tiniq, rangsiz yoki biroz bo‘yalgan suyuqlik.

Vitamin.

A11GA01 Farmakologik xususiyatlari Yaqqol antioksidant xususiyatlarga ega. Ko‘pchilik biokimyoviy reaktsiyalarda vodorodning tashilishini boshqaradi, uchkarbon kislotalari tsiklida glyukozaning ishlatilishini yaxshilaydi, tetragidrofolat kislotasining hosil bo‘lishida va to‘qimalarning regeneratsiyasida, steroid gormonlar, kollagen, prokollagenning sintezida ishtirok etadi. Hujayralararo moddaning kolloid holatini va kapillyarlarning me’yoriy o‘tkazuvchanligini (gialuronidazani susaytiradi) tutib turadi. Proteolitik fermentlarni faollashtiradi, aromatik aminokislotalar, pigmentlar va xolesterin almashinuvida ishtirok etadi. Jigarda glikogenning to‘planishiga yordam beradi. Jigarda nafas fermentlarini faollashuvi hisobiga uning detoksikatsion va oqsil hosil qilish faoliyatini kuchaytiradi, protrombin sintezini oshiradi. Safro ajralib chiqishini yaxshilaydi, me’da osti bezining tashqi sekretor va qalqonsimon bezining inkretor faoliyatini tiklaydi. Immunologik reaktsiyalarni boshqaradi (antitelolar, S–komplementi komponentini, interferon sintezini faollashtiradi), fagotsitozga yordam beradi, organizmni infektsiyalarga bo‘lgan qarshiligini oshiradi. Yallig‘lanishga qarshi va allergiyaga qarshi ta’sir ko‘rsatadi. Gistaminning ajralib chiqishini tormozlaydi va degradatsiyasini tezlashtiradi, PG va boshqa yallig‘lanish va anafilaksiya mediatorlarini hosil bo‘lishini susaytirdi.

Leykotsitlarga, trombotsitlarga, so‘ngra esa barcha to‘qimalarga oson kiradi; gipofizning orqa bo‘lagida, buyrak usti bezlarining po‘stlog‘i, ko‘z epiteliysi, urug‘ bezlarining oraliq hujayralari, tuxumdonlar, jigar, bosh miya, taloq, me’da osti bezi, o‘pkalar, buyraklar, ichak devori, yurak, mushaklar, qalqonsimon bezida to‘planadi. Asosan jigarda dezoksiaskorbin va keyin shovulsirka va diketogulon kislotalarigacha metabolizmga uchraydi. O‘zgarmagan askorbat va metabolitlari siydik, ahlat, keyin ko‘krak suti bilan chiqariladi. Yuqori dozalarda, plazmadagi kontsentratsiyasi 1,4 mg/dl dan oshiqqa yetganida chiqarilishi keskin kuchayadi, bunday yuqori chiqarilish qabul qilish to‘xtatilganidan keyin ham saqlanishi mumkin. Chekish va etil spirtini istyemol qilish askorbin kislotasini organizmdagi zahiralarini keskin pasaytirib uni parchalanishini (faol bo‘lmagan metabolitlarga aylanishi) tezlashtiradi.

S gipovitaminozi, gemorragik diatez, kapillyarotoksikoz, gemorragik insult, yordamchi vositasi sifatida: qon ketishlari (burun, o‘pka, bachadon va boshqalardan), infektsion kasalliklar, intoksikatsiyalar, alkogolli va infektsion deliriy, o‘tkir nur kasalligi, posttransfuzion asoratlar, jigar (Botkin kasalligi, surunkali gepatitlar va tsirrozlar), me’da-ichak yo‘llarining kasalliklari (axiliya, yara kasalligi, ayniqsa qon ketishidan keyingi, enteritlar, kolitlar, gelmintozlar), xoletsistit, buyrak usti bezlarining yetishmovchiligi (Addison kasalligi), uzoq bitmaydigan yaralar, jarohatlar, suyak sinishlari, distrofiya, jismoniy va aqliy yuklamalar, homiladorlik va laktatsiya, gemosideroz, melanodermiyalar, eritrodermiyalar, psoriaz, surunkali tarqalgan dermatozlar, ateroskleroz, bronxial astma, biriktiruvchi to‘qimaning diffuz kasalliklari (revmatoid artrit, tizimli qizil yugurik, sklerodermiya) va boshqalar; antikoagulyantlar dozasini oshirib yuborish, akonit, anestezin, anilin, antabus, barbituratlar, benzol, dixloretan, kaliy permanganat, metil spirti, margimush, is gazi, sinil kislotasi, sulfanilamidlar, talliy, fenol, xinin bilan zaharlanishda qo‘llanadi.

