oq yoki deyarli oq rangli kukun.

antibiotik (karbapenemlar guruhi).

J01DH02

Sog‘lom odamlarda o‘rtacha yarim chiqarilish davri taxminan 1 soatni tashkil etadi; o‘rtacha taqsimlanish hajmi taxminan 0,25 l/kg (11-27 l) ni, o‘rtacha klirens esa 250 mg dozada minutiga 287 ml ni tashkil etadi va 2 g dozada minutiga 205 ml gacha pasayadi. 30 minut davomida yuboriladigan 500, 1000 va 2000 mg li dozalar Cmax ning muvofiq ravishda taxminan 23, 49 va 115 mkg/ml o‘rtacha qiymatlariga olib keladi, bu AUC ning 39,3; 62,3 va 153 mkg*soat/ml ga teng bo‘lgan qiymatlariga mos keladi. 500 va 1000 mg li dozalarni 5 minut davomida infuziyasidan keyin Cmax qiymatlari muvofiq ravishda 52 va 112 mkg/ml ni tashkil etadi. Ko‘p martalik dozalarni buyrak faoliyati normal bo‘lgan patsiyentlarga 8 soatlik interval bilan yuborilganida meropenemni to‘planishi yuz bermaydi. Intraabdominal infektsiyalarni davolash uchun jarrohlik operatsiyasidan keyin meropenem 1000 mg dozada har 8 soatda yuborilgan 12 nafar patsiyentda o‘tkazilgan tadqiqotlar ushbu patsiyentlarda Cmax va yarim chiqarilishi davrining qiymatlari sog‘lom odamlardagi qiymatlar bilan bir xil bo‘lishini, ammo taqsimlanish hajmi 27 l ni tashkil etishini ko‘rsatadi. 1 g meropenemni 2 minut, 3 minut va 5 minut davomida vena ichiga infuziyasi plazmada muvofiq ravishda 110, 91 va 94 mkg/ml ga teng bo‘lgan cho‘qqi kontsentratsiyalariga olib keladi. Taqsimlanishi Meropenemni plazma oqsillari bilan o‘rtacha bog‘lanishi taxminan 2% ni tashkil etadi va uning kontsentratsiyasiga bog‘liq bo‘lmaydi. Meropenem organizmning ayrim suyuqliklari va to‘qimalariga, shu jumladan o‘pka, bronxial sekret, safro, orqa miya suyuqligi, ginekologik to‘qimalar, teri, mushak pardalari, mushaklar va peritoneal ekssudatga yaxshi o‘tadi. Metabolizmi Meropenem mikrobiologik faol bo‘lmagan metabolitni hosil qilgan holda β-laktam halqani gidrolizi yo‘li bilan metabolizmga uchraydi. In vitro sharoitda meropenem odamning degidropeptidaza-I (DGP-I) si bilan gidrolizga nisbatan imipenem bilan taqqoslanganda pasaytirilgan sezuvchanlikni namoyon qiladi, shu sababli DGP-I ingibitorlarini birga qo‘llanilishiga zarurat yo‘q. Chiqarilishi Meropenem asosan o‘zgarmagan ko‘rinishda buyraklar orqali chiqariladi, dozaning taxminan 70% (50-75%) o‘zgarmagan ko‘rinishda 12 soat davomida chiqariladi. Yana 28% mikrobiologik faol bo‘lmagan metabolitlar ko‘rinishida chiqariladi. Ahlat bilan chiqarilishi dozaning faqat 2% ni tashkil etadi. Buyrak klirensini va probenetsid ta’sirini o‘lchash meropenem filtratsiya ham, kanalchalar sekretsiyaga ham uchratilishini ko‘rsatadi. Meropenemni bolalarda va kattalardagi farmakokinetikasi o‘xshash. Meropenemni 2 yoshgacha bo‘lgan bolalarda yarim chiqarilish davri taxminan 1,5-2,3 soatni tashkil etadi, 10-40 mg/kg dozalar diapazonida proportsional bog‘liqlik kuzatiladi. Buyrak yetishmovchiligi bo‘lgan patsiyentlarda farmakokinetikaga doir tadqiqotlar meropenem klirensi kreatinin klirensi bilan o‘zaro bog‘langanligini ko‘rsatadi. Bunday bemorlarda dozaga tuzatish kiritish zarur. Keksa yoshdagi shaxslarda farmakokinetikani o‘rganilishida kreatinin klirensini yoshga doir pasayishi bilan o‘zaro bog‘liq bo‘lgan meropenem klirensini pasayishi aniqlangan. Jigar kasalliklari bo‘lgan patsiyentlarda farmakokinetika tadqiqotlari mazkur patologik o‘zgarishlar meropenem farmakokinetikasiga ta’sir etmasligini ko‘rsatadi.

