Oq rangli, apelsin ta’mli suspenziya. Saqlash davomida qatlamlar hosil bo‘lishi mumkin, chayqatilish natijasida yo‘qoladi.

Nosteroid yallig‘lanishga qarshi vosita.

M01AЕ01

Ovqat qabul qilish ibuprofenning so‘rilishini sekinlashtiradi, lekin uning biologik kiraolishligini kamaytirmaydi. Ibuprofen suspenziya ko‘rinishida bolalar tomonidan 10 mg/kg dozada qabul qilinganida, uning qondagi maksimal kontsentratsiyasi 55 mkg/ml ni tashkil qiladi. Ibuprofen ovqat bilan birga qabul qilinganida bir muncha sekinroq so‘riladi: bunda tmax, och qoringa qabul qilinganiga qaraganda 30-60 minut uzoqroq va 1,5-3 soatni tashkil qiladi. Ibuprofen qon plazmasi oqsillari bilan 99% dan ko‘proq bog‘lanadi. Dori vositasini bog‘lovchi asosiy oqsillar albuminlardir. Ibuprofenning taqsimlanish hajmi kattalarda tana vazniga nisbatan 0,12 l/kg ni tashkil qiladi, tana harorati ko‘tarilgan 11 yoshdan kichik bolalarda esa bu ko‘rsatkich yuqori bo‘lib va tana vazniga nisbatan 0,2 l/kg ni tashkil qiladi. Dori vositasi asosan jigarda biotransformatsiyaga uchraydi. Qabul qilingan dozaning 70-90% metabolitlari shaklida va uning glyukuron kislotasi bilan kon’yugatsiyasi mahsulotlari shaklida siydik bilan chiqariladi. Dozaning qolgan qismi o‘zgarmagan holda va shuningdek metabolitlari ko‘rinishida ahlat bilan chiqariladi. Dori vositasi organizmda to‘planmaydi.

MREbufin – suspenziya isitmani tushiruvchi, og‘riqni qoldiruvchi, yallig‘lanishga qarshi ta’sir ko‘rsatadi. Paydo bo‘lish joyiga ta’sir qilish yo‘li bilan oshgan tana harorati, og‘riq va shish kabi simptomlarning namoyon bo‘lishini kamaytiradi. MREbufin preparati emizikli bolalar va bolalarda quyidagi hollarda qo‘llash uchun mo‘ljallangan: Turli genezli tana haroratini oshishi: – shamollash kasalliklarida, – o‘tkir respirator virusli infektsiyalarda, – grippda, – anginada (faringitda), – tana haroratini oshishi bilan birga kechuvchi bolalardagi infektsiyalarda, – emlashdan keyingi reaktsiyalarda. Turli kelib chiqishga ega kuchsiz va o‘rtacha jadallikdagi og‘riq sindromi: – o‘rta quloq yallig‘langanda quloq og‘rig‘ida, – tish og‘rig‘i, tishlarning og‘riq bilan chiqishi, – bosh og‘rig‘i, migren, – mushaklardagi, bo‘g‘imlardagi og‘riqlar, – tayanch-harakat apparatining jarohatlari.

Og‘iz orqali qo‘llash uchun. 5 ml suspenziya 100 mg ibuprofen saqlaydi. Ishlatish oldidan bir xil suspenziya olingunicha chayqatilsin. Dori preparati katta miqdordagi suyuqlik bilan ovqatdan keyin qabul qilinadi. Suspenziyani aniq dozalash uchun flakonga 1,25 ml, 2,5 ml, 5 ml o‘lchov qoshiqchasi bor. Doza bolaning yoshi va tana vazniga qarab belgilanadi. MREbufin preparatining bir martalik dozasi 5-10 mg/kg tana vazniga sutkada 3-4 martani tashkil qiladi. Suspenziyaning maksimal sutkalik dozasi 20-30 mg/kg tana vaznigani tashkil qiladi. Preparat bir martalik dozalarda quyida keltirilgan sxema bo‘yicha buyuriladi:

Odatda preparat yaxshi o‘zlashtiriladi, biroq uni qo‘llash ovqat hazm qilish yo‘llari tomonidan nojo‘ya ta’sirlar chaqirishi mumkin, masalan me’dada diskomfort hissi. Kam uchraydigan nojo‘ya ta’sirlariga quyidagilar kiradi: – nospetsifik allergik va anafilaktik reaktsiyalar, – bronxospazm yoki bo‘g‘ilish, astmaning zo‘rayishi bilan namoyon bo‘luvchi nafas a’zolari tomonidan reaktsiyalar, – toshmalar, qichishish, eshakemi, purpura, vazomotor shish ko‘rinishidagi teri reaktsiyalari, juda kam bullez dermatozi, – trombotsitopeniya – me’da-ichak yo‘llarini eroziv-yarali shikastlanishlari. Barcha paydo bo‘lgan nojo‘ya (odatdagi bo‘lmagan) samaralari, shu jumladan yo‘riqnomada ko‘rsatilmagan samaralari to‘g‘risida davolovchi shifokorga xabar berish kerak.

