tiniq, rangsiz suyuqlik.

me’da-ichak yo‘llarining funktsional buzilishlarini davolash uchun qo‘llanadigan vosita; prokinetiklar.

A03FA01

Kattalarga. Operatsiyadan keyingi ko‘ngil aynishi va qusishni oldini olish uchun. Ko‘ngil aynishi va qusishni, shu jumladan o‘tkir migrendagi ko‘ngil aynishi va qusishni simptomatik davolash uchun qo‘llanadi. Nur terapiyasi bilan induktsiyalangan ko‘ngil aynishi va qusishni oldini olish uchun qo‘llanadi. Inyektsion davolash kursi maksimal darajada qisqa bo‘lishi kerak. Patsiyentni qisqa muddat ichida peroral yoki rektal yuborish yo‘liga o‘tkazish kerak. 1 yoshdan 18 yoshgacha bo‘lgan bolalar. Kimyoterapiya bilan bog‘liq bo‘lgan, kech kuzatiladigan (o‘tkir bo‘lmagan) ko‘ngil aynishi va qusishni oldini olish uchun ikkinchi qator dori vositasi sifatida qo‘llanadi. Maksimal davolash kursi 5 kunni tashkil etadi. Operatsiyadan keyingi ko‘ngil aynishi va qusishni davolash uchun, ikkinchi qator dori vositasi sifatida qo‘llanadi. Maksimal davolash kursi 48 soatni tashkil etadi.

Dori vositasini maksimal qo‘llash davomiyligi 5 kundan oshmasligi kerak! Inyektsiya uchun eritma mushak ichiga yoki vena ichiga bolyus holida kamida 3 minut davomida yuboriladi. Kattalarga 10 mg dan sutkada 3 marta (maksimal bir martalik doza – 10 mg, maksimal sutkalik doza 30 mg yoki 0,5 mg/kg) buyuriladi. Bolalarga. Dozasi jadvalga muvofiq yoki tana vazniga 0,10-0,15 mg/kg hisobidan kelib chiqib hisoblanadi, kuniga 3 mahalgacha buyuriladi. Maksimal sutkalik doza tana vazniga 0,5 mg/kg ni tashkil etadi. Yoshi (yillarda)Og‘irligi (kg)Doza (mg)Yuborish tezligi1-310-141kuniga 3 martagacha3-515-192kuniga 3 martagacha5-920-292,5kuniga 3 martagacha9-1830-605kuniga 3 martagacha15-1860 ortiq10kuniga 3 martagacha Maksimal davolash davomiyligi 5 kunni tashkil etadi. Qusish qaytalanganida metoklopromidni yuborishlar orasidagi minimal interval 6 soatdan kam bo‘lmasligi kerak. Buyrak faoliyati pasayganida preparat quyidagicha buyuriladi: – kreatinin klirensi minutiga 15 ml dan kam bo‘lganida – 75% kamaytirilgan dozalarda buyuriladi; – kreatinin klirensi minutiga 15 dan 60 ml gacha bo‘lganida – 50% ga kamaytirilgan dozalarda buyuriladi Og‘ir darajadagi jigar yetishmovchiligida metoklopromidning dozasi 50% ga kamaytirilishi kerak. Keksa yoshdagi patsiyentlarga dozalash tartibi yuqorida ko‘rsatigan kabi jigar va buyrak faoliyatini o‘zgarishini hisobga olgan holatda amalga oshiriladi.