Vena ichiga yuborish uchun Meropenem preparati bolalar va kattalarda meropenemga sezgir bo‘lgan bitta yoki bir nechta qo‘zg‘atuvchilar keltirib chiqargan quyidagi infektsiyalarni davolash uchun: pnevmoniya, shu gospital pnevmoniyadasiydik chiqarish tizimining infektsiyalaridaqorin bo‘shlig‘ining infektsiyalaridaendometrit va kichik chanoq a’zolarini yallig‘lanishi kabi ginekologik infektsiyalardateri va yumshoq to‘qimalarning infektsiyalaridameningitdaseptitsemiyadakatta yoshdagi patsiyentlarda febril neytropeniya simptomlari bo‘lgan infektsiyaga shubha qilinganida monoterapiya ko‘rinishida yoki viruslarga qarshi yoki zamburug‘larga qarshi vositalar bilan majmuada empirik davolash uchun buyuriladi. Meropenem polimikrob infektsiyalarni davolashda monoterapiya sifatida yoki boshqa antimikrob vositalar bilan majmuada samaradorligini namoyish qildi. Vena ichiga yuborish uchun Meropenem preparati kistozli fibrozi (mukovistsidozi) va quyi nafas yo‘llarining surunkali infektsiyalari bo‘lgan patsiyentlarda monoterapiya sifatida yoki boshqa antibakterial vositalar bilan majmuada samarali qo‘llaniladi. Preparatni pediatriya amaliyotida neytropeniyali yoki birlamchi yoki ikkilamchi immuntanqisligi bo‘lgan patsiyentlarda qo‘llash tajribasi yo‘q.

Dozalar va davolash davomiyligi infektsiyaning turi va og‘irligiga va patsiyentning holatiga bog‘liq holda belgilanishi kerak. Quyidagi sutkalik dozalar tavsiya etiladi: pnevmoniya, siydik chiqarish yo‘llarining infektsiyalari, endometrit kabi ginekologik infektsiyalar, teri va teri tuzilmalarining infektsiyalarini davolashda har 8 soatda vena ichiga 500 mg; gospital pnevmoniyalar, peritonitni davolashda, neytropeniya, shuningdek septitsemiya simptomlari bo‘lgan bemorlarda bakterial infektsiyalarga shubha qilinganida har 8 soatda vena ichiga 1 g. Pseudomonas aeruginosa, Acinetobacter spp keltirib chiqargan infektsiyalarda, shuningdek ushbu qo‘zg‘atuvchilarga shubha qilinganida va qo‘zg‘atuvchi aniqlanmagan hollarda tavsiya etilgan doza kattalar uchun sutkada uch marta 1 g yoki undan ortiq va bolalar uchun sutkada uch marta 40 mg/kg ni tashkil etadi. Kistozli fibrozda (mukovistsidozda) tavsiya etilgan doza har 8 soatda 2 g gachani tashkil etadi. Meningitni davolashda tavsiya etiladigan doza har 8 soatda 2 g ni tashkil etadi. Buyrak faoliyatini buzilishi bo‘lgan kattalarda qo‘llaniladigan dozalari Kreatinin klirensi minutiga 51 ml bo‘lgan patsiyentlarda doza quyidagi tarzda kamaytirilishi kerak:

Tez-tez: trombotsitemiya; bosh og‘rig‘i; ko‘ngil aynishi, qusish, diareya; qon zardobida alaninaminotransferaza, aspartataminotransferaza, ishqoriy fosfataza, laktat-degidrogenaza va γ-glutamiltransferaza kontsentratsiyasini oshishi; toshma, qichishish; yuborilgan joyida yallig‘lanish va og‘riq. Tez-tez emas: og‘iz bo‘shlig‘i kandidozi va vaginal kandidoz; eozinofiliya, trombotsitopeniya, leykopeniya, neytropeniya; paresteziyalar; qon zardobida bilirubin kontsentratsiyasini oshishi; eshakemi; tromboflebit. Kam hollarda: tirishishlar; agranulotsitoz. Juda kam hollarda: gemolitik anemiya; Kvinke shishi, anafilaksiyani namoyon bo‘lishi; soxtamembranoz kolit; ko‘p shaklli eritema, Stivens-Djonson sindromi va toksik epidermal nekroliz.

