oq rangdan och sariq ranggacha bo‘lgan torpeda shaklidagi suppozitoriylar.

Ginekologiyada qo‘llaniladigan infektsiyaga qarshi va antiseptik vositalar. Imidazol hosilalari.

G01AF01

Intravaginal yuborilganidan keyin tizimli kirishi minimal bo‘ladi. Plazmadan yarim chiqarilishi davri 8-10 soatni tashkil etadi. Plazma oqsillari bilan bog‘lanishi sezilarli emas (20% dan kam). O‘pka, buyraklar, jigar, safro, orqa miya suyuqligi, teri, so‘lak va vaginal sekretga tezda va yaqqol ifodalangan holda o‘tadi. Yo‘ldosh to‘sig‘i orqali va ko‘krak sutiga o‘tadi. Metabolizm asosan jigarda yuz beradi: 2 ta kon’yugatsiyaga uchramagan oksidlangan faol metabolit (faollikning 5–30%) hosil bo‘ladi. Chiqarilishi – asosan buyraklar orqali chiqariladi: qabul qilingan dozaning 35–65% metronizadol va uning oksdlangan metabolitlari ko‘rinishida siydik bilan chiqariladi.

Trixomoniaz va nospetsifik vaginitni mahalliy davolashda qo‘llaniladi.

MIY tomonidan: epigastriyda og‘riq, ko‘ngil aynishi, qusish, diareya;og‘iz bo‘shlig‘i shilliq qavatining yallig‘lanishi, og‘iz qurishi bilan kechuvchi glossit, stomatit, ta’m sezishni buzilishlari (metall ta’mi), anoreksiya, til karash bilan qoplanishi;juda kam hollarda – qaytuvchan tabiatga ega bo‘lgan pankreatit hollari. Teri va uning hosilalari tomonidan: giperemiya bilan kechuvchi qizib ketish hissi, qichishish, isitma bilan kechuvchi toshma;eshakemi, angionevrotik shish, kam hollarda – anafilaktik shok;yakka hollarda pustulyoz toshma, ko‘p shaklli eritema. Nerv tizimi tomonidan: periferik sensor neyropatiya;bosh og‘rig‘i, tirishishlar, bosh aylanishi, ataksiya, uyquchanlik;juda kam hollarda – entsefalopatiya (masalan, ongni xiralashishi, tana haroratining ko‘tarilishi, yorug‘likka yuqori darajada sezuvchanlik, qiyshiq bo‘yin, gallyutsinatsiyalar, falaj, ko‘rish va harakatlanishning buzilishlari) va nimo‘tkir kichik miyaga oid sindromi (masalan, ataksiya, dizartriya, qadam tashlashning buzilishi, nistagm, tremor), ular preparat qabul qilinishi to‘xtatilganidan keyin yo‘qolishi mumkin;aseptik meningit. Ruhiyat tomonidan: ruhiy buzilishlar, shu jumladan ongni xiralashishi, gallyutsinatsiyalar, tushkun kayfiyat. Ko‘rish a’zosi tomonidan: diplomiya, miopiya, ko‘rishni noaniqligi, ko‘rish o‘tkirligining pasayishi, rang ajratishni o‘zgarishi kabi ko‘rishning vaqtinchalik buzilishlari;optik neyropatiya/nevrit. Qon tomonidan: yakka hollarda – agranulotsitoz, neytropeniya va trombotsitopeniya, pantsitopeniya, leykopeniya. Jigar va o‘t chiqarish yo‘llari tomonidan: yakka hollarda – jigar fermentlari (AST, ALT, ishqoriy fosfataza) darajalarining oshishi, xolestatik yoki aralash gepatit va jigar hujayralarining (gepatotsitlarning) gohida sariqlik bilan kechadigan shikastlanishi;jigar yetishmovchiligi hollari haqida xabar berilgan bo‘lib, unda metronidazol va boshqa antibiotiklar bilan davolangan patsiyentlarda jigarni ko‘chirib o‘tkazish zarur bo‘lgan. Tayanch-harakat apparati va biriktiruvchi to‘qima tomonidan: juda kam hollarda – mialgiya, artralgiya. Boshqa nojo‘ya reaktsiyalari: tana haroratini oshishi. Davolash vaqtida siydik qizil-jigarrang tus olishi mumkin, bu metronidazol metabolizmi mahsuloti bo‘lgan suvda eriydigan pigmentlarning ishtirokidan kelib chiqadi.