Markaziy nerv tizimi tomonidan: davolash boshlanishida charchoqlik xissi, uyquchanlik, bosh aylanishi, bosh og‘rig‘i, depressiya, akatiziya, tez-tez emas – distoniya, ongni buzilish, kam hollarda – tirishish (ayniqsa tutqanog‘i bo‘lgan bemorlarda), uchrash tezligi noma’lum – kechki diskineziya, doimiy va davolash vaqtida yoki uzoq muddatli davolashdan so‘ng (ayniqsa keksa patsiyentlarda) bo‘lishi mumkin, neyroleptik xavfli sindrom. Uzoq muddat qo‘llanganida, ayniqsa keksa yoshdagi patsiyentlarda parkinsonizm, diskineziya ko‘rinishlari paydo bo‘lishi mumkin. Ruhiy buzilishlar: kam hollarda – gallyutsinatsiyalar. Qon yaratish va limfa tizim tomonidan: davolash boshlanishida agranulotsitoz bo‘lishi mumkin, uchrash tezligi noma’lum – NADF-tsitoxrom-b5-reduktaza tanqisligi bilan bog‘liq bo‘lishi mumkin bo‘lgan metgemoglobinemiya, ayniqsa yangi tug‘ilgan chaqaloqlarda, preparatning tarkibidagi oltingugurt saqlovchi vositalar bilan bog‘liq bo‘lgan (asosan, oltingugurt saqlovchi dori vositalarning yuqori dozalari yondosh qo‘llaganda) sulfgemoglobinemiya Yurak tomonidan: kam hollarda – bradikardiya, uchrash tezligi noma’lum – yurak urishini to‘xtashi (inyektsiyadan so‘ng ko‘p o‘tmay yuz beradi, va bradikardiya oqibatida bo‘lishi mumkin); atrioventrikulyar blokada, sinus tuguni blokadasi (ayniqsa vena ichiga yuborilganda); QT intervalini uzayishi; torsade de pointes tipidagi aritmiya. Qon-tomirlar tomonidan: tez-tez – gipotenziya, ayniqsa vena ichiga yuborilganda, uchrash tezligi noma’lum – shok, inyektsiyadan so‘ng xushdan ketish, feoxromotsitomasi bo‘lgan bemorlarda o‘tkir arterial gipertenziya kuzatilishi mumkin. Endokrin tizimi tomonidan: kam hollarda, yuqori dozalarda uzoq vaqt qo‘llanganda – giperprolaktinemiya va u bilan bog‘liq bo‘lgan amenoreya, galaktoreya, ginekomastiya, xayz ko‘rishni buzilishi. Umumiy buzilishlar: tez-tez – asteniya. Immun tizimi tomonida: kam hollarda – o‘ta yuqori sezuvchanlik reaktsiyalari, uchrash tezligi noma’lum – anafilaktik reaktsiyalar (shu jumladan anafilaktik shok, ayniqsa vena ichiga yuborilganda). Allergik reaktsiyalar: kam hollarda – terida toshmalar. Agar metoklopromidning yuqori dozalari qo‘llanilsa, quyidagi reaktsiyalar juda ko‘p uchraydi: ekstrapiramid simptomlar: o‘tkir distoniya va diskineziya, parkinson sindromi, akatiziya (asosan bolalar va yoshlarda, xatto dori vositasining bir dozasi yuborilgandan so‘ng); uyquchanlik, ongni buzilishi, gallyutsinatsiyalar kuzatiladi.

Metoklopromidga yoki preparatning boshqa komponentlariga o‘ta yuqori sezuvchanlik, me’da-ichakdan qon ketishi, me’daning chiqish qismi stenozi, ichakdagi mexanik ichak tutilishi, me’da yoki ichak perforatsiyasi, me’da va/yoki ichakda o‘tkazilgan operatsiyadan keyingi 3-4 kun, feoxromotsitoma, Parkinson kasalligi, ekstrapiramid buzilishlar (shu jumladan, anamnezida neyroleptik yoki metoklopromid bilan indutsiktsiyalangan tarditiv diskineziya), tutqanoq, prolaktinga bog‘liq o‘smalar, anamnezida metgemoglobinemiya xurujlari, bir vaqtda levodopa yoki dofamin retseptorlarning stimulyatorlarini qo‘llash, homiladorlik, 1 yoshgacha bo‘lgan bolalar, laktatsiya davrida qo‘llash mumkin emas. Tarkibida natriy sulfit saqlashi sababli metoklopromid eritmasini sulfitga yuqori sezuvchanligi bo‘lgan bronxial astma bilan xastalangan bemorlarga buyurish mumkin emas.

