oqdan to sariq-oq rangligacha palletalar bilan to‘ldirilgan kapsulalar. Kapsula tanasi oq rangli, kapsula qopqoqchasi moviy rangli.

Nosteroid yallig‘lanishga qarshi va revmatizmga qarshi vositalar. Sirka kislotasining xosilalari va ularning analoglari

M01AV05

Dozalash Davolash faqat preparatning bir shaklini yoki uning majmuasini qabul qilishdan iborat bo‘lishi mumkin, lekin maksimal sutkalik doza – 150 mg ekanligini e’tiborga olish kerak. Kattalarga odatda 75 mg li 1 kapsuladan sutkada 1-2 marta 12 soatlik interval bilan buyuriladi. Juda og‘ir sipmtomlar paydo bo‘lganda (ayniqsa kunning birinchi yarmida), patsiyent qisqa vaqt davrida Naklofen duo kapsulalarining maksimal sutkalik dozasini (2 kapsula) bir marta qabul qilishi mumkin. Simptomlarni yengillashtirish uchun kerakli bo‘lgan eng kam samarali dozalarni eng kam vaqt davomida buyurish tavsiya etiladi, bu nojo‘ya samaralari paydo bo‘lishi extimolini pasaytirish imkoniyatini beradi. Bolalarda qo‘llanishi Naklofen duoni 14 yoshdan kichik bolalarda qo‘llash mumkin emas. Qo‘llash usuli Kapsulani butunligicha ko‘p bo‘lmagan suyuqlik bilan ovqat qabul qilish vaqtida yoki darxol ovqatdan keyin yutish kerak.

Diklofenak natriy davolashda paydo bo‘luvchi nojo‘ya samaralar, paydo bo‘lish tez-tezligiga qarab muvofiq guruxlarga tasniflanadi: juda tez-tez (≥ 1/10)tez-tez (≥ 1/100 dan ≤ 1/10 gacha)tez-tez emas (≥ 1/1000 dan ≤ 1/100 gacha)kam (≥ 1/10000 dan ≤ 1/1000 gacha)juda kam (≤ 1/10000)noma’lum (bor bo‘lgan ma’lumotlar asosida aniqlash mumkin emas). Qisqa muddatli va uzoq muddatli qo‘llashdagi xabarlar quyidagi nojo‘ya samaralarni o‘z ichiga olgan. Qon yaratish va limfatik tizimi tomonidan buzilishlar -juda tez-tez:trombotsitopeniya, leykopeniya, anemiya (shu jumladan gemolitik va aplastik anemiya), agranulotsitoz. Immun tizimi tomonidan buzilishlar: –kam: o‘ta yuqori sezuvchanlik, anafilaktik va anafilaktoid reaktsiyalar (gipotenziya va shokni xam qo‘shib). -juda kam: angionevrotik shish (yuzning shishini xam qo‘shib). Ruxiy buzilishlar: -juda kam: dezoriyentatsiya, depressiya, uyqusizlik, daxshatlar, ta’sirchanlik, psixotik buzilishlar. Nerv tizimi tomonidan buzilishlar: -tez-tez: bosh og‘rig‘i, bosh aylanishi. -kam: uyquchanlik, charchoqlik. -juda kam: paresteziyalar, xotirani buzilishi, tirishishlar, bezovtalik, tremor, astenik meningit, ta’mni buzilishlari, miya qon aylanishini buzilishi. -noma’lum: ongni chalkashishi, gallyutsinatsiyalar, sezuvchanlikni buzilishi, umumiy darmonsizlik. Ko‘rish a’zosi tomonidan buzilishlar: -juda kam: ko‘rishni buzilishi, ko‘rishni noaniqligi, diplopiya. -noma’lum: ko‘ruv nervining nevriti. Eshitish a’zosi va labirint tizimi tomonidan buzilishlar: -tez-tez: vertigo. -juda kam: quloqlarda shovqin, eshitishni buzilishi. Yurak-tomir tizimi tomonidan buzilishlar: -juda kam: yurak urishini xis qilish, ko‘krakda og‘riq, yurak yetishmovchiligi, miokard infarkti. Nafas, ko‘krak qafasi va ko‘ks oralig‘i a’zolari tomonidan buzilishlar: -kam: astma (xansirashni xam qo‘shib). -juda kam: pnevmoniya. Me’da-ichak yo‘llari tomonidan buzilishlar: –tez-tez: ko‘ngil aynishi, qusish, diareya, dispepsiya, qorin og‘rig‘i, meteorizm, anoreksiya. -kam: gastrit, me’da-ichak qon ketishlari, qonli qusish, gemorragik diareya, melena, me’da-ichak yaralari (qon ketishi bilan yoki usiz), perforatsiya (ba’zida o‘lim bilan yakunlanuvchi, ayniqsa keksalik yoshida). -juda kam: kolit (gemorragik kolit va yarali kolitni yoki Kron kasalligini zo‘rayishini xam qo‘shib), qabziyat, stomatit (shu jumladan yarali stomatit), glossit, qizilo‘ngachni buzilishi, ichakning membranali strikturalari, pankreatit.

