oq, uzunchoq shaklli, plyonka qobiq bilan qoplangan tabletkalar

antibakterial vosita, ftorxinolon.

Levofloksatsin ichga qabul qilinganidan keyin tezda va to‘liq so‘riladi. Ichga qabul qilinganidan keyin qon plazmasida maksimal kontsentratsiyaga 1-2 soat o‘tgach erishiladi. Mutlaq biokiraolishligi taxminan 99% ni tashkil etadi. Dozalarni bir marta yoki takroriy peroral yoki vena ichiga yuborish tartibida farmakokinetikasi chiziqli va oldindan aytish mumkin bo‘ladi. Barqaror holatiga har kuni 500 mg yoki 750 mg qabul qilinganidan keyin 48 soat o‘tgach erishiladi. Ovqatlanish bilan bir vaqtda 500 mg levofloksatsinni qabul qilish maksimal kontsentratsiyaga erishish vaqtini taxminan 1 soatga uzaytiradi va qon plazmasida maksimal kontsentratsiyasi tabletkalar qabul qilinganidan keyin 14% ga, peroral eritma qabul qilinganidan keyin 25% ga kamayadi. Shu sababli Meflotsid™ qobiq bilan qoplangan tabletkalarini ovqatlanishdan 1 soat oldin yoki ovqatlangandan so‘ng 2 soat o‘tgach qabul qilish tavsiya etiladi. Levofloksatsinni bir xil dozalarda peroral va vena ichiga yuborilganida farmakokinetikasi o‘xshash va qiyoslansa bo‘ladi, shu sababli peroral va vena ichiga yuborish yo‘llari bir-birini o‘rnini bosuvchi bo‘lishi mumkin. Levofloksatsin plazmada va siydikda stereokimyoviy jihatdan barqaror, metabolik ravishda o‘z enantiomeriga aylanmaydi. Ichga qabul qilinganidan keyin qabul qilingan dozaning 87% o‘zgarmagan holda 48 soat davomida siydik bilan, 4% esa 72 soat davomida axlat bilan chiqariladi. Levofloksatsin juda oz miqdorda metabolizmga uchraydi va asosan o‘zgarmagan holda siydik bilan chiqariladi. Bir martalik va takroriy dozalarda peroral va vena ichiga yuborilganida yarim chiqarilish davri taxminan 6-8 soat chegarasida bo‘ladi.

Meflotsid™ qobiq bilan qoplangan tabletkalar kattalarda levofloksatsinga sezgir mikroorganizmlar chaqirgan quyidagi infektsiyalarda qo‘llaniladi: O‘tkir gaymoritSurunkali bronxitni zo‘rayishiKasalxonadan tashqaridagi pnevmoniyaSiydik chiqarilishi tizimining asoratlangan infektsiyalari, shu jumladan piyelonefritSurunkali bakterial prostatitTeri va yumshoq to‘qimalar infektsiyalarida qo‘llanadi.

Meflotsid™ qobiq bilan qoplangan tabletkalari kuniga 1 yoki 2 marta qo‘llaniladi. Dozaga infektsiyaning xarakteri, og‘irlik darajasi va ehtimol qilinayotgan patogenning sezuvchanligiga bog‘liq ravishda tuzatish kiritiladi. Davolash davomiyligi kasallikni kechishiga bog‘liq. Meflotsid™ qobiq bilan qoplangan tabletkalarini chaynamasdan, yetarli miqdordagi suyuqlik bilan ichiladi. Dozaga tuzatish kiritish zarurati bo‘lganida tabletkani bo‘lishga yo‘l qo‘yiladi. Tabletkalarni ovqatlanishdan 1 soat oldin yoki ovqatlangandan keyin 2 soat o‘tgach qabul qilish mumkin. Meflotsid™ qobiq bilan qoplangan tabletkalari so‘rilishi pasayishini oldini olish uchun temir tuzlari, antatsidlar yoki sukralfat qabul qilinishidan 2 soat oldin yoki qabul qilinganidan keyin 2 soat o‘tgach tabletkalarni qabul qilish lozim.

Yuzaga kelishi tez-tezligi: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); tez-tezligi noma’lum (mavjud ma’lumotlar asosida baholash mumkin emas).

Levofloksatsinga yoki xinolonlar guruhidagi boshqa antibakterial vositalarga, shuningdek Meflotsid™ qobiq bilan qoplangan tabletkalarning tarkibiga kiruvchi yordamchi moddalarga ma’lum yuqori sezuvchanlikda. Tutqanoqda. Anamnezda ftorxinolonlar guruhidagi antibakterial vositani qo‘llash bilan bog‘liq bo‘lgan paylarni shikastlanishida. Bolalar va o‘smirlarda. Homiladorlik va laktatsiya davrida qo‘llash mumkin emas.