Mushak ichiga (m/i) yoki vena ichiga (v/i) qo‘llaniladi. Bunda kattalar uchun davolash dozalari sutkada 1-5 ml ni (5%-10% natriyli tuzi eritmasi (askorbinat natriy)) (zaharlanishda 60 ml gacha) tashkil qiladi. Bolalarga sutkada 1-2 ml (5% eritma) buyuriladi. Davolash kursi kasallikning xarakteri va kechishiga bog‘liq. Nojo‘ya ta’sirlari Arterial gipertenziya, moddalar almashinuvini buzilishi, me’da osti bezining insulyar apparati faoliyatini (giperglikemiya, glyukonuriya) va glikogen sintezini susayishi, kapillyarlar o‘tkazuvchanligini va to‘qimalar trofikasini pasayishi, trombotsitoz, giperprotrombinemiya, tromb hosil bo‘lishi, eritrotsitopeniya, neytrofil leykotsitoz, miokard distrofiyasi, buyraklarning glomerulyar apparatini shikastlanishi, allergik reaktsiyalar (shu jumladan anafilaktik shok); uzoq vaqt qabul qilinganida siydik toshlarini hosil bo‘lishi, rux, mis almashinuvini buzilishi, MNT qo‘zg‘aluvchanligini oshishi, uyquni buzilishi, mikroangiopatiyalarni rivojlanishi.

O‘ta yuqori sezuvchanlik, tromboflebit, trombozlarga moyillik, qandli diabetda qo‘llash mumkin emas. Dorilarning o‘zaro ta’siri Qonda salitsilatlar (kristalluriya xavfini oshiradi), etinilestradiol, benzilpenitsillin va tetratsiklinlar kontsentratsiyasini oshiradi, oral kontratseptivlarni – kamaytiradi. Kumarin hosilalarining antikoagulyatsion samarasini kamaytiradi. Ichakda temir preparatlarining so‘rilishini yaxshilaydi. Xinolin qatori preparatlari, kaltsiy xloridi, salitsilatlar, kortikosteroidlar uzoq vaqt qo‘llanganida, S vitaminining zahirasini kamaytiradi.

Homiladorlik va emizish davrida, faqat ona uchun taxmin qilinayotgan foyda homila va bola uchun potentsial havfdan yuqori bo‘lgan holdagina qo‘llanadi. Ona askorbin kislotasini yuqori dozalarda qo‘llanganida nazariy jihatdan bola uchun xavf mavjud (emizikli onaga askorbin kislotani maksimal kundalik talabdan oshirmaslik tavsiya etiladi). Askorbin kislotaga bo‘lgan minimal kundalik talab homiladorlikning ΙΙ-ΙΙΙ uch oyliklarida – taxminan 60 mg ni tashkil qiladi. Shuni ko‘zda tutish lozimki, homila homilador ayol qabul qilayotgan askorbin kislotaning yuqori dozalariga moslashishi mumkin, va so‘ngra yangi tug‘ilgan chaqaloqda “bekor qilish” sindromi rivojlanishi mumkin. Emizish davrida minimal kundalik talab 80 mg ni tashkil qiladi. Onani adekvat miqdorda askorbin kislotasini saqlovchi parhezga amal qilishi, emizikli bolada S vitamini tanqisligini oldini olish uchun yetarlidir.

Retsept bo‘yicha

5% li inyektsiya uchun eritma 2 ml dan neytral shisha ampulalarda. 10 ampuladan PVX plenkali kontur-uyali o‘ramda. Saqlash sharoiti Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin. Yaroqlilik muddati 1 yil.