Naklofen duo va diklofenakning boshqa shakllarini quyidagi dorilarning o‘zaro ta’sirlari aniqlangan. Litiy: Bir vaqtda qo‘llanganda Naklofen duo litiyning plazmadagi kontsentratsiyasini oshirishi mumkin. Litiyning plazmadagi kontsentratsiyasini monitoringi tavsiya etiladi. Digoksin: Bir vaqtda qo‘llanganda Naklofen duo digoksinning plazmadagi kontsentratsiyasini oshirishi mumkin. Digoksinning plazmadagi kontsentratsiyasini monitoringi tavsiya etiladi. Diuretiklar, gipotenziv vositalar: NYAQP va Naklofen duoni diuretiklar va gipotenziv preparatlar (masalan, beta-adrenoblokatorlar,  Angiotenzin-aylantiruvchi ferment (AAF) ingibitorlari), prostaglandinlar sintezini ingibitsiya qilishi orqali ularning antigipertenziv samarasini pasayishiga olib kelishi mumkin. Dori vositalarining bu majmuasi keksa patsiyentlarga extiyotkorlik bilan buyurilishi kerak, shuningdek ularning qon bosimini nazorat qilish kerak. Nefrotoksiklik rivojlanishini yuqori xavfi tufayli, patsiyentning yetarli degidratatsiyasini ta’minlash va buyraklar faoliyatini sinchiklab nazorat qilish kerak,  ayniqsa  diuretiklar va AAF ingibitorlari bilan davolashda buyraklar faoliyatini sinchiklab nazorat qilish kerak. Kaliy tejovchi diuretiklar bilan yo‘ldosh davolash, kaliyning plazmadagi kontsentratsiyasini oshirishi mumkin, uni ko‘proq nazorat qilish kerak. Antikoagulyantlar va antitrombotsitar vositalar: Extiyotkorlik bilan qo‘llash tavsiya etiladi, chunki bir vaqtda qo‘llash qon ketishi paydo bo‘lishi xavfini oshirishi mumkin. Klinik tekshirishlar Naklofen duoni  antikoagulyantlar samarasiga ta’sirini ko‘rsatmagan, faqat diklofenak va antikoagulyantlarni bir vaqtda qabul qilayotgan patsiyentlarda qon ketishi paydo bo‘lishini xavfi oshishi xaqida xabarlar bor. Bu patsiyentlarni sinchiklab kuzatish kerak. Boshqa NYAQP kabi diklofenak katta dozalarda trombotsitlar agregatsiyasini qaytuvchi ingibitsiya qilishi mumkin. Boshqa NYAQP, shu jumladan tsiklooksigknaza-2 ning selektiv ingibitorlari va kortikosteroidlar: Diklofenakni boshqa tizimli NYAQP yoki kortikosteroidlar bilan bir vaqtda qo‘llash, me’da-ichak qon ketishlar va yaralar paydo bo‘lishi xavfini oshirishi mumkin. Ikki yoki ko‘proq NYAQP ni bir vaqtda qo‘llashdan saqlanish kerak. Antidiabetik preparatlar: Klinik tekshirishlar, Naklofen duoni peroral antidiabetik preparatlar bilan bir vaqtda qo‘llanishi mumkinligini ko‘rsatgan, chunki oxirgilarning klinik samarasiga ta’sir ko‘rsatmaydi. Lekin aloxida xabarlar gipoglikemik va giperglikemik samaralari xaqida va diklofenak bilan davolash vaqtida antidiabetik preparatlarning dozasini to‘g‘irlash