Antatsidlar, sukralfat, temir tuzlari, multivitaminlar Garchi boshqa xinolonlarga nisbatan ikki valentli kationlar bilan kompleks hosil qilish holati kam bo‘lsa-da, Meflotsid™ qobiq bilan qoplangan tabletkalarni temir tuzlari, sukralfat, metall kationlarini (temir kabi) va rux saqlovchi multivitamin preparatlari, magniy va alyuminiyni saqlaydigan antatsidlar bilan bir vaqtda qo‘llash levofloksatsinni me’da-ichak yo‘llarida so‘rilishiga salbiy ta’sir ko‘rsatishi hamda kutilganidan ko‘ra ancha past kontsentratsiyalarga olib kelishi mumkin. Ushbu moddalarni saqlovchi preparatlarni Meflotsid™ qobiq bilan qoplangan tabletkalar qabul qilinishidan 2 soat oldin yoki keyin qabul qilish tavsiya etiladi. Teofillin Levofloksatsinni teofillin bilan o‘zaro ta’siri haqida xabar berilmagan. Boshqa xinolonlarni teofillin bilan qo‘llanilishi teofillinni plazmadagi kontsentratsiyasini pasayishiga, yarim chiqarilish davrini uzayishiga va bemorlar guruhlarida teofillinni qo‘llash bilan bog‘liq nojo‘ya holatlar xavfi oshishiga olib keladi. Shu sababli levofloksatsin bilan bir vaqtda qo‘llanilganida teofillin darajasini sinchkovlik bilan nazorat qilish va dozaga tegishli tuzatishlar kiritishni amalga oshirish lozim. Teofillin darajasi pasayganligi yoki pasaymaganligidan qat’iy nazar, nojo‘ya ta’sirlar, shu jumladan tirishishlar bo‘lishi mumkin. Varfarin O‘tkazilgan klinik tadqiqotlarda levofloksatsin va varfarin o‘rtasida o‘zaro ta’sir qayd etilmagan. Biroq postmarketing tadqiqotlarida levofloksatsin bilan bir vaqtda qo‘llanilganida varfarin ta’siri kuchayishi hollari haqida xabar berilgan. Bunda qon ketishi bilan birga protrombin vaqtini oshishi kuzatilgan. Levofloksatsin va varfarin bir vaqtda qo‘llanilganida protrombin vaqti, xalqaro normallashtirilgan nisbatlari (XNN) va boshqa tegishli koagulyatsiya testlari yuzasidan sinchkovlik bilan monitoring olib borish zarur. Patsiyentlar qon ketishi ehtimoli munosabati bilan kuzatuv ostida bo‘lishlari kerak. Tsiklosporin Levofloksatsin tsiklosporin ishtirokida qo‘llanilganida Cmax va ke bir muncha pasayadi, Tmax va t½ ko‘rsatkichlari alohida qo‘llanilishiga nisbatan ancha past bo‘ladi, ammo farqlari klinik jihatdan sezilarli emas. Shu sababli na tsiklosporin, na levofloksatsin dozasiga tuzatish kiritish zarurati yo‘q. Digoksin O‘tkazilgan tadqiqotlarda levofloksatsin va digoksin o‘rtasida o‘zaro ta’sir kuzatilmagan. Shu sababli bir vaqtda qo‘llanilganida na levofloksatsin, na digoksin dozasiga tuzatish kiritish zarurati yo‘q. Probenetsid va tsimetidin O‘tkazilgan klinik tadqiqotlarda levofloksatsinni probenetsid va tsimetidin bilan qo‘llanilishida levofloksatsinni alohida qo‘llanilishiga nisbatan so‘rilish tezligi va miqdorida o‘zgarishlar bo‘lmaganida AUC va T1/2 ko‘rsatkichlarini 27-38% va 30% ga oshishi, CL/F va CL ko‘rsatkichlarini 21-35% ga pasayishi kuzatilgan. Garchi ushbu o‘zgarishlar statistik jihatdan ahamiyatli bo‘lsa-da, ammo probenetsid va tsimetidin bilan bir vaqtda qo‘llanilganida levofloksatsin dozasiga tuzatish kiritish uchun yetarlicha emas. NYAQV NYAQV ni xinolonlar, shu jumladan levofloksatsin bilan bir vaqtda qo‘llanilganida MNT rag‘batlantirilishi va tirishishlar xavfi oshishi mumkin. Diabetga qarshi vositalar Xinolonlar diabetga qarshi vositalar bilan bir vaqtda qo‘llanilganida qonda glyukoza darajalarida o‘zgarishlar, shu jumladan giperglikemiya va gipoglikemiya bo‘lishi mumkin, shu sababli diabetga qarshi vositalar va levofloksatsinni bir vaqtda qabul qilayotgan bemorlarda qonda glyukoza darajasini sinchkovlik bilan kuzatib borish tavsiya qilinadi.

