rangsiz yoki biroz sarg‘ish tiniq suyuqlik.

Diuretik vosita.

B05CX04

Vena ichiga yuborilganidan keyin mannitol hujayra tashqarisidagi sohada tarqaladi. Kalava filtratsiyasidan oson o‘tadi va faqat 10% buyrak naychalarida reabsorbtsiyaga uchraydi, kanalchalar sekretsiyasiga uchramaydi. Mannisolning buyrak klirensi insulin klirensidan biroz kamroq. Mannisolning yarim chiqarilish davri kattalarda taxminan 100 minutni tashkil qiladi, yuborilgan dozaning 80% siydik orqali, yuborilganidan keyin 3 soat davomida o‘zgarmagan holda chiqariladi. Mannisolning jigar orqali metabolizmi ahamiyatsiz bo‘lib, juda sekin kechadi.

Operatsiya, shok, jarohat va kuyishlar oqibatidagi o‘tkir buyrak yetishmovchiligining oligurik bosqichini oldini olish va davolash borasida diurezni tutib turish, nefrogen, jigar va kardial kelib chiqishga ega shishli holatlar (astsit bilan kechuvchi holatlar) ni davolash. Bosh miya ichki gipertenziyasini (travmatik, operatsiyalan keyingi va boshqa asosiy kasallik bilan bog‘liq bo‘lgan) davolash, intoksikatsiyani davolashda toksinlarni chiqarilishini tezlashtirish uchun jadallashtirilgan diurezda ishlatiladi. Ko‘z ichki bosimi gipertenziyasini (travmatik, operatsiyadan keyingi, yopiq burchakli glaukomadagi) davolashda ishlatiladi.

Dozaning kattaligi, yuboriladigan eritmaning kontsentratsiyasi va yuborish tezligi patsiyentning umumiy holati, ko‘rsatmalar va terapevtik javobga bog‘liq. Buyrak yetishmovchiligida kattalarga sutkada 50-200 g yuboriladi. Ko‘pchilik hollarda sutkada 100 g yetarlidir. Yuqoriroq dozalar ishlatilganida patsiyentning ichki muhitini nazorat qilish kerak. Bosh miya ichki bosimi va ko‘z ichki bosimi oshganda 1,5-2 g mannisol 30-60 minut davomida yuboriladi. Jadallashtirilgan diurezni o‘tkazish borasida 1 soat davomida patsiyentning tana vazni kg ga 1-2 g yuboriladi. Yaxshi terapevtik javob olinganida dozani 8 soatdan keyin, gidratatsiya va ionogrammaning nazorati ostida takroran yuborish mumkin. Shish holatlarda tana vazni kg ga 0,5-2 g yuboriladi. Vena ichiga infuziya qilinadi.

Past va o‘rtacha dozalar hujayra tashqaridagi suyuqlikdagi ion muvozanatiga jiddiy ta’sir qilmaydi. Yuqori dozalarni qo‘llanishi va takroran buyurilishi ion disbalansiga, ayniqsa giponatriyemiyaga olib kelishi mumkin, kaliyni yo‘qotilishi kamroq namoyon bo‘ladi. Kalava filtratsiyasi susayganida yoki mannisolning katta miqdori tez yuborilganidan keyin hujayradan tashqaridagi moddalarning miqdorini oshishi va keyinchalik qon aylanishining yetishmovchiligi o‘pka shishi bilan va “erkin suvli intoksikatsiya” belgilari bilan og‘irlashishi mumkin. Osmotik diurez oqibatidagi gipovolemiya. Shuningdek isitma, atsidoz, og‘iz qurishi, bosh og‘rig‘i, qusish, gipotenziya, taxikardiya va o‘tkinchi mushak rigidligi ta’riflangan. Preparatni tomirdan tashqariga behosdan yuborilishi mahalliy nekrozga olib kelishi mumkin. Allergik reaktsiyalar ta’riflanmagan.

Og‘ir darajali buyrak yetishmovchiligi fonidagi isbotlangan anuriya; mannisolni 0,2 g dozada qo‘llangandan keyin diurezni kamida 40 ml/soat ga oshishi kuzatilgan holat, suvsizlanish, ion buzilishlari, bosh miya ichiga qon quyilishi (kraneoektamiyadan tashqari); qon tomirlarini o‘tkazuvchanligini oshishi va mo‘rtligi bilan bog‘liq metabolik shishlar, azotemiyani oshishi bilan kechuvchi avj oluvchi buyrak yetishmovchiligi.

Mannisol litiyni buyrak orqali chiqarilishini oshiradi, kuraresimon miorelaksantlarning ta’sirini potentsiyalaydi.

Mannisolni vena ichiga yuborishda quyiladigan qon bilan aralashtirish mumkin emas. Soxta agglyutinatsiyani oldini olish uchun mannitolning eritmasiga natriy xloridi eritmasini aralashtirish lozim. Mannisolni yuborishda ichki muhitni, ayniqsa ionlarning kontsentratsiyasini sinchiklab nazorat qilish lozim. Dori vositasini bir marta qo‘llangandan so‘ng taroran ishlatish mumkin emas. +200S dan past haroratda kristallanishi mumkin. Bunday hollarda dorini suv hammomida qizdirish, kristallari erigandan keyin esa yuborish haroratigacha sovutish lozim. Dori vositasini birinchi qo‘llashdan keyin qayta qo‘llash mumkin emas. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

+150S dan 250S gacha bo‘lgan haroratda saqlansin. Muzlatilmasin.

Retsept bo‘yicha

100 ml, 200 ml, 400 ml infuziya uchun shisha flakonlarda.

2 yil.