kerakligidan dalolat beradi. Yondosh davolashda extiyotkorlik chorasi sifatida qonda glyukozaning darajasini monitoringi tavsiya etiladi. Metotreksat: Diklofenak metotreksatning buyrak naychalari klirensini ingibitsiya qilib, uning darajasini oshirishi mumkin. NYAQP, diklofenakni xam qo‘shib, metotreksat bilan davolashdan kamida 24 soat oldin extiyotkorlik bilan qabul qilish tavsiya etiladi, chunki uning qondagi kontsentratsiyasi va toksikligi oshishi mumkin. Preparatlar 24 soatdan kam interval bilan qabul qilinganda jiddiy toksiklikning xollari qayd etilgan. Bu o‘zaro ta’sir NYAQP ishtirokida buyrak ekskretsiyasini buzilishi natijasida metotreksatning to‘planishi orqali bo‘ladi. Tsiklosporin: Boshqa NYAQP kabi diklofenak buyraklar prostaglandinlariga ta’siri tufayli, tsiklosporinning nefrotoksikligini oshirishi mumkin. Shunday qilib, tsiklosporinni qabul qilmayotgan patsiyentlar uchun doza bilan solishtirganda, qabul qilinayotgan dozani pasaytirish kerak. Takrolimus: NYAQP va takrolimum bir vaqtda qo‘llanganda, nefrotoksiklik xavfini oshishi mumkin, u NYAQP va kaltsinevrin ingibitorini buyrakli antiprostaglandinli samaralari orqali bo‘lishi mumkin. Antibakterial xinolonlar: Anamnezida tutqanog‘i yoki tirishishlari bo‘lgan patsiyentlarda xinolonlar va NYAQP ni o‘zaro ta’siri natijasida tirishishlar paydo bo‘lishi mumkin. NYAQP qabul qilayotgan patsiyentlarga xinolonlarni extiyotkorlik bilan buyurish kerak. Fenitoin: Diklofenak va fenitoin bir vaqtda qo‘llanganda, fenitoinning plazmadagi kontsentratsiyasini monitoringi tavsiya etiladi, chunki fenitoinning ta’siri kuchayishi mumkin. Kolestipol va xolestriamin: Bu dori vositalari diklofenakning so‘rilishini kechikishi yoki kamayishini chaqirishi mumkin. Shunday qilib, diklofenakni kolestipol/xolestiraminni qabul qilishdan 1 soat yoki 4-6 soat oldin qabul qilish tavsiya etiladi. Yurak glikozidlari: NYAQP va yurak glikozidlarini bir vaqtda qabul qilish patsiyentlarda yurak yetishmovchiligini chuqurlashtirishi, kalava filtratsiyasi tezligini pasaytirishi va glyukozidlarning plazmadagi darajasini oshirishi mumkin. Mifepriston: NYAQP mifepriston qabul qilgandan keyin 8-12 kun davomida qabul qilish mumkin emas, chunki u mifepristonning ta’sirini kamaytirishi mumkin. CYP2C9 ning kuchli ingibitorlari: Diklofenakni CYP2C9 ning kuchli ingibitorlari (masalan, sulfinpirazon va vorikanozol bilan) bilan bir vaqtda extiyotkorlik bilan buyurish tavsiya etiladi, ular diklofenakning metabolizmini ingibitsiya qilinishi oqibatida plazmadagi cho‘qqi kontsentratsiyasini va diklofenakning ta’sirini axamiyatli oshirishi mumkin.

