oq yoki deyarli oq rangli tiniq bo‘lmagan suspenziya;

burun bo‘shlig‘i kasalliklarini davolash uchun dori vositasi, kortikosteroidlar.

R01AD09.

Mometazon furoati nazal sprey shaklida qo‘llanganida biokiraolishligi past bo‘lgan (<0,1%) va u xatto sezuvchanlik bo‘sag‘asi (LLOQ) 0,25 pg/ml bo‘lgan sezgir aniqlash usuli qo‘llanganida ham qon plazmasida amalda aniqlanmagan. Mometazon furoatining suspenziyasi me’da-ichak yo‘llaridan juda sust so‘rilsada, yutilishi va so‘rilishi mumkin bo‘lgan uncha katta bo‘lmagan miqdori faol birlamchi metabolizmga uchraydi, asosan metabolitlari ko‘rinishida siydik bilan va qanchadir darajada – safro bilan chiqariladi.

Kattalar va 2 yoshdan oshgan bolalarda mavsumiy yoki yil davomidagi allergik rinitni davolash. O‘rtacha va og‘ir kechuvchi allergik rinitni profilaktik davolashni changlanish mavsumini taxmin qilingan boshlanishidan 2-4 hafta oldin boshlash tavsiya qilinadi. Kattalarda va 12 yoshdan boshlab bolalarda og‘ir bakterial infektsiyaning belgilari bo‘lmagan o‘tkir rinosinusit simptomlarini davolash. 18 yoshdan oshgan bemorlarda burun poliplari va ular bilan bog‘liq simptomlarni, shu jumladan burunni bitishi va hid bilishni yo‘qolishini davolash.

Ishlatishdan oldin: burun yo‘llarini tozalash uchun burun orqali ehtiyotlik bilan nafas oling; spreyli konteynerni yaxshilab chayqating. Birinchi marta qo‘llashdan avval spreyni purkalishi yuz bermagunicha dozalovchi qurilmani 10 marta bosish yo‘li bilan NAZONЕKS burun spreyini “kalibrovka” qilish lozim. Nazal applikatorni teshmang! Boshingizni orqaga tashlang, keyin shifokorning ko‘rsatmasiga binoan har bir burun yo‘liga sprey purkang. Agar nazal sprey 14 kun va undan ko‘proq ishlatilmagan bo‘lsa, takroran “kalibrovka” qilish lozim, u spreyning changlanishi paydo bo‘lmagunicha dozalovchi qurilmani 2 marta bosish yo‘li bilan amalga oshiriladi.

