jigarrang rangli “1” o‘lchamli qattiq jelatin kapsula. Kapsulaning ichidagisi: sariq rangli kukun

Jigar kasalliklarini davolash uchun qo‘llanadigan vositalar, lipotrop vositalar. Gepatoprotektor.

A05VA03

Silimarinning asosiy ta’sir etuvchi moddasi bo‘lib silibinin hisoblanadi. Klinik tadqiqotlar, silimarin ovqat hazm qilish yo‘llarida so‘rilganidan so‘ng, u asosan, safro bilan (so‘rilgan miqdorining 80% dan ko‘proq qismi) chiqarilishini ko‘rsatdi. Uning metabolitlari, glyukuronidlar va sulfatlar safroda aniqlanganligi sababli, silibinin dekon’yugatsiyadan so‘ng qayta so‘riladi, so‘ngra esa ichak-jigar qon oqimiga tushadi degan xulosaga kelindi va bu hayvonlarda o‘tkazilgan eksperimentlarda namoyish etilgan. Silibinin asosan biliar yo‘l bilan chiqarilishi (faollashadigan joyi: jigar) dan kelib chiqib, shuni taxmin qilish mumkinki, qonda silibininning darajasi past, siydik bilan chiqarilishi esa katta emas. Yarim so‘rilish davri 2,2 soatni tashkil etadi, yarim chiqarilish davri esa – 6,3 soatni tashkil etadi. LЕGALON® 140 terapevtik dozalarda (140 mg silimarin kuniga 3 marta) qo‘llanganida odamning safrosida silibininning miqdori bir marta qabul qilingandan keyin ham, ko‘p marta qabul qilingandan keyin ham bir xil bo‘ladi. Bu silibinin organizmda to‘planmasligidan dalolat beradi. Silibinin 140 mg dozada, kuniga 3 marta takroran yuborilganidan so‘ng, biliar yo‘l bilan chiqarilishi barqaror darajaga yetadi.

Jigarni toksik shikastlanishi: jigarni surunkali yallig‘lanish kasalliklari yoki jigar tsirrozi bo‘lgan patsiyentlarni samarasini bir maromda saqlab turuvchi davolash uchun qo‘llanadi. Izoh: LЕGALON® 140 bilan davolash jigarni shikastlaydigan toksik agent (masalan, alkogol) ning ta’siri bartaraf qilingan holdagina samaralidir.

Boshqa ko‘rsatmalar bo‘lmasa, kattalar va 12 yoshdan oshgan bolalarga 1 kapsuladan sutkada 3 marta qabul qilish tavsiya etiladi. Kapsulalarni butun holda, chaynamasdan, yetarli miqdordagi suyuqlik bilan birga yutish kerak. Davolash kursining davomiyligini shifokor kasallikni kechishi va xarakteriga qarab, individual ravishda belgilaydi.

Dori vositasining nojo‘ya reaktsiyalarini rivojlanish tez-tezligini baholash mezonlari: juda tez-tez (≥ 1/10), tez-tez (≥ 1/100, < 1/10), tez-tez emas (≥ 1/1000, < 1/100), kam hollarda (≥ 1/10000, < 1/1000), juda kam hollarda (< 1/10000). Kam hollarda quyidagi nojo‘ya samaralarni kutish mumkin: Ovqat hazm qilish yo‘llari tomonidan: ko‘ngil aynishi, qusish, dispepsiya, yengil diareya. Nafas tizimi tomonidan: hansirash. Siydik chiqarish tizimi tomonidan: diurezni kuchayishi. Immun tizimi tomonidan: juda kam hollarda o‘ta yuqori sezuvchanlik reaktsiyalari, shu jumladan teri toshmalari, qichishish; noma’lum chastotada anafilaktik shok rivojlanishi mumkin. Juda kam hollarda mavjud bo‘lgan vestibulyar buzilishlar kuchayishi mumkin.

LЕGALON® 140 preparatini dog‘li rastoropsha mevalariga, preparatning boshqa komponentlari yoki to‘ldiruvchilariga o‘ta yuqori sezuvchanligi ma’lum bo‘lgan shaxslarga qo‘llash mumkin emas.

Silimarin maksimal yuqori dozalarda peroral kontratseptivlar yoki estrogenlar bilan davolashni o‘rnini bosish uchun qo‘llanadigan preparatlar bilan bir vaqtda qo‘llanganida, oxirgilarining samaradorligi pasayishi mumkin. Silimarinni tsitoxrom R450 tizimiga ta’sir qilishi tufayli, diazepam, alprazol, ketokonazol, lovastatin, atorvastatin, vinblastin kabi dori preparatlarining samarasini kuchayishi ehtimoli mavjud.

Homiladorlik va laktatsiya Homiladorlik va emizish davrida preparatni qo‘llash samaradorligi va havfsizligi yuzasidan ishonchli ma’lumotlar yo‘qligi tufayli, uni toifadagi patsiyentlarda qo‘llash mumkin emas. Preparatni bolalarda qo‘llanishi Preparatni bolalarda qo‘llash samaradorligi va havfsizligi yuzasidan yetarli ma’lumotlar mavjud emas. Preparatni 12 yoshdan kichik bo‘lgan bolalarga qo‘llash tavsiya etilmaydi. Mexanik harakatlanish vositalarini boshqarish va harakatdagi mexanik moslamalarga xizmat ko‘rsatish qobiliyatiga ta’siri Preparat mexanik transport vositalarini boshqarish va harakatlanayotgan mexanik uskunalarga xizmat ko‘rsatish qobiliyatiga ta’sir qilmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

25oS dan yuqori bo‘lmagan xaroratda saqlansin.

Dozani oshirib yuborilish yoki zaharlanish belgilari yoki simptomlari qayd etilmagan. Yuqorida ta’riflangan noxush samaralari kuchayishi mumkin. Maxsus zaharga qarshi dori ma’lum emas. Zarurat bo‘lganida, simptomatik choralarni qo‘llash tavsiya etiladi.

Shifokor retseptisiz

Har biri 10 kapsuladan iborat bo‘lgan PXV/al. blisterlar ma’lumot varaqasi bilan birga karton qutiga joylangan. PVX/alyumin blisterlar karton qutilarga joylangan. O‘ramlarning o‘lchami: 20 kapsula (10 kapsuladan x 2 blister), 30 kapsula (10 kapsuladan x 3 blister), 60 kapsula (10 kapsuladan x 6 blister).

5 yil. Yaroqlilik muddati tugagan preparat o‘rnatilgan tartibda yo‘q qilinadi.