N02BB52 Farmakologik xususiyatlari Majmuaviy preparat, uning tarkibiga: metamizol natriy, (analgin), pitofenon gidroxloridi va fenpiveriniy bromidi kiradi. Metamizol natriy pirazalon hosilasi, nonarkotik analgetik. Prostaglandinlar sintezini susaytirishi bilan bog‘liq og‘riq qoldiruvchi, isitmani tushiruvchi va kuchsiz yallig‘lanishga qarshi ta’sirlarga ega. Pitofenon gidroxloridi papaverin turi miotrop spazmolitik vositasi bo‘lib, bevosita ichki a’zolarning siliq mushaklariga miotrop ta’sir ko‘rsatadi va uni bo‘shashishini chaqiradi. Fenpiveriniy bromidi M-xolinbloklovchi vosita bo‘lib, M-xolinobloklovchi ta’siri hisobiga silliq mushaklarga qo‘shimcha bo‘shashtiruvchi ta’sir ko‘rsatadi. Preparatning uchta komponentini qo‘shilishi, ularning farmalogik ta’sirini o‘zaro kuchayishiga olib keladi, buning oqibatida og‘riqlarni yengillashishi, siliq mushaklarni bo‘shashishi va tana haroratini pasayishi kuzatiladi. Qo‘llanilishi Ichki a’zolarning silliq mushaklarini spazmlaridagi og‘riq sindromi, shu jumladan: jigar, buyrak sanchiqlari, o‘t chiqarish yo‘llarining diskineziyasi, algodismenoreya. Nevralgiya, artralgiya, ishialgiya, mialgiyalarni qisqa muddatli simptomatik davolash. Jarrohlik va diagnostik aralashuvlardan keyingi og‘riqlarni kamaytirish uchun yordamchi vosita sifatida qo‘llanadi. Qo‘llash usuli va dozalari Preparat vena ichiga (v/i) (juda sekin) yoki mushak ichiga (m/i) yuboriladi. Kattalar va 15 yoshdan oshgan o‘smirlar uchun bir martalik doza 2-5 ml ni, sutkalik doza – 10 ml gacha ni tashkil qiladi. Bolalar va chaqaloqlar uchun sutkalik doza tana vaznini hisobga olib belgilanadi. Vena ichiga yuborish: 3-11 oylik 5-8 kg vaznli emizikli chaqaloqlarda qo‘llanmaydi; 1-2 yoshli 9-15 kg vaznli bolalarga – 0,1-0,2 ml; 3-4 yoshli 16-23 kg vaznli bolalarga – 0,2-0,4 ml; 0,3 ml; 5-7 yoshli 24-30 kg vaznli bolalarga – 0,3-0,4 ml; 8-12 yoshli 31-45 kg vaznli bolalarga – 0,5-0,6 ml; 12-15 yoshli 46-53 kg vaznli bolalarga – 0,8-1,0 ml. M/i yuborish: 3-11 oylik 5-8 kg vaznli chaqaloqlarga – 0,1-0,2 ml; 1-2 yoshli 9-15 kg vaznli bolalarga – 0,2-0,3 ml; 3-4 yoshli 16-23 kg vaznli bolalarga – 0,3-0,4 ml; 5-7 yoshli 24-30 kg vaznli bolalarga – 0,4-0,5 ml; 8-12 yoshli 31-45 kg vaznli bolalarga – 0,6-0,7 ml;

Preparat terapevtik dozalarda yaxshi o‘zlashtiriladi. Ba’zida allergik reaktsiyalar: teri toshmasi, Kvinke shishi, juda kam hollarda – anafilaktik shok kuzatilishi mumkin. Bosh aylanishi, taxikardiya, arterial bosimni pasayishi kuzatilishi mumkin. Yakka hollarda – bosh og‘rig‘i, og‘izni qurishi, epigastral sohada achishish. Preparat uzoq vaqt qo‘llanganida suyak ko‘migini shikastlanishi (agranulotsitoz, leykopeniya, trombotsitopeniya) yuz berishi mumkin. Patsiyentni bronxospazmga moyilligi bo‘lganida preparat xurujni qo‘zg‘atishi mumkin. Juda kam hollarda: ter ajralib chiqishini kamayishi, akkomodatsiyaning nim falaji, siyishni qiyinlashishi, xavfli ekssudativ eritema, (Stivens-Djonson sindromi), toksik epidermal nekroliz, (Layell sindromi) kuzatiladi. Mahalliy reaktsiyalar: m/i yuborilganda yuborish joyida infiltrat.

Preparatni boshqa nonarkotik analgetiklar bilan bir vaqtda qo‘llash, toksik samaralarni o‘zaro kuchayishiga olib kelishi mumkin. Tritsiklik antidepressantlar, ichga qabul qilinadigan homilaga qarshi preparatlar, allopurinol metamizol natriyning jigardagi metabolizmini buzadi va uning toksikliligini oshiradi. Metamizol natriy ta’sirini barbituratlar, fenilbutazon va jigar mikrosomal fermentlarining boshqa induktorlari susaytiradi. Preparatni va tsiklosporinni bir vaqtda qo‘llanganda, tsiklosporinning qondagi darajasi pasayadi. Sedativ vositalar va trankvilizatorlar preparatning og‘riq qoldiruvchi samarasini kuchaytiradi. Preparatni xlorpromazin va fenotiazin hosilalari bilan birga qo‘llash og‘ir gipertermiya chaqirishi mumkin.

Jigar va/yoki buyrak funktsiyasini buzilishlari, gipotoniyaga, bronxospazmga moyilligi, nonarkotik analgetiklarga yoki nosteroid yallig‘lanishga qarshi vositalarga yuqori sezuvchanligi bo‘lgan bemorlarga preparatni ehtiyotkorlik bilan va shifokor kuzatuvi ostida qo‘llash lozim. Preparat bilan davolanish davrida alkogol qabul qilish mumkin emas. 2 ml va undan ortiq eritmani yuborishda o‘ziga xos ehtiyotkorlik (arterial bosimni keskin tushib ketishi xavfi tufayli) talab qilinadi. Preparatning yuqori dozalari qo‘llanilganida yoki uni uzoq vaqt qo‘llanganida qon manzarasini va jigar holatini nazorat qilish kerak. Preparatni bolalar va 18 yoshgacha bo‘lgan o‘smirlarga faqat shifokor ko‘rsatmasiga muvofiq qo‘llash lozim. Metamizol metabolitlari siydikni qizil rangga bo‘yashi mumkin. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Sipmtomlari: qusish, ko‘ngil aynishi, og‘izni qurishi, uyquchanlik, ongni chalkashishi, epigastral sohada og‘riq, arterial gipotoniya, jigar va buyrak funktsiyasini buzilishi, tirishishlar. Davolash: me’dani yuvish, faollashtirilgan ko‘mir buyurish, simptomatik davolash.

Inyektsiya uchun eritma 5 ml dan ampulalarda. Saqlash sharoiti Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin. Muzlab qolishdan saqlansin. Yaroqlilik muddati 4 yil. Dorixonalardan berish tartibi Retsept bo‘yicha. Ulashish: 4 148 Views