Klinik tadqiqotlar vaqtida mavsumiy va yil davomidagi allergik rinitlarda NAZONЕKSni qo‘llash bilan bog‘liq bo‘lgan bosh og‘rig‘i (8%), burundan qon ketishi (ya’ni yaqqol qon ketishi, shuningdek qon aralash shilliq yoki qon quyqasining chiqishi) (8%), faringit (4%), burunda achishish hissi (2%), ta’sirlanish (2%) va burun shilliq qavatini yarali o‘zgarishlari (1%) kabi noxush holatlar aniqlangan. Bunga o‘xshash noxush holatlarni rivojlanishi, kortikosteroidlarni saqlovchi har qanday boshqa nazal sprey uchun xosdir. Burundan qon ketishlari o‘z-o‘zidan mustaqil to‘xtagan va o‘rtacha bo‘lgan, platsebo qo‘llanganiga nisbatan biroz ko‘proq yuz bergan (5%), lekin faol nazorat vositasi sifatida qo‘llangan va tekshirilgan boshqa intranazal kortikosteroidlarni qo‘llaganga qaraganda kamroq yuz bergan (ulardan ayrimlarida burundan qon ketishlarining chastotasi (tez-tezligi) 15% ni tashkil qilgan). Boshqa noxush holatlarni paydo bo‘lish tez-tezligi platsebo qo‘llangandagi bilan bir xil bo‘lgan. Bolalarda noxush holatlarni, shu jumladan burundan qon ketishlari (6%), bosh og‘rig‘i (3%), burunda ta’sirlanish hissi (2%) va aksirish (2%) platsebo qo‘llanganida yuz bergani (4%) bilan bir xil bo‘lgan. Mometazon furoati intranazal qo‘llanganidan keyin darhol kechuvchi turdagi allergik reaktsiya (masalan, bronxospazm, dispnoe) kuzatilishi mumkin. Juda kam hollarda anafilaktik shok va angionevrotik shish paydo bo‘lgan. Ta’m va hid sezishni buzilishining yakka hollari to‘g‘risida xabar berilgan. NAZONЕKS burun spreyi sinusitlarning o‘tkir epizodlarni davolashda yordamchi vosita sifatida qo‘llanganida paydo bo‘lish tez-tezligi platsebo qo‘llanganidagi bilan bir xil bo‘lgan bosh og‘rig‘i (2%), faringit (1%), burunda achishish hissi (1%) va burun shilliq qavatini ta’sirlanishi (1%) kabi noxush ta’sirlar aniqlangan. Burundan qon ketishlari o‘rtacha namoyon bo‘lgan va ularni paydo bo‘lish tez-tezligi NAZONЕKS spreyi qo‘llanganida, platsebo qo‘llanganida yuz bergan burundan qon ketishlari bilan bir xil bo‘lgan (muvofiq 5% va 4%). Burun poliplari, o‘tkir sinusitlari bo‘lgan bemorlarda NAZORЕKS spreyi qo‘llanganida yuqorida keltirilgan noxush holatlarning umumiy soni platsebo qo‘llangani bilan bir xil bo‘lgan va allergik riniti bo‘lgan bemorlarda kuzatilgandagiga o‘xshash bo‘lgan. Juda kam hollarda kortikosteroidlar qo‘llanganida burun to‘sig‘ini teshilishi yoki ko‘z ichki bosimini oshishi hollari aniqlangan. Tizimli samaralar nazal kortikosteroidlar qo‘llanganida, ayniqsa yuqori dozalarda buyurilganda va uzoq vaqt qo‘llanganida paydo bo‘lishi mumkin. Bu samaralarning ehtimoli oral kortikosteroidlar qo‘llanganidagiga qaraganda kam va turli bemorlarda, shuningdek har xil kortikosteroid vositalar ishlatilganida farq qilishi mumkin. Potentsial tizimli samaralari Kushing sindromi, buyrak usti bezlari faoliyatini susayishi, bolalar va o‘smirlarda o‘sishini kechikishi, katarakta, glaukoma va kam hollarda ruhiy yoki xulq buzilishlari, shu jumladan psixomotor qo‘zg‘alish, giperreaktivlik, uyquni buzilishi, xavotirlik, depressiya yoki agressiyani (ayniqsa bolalarda) o‘z ichiga olishi mumkin. Yuqorida ko‘rsatilganlardan birortasi yoki ushbu yo‘riqnomada ko‘rsatilmagan boshqa har qanday reaktsiyalar yuz bergan hollarda dori vositasining keyingi qo‘llanishi bo‘yicha shifokor bilan maslahatlashing!

Faol moddaga yoki qandaydir faol bo‘lmagan komponentiga yuqori sezuvchanlik.

NAZONЕKS loratadin bilan bir vaqtda qo‘llangan, bunda qon plazmasida loratadin yoki uning asosiy metabolitini kontsentratsiyasiga hech qanday ta’sir aniqlanmagan. Ushbu tadqiqotlarda sezgirlik bo‘sag‘asi (LLOQ) 50 pg/ml bo‘lgan miqdoriy aniqlash usulidan foydalanilganda mometazon furoati qon plazmasida xatto minimal kontsentratsiyada ham aniqlanmagan. Majmuaviy davolash bemorlar tomonidan yaxshi o‘zlashtirilgan.