Metronidazol yoki imidazolning boshqa hosilalariga yuqori sezuvchanlikda qo‘llash mumkin emas. Mistol® preparatini disulfiram bilan majmuada buyurish yoki alkogol bilan bir vaqtda qabul qilish tavsiya etilmaydi.

Disulfiram: metronidazol va disulfiramni bir vaqtda qabul qilgan patsiyentlarda deliriy bilan kechuvchi o‘tkir tranzitor buzilishlar (o‘tkir deliriy xuruji, ongni xiralashishi) hollari haqida xabar berilgan. Alkogol: disulfiramga o‘xshash reaktsiya (giperemiya, eritema, qusish, taxikardiya) yuzaga kelishi ehtimoli tufayli, davolash vaqtida va davolash yakunlanganidan keyin eng kamida yana bir kun davomida alkogolli ichimliklarni iste’mol qilmaslik va tarkibida alkogolni saqlovchi preparatlarni qabul qilish mumkin emas. Antikoagulyantlar bilan peroral davolash (varfarin): antikoagulyant ta’sirini kuchayishi va jigar metabolizmi pasayishi keltirib chiqaradigan qon ketishlarning yuqori xavfi mavjud. Protrombin va XNN (xalqaro normallashgan nisbat) darajalarini tez-tez nazorat qilish zarur. Metronidazolni qabul qilish vaqtida va uni qo‘llash bekor qilinganidan keyin 8 kun davomida peroral antikoagulyant dozasiga tuzatish kiritish tavsiya etiladi. Litiy: metronidazol qabul qilinganida qon plazmasida litiy darajasi oshishi mumkin. Litiy va metronidazolni bir vaqtda qabul qilayotgan patsiyentlarda qon plazmasida litiy, kreatinin va elektrolitlar kontsentratsiyalarini nazorat qilish zarur. Tsiklosporin: qon plazmasida tsiklosporin darajasining oshishi xavfi mavjud. Agar preparatlarni bir vaqtda qabul qilish zarur bo‘lsa, tsiklosporin va kreatinin darajalarini sinchkovlik bilan tekshirish lozim. Fenitoin yoki fenobarbital: qon plazmasida metronidazol darajasi pasayishini keltirib chiqaradi. 5–Fluorouratsil: 5-fluorouratsil klirensini pasayishi uning toksikligi oshishini keltirib chiqaradi. Busulfan: metronidazol qon plazmasida busulfan darajalarini oshirishi mumkin, bu busulfanning sezilarli toksik ta’siriga olib kelishiga qodir. Xalqaro normallashgan nisbatning (XNN) o‘zgarishi: antibakterial davolashni qabul qilgan patsiyentlarda peroral antikoagulyantlar faolligi oshishining ko‘p sonli hollari qayd etilgan. Bunda infektsiyalar yoki yaqqol ifodalangan yallig‘lanishning mavjudligi, yosh va salomatlikning umumiy holati shunday asoratlarga moyillikni keltirib chiqaruvchi xavf omillari bo‘lib hisoblanadi. Ushbu holatlarda infektsiyaning o‘zi yoki uni davolash XNN muvozanati buzilishiga qanchalik ta’sir qilishini aniqlash qiyin kechadi. Biroq antibiotiklarning ayrim sinflari, xususan ftorxinolonlar, makrolidlar, tsiklinlar, trimoksazol va ayrim tsefalosporinlar bunda katta ahamiyat kasb etadi. Laboratoriya tekshiruvlarining natijalari: metronidazol treponemalarni immobilizatsiya qilishga qodir, bu yanglish holda musbat Nelson testiga olib keladi.

