Oq yoki deyarli oq rangli kristall kukun.

Antibiotik (karbapenemlar guruhi).

J01DH02

Sog‘lom ko‘ngillilarga meropenemning bir dozasini vena ichiga 30 minut davomida yuborish qon plazmasida 500 mg dozasi uchun 23 mkg/ml, 1 g dozasi uchun 49 mkg/ml ga teng cho‘qqi kontsentratsiyasiga olib keladi. 500 mg preparat vena ichiga yuborilganidan so‘ng 6 soatdan keyin plazmada meropenemning darajasi 1 mkg/ml va undan kam qiymatgacha pasayadi. Buyrak faoliyati normal bo‘lgan patsiyentlarga meropenem 8 soatlik interval bilan ko‘p marta yuborilganida, preparatni to‘planishi kuzatilmaydi. Buyrak faoliyati normal bo‘lgan patsiyentlarda yarim chiqarilish davri taxminan 1 soatni tashkil etadi. Plazma oqsillari bilan bog‘lanishi taxminan 2% ni tashkil etadi. Meropenem organizmning ko‘pchilik to‘qima va suyuqliklariga, shu jumladan bakterial meningiti bo‘lgan bemorlarning tserebrospinal suyuqligiga yaxshi o‘tadi, ko‘pchilik bakteriyalarni bostirish uchun talab etilgan kontsentratsiyadan yuqori bo‘lgan kontsentratsiyaga erishiladi. Bolalarda o‘tkazilgan tadqiqotlar, meropenemning farmakokinetikasi bolalarda va kattalarda o‘xshashligini ko‘rsatdi. 3 oylikdan 2 yoshgacha bo‘lgan bolalarda meropenemning yarim chiqarilish davri taxminan 1,5 soatni tashkil etadi, 10-40 mg/kg dozalar diapazonida to‘g‘ri proportsional bog‘liqlik kuzatiladi. Buyrak yetishmovchiligi bo‘lgan patsiyentlarda meropenemning klirensi kreatinin klirensi bilan mos keladi. Bunday bemorlarda preparatning dozasiga tuzatish kiritish kerak. Keksa yoshdagi patsiyentlarda meropenemning klirensini pasayishi, kreatinin klirensini yoshga qarab pasayib borishi bilan mos keladi. Jigar kasalliklari bo‘lgan patsiyentlarda meropenemning farmakokinetikasini tekshirish, ushbu patologik o‘zgarishlarni meropenemning farmakokinetikasiga ta’sir qilmasligini ko‘rsatdi.

Meropenem bolalar va kattalarda meropenemga sezgir bir yoki bir necha qo‘zg‘atuvchilar chaqirgan quyidagi infektsiyalarni davolash uchun qo‘llaniladi: sepsis;qorin bo‘shlig‘i infektsiyalari (shu jumladan, asoratlangan appenditsit, peritonit, pelvioperitonit);ginekologik infektsiyalar (shu jumladan, endometrit);teri va yumshoq to‘qimalarning infektsiyalari (shu jumladan saramas, impetigo, ikkilamchi infektsiyalangan dermatozlar);bakterial meningit;quyi nafas yo‘llarining infektsiyalari (shu jumladan, pnevmoniya, shuningdek gospital pnevmoniya);siydik chiqarish tizimining infektsiyalari (shu jumladan, piyelonefrit, piyelit);febril neytropeniya simptomlari bo‘lgan katta yoshdagi patsiyentlarda infektsiyaga gumon qilinganida empirik davolash (monoterapiya holida yoki viruslarga qarshi yoki zamburug‘larga qarshi dori vositalari bilan majmuada davolash) uchun qo‘llanadi. Meropenem polimikrob infektsiyalarni davolashda mikroblarga qarshi boshqa dori vositalari bilan majmuada yoki monoterapiya sifatida qo‘llanadi. Meropenem preparatini monoterapiya holida yoki boshqa antibakterial dori vositalari bilan majmuada vena ichiga yuborish mukovistsidoz va quyi nafas yo‘llarining surunkali infektsiyalari bo‘lgan patsiyentlarga samarali ta’sir qiladi.