Preparatni kichik yoshli bolalarda qo‘llashni kattalarning yordamida o‘tkazish kerak. NAZONЕKSni davolanmagan mahalliy infektsiya bo‘lganida bu jarayonga burun shilliq qavati qo‘shilgan hollarda qo‘llash mumkin emas. Kortikosteroidlar jarohatlarning bitishini sekinlashtirishi tufayli, bunday preparatlarini yaqinda operativ aralashuv yoki burun jarohatini o‘tkazgan bemorlarga jarohat to‘liq bitmagunicha mahalliy intranazal qo‘llash uchun buyurish mumkin emas. NAZONЕKSni nafas yo‘llarining faol yoki latent (yashirin) tuberkulez infektsiyasi bo‘lgan bemorlarda, shuningdek davolanmagan zamburug‘li, bakterial, tizimli virusli infektsiyada yoki ko‘zni shikastlanishi bilan kechuvchi herpes simplex infektsiyasida ehtiyotkorlik bilan qo‘llash yoki umuman qo‘llamaslik kerak. Mukovistsidoz bilan bog‘liq bir tomonlama poliplarni davolashda yoki burun yo‘lini butunlay yopuvchi poliplarni davolashda NAZONЕKS dori vositasini qo‘llash xavfsizligi va samaradorligi aniqlanmagan. G‘ayrioddiy joylashgan bir tomonlama poliplar, ayniqsa agarda ular yaralansa yoki qonasa, unda ular tekshirilishi lozim. NAZONЕKS bilan 12 oylik davolanishdan keyin burun shilliq qavatining atrofiyasini belgilari paydo bo‘lmagan; bundan tashqari, mometazon furoati burun shilliq qavatining gistologik manzarasini me’yorlashishiga yordam bergan. Har qanday boshqa uzoq muddatli davolanishda bo‘lgani kabi, NAZONЕKSni bir necha oy davomida va undan ortiq vaqt qo‘llayotgan bemorlar burun shilliq qavatida bo‘lishi mumkin bo‘lgan o‘zgarishlarni aniqlash yuzasidan vaqti-vaqti bilan ko‘rikdan o‘tib turishlari lozim. Burun yoki xalqumning lokal zamburug‘li infektsiyasi rivojlangan hollarda NAZONЕKS bilan davolashni to‘xtatish yoki maxsus davolashni boshlash kerak bo‘lishi mumkin. Uzoq vaqt davomida saqlanib qoluvchi burun yoki xalqum shilliq qavatini ta’sirlanishi ham NAZONЕKS bilan davolashni to‘xtatishga ko‘rsatma bo‘lishi mumkin. NAZONЕKS bilan uzoq muddat davomida davolanganda gipotalamo-gipofizar-buyrak usti bezlari faoliyatini susayish belgilari kuzatilmagan. Tizimli ta’sirga ega kortikosteroidlar bilan uzoq muddatli davolashdan keyin NAZONЕKS nazal spreyi bilan davolanayotgan bemorlarni diqqat bilan kuzatish lozim. Bunday bemorlarda tizimli ta’sirga ega kortikosteroidlarni qabul qilishni to‘xtatish, buyrak usti bezlari po‘stlog‘ining faoliyatini yetishmovchiligiga olib kelishi mumkin, bu holat tizimli ta’sirga ega kortikosteroidlar bilan davolashni qaytadan boshlashni va boshqa muvofiq davolash usulini qo‘llashni talab qilishi mumkin. Tizimli ta’sirga ega kortikosteroidlar bilan davolashdan NAZONЕKS bilan davolanishga o‘tish vaqtida ayrim bemorlarda burun bilan bog‘liq simptomlarni yengillashishi bilan bir qatorda, kortikosteroidlarni bekor qilish simptomlari (bo‘g‘imlarda va/yoki mushaklarda og‘riq, toliqish hissi va depressiya) paydo bo‘lishi mumkin. Bunday bemorlarni NAZONЕKS spreyi bilan davolashni davom ettirish maqsadga muvofiqligiga ishontirish lozim. Davolashni almashtirish shuningdek, ilgari rivojlangan va tizimli ta’sirga ega kortikosteroidlar bilan davolanish oqibatida niqoblangan allergik (allergik kon’yunktivit, ekzema va hokazolar kabi) kasalliklarni keltirib chiqarishi mumkin. Kortikosteroidlarni qo‘llayotgan