Umumiy Preparat ta’sir qiluvchi moddaning pastroq kontsentratsiyasida kamrov vaqt oralig‘i davrida qo‘llanganda, noxush samaralarini minimallashtirish mumkin. Naklofen duoni tizimli NYAQP, tsiklooksigenaza-2 ning selektiv ingibitorlarini xam qo‘shib bir vaqtda qo‘llashdan saqlanish kerak, chunki sinergik samaralari yoki qo‘shimcha nojo‘ya reaktsiyalar paydo bo‘lishi xaqida dalolat beruvchi ma’lumotlar mavjud emas. Naklofen duoni keksa patsiyentlarga asosiy ko‘rsatmalar bo‘yicha extiyotkorlik bilan buyurish kerak. Keksa kuchsizlangan patsiyentlarni yoki tana vazni past bo‘lgan patsiyentlarni davolash uchun eng past samarali doza tavsiya etiladi. Boshqa nosteroid yallig‘lanishga qarshi preparatlarni, diklofenakni xam qo‘shib, qabul qilishda, allergik, shu jumladan anafilaktik va anafilaktoid reaktsiyalar rivojlanishi mumkin, ular preparatning ta’siri boshlangunicha paydo bo‘lishi mumkin. Diklofenak farmakodinamik xususiyatlari tufayli, boshqa NYAQP kabi, infektsiya belgilari va simptomlarini niqoblashi mumkin. Me’da-ichak samaralari NYAQP, diklofenakni xam qo‘shib, qabul qilganda me’da-ichak qon ketishlar (qonli qusish, melena), yaralar yoki ba’zida o‘lim bilan yakunlanuvchi perforatsiya aniqlangan, ular davolashni davridan qat’iy nazar kuzatilgan va simptomlarni namoyon bo‘lishi va anamnezda jiddiy me’da-ichak buzilishlari bilan birga kechgan/birga kechmagan. Odatda, jiddiyroq buzilishlar keksa patsiyentlarda kuzatilgan. Agar diklofenak qabul qilayotgan patsiyentlarda ichakdan qon ketishi paydo bo‘lsa, preparatni bekor qilish kerak. Barcha NYAQP, diklofenakni xam qo‘shib, buyurishda, sinchikov tibbiy kuzatuv kerak. Me’da-ichak buzilishlarning simptomlari, MIY yarali kasalliklari, anamnezida qon ketishlar yoki perforatsiyalar bo‘lgan patsiyentlarga diklofenakni extiyotkorlik bilan buyurish kerak. MIY qon ketishlar, yaralar yoki perforatsiyalar paydo bo‘lishini xavfi, NYAQP (diklofenakni xam qo‘shib) qabul qilganda, anamnezida qon ketishlar yoki perforatsiyalar bilan asoratlangan yara kasalligi bo‘lgan patsiyentlarda oshadi. Keksa patsiyentlarda NYAQP ni qabul qilish bilan bog‘liq bo‘lgan nojo‘ya reaktsiyalar, o‘lim bilan yakunlanuvchi MIY qon ketishlar  perforatsiyalar tez-tezligi yuqori.MIY toksiklik xavfini pasaytirish uchun anamnezida yara kasalligi (qon ketishlar yoki perforatsiyalar bilan asoratlangan) patsiyentlarda va keksa patsiyentlarda, davolashni preparatning eng kam samarali dozasi bilan boshlash kerak. Bu patsiyentlarda, shuningdek past dozalarda atsetilsalitsil kislota (atsetilsalitsil kislota preparatlari/aspirin MIY buzilishlar xavfini oshiradi) saqlovchi dori vositalarini qabul qilayotgan patsiyentlarda, ximoya agentlar (masalan, mizoprostol yoki proton pompasining ingibitorlari)  bilan majmuaviy davolash buyurish masalasini ko‘rish kerak. Patsiyentlar, ayniqsa keksalar, shifokorga xar qanday qorindagi odatdagi bo‘lmagan simptomlarning ko‘rinishlar xaqida xabar berishlari kerak. Tizimli kortikosteroidlar, antikoagulyantlar (masalan, varfarin), serotoninni qayta qamrab olinishini selektiv ingibitorlari (SSRIs) yoki antitrombotsitar vositalar (atsetilsalitsil kislota kabi) kabi qon ketishlar va yaralar paydo bo‘lishi xavfini oshirishi mumkin bo‘lgan dori vositalarini bir vaqtda qabul qilayotgan patsiyentlarga, Naklofen duoni extiyotkorlik bilan buyurish kerak. Yarali kolit yoki Kron kasalligi bo‘lgan patsiyentlarni sinchiklab tibbiy kuzatish kerak, chunki ularning xolati yomonlashishi mumkin. Jigarga oid samaralar Jigar yetishmovchiligi bo‘lgan