rangsizdan jigarrang tusli, och-sariq rangligacha bo‘lgan tiniq qovushqoq suyuqlik.

Surgi vositasi.

A06AD11

Laktuloza ichga qabul qilingandan keyin yomon so‘riladi va yo‘g‘on ichakka o‘zgarmagan holda tushadi, bu yerda ichak florasi tomonidan metabolizmga uchraydi. 25-50 g yoki 40-75 ml dozalarda to‘liq metabolizmga uchraydi, yuqoriroq dozalarda qisman o‘zgarmagan holda chiqarilishi mumkin.

Qabziyat: yo‘g‘on ichakni bo‘shalishini fiziologik ritmini boshqarish.Ahlatni tibbiy maqsadlarda yumshatish (gemorroy, yo‘g‘on ichakda va anal yorig‘i sohasidagi operatsiyalardan keyingi holatlar).Jigar entsefalopatiyasi: jigar komasi yoki prekomasini davolash va oldini olish uchun qo‘llanadi.

Preparat ichga qabul qilish uchun mo‘ljallangan. Laktuloza eritmasini suyultirilgan holda ham, suyultirmasdan ham qabul qilish mumkin. Qabul qilingan bir martalik dozani og‘izda tutib turmasdan, darhol yutish kerak. Barcha dozalar shaxsiy ravishda tanlanishi lozim. Kuniga bir dozani qabul qilish buyurilgan bo‘lsa, uni aynan bir vaqtda, masalan nonushta vaqtida qabul qilish kerak. Surgi vositalari bilan davolanish vaqtida kuniga yetarli miqdorda suyuqlik (1,5-2 litr, bu 6-8 stakanga to‘g‘ri keladi) qabul qilish tavsiya etiladi. Qabziyatni davolashda va axlatni tibbiy maqsadlarda yumshatish uchun dozalash: Laktulozani sutkalik dozasini bir marta o‘lchov stakanchadan foydalanib yoki ikkiga bo‘lib qo‘llash mumkin. Boshlang‘ich doza preparatni qabul qilishga bo‘lgan reaktsiyaga qarab, bir maromda ushlab turuvchi dozagacha tuzatish kiritish mumkin. Ba’zida davolash samarasi namoyon bo‘lishi uchun bir necha kun (2-3 kun) kerak bo‘lishi mumkin.

Laktulozani qabul qilishning birinchi kunlari meteorizm bo‘lishi mumkin. Odatda u bir necha kundan keyin o‘tib ketadi. Tavsiya etilgan dozalar oshirilganda, qorin sohasida og‘riq, diareya kuzatilishi mumkin, bu dozani kamaytirishni talab qiladi. Odatda jigar entsefalopatiyasini davolashda, yuqori dozalarda uzoq vaqt davomida qo‘llash hollarida patsiyentlarda diareya oqibatida elektrolit muvozanatini buzilishi rivojlanishi mumkin. Nojo‘ya reaktsiyalar haqidagi quyidagi ma’lumotlar spontan xarakterga ega bo‘lib, noaniq o‘lchamdagi populyatsiyadan olingan, shuning uchun ularning tez-tezligi aniq baholashni iloji yo‘q. Me’da-ichak yo‘llari tomonidan buzilishlar: meteorizm, qorinda og‘riq, ko‘ngil aynishi, qusish. Juda yuqori dozalarda qo‘llanilganida – diareya kuzatiladi. Boshqa buzilishlar: diareya oqibatida elektrolit muvozanatini buzilishi.

preparatning har qanday faol komponentiga yoki faol bo‘lmagan komponentlariga yuqori sezuvchanlik.galaktozemiya,ichak tutilishida qo‘llash mumkin emas.

Boshqa dori preparatlari bilan o‘zaro ta’siri bo‘yicha tadqiqot o‘tkazilmagan.

Preparatni qabul qilgandan keyin, bir necha kun davomida terapevtik samara yetarli bo‘lmasa, darhol shifokorga murojaat qilish lozim. Laktozani o‘zlashtiraolmaydigan patsiyentlarga laktulozani ehtiyotkorlik bilan buyurish lozim. Odatda qabziyatni davolash uchun qo‘llaniladigan dozani, qandli diabeti bo‘lgan patsiyentlarda tuzatish kiritish talab etilmaydi. Bolalarni davolashda surgi vositalari kam hollarda va shifokor nazorati ostida qo‘llanishi lozim. Davolanish vaqtida bo‘shalish refleksini buzilishlari ro‘y berishi mumkinligini hisobga olish dozim; MRDfulak laktoza, galaktoza va fruktozaning juda oz miqdorini  saqlashini hisobga olish lozim, shuning uchun galaktoza yoki fruktozani o‘zlashtiraolmaslik, laktoza tanqisligi yoki glyukoza-galaktozani kam so‘rilishi kabi kam uchraydigan nasliy buzilishlari bo‘lgan patsiyentlarga ushbu dori preparatini buyurish mumkin emas. Tuzatilmagan dozalarni doimiy qabul qilish va haddan ziyod iste’mol qilish diareyaga va suv-elektrolit muvozanatini buzilishiga olib kelishi mumkin.

Homilaga yoki emadigan bolaga ta’siri taxmin qilinmaydi, chunki homilador yoki emizikli ayolga laktulozaning tizimli ta’siri juda kam. Homilador ayollarga tegishli ma’lumotlarning (1000 tadan ko‘p ekspozitsiya) ko‘p qismi  laktulozaning feto/neonatal zaharligi va rivojlanish nuqsonlarini chaqirish xususiyati yo‘qligidan dalolat beradi. MRDfulakni homiladorlik vaqtida va emizish davrida buyurish mumkin.

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.

Simptomlari: haddan tashqari yuqori dozalar qabul qilinganida qorinda og‘riq va diareya ro‘y berishi mumkin. Davolash: dozani kamaytirish yoki preparatni qabul qilishni to‘xtatish kerak, diareya yoki qusish oqibatida ko‘p miqdorda suyuqlik yo‘qotilganida elektrolit disbalansiga tuzatish kiritish kerak.

Retseptsiz

667 mg/ml sirop. 200 ml, 500 ml yoki 1000 ml dan polietilen flakonlarda. Flakonga qo‘llash bo‘yicha yo‘riqnomasini saqlagan yorliq yopishtiriladi.

3 yil.