homiladorlik va laktatsiya davrida;anamnezda meropenemga va preparatning boshqa komponentlariga, shu jumladan boshqa beta-laktam antibakterial vositalariga yuqori sezuvchanlikda;3 oylikkacha bo‘lgan bolalarda (mazkur guruhdagi patsiyentlarda preparat samaradorligi va xavfsizligi o‘rganilmagan) qo‘llash mumkin emas. Ehtiyotkorlik bilan: Meropenem preparatini potentsial nefrotoksik preparatlar bilan bir vaqtda buyurilganda. Me’da-ichak kasalliklari bo‘lgan, ayniqsa kolitlar bilan xastalangan shaxslarda ehtiyotkorlik bilan qo‘llash lozim.

Probenetsid buyrak ekskretsiyasini ingibitsiya qilgan va plazmada Meropenem preparatining yarim chiqarilishi davri va kontsentratsiyasi oshishini keltirib chiqargan holda faol kanalchalar sekretsiya uchun Meropenem preparati bilan raqobatlashadi. Probenetsidsiz yuboriladigan Meropenem preparatining samaradorligi va ta’sir etish davomiyligi adekvat bo‘lganligi sababli, probenetsidni Meropenem preparati bilan birga yuborish tavsiya etilmaydi. Boshqa preparatlarning oqsillar bilan bog‘lanishiga Meropenem preparatini ehtimol qilingan ta’siri yoki metabolizmi o‘rganilmagan. Meropenem preparatini oqsillar bilan bog‘lanishi past (taxminan 20%) bo‘lib, plazma oqsillaridan siqib chiqarilishiga asoslangan boshqa preparatlar bilan o‘zaro ta’siri bo‘lmasligi taxmin qilinadi. Meropenem qon zardobida valproat kislotasi darajasini kamaytirishi mumkin. Valproat kislotasi/natriy valproatini Meropenem preparati bilan bir vaqtda qo‘llanilishi tavsiya etilmaydi. Boshqa preparatlarni qabul qilish vaqtida Meropenem preparatini qo‘llanilishi noxush farmakologik o‘zaro ta’sirlar rivojlanishi bilan kechmagan. Biroq kutilishi mumkin bo‘lgan dorilarning o‘zaro ta’siri haqidagi maxsus ma’lumotlar yo‘q.

