Metsetam 800 mg: uzunchoq, ikki tomonlama qavariq, bir tomonida bo‘lish uchun riskasi bo‘lgan, to‘q sariq rangli plyonka qobiq bilan qoplangan tabletkalar. Metsetam 1200 mg: uzunchoq, ikki tomonlama qavariq, bir tomonida bo‘lish uchun riskasi bo‘lgan, oq yoki deyarli oq rangli plyonka qobiq bilan qoplangan tabletkalar.

boshqa psixostimulyatsiya qiluvchi va nootrop vositalar.

N06VX03

Piratsetam ichga qabul qilinganida tez va deyarli to‘liq so‘riladi. Qon plazmasida maksimal darajasiga qabul qilinganidan so‘ng 1,5 soat davomida erishadi. Peroral yuborilganida, “kontsentratsiya-vaqt” egri chizig‘i ostidagi maydon (AUC) bo‘yicha baholangan biokiraolishlik darajasi kapsulalar, tabletkalar va eritma uchun 100% ga yaqin. Plazmada maksimal darajasi va (AUC) yuborilgan dozaga proportsionaldir. Yoshroq katta yoshdagi erkaklarda piratsetamning taqsimlanish hajmi 0,7 l/kg ni tashkil etadi, plazmadan yarim chiqarilish davri esa 5 soatni tashkil etadi. Piratsetam gematoentsefalik va yo‘ldosh to‘siqlari orqali o‘tadi va gemodializda ishlatiladigan membranalar orqali o‘tadi. Piratsetamning metabolitlari aniqlanmagan. Piratsetam deyarli butunlay siydik bilan chiqariladi, organizmdan siydik bilan chiqariladigan dozaning bir qismi yuborilgan dozaga bog‘liq emas. Yarim chiqarilish davrining qiymatlari plazma/qondagi ma’lumotlari bo‘yicha hisoblangan qiymatlar bilan moslashtiriladi. Piratsetamning klirensi kreatinin klirensiga bog‘liq va kutilganidek, buyrak yetishmovchiligida kamayadi.

turli genezli kognitiv buzilishlar;mioklonusda qo‘llanadi.

Metsetam ichga ovqat vaqtida yoki och qoringa suyuqlik bilan qabul qilinadi. Mioklonus: davolash sutkada 7,2 g doza bilan boshlanadi, har 3-4 kunda dozasi sutkada 24 g maksimal dozagacha erishilgunigacha, sutkada 4,8 g ga oshiriladi, 2-3 marta qabul qilishga bo‘linadi. Davolash butun kasallik davomida davom ettiriladi. Har 6 oyda preparatning dozasini kamaytirishga yoki bekor qilishga harakat qilish kerak, buning uchun dozasi har 2 kunda sutkada 1,2 g ga asta-sekin (Lans-Adams sindromida to‘satdan tirishishlarni qaytalanishi ehtimolini bartaraf qilish maqsadida har 3-4 kunda) kamaytiriladi. Turli genezli kognitiv buzilishlarni simptomatik davolash: davolashning birinchi haftasi davomida boshlang‘ich dozasi sutkada 4,8 g ni tashkil etadi, bir necha qabulga bo‘linadi; keyinchalik sutkada 2,4 g dozada qabul qilinadi, 2 yoki 3 marta qabul qilishga bo‘linadi, dozasi sutkada 1,2 gacha kamaytirilishi mumkin. Buyrak faoliyatini buzilishi bo‘lgan patsiyentlarda qo‘llanishi Buyrak faoliyatini buzilishi bo‘lgan patsiyentlarga klirens kreatinini (KK) ning kattaligiga qarab dozalash tartibiga tuzatish kiritish talab etiladi. Dozalash keltirilgan jadvalga muvofiq amalga oshiriladi. Ushbu jadvaldan foydalanilganda KK quyidagi formula bo‘yicha ml/min da hisoblangan: KKe (erkaklar) = tana vazni, [kg] × (140 – yoshi)/(72 × zarbod kreatinini [mg/dl]). KKa (ayollar) = 0,85 × KKe.

