tiniq rangsiz eritma.

Allergiyaga qarshi vosita.

R06AA02

Ichga qabul qilinganidan keyin preparat me’da-ichak yo‘llarida yaxshi so‘riladi. Biokiraolishligi 50% ni tashkil qiladi. Preparatning ta’siri 15-30 minut davomida yuz beradi, 1 soatdan so‘ng maksimal ta’sirga erishadi va ta’sir davomiyligi 4-6 soatni tashkil qiladi. Qon plazmasi oqsillari bilan faol bog‘lanadi (98%-99%). Organizmning to‘qimalari va suyuqliklarida keng taqsimladi, yo‘ldosh orqali va ko‘krak sutiga o‘tadi. Asosan jigarda difenilmetoksisirka kislotasini hosil bo‘lishi bilan metabolizmga uchraydi; shuningdek boshqa metobolitlarni ham hosil qiladi. Yarim chiqarilish davri 3 soatdan 10 soatni tashkil qiladi. Siydik orqali (asosan o‘zgarmagan ko‘rinishda) 24-48 soat davomida chiqariladi.

Allergik reaktsiyalar (eshakemi, pichan isitmasi, angionevrotik shish), allergik kon’yunktivit, vazomotor rinit; gemorragik vaskulit, zardob kasalligi, qichimali dermotozlar. Uyquning buzilishi (monoterapiya yoki uyqu preparatlari bilan majmuada), xoreya, dengiz va havo kasalligi, homilador ayollardagi qusish, Menyer sindromida qo‘llanadi.

Mushak ichiga 0,01-0,05 g dan 1% li eritma ko‘rinishida, vena ichiga 0,02-0,05 g difengidramin gidroxloridi natriy xloridining 75-100 ml izotonik eritmasida tomchilab yuboriladi. Kattalar uchun mushak ichiga yuqori dozalari: bir martalik 0,05 g (5ml 1% li eritma), sutkalik 0,15 g (15 ml 1% li eritma). Bolalar uchun mushak ichiga yuboriladigan bir martalik dozalari: 1 yoshgacha bo‘lgan bolalarga 0,002-0,005 g; 2 yoshdan 5 yoshgacha 0,005-0,015 g; 5 yoshdan 12 yoshgacha 0,015-0,03 g. Teri ostiga ta’sirlovchi samarasi tufayli yuborib bo‘lmaydi.

Qon va yurak tomir tizimi tomonidan: gipotenziya, yurak urishi, taxikardiya, ekstrasistoliya, agranulotsitoz, trombotsitopeniya, gemolitik anemiya. Me’da-ichak yo‘llari (MIY) tizimi tomonidan: og‘izni qurishi, og‘iz bo‘shlig‘i shilliq pardasining qisqa muddatli uvishishi, anoreksiya, ko‘ngil aynishi, epigastral distress, qusish, diareya, qabziyat. Siydik jinsiy tizimi tomonidan: tez-tez va/yoki siyishni qiyinlashishi, siydik ajralishining kechikishi, erta menstruatsiyalar. Respirator tizimi tomonidan: burun va tomoqning qurishi, burunni bitishi, bronxlar sekretining quyuqlashishi va nafasni qiyinlashishi. Allergik reaktsiyalar: toshma, eshakemi, anafilaktik shok. Boshqalar: ko‘p terlash, et uvishishi, fotosensibilizatsiya, harakat koordinatsiyasining buzilishi. Nojo‘ya ta’sirlari preparatning dozasi kamaytirilganida yoki preparat bekor qilinganida o‘tib ketadi.

O‘ta yuqori sezuvchanlik, yopiq burchakli glaukoma, prostata bezining gipertrofiyasi, me’da va o‘n ikki barmoq ichak yarasi, qovuq bo‘ynining stenozi, bronxial astma, homiladorlik va laktatsiya davrida qo‘llash mumkin emas. Preparatni yurak kasalliklarida va gipertoniya kasalligida vena ichiga va mushak ichiga yuborish tavsiya etilmaydi.

Preparat analgetiklar va psixotrop vositalarining ta’sirini kuchaytiradi, shuning uchun uni tritsiklik antidepressantlar, monoaminoksidaza (MAO) ingibitorlari, barbituratlar, anksiolitiklar, sedativ va uxlatuvchi vositalar, opiat retseptorlarining agonistlari bilan bir vaqtda buyurish tavsiya qilinmaydi. M-xolinobloklovchi vositalarining samarasini kuchaytiradi.

Difengidramin gidroxloridi sedativ va uxlatuvchi ta’sirga ega, shuning uchun  preparatni transport bilan ishlaganda va undan oldin, shuningdek kasbiy faoliyati adekvat ruhiy va harakat reaktsiyalarini talab qiladigan boshqa shaxslarga buyurib bo‘lmaydi; dimedrol bilan davolanish vaqtida alkogolli ichimliklarni iste’mol qilish tavsiya qilinmaydi. Preparatni homiladorlik vaqtida, ayniqsa III uch oyligida qo‘llash tavsiya qilinmaydi. Preparat buyurilganida ona uchun bo‘ladigan terapevtik samara bilan homila uchun potentsial xavfni taqqoslash kerak. Preparatni emizish vaqtida buyurish chaqaloqning markaziy nerv tizimi (MNT) ni paradoksal stimulyatsiyasini chaqirishi mumkin. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Simptomlari: yuqori uyquchanlik, umumiy holsizlik, bosh aylanishi, bosh og‘rig‘i, og‘izning qurishi, ko‘ngil aynishi, qusish, ovqat hazm qilishni buzilishi, koordinatsiyaning buzilishi, hushdan ketish. Davolash: transfuzion davolash o‘tkazish. Vena ichiga prednizolon yuborish. Tirishishlarda – natriy oksibutirati, geksenal. Jadallashtirilgan diurez. Peritoneal dializ. Gemosorbtsiya. Oksigenoterapiya.

Retsept bo‘yicha

Inyektsiya  uchun eritma 1 ml dan ampulalarda. 10 ampuladan qo‘llash bo‘yicha yo‘riqnomasi bilan birga karton qutida.

2 yil