Meropenem preparatidan monoterapiya sifatida foydalanilganida boshqa antibiotiklarni qo‘llashdagi kabi, Pseudomonas aeruginosa keltirib chiqaruvchi quyi nafas yo‘llarining aniqlangan infektsiyasi bo‘lgan og‘ir holatdagi patsiyentlarda yoki unga shubha qilinganida ushbu antibiotikka sezgirlikka oid test muntazam ravishda o‘tkazilishi va qo‘llanilishida ehtiyotkorlikka rioya qilinishi tavsiya etiladi. Meropenem preparati qo‘llanilganida kam hollarda deyarli barcha antibiotiklarni qo‘llashdagi kabi soxtamembranoz kolit rivojlanishi kuzatilib, u og‘irlilik darajasi bo‘yicha yengildan to hayotga xavf soluvchi shaklda o‘zgaruvchan bo‘lishi mumkin. Shu sababli me’da-ichak kasalliklari bo‘lgan, ayniqsa koliti bo‘lgan patsiyentlarga antibiotiklar ehtiyotkorlik bilan buyurilishi kerak. Meropenem preparatini qabul qilish fonida diareya rivojlangan holda «soxtamembranoz kolit» tashhisini nazarda tutish muhim. Garchi tadqiqotlar Clostridium difficile tomonidan ishlab chiqariladigan toksin antibiotikni qo‘llash bilan bog‘liq kolitlarning asosiy sabablaridan biri bo‘lishini ko‘rsatsa ham, shunga qaramay boshqa sabablarni ham nazarda tutish zarur. Boshqa karbapenemlar va beta-laktam antibiotiklar, penitsillinlar va tsefalosporinlar o‘rtasida qisman kesishgan allergogenlik haqidagi ma’lumotlar mavjud. Meropenem preparati bilan davolash boshlanishidan oldin anamnezda beta-laktam antibiotiklarga yuqori sezuvchanlik reaktsiyalariga alohida e’tibor qaratgan holda patsiyentni sinchiklab so‘rash zarur. Anamnezda bunday holatlar ko‘rsatilgan patsiyentlarda Meropenem ehtiyotkorlik bilan qo‘llanilishi kerak. Agar Meropenemga nisbatan allergik reaktsiya yuzaga kelgan bo‘lsa, u holda preparat yuborilishini to‘xtatish va tegishli choralarni ko‘rish zarur. Meropenem preparatini jigar kasalliklari bo‘lgan patsiyentlarda qo‘llanilishi transaminazalar va bilirubin darajasini sinchkov nazorat ostida o‘tkazilishi kerak. Boshqa antibiotiklarni qo‘llash hollaridagi kabi sezgir bo‘lmagan mikroorganizmlarning ustuvor o‘sishi bo‘lishi mumkin, shuning uchun patsiyentni doimiy ravishda kuzatish zarur. Preparatni metitsillinga rezistent bo‘lgan stafilokokk keltirib chiqaradigan infektsiyalarda qo‘llash tavsiya etilmaydi. Homiladorlik va laktatsiya davrida Ayollarda homiladorlik davrida Meropenem preparatini qo‘llash xavfsizligi o‘rganilmagan. Meropenem homiladorlik davrida qo‘llanilmasligi kerak, uni qo‘llashdagi potentsial foyda homilaga uchun xavfdan yuqori bo‘lgan hollar bundan mustasno. Har bir holatda preparat to‘g‘ridan-to‘g‘ri shifokor kuzatuvi ostida qo‘llanilishi kerak. Meropenem emizikli ayollarda qo‘llanilmasligi kerak, uni qo‘llashdagi potentsial foyda bola uchun xavfdan yuqori bo‘lgan hollar bundan mustasno. Laktatsiya davrida preparatni qo‘llash zarurati bo‘lganida emizishni to‘xtatish haqidagi masalani ko‘rib chiqish lozim. Pediatriyada qo‘llanilishi 3 oylikkacha bo‘lgan bolalarda preparat samaradorligi va o‘zlashtiraolinishi baholanmagan, shuning uchun mazkur yoshdan kichik bo‘lgan bolalarda preparatni qo‘llash tavsiya etilmaydi. Jigar va buyrak faoliyati buzilishlari bo‘lgan bolalarda, neytropeniyali yoki birlamchi va ikkilamchi immun tanqisligi bo‘lgan patsiyentlarda preparatni qo‘llash tajribasi yo‘q. Transport vositasini boshqarish va potentsial xavfli mexanizmlar bilan ishlash qobiliyatiga dori vositasini ta’sirining o‘ziga xos xususiyatlari Avtomobilni boshqarish va boshqa texnika vositasi bilan ishlash qobiliyatiga Meropenem preparatini ta’siriga doir maxsus tadqiqotlar o‘tkazilmagan, biroq Meropenem preparati qo‘llanilganida bosh og‘rig‘i, tirishishlar va paresteziya rivojlanishi mumkinligini hisobga olish lozim. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.

Davolash vaqtida, ayniqsa buyrak faoliyati buzilishi bo‘lgan patsiyentlarni davolashda doza tasodifan oshirib yuborilishi mumkin. Simptomlari: preparatning nojo‘ya ta’sirlari kuchayishi mumkin. Davolash: simptomatik. Buyrak faoliyati normal bo‘lgan patsiyentlarda preparatni siydik bilan tezda chiqarilishi yuz beradi. Buyrak buzilishlari bo‘lgan patsiyentlarda gemodializ samarali bo‘ladi.

20 ml sig‘imli tiniq shisha flakon qalpoqchasi hamda birinchi marta ochish nazorati bilan birga. Har bir flakon qo‘llash bo‘yicha yo‘riqnomasi bilan karton qutiga joylangan.

2 yil.