bemorlarda immun rektivlik potentsial susaygan bo‘lishi mumkin, shuning uchun ular ayrim infektsion kasalliklar (masalan, suvchechak, qizamiq) bo‘lgan bemorlar bilan muloqotda bo‘lgan hollarda kasallikni yuqish xavfini oshishi, shuningdek, agar bunday muloqot yuz bergan bo‘lsa, shifokorning maslahati zarurligi to‘g‘risida ogohlantirilgan bo‘lishlari lozim. Bemorlarni tana haroratini oshishi, yuz sohasida bir tomonlama kuchli og‘riq yoki tish og‘rig‘i, orbital yoki periorbital shish yoki holatni avval biroz yaxshilanib keyin yomonlashishi kabi og‘ir bakterial infektsiyaning belgilari yoki simptomlari paydo bo‘lgan hollarda darhol shifokorga murojaat qilishlari kerakligi to‘g‘risida ogohlantirish kerak. Bolalar. NAZONЕKSni 100 mkg sutkalik dozada bir yil davomida qo‘llayotgan bolalarda platsebo-nazoratli klinik tadqiqotlar o‘tkazilganida bolalarning o‘sishini kechikishi aniqlanmagan. Shunday bo‘lsada, intranazal/ingalyatsion steroidlarning uzoq muddatli samaralari oxirigacha tekshirilmagan. Shifokor glyukokortikosteroidlar bilan uzoq muddatli davolanayotgan bolalarni o‘sishi va rivojlanishini sinchiklab nazorat qilishi lozim. Bolalarda va 18 yoshdan kichik o‘smirlarda burun poliplarini, 12 yoshgacha bo‘lgan bolalarda rinosinusit simptomlarini, 2 yoshgacha bo‘lgan bolalarda – mavsumiy yoki yil davomidagi allergik rinitlarni davolashda NAZONЕKSning xavfsizligi va samaradorligi tekshirilmagan. Glyukokortikosteroidlar bilan uzoq muddatli davolanish va yuqori dozalarni qo‘llash tizimli nojo‘ya samaralarni, shu jumladan bolalarda o‘sishni sekinlashining paydo bo‘lishiga olib kelishi mumkin. Intranazal/ingalyatsion steroidlarning uzoq muddatli samaralari bolalarda to‘liq tekshirilmagan. Shifokor glyukokortikosteroidlar bilan uzoq vaqt davomida davolanayotgan bolalarni o‘sishi va rivojlanishini sinchiklab nazorat qilishi lozim. NAZONЕKSni 100 mkg dan 1 yil davomida har kuni olgan 49 nafar bola ishtirokidagi tadqiqotda o‘sish tezligining pasayishi kuzatilmagan. 12 yoshgacha bo‘lgan bolalarda o‘tkir rinosinusit simptomlarini davolash uchun NAZONЕKSni qo‘llash xavfsizligi va samaradorligi o‘rganilmagan. Homiladorlik va emizish davrida qo‘llanilishi. Dori vositasining ta’sirini homilador ayollarda o‘rganish bo‘yicha maxsus tadqiqotlar o‘tkazilmagan. Biroq, intranazal qo‘llanadigan boshqa kortikosteroidlar kabi, NAZONЕKS ham homilador va emizikli ayollarda faqat, uni qo‘llashdan kutilayotgan foyda ona, homila yoki bola uchun potentsial xavfdan ustun bo‘lgan hollardagina qo‘llanadi. Onalari homiladorlik vaqtida kortikosteroidlarni qo‘llagan chaqaloqlarni buyrak usti bezlarining gipofunktsiyasini aniqlash yuzasidan sinchiklab tekshirish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda saqlansin. Muzlatilmasin.

NAZONЕKS preparatining tizimli biokiraolishligi past, ya’ni (sezgirlik bo‘sag‘asi (LLOQ) 0,25 pg/ml bo‘lgan miqdoriy aniqlash usulidan foydalanilganda) <1% ni tashkil qilgani tufayli, doza oshirib yuborilganida bemorning holatini kuzatish, keyinchalik dori vositasini tavsiya qilingan dozada qo‘llashdan tashqari o‘zga chora-tadbirlar lozim bo‘lishi ehtimoli kam.

Retsept bo‘yicha

18 g dan suspenziya polietilen flakonda (flakon og‘zida nasos-purkagich bilan) karton qutida.

3 yil.