patsiyentlarni sinchiklab tibbiy kuzatish kerak, chunki ularning xolati yomonlashishi mumkin. Boshqa NYAQP kabi diklofenak, jigar fermentlari darajasini oshiradi. Diklofenak bilan davomli davolashda extiyotkorlik chorasi sifatida, jigar faoliyatini sinchiklab nazorat qilish kerak. Agar jigar testlari jigar faoliyatini yomonlashishidan dalolat bersa yoki jigar kasalligini belgilari va simptomlari rivojlansa, yoki xar qanday boshqa ko‘rinishlar (eozinofiliya, toshma) kuzatilsa, Naklofen duo bilan davolashni bekor qilish kerak. Diklofenak bilan davolashda prodromal simptomlarning ko‘rinishlarisiz gepatit rivojlanishi mumkin. Porfiriyasi bo‘lgan patsiyentlarga diklofenakni extiyotkorlik bilan buyurish kerak, chunki diklofenakni qabul qilish xurujni qo‘zg‘atishi mumkin. Buyrakga oid samaralar NYAQP bilan davolashda, diklofenakni xam qo‘shib, patsiyentlarda suyuqlikni tutilishi va shishlar aniqlangan. Buyrak va yurak faoliyatini buzilishlari, gipertenziyasi bo‘lgan patsiyentlarga, keksa odamlarga, shuningdek bir vaqtda diuretiklarni yoki jigar faoliyatiga ta’sir qiluvchi dori vositalarini qabul qilayotgan patsiyentlarga yoki xujayradan tashqari xajm axamiyatli kamaygan (masalan, katta xirurgik aralashuvlargacha yoki keyin) patsiyentlarga diklofenakni aloxida extiyotkorlik bilan buyurish kerak. Diklofenak buyurilganda extiyotkorlik chorasi sifatida jigar faoliyatining monitoringini amalga oshirish tavchiya etiladi. Teriga oid samaralar Kam xollarda NYAQP qo‘llanganda, Naklofen duoni xam qo‘shib, jiddiy teri reaktsiyalari aniqlangan, ayrimlari o‘lim bilan yakunlangan, eksfoliativ dermatit, Stivens-Djonson sindromi, toksik epidermal nekrolizni xam qo‘shib. Patsiyentlar davolashni boshida eng katta xavfga duchor bo‘ladilar: ko‘pchilik xollarda ko‘rsatilgan nojo‘ya reaktsiyalar davolashning birinchi oyida paydo bo‘lgan. Teri va shilliq qavatlarda toshmalarning birinchi ko‘rinishlari, shuningdek o‘ta yuqori sezuvchanlikning boshqa belgilari paydo bo‘lganda, Naklofen duo bilan davolashni to‘xtatish kerak. Tizimli qizil yugirik va biriktiruvchi to‘qimaning aralash kasalliklari Tizimli qizil yugirik va biriktiruvchi to‘qimaning kasalliklari bo‘lgan patsiyentlarda, aseptik meningit paydo bo‘lishini xavfi yuqori bo‘ladi. Yurak-tomir va tserebrovaskulyar samaralari Gipertenziya va/yoki yengildan to o‘rtachagacha dimlangan yurak yetishmovchiligi bo‘lgan patsiyentlarga shifokorning sinchkov kuzatuvi kerak, chunki NYAQP qabul qilishda, diklofenakni xam qo‘shib, suyuqlikni tutilishi yoki shish aniqlangan. Klinik va epidemiologik tekshirishlar diklofenak davomli va yuqori dozalarda (sutkada 150 mg) qo‘llanganda, arterial tromboz (masalan, miokard infarkti yoki insult) pavdo bo‘lishi xavfini biroz oshirishidan dalolat beradi. Yurak-tomir asoratalar rivojlanishini xavf omillari (masalan, arterial gipertenziya, giperlipidemiya, qandli diabet, chekish) bo‘lgan patsiyentlarga preparatni davomli buyurish oldidan sinchkov taxlil o‘tkazilishi kerak. Yurak-tomir asoratlar paydo bo‘lishini xavfi diklofenakning dozasi va davolashning davomiyligini oshishi bilan oshadi. Nojo‘ya samaralar paydo bo‘lishi extimolini pasaytirish uchun, shu jumladan yurak-tomir asoratlar rivojlanishini xavf omillari bo‘lgan patsiyentlarda, keksa yoshli shaxslarda, simptomlarni kamaytirish uchun zarur bo‘lgan eng kam samarali dozani eng kam davr davomida buyurish tavsiya etiladi. Davolashni o‘zlashtirilishi va simptomlarni yengillashishiga qarab, preparatning buyurilayotgan dozasini qayta ko‘rish kerak. Gematologik samaralari