Metronidazol aerob yoki fakultativ anaerob bakteriyalarga bevosita ta’sir ko‘rsatmaydi. Metronidazol 10 kundan ko‘p vaqt davomida va bir yilda 2 yoki 3 martadan ko‘p buyurilmasligi kerak. Metronidazol bilan davolash vaqtida alkogolni iste’mol qilishdan saqlanish lozim (antabus samara). Trixomonad infektsiyasining eliminatsiyasidan keyin gonokokk infektsiyasini doimiy kechishi ehtimoli mavjud. Gemodializ o‘tkazilayotgan patsiyentlarda metronidazol va uning metabolitlari gemodializ o‘tkazilganidan keyin 8 soat davomida chiqariladi, shu sababli metronidazolni gemodializ o‘tkazilganidan keyin darhol qabul qilish zarur. Peritoneal dializ o‘tkazilayotgan buyrak yetishmovchiligi bo‘lgan patsiyentlarda dozaga tuzatish kiritish talab qilinmaydi. Agar patsiyentda ataksiya, bosh aylanishi yoki ongni xiralashishi yuzaga kelsa, preparat qo‘llanilishini bekor qilish zarur. Periferik yoki markaziy nerv tizimining og‘ir, surunkali yoki rivojlanib boruvchi kasalliklari bo‘lgan patsiyentlarda nevrologik status zo‘rayishi xavfini e’tiborga olish lozim. Anamnezda gematologik buzilishlari bo‘lgan yoki preparatni yuqori dozalarda va/yoki uzoq vaqt davomida qabul qilayotgan patsiyentlarda muntazam ravishda, ayniqsa leykotsitlar miqdorini aniqlash uchun qon tahlillarini o‘tkazish zarur. Mistol® preparatini jigar entsefalopatiyasi bo‘lgan patsiyentlarda ehtiyotkorlik bilan qo‘llash lozim. Jigar entsefalopatiyasi bo‘lgan patsiyentlarda sutkalik dozani uchdan biriga kamaytirish zarur va sutkada 1 marta qabul qilish mumkin. Leykopeniyali patsiyentlarda preparat bilan davolashni davom ettirish imkoniyati infektsiya kasalligi kechishining og‘irligiga bog‘liq bo‘ladi. Preparat bilan uzoq muddat davolanganda patsiyentni markaziy yoki periferik neyropatiya (paresteziya, ataksiya, bosh aylanishi, tirishishlar) kabi nojo‘ya reaktsiyalarning belgilari paydo bo‘lishi yuzasidan nazorat qilish zarur. Metronidazol siydikni to‘q rangga bo‘yashi (faol metabolit hisobiga) mumkinligi haqida patsiyentlarga xabar berish zarur. Prezervativlar yoki diafragmalardan foydalanilganida vaginal suppozitoriylarni qo‘llash lateks yorilishi xavfini oshirishi mumkin.

Homiladorlik davri Klinik ma’lumotlar metronidazol bilan bog‘liq hech qanday teratogen yoki fetotoksik ta’sirlarni namoyon qilmagan. Biroq, bunday xavfning mavjud emasligi faqat epidemiologik tadqiqotlar bilan tasdiqlanishi mumkin. Shu munosabat bilan homiladorlik davrida metronidazolni faqat zarurat bo‘lganida buyurish mumkin. Laktatsiya davri Metronidazol ko‘krak sutiga ajraladi. Shuning uchun emizish davrida ushbu dori preparatini qo‘llashdan saqlanish zarur.

Leykopeniya, neyropatiya, ataksiya, qusish, yengil dezoriyentatsiya kuzatilishi mumkin. Metronidazolning o‘ziga xos antidoti noma’lum bo‘lganligi tufayli, simptomatik davolashni amalga oshirish tavsiya etiladi. Chiqarilish shakli 5 vaginal suppozitoriylar PVX/PE stripda, 2 strip tibbiyotda qo‘llash bo‘yicha yo‘riqnomasi bilan karton qutiga joylangan. Saqlash sharoiti 25°S dan yuqori bo‘lmagan haroratda, quruq, yorug‘likdan himoya qilingan joyda saqlansin.

Retsept bo‘yicha

2 yil.