Noxush reaktsiyalarning uchrash tezligini quyida keltirilgan ko‘rsatkichlari quyidagi tarzda aniqlangan: tez-tez (≥ 1/100, ammo < 1/10), tez-tez emas (≥ 1/1000, ammo < 1/100), uchrash tezligi noma’lum (mavjud bo‘lgan ma’lumotlar asosida uchrash tezligini aniqlash mumkin emas). Qon va limfa tizimi tomonidan: uchrash tezligi noma’lum – gemorragik buzilishlar. Immun tizimi tomonidan: uchrash tezligi noma’lum – anafilaktoid reaktsiyalar, o‘ta yuqori sezuvchanlik. Ruhiyat tomonidan: tez-tez – asabiylik; tez-tez emas – depressiya; uchrash tezligi noma’lum – qo‘zg‘aluvchanlik, bezovtalik, ongni chalkashishi, gallyutsinatsiyalar. Nerv tizimi tomonidan: tez-tez – giperkineziya; tez-tez emas – uyquchanlik; uchrash tezligi noma’lum – ataksiya, muvozanatni buzilishi, tutqanoqni zo‘rayishi, bosh og‘rig‘i, uyqusizlik. Eshitish va muvozanat a’zolari tomonidan: uchrash tezligi noma’lum – bosh aylanishi. Me’da-ichak yo‘llari tomonidan: uchrash tezligi noma’lum – ko‘ngil aynishi, qusish, qorinda og‘riq, diareya. Teri va teri osti to‘qimalari tomonidan: uchrash tezligi noma’lum – angionevrotik shish, dermatit, qichishish, eshakemi. Umumiy buzilishlar va yuborilgan joydagi reaktsiyalar: tez-tez emas – asteniya. Instrumental tekshirishlar: tez-tez – tana vaznini oshishi.

piratsetamga yoki preparatning boshqa komponentlariga o‘ta yuqori sezuvchanlik;pirrolidon hosilalariga o‘ta yuqori sezuvchanlik;gemorragik insult;og‘ir darajadagi buyrak yetishmovchiligi (KK < 20 ml/min);Gentington xoreyasida qo‘llash mumkin emas.

Farmakokinetik o‘zaro ta’sirlar Boshqa dori vositalarning ta’sirida piratsetamning farmakokinetikasini o‘zgarish ehtimoli past, chunki preparatning 90% siydik bilan o‘zgarmagan holda chiqariladi. In vitro sharoitlarida piratsetam 142, 426 va 1422 mkg/ml kontsentratsiyalarda tsitoxrom R450 ning CYP 1A2, 2B6, 2C8, 2C9, 2C19, 2D6, 2E1 va 4A9/11 izofermentlarini ingibitsiya qilmaydi. 1422 mkg/ml kontsentratsiyalarda qo‘llanganida CYP 2A6 (21%) va 3A4/5 (11%) minimal ingibitsiyasi kuzatilgan. Biroq, ingibitsiyaning yuqori konstanta qiymatiga, ehtimol, yanada yuqoriroq kontsentratsiyasida erishish mumkin. Shunday qilib, piratsetamni boshqa preparatlar bilan metabolik o‘zaro ta’sir qilish ehtimoli kam. Qalqonsimon bez gormonlari Piratsetam qalqonsimon bez ekstrakti (T3+T4) bilan bir vaqtda qo‘llanganida ongni chalkashishi, ta’sirchanlik va uyquni buzilishi yuzasidan xabarlar olingan. Atsenokumarol Qaytalanuvchi venoz tromboz bo‘lgan patsiyentlarda o‘tkazilgan tadqiqotning chop etilgan natijalariga muvofiq, piratsetam sutkada 9,6 g dozada qo‘llanganida atsenokumarolning xalqaro normallashtirilgan nisbati 2,5-3,5 ga erishish uchun kerakli, dozasini o‘zgartirmaydi, ammo faqat atsenokumarolning samaralariga nisbatan, piratsetamni sutkada 9,6 g dozada qo‘shish trombotsitlar agregatsiyasi, β-tromboglobulinni ajralib chiqishini, fibrinogen va Villebrand faktorlari (VIII : C; VIII : vW : Ag; VIII : vW : RCo) ning kontsentratsiyasini, shuningdek qon hamda plazmaning qovushqoqligini ahamiyatli darajada pasaytiradi. Tutqanoqqa qarshi preparatlar Piratsetamni sutkada 20 g dozada 4 hafta davomida qabul qilish piratsetamni barqaror dozada qabul qilgan tutqanoq bilan xastalangan patsiyentlarda tutqanoqqa qarshi preparatlar (karbamazepin, fenitoin, fenobarbital, valproat) ning zardobdagi maksimal kontsentratsiyasini va AUC ni o‘zgartirmagan. Alkogol Alkogol bilan birga qabul qilish piratsetamning zardobdagi kontsentratsiyasiga ta’sir qilmagan; qon zardobidagi etanolning kontsentratsiyasi piratsetam 1,6 g dozada qabul qilinganida o‘zgarmagan.