Namlikdan himoyalangan joyda, 30ºS dan yuqori bo‘lmagan haroratda saqlansin. Bolalar ololmaydigan joyda, saqlansin.

Simptomlari: Diklofenakning dozasini oshirib yuborilishi xaqida dalolat beruvchi spetsifik klinik manzara yo‘q. Doza oshirib yuborilganda bosh og‘rig‘i, ko‘ngil aynishi, qusish, epigastral soxada og‘riq, me’da-icha qon ketishlar, diareya, bosh aylanishi, dezoriyentatsiya, qo‘zg‘alish, koma, uyquchanlik, quloqlarda shovqin, xushdan ketish xolati yoki tirishishlar kabi simptomlar kuzatilishi mumkin. Kuchli zaxarlanish xollarida buyrak yetishmovchiligi va jigarni shikastlanishlari rivojlanishi mumkin. Davolash: Doza oshirib yuborilgan xolda davolash bir maromda saqlab turuvchi choralar va simptomatik (gipotenziya, buyrak yetishmovchiligi, tirishishlar, me’da-ichak buzilishlari, nafasni susayishi kabi asoratlarda) davolashdan iborat bo‘ladi. Jadallangan diurez, dializ va gemoperfuziya samarasiz. Dozani potentsial toksik oshirib yuborilishida faollangan ko‘mir qabul qilish kerak, doza xayot uchun potentsial xavfli oshirib yuborilganda me’dani yuvish bo‘yicha choralar o‘tkazish kerak.

Shifokor retsepti bo‘yicha beriladi

10 kapsuladan OPA/Al/AVX folga va alyumin folga blisterga joylanadi. 2 yoki 3 blisterdan qo‘llash bo‘yicha yo‘riqnomasi bilan birga karton qutiga joylangan.

3 yil. Yaroqlilik muddati o‘tgach qo‘llanilmasin.