P.aeruginosa keltirib chiqargan nozokomial infektsiyalarda, ehtimol, boshqa antibiotiklar bilan majmuada qo‘llash talab qilinishi mumkin. Agar davolash davrida yoki undan keyin og‘ir surunkali va/yoki qon ketishi bilan kechadigan diareya kuzatilsa, Clostridium difficile bilan bog‘liq soxtamembranoz enterokolit bo‘lishi mumkinligini yodda tutish lozim. Bunga shubha qilinganida Meflotsid™ qobiq bilan qoplangan tabletkalar bilan davolashni darhol to‘xtatish va zudlik bilan tegishli samarani bir maromda ushlab turuvchi va/yoki maxsus davolashni boshlash lozim. Bunday klinik holatda ichak peristaltikasini so‘ndiruvchi preparatlarni qo‘llash mumkin emas. Ftorxinolonlar guruhiga mansub antibakterial vositalar qo‘llanilganida kam hollarda tendinit yuzaga kelishi ehtimoli mavjud, u ayrim hollarda axill payini uzilishiga olib kelishi mumkin. Ushbu noxush holat davolash boshlanganidan keyin 48 soat o‘tgach yuzaga kelishi va bilateral bo‘lishi mumkin. Tendinit va pay uzilishi xavfi keksa yoshdagi va kortikosteroidlarni qabul qilayotgan bemorlarda oshib boradi, shu sababli Meflotsid™ qobiq bilan qoplangan tabletkalar qo‘llanilganida bunday patsiyentlarda kuzatuv olib borish zarur. Tendinitga shubha qilinganida Meflotsid™ qobiq bilan qoplangan tabletkalar bilan davolashni darhol to‘xtatish va tegishli davolashni boshlash (ya’ni shikastlangan payning tinch holatda bo‘lishini ta’minlash) lozim. Boshqa ftorxinolonlar kabi Meflotsid™ ni tirishishlarga moyil bo‘lgan, ilgari bosh miya shikastlanishi bo‘lgan patsiyentlarda fenbufen kabi tirishishlarga moyillikni pasaytiruvchi preparatlar yoki unga o‘xshash nosteroid yallig‘lanishga qarshi vositalar yoki teofillin bilan bir vaqtda ehtiyotkorlik bilan qo‘llash lozim. Glyukozo-6-fosfatdegidrogenaza yetishmovchiligi bo‘lgan patsiyentlarda qo‘llanilganida ehtiyotkorlikka rioya qilish lozim, chunki mazkur bemorlar guruhida xinolonlar guruhidagi antibakterial vositalar qo‘llanilganida gemolitik reaktsiyalar haqida xabar berilgan. Buyrak yetishmovchiligida Meflotsid™ qobiq bilan qoplangan tabletkalar dozasiga kreatinin klirensini hisobga olgan holda tuzatish kiritiladi. Levofloksatsin qo‘llanilganida fotosensibilizatsiya juda kam holda kuzatilishiga qaramay, patsiyentlarga kuchli quyosh nurlanishi yoki solyariyda bo‘lishi kabi sun’iy ultrabinafsha nurlanishi ta’sirida bo‘lish tavsiya etilmaydi. Meflotsid™ qobiq bilan qoplangan tabletkalar bilan davolashda kuzatiladigan ayrim nojo‘ya ta’sirlar diqqat-e’tiborni jamlash va javob reaktsiyasi qobiliyatini yomonlashtirishi mumkinligi munosabati bilan bu ayniqsa transport vositalarini boshqarishda va texnika vositalari bilan ishlashda ma’lum bir xavfni tug‘dirishi mumkin. Boshqa xinolonlarni qo‘llashdagi kabi qonda glyukoza darajasini buzilishlari, shu jumladan peroral gipoglikemik vositalarni (gliburid/glibenklamidni) yoki insulinni bir vaqtda qabul qilayotgan qandli diabeti bo‘lgan patsiyentlarda simptomatik giper- yoki gipoglikemiya haqida xabar berilgan. Ushbu bemorlarda qonda glyukoza darajasini diqqat bilan kuzatib borish lozim. Meflotsid™ qobiq bilan qoplangan tabletkalar bilan davolanayotgan bemorda gipoglikemik reaktsiya yuzaga kelganida davolashni darhol to‘xtatish va tegishli davolashni amalga oshirish lozim. Xinolonlar, shu jumladan levofloksatsin qo‘llanilganida jiddiy, va gohida fatal o‘ta yuqori sezuvchanlik reaktsiyalari va/yoki anafilaktik shok haqida xabar berilgan. Bunday turdagi reaktsiyalar ko‘pincha birinchi doza qabul qilinganidan keyin paydo bo‘ladi. Ayrim reaktsiyalar yurak-qon tomir kollapsi, gipotenziya/shok, tirishishlar, hushdan ketish, teri achishishi, angionevrotik shok, hansirash, eshakemi, qichishish va boshqa jiddiy teri reaktsiyalari bilan bir vaqtda kuzatiladi. Birinchi teri toshmasi yoki boshqa biron-bir yuqori sezuvchanlik simptomlarida levofloksatsin bilan davolashni darhol to‘xtatish lozim. Jiddiy o‘tkir yuqori sezuvchanlik reaktsiyalarida epinefrinni, shuningdek kislorod, vena ichiga yuboriladigan suyuqliklar, antigistamin vositalari, kortikosteroidlar, pressor aminlarni qo‘llash va boshqa reanimatsiya tadbirlarini o‘tkazish, shu jumladan nafas yo‘llarining o‘tuvchanligini ta’minlash talab qilinishi mumkin. Boshqa antibiotiklar bilan davolashdagi kabi levofloksatsinni, ayniqsa uzoq muddat davomida qo‘llanilishi rezistent mikroorganizmlarning ko‘payishiga olib kelishi mumkin, shu sababli takroriy davolashda patsiyentning holati hisobga olinadi. Davolash vaqtida superinfektsiya paydo bo‘lganida tegishli choralar ko‘rilishi kerak. Levofloksatsin QT intervali uzayishi sindromi yoki Torsades de Pointes ga sabab bo‘lishi mumkin, shu sababli tug‘ma QT intervali uzayishi yoki Torsades de Pointes tashhisi aniqlangan yoki ehtimol qilingan hollarda patsiyentlarda qo‘llash mumkin emas.