Trombotsitlar agregatsiyasiga ta’siri Piratsetam trombotsitlar agregatsiyasiga ta’sir qilganligi sababli, anamnezida og‘ir darajadagi gemorragik buzilishlar, qon ketish havfi (masalan, me’da-ichak yarasi), gemostazni buzilishlari, gemorragik tserebrovaskulyar buzilishlari bo‘lgan patsiyentlarga, jarrohlik aralashuvlari, jumladan stomatologik jarrohlik aralashuvlari, jumladan stomatologik aralashuvlar o‘tkazilgan patsiyentlarga, antikoagulyantlar va antiagregantlarni, shu jumladan aspirinni kichik dozalarda qabul qilayotgan patsiyentlarga Metsetam preparatini ehtiyotkorlik bilan buyurish kerak. Buyrak yetishmovchiligi Buyrak yetishmovchiligi blgan patsiyentlarga Metsetam preparati ehtiyotkorlik bilan qo‘llanadi, chunki piratsetam buyraklar orqali chiqariladi. Keksa yoshdagi patsiyentlar Uzoq muddat davolanganda kreatinin klirensini muntazam ravishda baholash va zarurat bo‘lganida dozasiga tuzatish kiritish kerak. Davolashni to‘xtatish Davolashni to‘satdan to‘xtatishdan saqlanish kerak, chunki bu holat mioklonusi bo‘lgan ayrim patsiyentlarda mioklonik yoki tarqalgan hurujlarni chaqirishi mumkin. Homiladorlik va laktatsiya davrida qo‘llanishi Homiladorlik Homilador ayollarda piratsetamni qo‘llash bo‘yicha adekvat ma’lumotlar yo‘q. Hayvonlarda o‘tkazilgan tadqiqotlar, homiladorlikka, embrional/fetal rivojlanishga, tug‘ruq yoki tug‘ruqdan keyingi rivojlanishga nisbatan bilvosita yoki bevosita noxush ta’sir qilishini ko‘rsatmaydi. Piratsetam yo‘ldosh to‘sig‘i orqali o‘tadi. Yangi tug‘ilgan chaqaloqlarda preparatning kontsentratsiyasi ona qornidagi kontsentratsiyasining taxminan 70-90% ni tashkil etadi. Homiladorlik vaqtida Metsetam preparatini faqat juda zarur bo‘lganida, kutilgan foyda havfdan ustun bo‘lgan holatda va homilador ayolning klinik holati piratsetamni qo‘llashni talab etganidagina qo‘llash mumkin. Laktatsiya davri Piratsetam ko‘krak suti bilan ajralib chiqadi. Laktatsiya davrida piratsetamni qo‘llash mumkin emas, preparatni buyurish zarurati bo‘lganida emizishni to‘xtatish kerak. Emizishni to‘xtatish yoki piratsetam bilan davolashni bekor qilish masalasini hal qilishda bola uchun emizishdan kutilgan foyda va ona uchun davolashdan kutilgan foydani inobatga olish kerak. Pediatriyada qo‘llanishi Preparat ushbu dori shaklida pediatriya amaliyotida qo‘llanmaydi. Avtotransportni haydash va mexanizmlarni boshqarish qobiliyatiga ta’siri Davolanish vaqtida avtotransportni boshqarishda va diqqatni yuqori jamlash va psixomotor reaktsiyalar tezligini talab etuvchi boshqa potentsial havfli faoliyat turlarini bajarishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Namlikdan himoyalangan joyda, 30°S dan yuqori bo‘lmagan haroratda saqlansin.

Simptomlari: Piratsetamning dozasini oshirib yuborilishi bilan bog‘liq bo‘lgan qo‘shimcha noxush reaktsiyalar aniqlanmagan. Piratsetam sutkada 75 g qabul qilinganidan so‘ng patsiyentda qon aralash diareya va qorinda og‘riq rivojlangan holat qayd etilgan, bu qabul qilingan preparatning tarkibida sorbitning ahamiyatli darajadagi miqdori oqibatida deb tushuntirilgan. Davolash: preparat ichga qabul qilingan zahoti me’da yuvish va sun’iy ravishda qusishni chaqirish kerak. Spetsifik antidoti yo‘q. Simptomatik davolash o‘tkazish tavsiya etiladi, gemodializdan iborat bo‘lishi ham mumkin. Piratsetam uchun gemodializning samaradorligi 50-60% ni tashkil etadi.

Retsept bo‘yicha beriladi

Metsetam 800 mg: plyonka qobiq bilan qoplangan tabletkalar. 10 tabletka blisterda. 3 blister qo‘llash bo‘yicha yo‘riqnomasi bilan birga karton qutiga joylangan. Metsetam 1200 mg: plyonka qobiq bilan qoplangan tabletkalar. 10 tabletka blisterda. 2 blister qo‘llash bo‘yicha yo‘riqnomasi bilan birga karton qutiga joylangan.

Metsetam 800 mg: 3 yil. Metsetam 1200 mg: 2 yil.