtirilganda, umumiy yashab qolishni yaxshilanishi bo‘yicha ma’lumotlar olishga erishilmagan. Xavfsizligi bo‘yicha ma’lumotlar umuman olganda, ilgari ta’riflangan natijalarga muvofiq bo‘lgan. Lekin, ikkala tekshirishlarda o‘pkaning yassi xujayrali raki bo‘lgan sorafenib bilan majmuada platina preparatlari asosidagi ikki komponentli ximioterapiya olgan patsiyentlar guruxida, faqat platina preparatlari asosidagi ikki komponentli ximioterapiya olgan patsiyentlar guruxiga nisbatan yuqoriroq o‘lim ko‘rsatkichi aniqlangan  (paklitaksel/karboplatin: xavflar nisbati 1,81, 95%; ishonch intervali 1,19-2,7; gemtsitabin/karboplatin: xavflar nisbati 1,22, 95%; ishonch intervali 0,82-1,80). Bu holatni aniqlovchi sabablar aniqlangan emas.

Homiladorlik Neksavar preparati bilan davolash davrida ayollar homiladorlik yuz berishidan saqlanishlari kerak. Reproduktiv qobiliyati saqlangan ayollarga Neksavar preparati homila uchun potentsial xavf tug‘dirishi mumkinligi to‘g‘risida malumot berish kerak, u teratogenlik, homilani yashab qolish muammolari va embriotoksiklikni o‘z ichiga oladi. Neksavar preparati bilan davolash vaqtida va davolashdan keyin eng kamida 2 xafta davomida kontratseptsiyaning ishonchli usullarini qo‘llash kerak. Homilador ayollarda Neksavar preparatining tadqiqotlari o‘tkazilmagan. Xayvonlardagi tadqiqotlarda sorafenibning ushbu moddaning rivojlanish nuqsonlarini chaqirish hususiyatini o‘z ichiga oluvchi, reproduktiv toksikligi ko‘rsatilgan. Kalamushlarda o‘tkazilgan tajribalarda sorafenib va uning metabolitlarini yo‘ldosh orqali o‘tishi ko‘rsatilgan. Sorafenibni xomilada angiogenezni susaytirishi tahmin qilinadi. Emizish davri Sorafenibni ayol suti bilan chiqarilishi noma’lum. Xayvonlarda sorafenibni va/yoki uning metabolitlarini sut bilan chiqarilishi aniqlanadi. Ko‘pchilik dori vositalari ko‘krak suti bilan chiqarilishi va sorafenibni erta yoshli bolalarga ta’siri o‘rganilmaganligi tufayli, ayollar Neksavar preparati bilan davolanish davrida emizishdan saqlanishilari kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda.

Doza oshirib yuborilgan hollarda yuqorida sanab o‘tilgan nohush ko‘rinishlar, ayniqsa diareya va teri reaktsiyalari kuchayishi mumkin. Davolash simptomatik, Sorafenibga antidot noma’lum.

Retsept bo‘yicha

Plyonka qobiq bilan qoplangan tabletkalar 200 mg. 28 tabletkadan PP/A1 blister. 4 blisterdan qo‘llash bo‘yicha yo‘riqnomasi bilan birga karton qutida.

3 yil.