Og‘ir darajadagi nojo‘ya samaralar kam kuzatiladi. Klinik tadqiqotlar vaqtida quyidagi nojo‘ya samaralar yuzasidan xabarlar berilgan: Vena ichiga yuborilgan sohada mahalliy reaktsiyalar: yallig‘lanish, tromboflebit, yuborilgan joyda og‘riq. Dermatologik reaktsiyalar: qichishish, toshma, eshakemi. Kam hollarda ko‘p shaklli (ekssudativ) eritema, Stivens-Djonson sindromi va toksik epidermal nekroliz. Ovqat hazm qilish tizimi tomonidan: qorinda og‘riq, ko‘ngil aynishi, qusish, diareya; ayrim hollarda – soxtamembranoz kolit.

Meropenemga va boshqa beta-laktam antibiotiklariga yuqori sezuvchanlikda qo‘llash mumkin emas.

Probenetsid buyrak naychalari orqali chiqarilishi bo‘yicha meropenem bilan raqobatlashadi, shu bilan meropenemning yarim parchalanish davrini uzayishiga va plazmada uning kontsentratsiyasini oshishiga olib keladigan buyrak sekretsiyasini susaytiradi. Probenetsidsiz yuborilgan meropenemning ta’sir davomiyligi va samaradorligi bir xil bo‘lganligi sababli, probenetsidni meropenem bilan bir vaqtda yuborish tavsiya etilmaydi. Meropenem boshqa dori vositalari (yuqorida keltirilgan probenetsiddan tashqari) bilan bir vaqtda bironta ham farmakologik noxush o‘zaro ta’sirsiz buyurilgan.

Boshqa karbapenemlar va beta-laktam antibiotiklari, penitsillinlar va tsefalosporinlar o‘rtasida kesishgan allergenlik mavjud. Meropenem bilan davolashni boshlashdan oldin beta-laktam antibiotiklarga nisbatan o‘ta yuqori sezuvchanlik reaktsiyalari kuzatilganligini sinchiklab surishtirish kerak. Anamnezida shunday holatlar kuzatilgan patsiyentlarga meropenem ehtiyotkorlik bilan qo‘llanishi kerak. Meropenemga allergik reaktsiya rivojlanganida preparatni qo‘llashni to‘xtatish va tegishli choralarni ko‘rish tavsiya etiladi.

Homiladorlik vaqtida meropenemning havfsizligi aniqlanmagan. Hayvonlarda o‘tkazilgan eksperimental tadqiqotlar rivojlanayotgan homilaga biron-bir noxush ta’sir qilishini ko‘rsatmadi. Yagona noxush samarasi bo‘lib, urg‘ochi maymunlarda 13 ta homila tashlash holati aniqlangan. Homiladorlik va laktatsiya davrida homila, go‘dak va ona uchun preparatni qo‘llashdan kutilgan potentsial afzallik va bo‘lishi mumkin bo‘lgan havfni baholash kerak. Har bir holatda preparatni shifokorning bilvosita nazorati ostida qo‘llash kerak. Meropenem hayvonlarning sutida juda past kontsentratsiyalarda aniqlanadi. Preparat bilan davolanish vaqtida emizishni to‘xtatish kerak. Preparatni bolalar ololmaydigan joyda saqlash va uni yaroqlilik muddati o‘tgach ishlatilmaslik lozim.

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.

Davolash vaqtida, ayniqsa buyrak faoliyatini buzilishi bo‘lgan patsiyentlarda, doza tasodifan oshirib yuborilishi mumkin. Davolash: simptomatik davolash o‘tkaziladi. Normada preparatni buyraklar orqali tez chiqarilishi kuzatiladi. Buyrak faoliyatini buzilishi bo‘lgan patsiyentlarda gemodializ meropenem va uning metabolitlarini organizmdan samarali ravishda ajratib chiqaradi.

Retsept bo‘yicha

Inyektsion eritma tayyorlash uchun kukun.

2 yil.