Homiladorlik Yetarlicha tadqiqotlar mavjud bo‘lmaganligi tufayli homilador ayollarda qo‘llash mumkin emas. Laktatsiya Adekvat va yaxshi nazoratlangan tadqiqotlar mavjud bo‘lmaganligi tufayli emizikli ayollarda qo‘llash mumkin emas.

Preparat dozasini o‘tkir oshirib yuborilishining kutiladigan simptomlari markaziy nerv tizimi darajasida ongning xiralashishi, bosh aylanishi, ongning buzilishi, tutqanoq xurujlari ko‘rinishida, me’da-ichak yo‘llari tomonidan esa ko‘ngil aynishi va me’da shilliq qavatining eroziyasi ko‘rinishida namoyon bo‘ladi. Levofloksatsinni supra-terapevtik dozalari bilan o‘tkazilgan klinik-farmakologik tadqiqotlarda QT intervalini uzayishi aniqlangan. Dozani oshirib yuborilganida bemorni sinchkovlik bilan kuzatish va simptomatik davolashni amalga oshirish lozim. Dozani o‘tkir oshirib yuborilganida me’dani yuvish haqida o‘ylab ko‘rish lozim. Me’daning shilliq qavatini himoya qilish uchun antatsidlarni ehtimol qo‘llash kerak bo‘ladi. Levofloksatsin gemodializ, peritoneal dializ va muntazam ambulatoriya peritoneal dializi vositasida organizmdan chiqarilmaydi. Maxsus antidoti yo‘q.

Retsept bo‘yicha beriladi

Meflotsid™ qobiq bilan qoplangan 500 mg li tabletkalar. 7 tabletka blisterda. 1 blister qo‘llash bo‘yicha yo‘riqnomasi bilan karton qutiga joylangan. Meflotsid™ qobiq bilan qoplangan 750 mg li tabletkalar. 7 tabletka blisterda. 1 blister qo‘llash bo‘yicha yo‘riqnomasi bilan karton qutiga joylangan.

3 yil.