oq, oval (torpeda shaklida), qavariq suppozitoriylar.

mahalliy qo‘llash uchun zamburug‘larga qarshi dori vositasi.

G01AF04.

1200 mg mikonazol nitratini o‘z ichiga olgan bir suppozitoriy intravaginal yuborilganidan keyin plazmadagi o‘rtacha maksimal kontsentratsiyasi 10,4 mkg/l, yarim chiqarilish davri 56,8 soatni, plazmadagi kontsentratsiya-vaqt egri chizig‘i ostidagi o‘rtacha maydoni (AUC) soatiga 967 mkg/l ni, plazma oqsillari bilan bog‘lanishi esa – 90-93% ni tashkil etadi. Intravaginal yuborilganida mikonazol nitrati juda oz miqdorda (bir dozaning taxminan 1,4%) so‘riladi.

Mikotran® vaginal suppozitoriylari bir martalik dozada vulvovaginal kandidozni davolashda qo‘llanadi. Shuningdek Mikotran® vaginal suppozitoriylari zamburug‘li vaginal infektsiyalarini (ayniqsa Candida spp. tomonidan chaqirilgan infektsiyalarni), shuningdek zamburug‘lar va grammusbat bakteriyalar (ikkilamchi infektsiyani olib keluvchi stafilokokklar, streptokokklar va mikokokklar) tomonidan chaqirilgan aralash infektsiyalarni davolashda ishlatiladi.

Mikotran® vaginal suppozitoriylari vulvovaginal kandidozni davolashda bir marta qo‘llanadi, 1 vaginal suppozitoriy bir marta uyqudan oldin qinga chuqur qilib kiritiladi. Zarurat tug‘ilganida preparatni uch kundan keyin takroran qo‘llash mumkin. Preparatni shifokor bilan maslahatlashmasdan qo‘llanmasin. Mikotran® vaginal suppozitoriylarini, samaradorligini pasayishi mumkinligini yoki uni yuborishdagi qiyinchiliklarni nazarda tutib, hayz ko‘rish davrida qo‘llash tavsiya etilmaydi. Vaginal suppozitoriylarni qo‘llashdan oldin qo‘llarni yuving va quriting. Gorizontal holatda yoting va oyoqlaringizni biroz ko‘taring. Suppozitoriyni qinga iloji boricha chuqurroq yuboring. Yotgan holatda yarim soat davomida qolishga harakat qiling. Vaginal suppozitoriylarni qo‘llagandan keyin qo‘llarni yana yuving. Keksa yoshdagi (65 yoshdan oshgan) patsiyentlar: Yoshroq patsiyentlar uchun tayinlanganidek tavsiyalar beriladi. Bolalar: Bolalarga buyurilmaydi. Qiz bolalarda qo‘llanmasin. Yutish va boshqa usul bilan qo‘llash mumkin emas.

Mikotran® vaginal suppozitoriylari yuborilganidan keyin ayrim patsiyentlarda (2-6%) qinda achishish va qichishish kabi vaginit simptomlari kuchayishi mumkin. Bundan tashqari, chanoq mushaklarini spazmlari (2%), bosh og‘riqlari (1,3%), shuningdek juda kam hollarda – eshakemi kuzatilishi mumkin. Noxush  samaralar paydo bo‘lganida shifokorga murojaat qiling!

Preparatning biron-bir komponentiga yuqori sezuvchanlikda qo‘llash mumkin emas.

Mikonazol nitratini boshqa dori vositalari bilan o‘zaro ta’sir ehtimolini pastligiga qaramay, Mikotran® vaginal suppozitoriylarini quyidagi dori vositalari bilan birga qo‘llanganda o‘zaro ta’siri bo‘lishi mumkinligini hisobga olish lozim: Astemizol, tsizaprid va terfenadin: mikonazol bu moddalarning metabolizmini susaytiradi va ularning plazmadagi kontsentratsiyasini oshiradi. Karbamazepin: karbamazepinning metabolizmini susaytiradi.

Mikotran® vaginal suppozitoriylarini vulvovaginal kandidozdagi samaradorligini hisobga olib, biomaterialni KON yordamida mikroskopik tekshiruvini o‘tkazish va/yoki kultural tekshirish usuli yordamida “vulvovaginal kandidoz” tashxisini tasdiqlash kerak. Suppozitoriylarning asosi ta’sirida rezinani shikastlanishi ehtimolini nazarda tutib, suppozitoriylarni kontratseptiv diafragmalar va prezervativlar bilan bir vaqtda ishlatish tavsiya qilinmaydi. Kontratseptiv diafragma va prezervativlar vaginal suppozitoriylar qo‘llanganidan keyin 3 kun o‘tgach ishlatilishi mumkin. Mikotran® vaginal suppozitoriylari qo‘llanganda tamponlar ishlatilmaydi.

Homiladorlik Mikotran® vaginal suppozitoriylarini homiladorlikning I uch oyligida ishlatilishi yuzasidan yetarli ma’lumotlarni yo‘qligini nazarda tutib, preparat mazkur davrda qo‘llanmaydi. Mikotran® vaginal suppozitoriylarini homiladorlikning II va III uch oyligida o‘tkir zarurat tug‘ilgan hollarda shifokor kuzatuvi ostida qo‘llash mumkin. Laktatsiya Mikotran® vaginal suppozitoriylarini emizikli onalarda qo‘llashni ta’siri aniq aniqlanmagan. Preparat bolalar ololmaydigan joyda saqlansin va o‘ramda ko‘rsatilgan yaroqlilik muddati o‘tgach ishlatilmasin.

25oS dan past bo‘lgan xona haroratida, original o‘ramida saqlansin.

Mikotran® vaginal suppozitoriylarining katta miqdori behosdan tasodifan ichga qabul qilib yuborilganida bemorda sun’iy ravishda qusishni chaqirish va me’dani yuvishni o‘tkazish kerak. Maxsus antidoti yo‘q, simptomatik davolash buyuriladi. Mikonazol nitratining dozasini oshirib yuborilish simptomlari: og‘iz bo‘shlig‘i va tomoqda achishish hissi, anoreksiya, ko‘ngil aynishi, qusish, bosh og‘rig‘i, diareya yuz berishi mumkin.

Retsept bo‘yicha beriladi

Mikotran® vaginal suppozitoriylari, 1 dona plastik blisterda. 1 blister qo‘llash bo‘yicha yo‘riqnomasi bilan birga karton qutiga joylangan.

2 yil.