Preparat bilan davolanish davrida alkogol va spirt saqlovchi preparatlar iste’mol qilish mumkin emas. Bronxial astma, arterial gipertenziya, jigar va/yoki buyrak yetishmovchiligi, keksa yoshdagi patsiyentlarda, go‘daklarda (diskinetik sindromni rivojlanish xavfi yuqori) ehtiyotkorlik bilan qo‘llash kerak. Nevrologik buzilishlar. Ekstrapiramid buzilishlar ko‘proq bolalarda yoki preparat yuqori dozalarda buyurilganda kelib chiqadi. Bunday buzilishlar butunlay orqaga qaytadi, va ular paydo bo‘lganida, metoklopromid yuborishni darhol to‘xtatish kerak. Dozani oshirib yuborilish xavfini kamaytirish uchun inyektsiyalar orasidagi vaqtinchalik interval 6 soatdan kam bo‘lmasligi kerak. Metoklopromid bilan uzoq muddat davolash ortga qaytmas tarditiv diskineziyani rivojlanishiga olib kelishi mumkin. Bunday asoratlarni oldini olish uchun davolash davomiyligi 3 oydan oshmasligi kerak. Tarditiv diskineziyaning birinchi simptomlari paydo bo‘lganda metoklopromidni yuborishni zudlik bilan to‘xtatish kerak. Neyroleptiklar bilan birga yuborilganda (juda kam hollarda – monoterapiya ko‘rinishida) metoklopromid xavfli neyroleptik sindromni qo‘zg‘atishi mumkin. Bunday holatda metoklopromidni yuborishni zudlik bilan to‘xtatish va uni davolashni boshlash kerak. Metoklopromid parkinson kasalligini ko‘rinishlarini kuchaytirishi mumkin. Metgemoglobinemiya. Bunday holat rivojlanganda (ayniqsa NADF-tsitoxrom-b5-reduktaza tanqisligi bo‘lgan shaxslarda) preparatni qabul qilishini to‘xtatish va metilen ko‘kini yuborishni boshlash kerak. Yurak qon-tomir patologiyasi. Metoklopramidni vena ichiga yuborilgandan so‘ng yurak qon-tomirlar yetishmovchiligi, og‘ir bradikardiya (xatto yurak urishi to‘xtagunicha), QT intervalni uzayishi rivojlanganligini holatlari ma’lum! Metoklopromid vena ichiga yuborilganda, ayniqsa xavf omillari (QT intervali uzayishi, korrektsiya qilinmagan elektrolitlar disbalansi, bradikardiya bo‘lgan shaxslarda reopolyarizatsiyaga ta’sir qiladigan, yondosh dori vositalarni qabul qilayotgan shaxslar) bo‘lgan patsiyentlarga yuborilganda yuqoridagilarni e’tiborga olish kerak. Yurak qon-tomir asoratlarining rivojlanishi xavfini kamaytirish uchun metoklopromidni kamida 3 minut davomida yuborish kerak. Preparat yordamchi modda sifatida natriy sulfitini saqlaydi, u juda kam hollarda og‘ir darajadagi allergik reaktsiyalar, bronxospazm rivojlanishini kuzatish mumkin. Eritma oz miqdorda (bir dozada 1 mmoldan kam) natriy ionini saqlaydi, kichik yoshdagi bolalarga yuborilganda buni e’tiborga olish kerak. Pediatriya va geriatriya amaliyotida qo‘llashning o‘ziga xosligi 1 yoshgacha bo‘lgan bolalarga metoklopramidni qo‘llash mumkin emas. O‘smirlar va yoshlarda (15-19 yosh), shuningdek keksa yoshli shaxslarda, metoklopramid bilan davolashda, ekstrapiramid reaktsiyalarni paydo bo‘lish xavfi yuqori bo‘ladi. Terapevtik samarasi kechki diskineziyani rivojlanish xavfidan ustun deb taxmin qilingan holatlarda tashqari, barcha holatlarda metokloprmid bilan 5 kundan ortiq davolanishdan saqlanish kerak. Homiladorlikda va emizishda qo‘llanishi Metoklopramidni homiladorlikda qo‘llash mumkin emas. Preparat laktatsiya (emizish) davrida qo‘llanganida metoklopramidni ko‘krak sutiga o‘tishini e’tiborga olish kerak. Metoklopromidni emizish davrida qo‘llash zarurati bo‘lganida emizishni to‘xtatish ehtimolini ko‘rib chiqish kerak. Avtotransport va mexanizmlarni boshqarish qobiliyatiga ta’siri Davolanish davrida uyquchanlik, bosh aylanishi, distoniya va diskineziya, hamda ko‘rish reaktsiyalarini buzilishini rivojlanishi xavfi borligi sababli avtotransportni haydash va diqqatni yuqori jamlash hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug‘ullanishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Yorug‘likdan himoyalangan joyda, 250S dan yuqori bo‘lmagan haroratda saqlansin.

Simptomlari: ekstrapiramid buzilishlar, gipersomniya, ongni o‘zgarishlari, ongni chalkashishi va gallyutsinatsiyalar, yurak qon-tomir tizim faoliyatini bradikardiya va yurak urishini to‘xtashi bilan kechuvchi buzilish. Davolash: dozani oshirib yuborilishi bilan bog‘liq bo‘lgan va bog‘liq bo‘lmagan ekstrapiramid simptomlarda davolash faqat simptomatik (bolalarda benzodiazepinlar va/yoki kattalarda antixolinergik parkinsonizmga qarshi dori vositalar) bo‘ladi. Simptomatik davolash va patsiyentning klinik ahvoliga qarab yurak qon-tomir tizimi va nafas faoliyati doimiy monitoringi o‘tkaziladi.

Retsept bo‘yicha

2 ml dan shisha ampulalarda. 10 ta ampula tibbiyotda qo‘llash bo‘yicha ilova-varaqa bilan birga karton qutiga joylanadi.

3 yil.