MREbufin preparatini quyidagi hollarda: – preparatning har qanday komponentiga, shuningdek boshqa nosteroid yallig‘lanishga qarshi dori vositalariga bo‘lgan shaxsiy sezuvchanlikda, – atsetilsalitsil kislotasi yoki boshqa nosteroid yallig‘lanishga qarshi vositalari qo‘llanganidan keyin, qachondir oldin tumov, teri toshmalari yoki bronxospastik reaktsiyalar ko‘rinishidagi allergiya simptomlari paydo bo‘lganida, – zo‘rayish bosqichidagi me’da yoki o‘nikki barmoq ichak yara kasalligida, – jigar, buyraklar faoliyatining yaqqol yetishmovchiligida, – qon kasalliklari: gemofiliyada, gipokoagulyatsiyada, gemorragik diatezda; – homiladorlikning III uch oyligida qo‘llash mumkin emas.

Ibuprofenni (nosteroid yallig‘lanishga qarshi vositalar guruhining boshqa dori vositalari kabi) quyida sanab o‘tilgan dori vositalari bilan bir vaqtda buyurish mumkin emas: – atsetilsalitsil kislotasi yoki boshqa nosteroid yallig‘lanishga qarshi vositalar – me’da-ichak yo‘llari tomonidan nojo‘ya ta’sirlarining paydo bo‘lishini xavfi oshadi, – antigipertenziv dori vositalari va diuretiklar bilan – nosteroid yallig‘lanishga qarshi vositalar guruhi dori vositalari, bu vositalarning ta’siri samaradorligini pasaytirishi mumkin, – antikoagulyantlar bilan – ko‘p sonli bo‘lmagan klinik ma’lumotlar, nosteroid yallig‘lanishga qarshi vositalar, qon ivishini pasaytiruvchi dori vositalarining ta’sirini kuchaytirishi mumkinligini ko‘rsatadi, – litiy va metotreksat bilan – nosteroid yallig‘lanishga qarshi vositalar litiyning ham, metotreksatning ham plazmadagi kontsentratsiyasining oshishini chaqirishi mumkin, – zidovudin bilan – ibuprofen va zidovudinni bir vaqtda qabul qilayotgan patsiyentlarda qon ketishi vaqtini oshishining isboti bor.

MREbufin preparatini qabul qilishdan oldin, agarda oldin quyidagilar tasdiqlangan bo‘lsa shifokor bilan maslahatlashish kerak: – bronxial astma, eshakemi – jigar va buyraklarning kasalliklari, – anamnezdagi me’da va o‘nikki barmoq ichak yara kasalligi. Preparat bo‘yovchilar saqlamaydi va tavsiya qilingan dozalarida bo‘yovchilarga allergik reaktsiyalarga moyilligi bo‘lgan bolalarda qo‘llanishi mumkin. Homiladorlik va laktatsiya davri Homiladorlikning birinchi 6 oyligida ibuprofenni qo‘llashga faqat shifokorning buyurishi bo‘yicha ruxsat beriladi. Ibuprofenni homiladorlikning oxirgi uch oyligida qo‘llash mumkin emas. Ibuprofen ko‘p bo‘lmagan miqdorda ko‘krak suti bilan chiqarilishi mumkin. Emizikli bolalarda nojo‘ya ta’sirlarining hollari  ma’lum emas, shuning uchun emizishni bekor qilishning zarurati yo‘q. Transport vositalarini haydash va mexanik qurilmalarga xizmat ko‘rsatish qobiliyatiga ta’siri MREbufin preparatini qabul qilish vaqtida transportni boshqarish va mexanizmlarga xizmat ko‘rsatishga qarshi ko‘rsatmalar mavjud emas. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoya qilingan joyda 25oS dan yuqori bo‘lmagan haroratda saqlansin.

Dori preparatini tavsiya etilganidan yuqori dozasi qabul qilingan holda, darhol shifokor yoki farmatsevtga murojaat qilish kerak. Ibuprofenning dozasini oshirib yuborish simptomlari: qorin og‘rig‘i, ko‘ngil aynishi, qusish, bosh og‘rig‘i va bosh aylanishi. Ibuprofenning yuqori dozalari odatda, boshqa dori vositalari bir vaqtda qo‘llanmaganida yaxshi o‘zlashtiriladi. Doza oshirib yuborilganidagi choralar: Spetsifik antidoti mavjud emas va tutib turuvchi davolash, me’dani yuvish qo‘llanadi, zarurati bo‘lganida, elektrolit buzilishlarni tuzatish.

Retseptisiz

50 ml, 90 ml, 100 ml dan flakonda. Har bir flakon qo‘llash bo‘yicha yo‘riqnomasiva o‘lchov qoshiqchasi bilan karton qutiga joylanadi.

3 yil. Flakon birinchi ochilganidan keyin preparat 6 oy davomida ishlatilishi kerak.