tiniq, rangsiz yoki biroz sarg‘ish rangli suyuqlik.

Metabolik jarayonlarni muvofiqlashtiruvchi vosita. Kardiologik preparat.

S01ЕV10.

Parenteral yuborilganidan keyin a’zolarning xujayralariga kiradi, u yerda qisqartiruvchi oqsil aktomiozin bilan o‘zaro ta’sir qilib, ATF mushaklar tomonidan mexanik ishni amalga oshirish uchun, shuningdek sintetik (oqsil, mochevina sintezi) jarayonlari uchun zarur bo‘lgan energiyani ajralib chiqishi bilan, adenozindifosfat kislotasi va anorganik fosfatga parchalanadi. Keyinchalik parchalanish mahsulotlari ATF sinteziga kirishadi. Antiaritmik samarasi vena ichiga yuborilganidan so‘ng 20-40 sekunddan keyin boshlanadi.

Mushak distrofiyasi va atrofiyasini majmuaviy davolashda, qorincha ustki taxikardiyalarining paroksizmlarini bartaraf etish uchun, periferik qon tomirlarning spazmida (Reyno kasalligi, obliteratsiyalovchi trombangiit) qo‘llanadi. To‘r pardaning pigmentli degeneratsiyasining periferik, aralash va markaziy shakllarida buyuriladi.

Mushak ichiga yoki vena ichiga buyuriladi. Mushak distrofiyasini, periferik qon aylanishining buzilishlarini davolash uchun birinchi 2-3 kunlari 1 ml dan sutkada 1 marta, keyingi kunlari – 1 ml dan sutkada 2 marta yoki 2 ml dan sutkada 1 marta buyuriladi. Davolash kursi – 30-40 kun. Zarurati bo‘lganida davolash kursi 1-2 oydan keyin takrorlanadi. To‘r pardaning nasliy pigmentli degeneratsiyasida mushak ichiga 5 ml dan sutkada 2 marta, 6-8 soatlik interval bilan har kuni, 15 kun davomida buyuriladi. Qorinchalar usti taxiaritmiyalarini bartaraf qilish uchun mushak ichiga 1-2 ml 5-10 sekund davomida yuboriladi (samara 20-40 sekunddan keyin kuzatiladi). Zarurati bo‘lganida 2-3 minutdan keyin xuddi shu dozada takroran yuboriladi.

Markaziy nerv tizimi tomonidan: bosh og‘rig‘i, bosh aylanishi, qisqa muddatli hushdan ketish, boshda siqilish hissi, fobiyalar. Ko‘rish a’zolari tomonidan: ko‘rishni noaniqligi. Ovqat hazm qilish yo‘llari tomonidan: ko‘ngil aynishi, og‘izda metall ta’mi, ovqat hazm qilish yo‘llari motorikasini kuchayishi (vena ichiga yuborilganda). Yurak-qon tomir tizimi tomonidan: yurak urishini his qilish, ko‘krak qafasida diskomfort hissi, taxikardiya yoki bradikardiya, arterial gipotenziya, AV-o‘tkazuvchanlikni buzilishi (atrioventrikulyar blokada), aritmiya, asistoliya. Tayanch-harakat apparati tomonidan: qo‘llarda, belda, bo‘yinda og‘riq. Siydik chiqarish tizimi tomonidan: diurezni kuchayishi. Nafas tizimi tomonidan: hansirash, bronxospazm. Teri va teri osti kletchatkasi tomonidan: yuz giperemiyasi, qichishish, teri toshmasi. Yuborish joyida buzilishlar: o‘zgarishlar va sanchishni his qilish. Allergik reaktsiyalar: o‘ta yuqori sezuvchanlik reaktsiyalari, allergik dermatit, eshakemi, anafilaktik shok, Kvinke shishi. Umumiy buzilishlar: ko‘p terlash, gipertermiya, qizib ketish hissi.

Preparatning har qanday komponentlariga yuqori sezuvchanlik; kardiogen shok va shokning boshqa turlari; yurak yetishmovchiligining dekompensatsiya bosqichi, QT intervalini uzayishi sindromi; o‘tkir miokard infarkti, gemorragik insult, bradiaritmiyalarning og‘ir shakllari, II-III darajali blokada, bronx-o‘pka tizimining obstruktiv kasalliklari; bronxial astmaning og‘ir shakllari; arterial gipotenziya; giperkaliyemiya, gipermagniyemiya. Yuqori dozalarda yurak glikozidlari bilan bir vaqtda yuborish mumkin emas

Kaliy tejovchi diuretiklar, kaliy preparatlari va AAF ingibitorlari bilan bir vaqtda qo‘llanganida giperkaliyemiya, magniy preparatlari bilan bir vaqtda qo‘llanganida – gipermagniyemiya xavfi oshadi. Preparat beta-adrenoblokatorlar, nitratlarning antianginal ta’sirini kuchaytirishi mumkin. Dipiridamol bilan bir vaqtda qo‘llanganida dipiridamolning ta’siri, xususan qon tomirlarni kengaytiruvchi samarasi kuchayadi. Purin hosilalari (kofein va teofillin) bilan bir vaqtda qo‘llanganida biroz antagonizm kuzatiladi. Yuqori dozalarda yurak glikozidlari bilan bir vaqtda yuborish mumkin emas, chunki yurak-qon tomir tizimi tomonidan nojo‘ya reaktsiyalar xavfi kuchayadi. Ksantinol nikotinat bilan bir vaqtda qo‘llanganida natriy adenozintrifosfatining samarasi pasayadi. Karbamazepin adenozinning samarasini kuchaytirishi, blokada rivojlanishiga olib kelishi mumkin.

Preparatni vena ichiga yuborish faqat statsionar sharoitlarida tibbiy kuzatuv ostida va yurak faoliyatining nazoratida o‘tkaziladi. Preparatni vena ichiga yuborishni asta-sekin o‘tkazish, shundan so‘ng arterial bosimni o‘lchash lozim. Yaqqol bradikardiyada, sinus tugunining kuchsizligi sindromida, I darajali atrioventrikulyar blokadada, arterial gipotenziyaga moyillikda ehtiyotkorlik bilan qo‘llanadi. Uzoq vaqt qo‘llaganda qonda kaliy va magniy darajasini nazorat qilish kerak. Bronxospazmlarga moyillik bo‘lganda ehtiyotkorlik bilan qo‘llanadi. Tarkibiga kofein kiruvchi mahsulotlarni (kofe, choy, kolali ichimliklar) iste’mol qilishni cheklash kerak.

Homiladorlik va emizish davrida preparatni qo‘llash bo‘yicha ma’lumotlar yo‘q.

Original o‘ramida, +2°S dan +8°S gacha bo‘lgan haroratda saqlansin.

Simptomlari: II-III darajali atrioventrikulyar blokada, asistoliya, bronxospazm, aritmiyalar, qorinchali buzilishlar; sinusli bradikardiya va taxikardiyani paydo bo‘lishi; bosh aylanishi, arterial gipotenziya, qisqa muddatga hushdan ketish. Uzoq vaqt yuborilganda allergik reaktsiyalar kuzatilishi mumkin. Davolash. Preparat bekor qilinadi, kardiotonik vositalar qo‘llanadi. Davolash simptomatik. Adenozinning raqobatli antagonistlari bo‘lib ksantinlar (eufillin, teofillin) hisoblanadi.

1 ml dan ampulada; 10 ampuladan qutida. 1 ml dan ampulada; 5 ampuladan blisterda, 2 blisterdan qutida. 1 ml dan ampulada; 10 ampuladan blisterda, 1 blisterdan qutida.

1 yil.