mineral preparat, mikroelement.

A12C S06

Magvit B6 dori vositasini magniy va/yoki B6 vitaminining tanqisligi bilan bog‘liq asoratlarni oldini olish va organiizmda uni tanqisligini to‘ldirish uchun buyuriladi. Profilaktika: Magvit B6 surunkali jismoniy va aqliy toliqishda, yuqori ta’sirchanlikda, stress holatlarda, depressiyada, uyqu buzilishida, mialgiyalarda, aterosklerozni va miokard infarktini oldini olishda tavsiya qilinadi. Uni chekish va alkogolni istyemol qilish oqibatidagi, surgi, kontratseptiv va ayrim diuretiklarni uzoq qo‘llanilishi oqibatida yuz bergan gipomagniyemiyada, shuningdek doimiy giperglikemiyali qandli diabeti bo‘lgan bemorlarda qo‘shimcha sifatida ishlatiladi. Magvit B6 gipertoniya, dimlangan yurak yetishmovchiligi, aritmiya, kabi yurak va qon yaratish tizimi kasalliklarini kompleks davolashda, oyoq-qo‘l mushaklarini atonik spazmida va jimirlashida, depressiyada, shuningdek suyaklarni sinishidan keyingi tiklanish vaqtida yoki osteoporozni kompleks davolash tarkibida ishlatiladi.

Profilaktika: kattalarga va 12 yoshdan oshgan bolalarga: 2 tabletkadan kuniga bir marta yoki 1 tabletkadan kuniga ikki marta. Kichik yoshdagi bolalarda dozani shifokor aniqlashi lozim. Davolash: shifokorni tavsiyasiga ko‘ra. Preparatni suv bilan qabul qilish lozim.

Taklif etilgan dozalarda qo‘llanganida nojo‘ya samaralar odatda kuzatilmaydi. Quyidagi nojo‘ya samaralar: me’da-ichak yo‘llari buzilishlari, ko‘ngil aynishi, qusish, suyuq ich kelishi yoki terini qizarishi kam uchrashi mumkin. Piridoksinni sutkada 50 mg dozada uzoq va muntazam qo‘llanganda periferik sensor neyropatiyani chaqirishi mumkin, shu bilan bir vaqtda 200 mg dan katta sutkalik doza folat kislotasini tanqisligini, respirator kasalliklar va dermatozlarning turli xillarini chaqirishi mumkin.

Magvit B6 ni tabletka tarkibiga kiradigan komponentlarga yuqori sezuvchanligi bo‘lgan patsiyentlarga buyurilmaydi. O‘tkir buyrak yetishmovchiligi, gipermagniyemiya (magniyni qon plazmasidagi darajasi yuqori), B6 gipervitaminoz, atrioventrikulyar blokada, og‘ir masteniya (gravis miasteniyasi), parkinsonizm, dekarboksilazani periferik ingibitori levodopani ishlatmasdan L-digidroksifenilalaninni bilan davo olayotgan, gipotenziyaning og‘ir shakli, me’da-ichak yo‘llarida so‘rilishni buzilishi bilan bog‘liq kasalliklar, diareya bilan og‘rigan patsiyentlarda qo‘llash tavsiya qilinmaydi.

Tetratsiklinlarni peroral qo‘llanganda, ularni me’da-ichak yo‘llaridan so‘rilishini kamayishi sababli antibiotik va Magvit B6 ni qabul qilish o‘rtasida 3 soatlik intervalga rioya qilish kerak. Yurak va buyrak kasalliklari bo‘lgan patsiyentlar ushbu dori preparatini qabul qilishdan oldin o‘z davolovchi shifokorlari bilan maslahatlashishlari kerak. Dori vositasini nahorga qabul qilmaslik kerak, chunki u diareyani chaqirishi mumkin. Kam uchraydigan fruktozani nasliy o‘zlashtiraolmaslik, glyukoza-galaktozani kam so‘rilishi yoki saxaroza-izmaltozani tanqisligi muammolari bo‘lgan patsiyentlar Magvit B6 dori vositasini qabul qilmasliklari kerak. Homiladorlikda va emizish davrida qo‘llanilishi. Hozirgi vaqtgacha dori vositasini homila uchun xavf chaqirishi noma’lum, chunki odamlarda keng qamrovli va yaxshi nazorat qilingan tadqiqot o‘tkazilmagan. Shu boisdan qilib, dori vositasini homilador va emizikli ayollarda ishlatishni har bir patsiyent uchun shaxsiy tarzda ko‘rib chiqish lozim. Transport vositalarini, mexanizmlarni boshqarish qobiliyatiga ta’siri. Dori preparati jismoiny va aqliy ish qobiliyatini, avtotransportni haydash yoki harakatdagi mashinalarni boshqarish qobiliyatini yomonlashtirmaydi. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 25°S dan past haroratda saqlansin. Original o‘ramda saqlansin.

Dori vositasini tavsiya qilinganidan oshadigan dozada uzoq qo‘llash nojo‘ya samaralari bo‘limida ta’riflangan simptomlar bilan birga kechishi mumkin. Alkaloz yoki sutli-ishqoriy sindromi natijasida ham arterial bosimini pasayishi, mushak holsizligi, sezuvchanlikni buzilishi, oyoq-qo‘llarda og‘riq, pay reflekslarini bo‘lmasligi, qiyinlashgan nafas va aritmiya paydo bo‘lishi mumkin. Dozani oshirib yuborilishi hollarida peroral yoki vena ichiga gidratatsiyani (og‘ir hollarda 0,9% natriy xlorid eritmasini) ta’minlash lozim. Furosemid yoki boshqa diuretiklarni bir vaqtda yoki yo‘qotilgan suyuqlik to‘ldirilgandan keyin darhol yuborish lozim. Yaxshilanish bo‘lmagan hollarda kaltsitoninni yuborish lozim. Qonda fosfatlarning kontsentratsiyasi past va buyraklari sog‘lom bo‘lgan patsiyentlarga fosfatlarni peroral buyurish mumkin.

Retseptsiz

Polietilen qopqoqli, ochilishdan himoyalangan, himoya halqasi bilan jihozlangan polietilen flakon (HDPE). 50 tabletka (1 o‘ramda 50 dona).

2 yil.